ديوانيه الهبه.. بيتنا العووود ..حياكم

[<miss botamba>]

http://www.youtube.com/watch?v=u7ka6aypy7y






i think we need this tutorial

ههههه انا هذا ميك ابي اذا ابي احط ميك اب بس انا ما احط فاونديشن احس بشرتي ماتحتاج كل يوم بس بلاشر برونز و بلاشر مشمشي و بدون بعد شادو

 

[PuPa^^SWeeT]

انتي نفسي


انا استخدم حماية من الشمس


مو فاندويشن

 

[<miss botamba>]

^^^^

ههههه لا انا ما احط سن بلوك بس مرطب

 

[PuPa^^SWeeT]

http://www.youtube.com/watch?feature=endscreen&NR=1&v=Fl0mr4L8uJA




لاا انا لازم سن بلووووك


لأنه كله بالشمس


من حصة لي حصة لازم تعبرين الساحة و الظهر الشمس تحرق الويه

مع الوقفة بالفرص و اخر الدوام

 

[PuPa^^SWeeT]

بس السن بلوك ماله لووون




يعني ماياثر

 

[<miss botamba>]

انا حتى المرطب اوقات ما احطه الا اذا ويهي صار حراشف


امبيه لايطوفكم تاغ باليوتيوب اسمه My Boyfriend Does My Makeup

اغلب الڤلوغيرز يايبين ربعهم يبدعون فيهم بالميك اب

للحين شفت فيديوين مت من الضحك

 

[<miss botamba>]

سوسو اهداء لج تعلمي من الناس البرفيشينال

http://www.youtube.com/watch?v=QNXObVGQ3TQ&feature=related&noredirect=1

 

[Melazlaza]

قوة يا حلوين
سوسو وينج غاطة
كله من مرات ابني مخربطة يومج
ده انا حزنبها لو ماسمعتش الكلام




عندي استفسار بنات
انا حامل كرشي بارز
بروح عرس وخذت نفنوف اسود قصير اهوا سادة وفيه حزام ضعيف نفس خامته عالخصر
بعرف شنو البس هيلاهوب معاه؟
ومن وين؟
وادري كل الالوان تمشي معاه فبطقم كعب واكسسوارات ومكياج الي عندها افكار بعد عفية فيدوني

 

[noody a&a]

نوووووودي توقيعج وااااو
ياتني فتره كنت متولعه باغاني عبدالكريم:eh_s(22)::eh_s(22):

:eh_s(7):

أول صورة اينن والجنطة تهبل أحب هالألوان

2- عندي بليزر لون كاميل أغمج و مفكرة ألبس وياه أحمر الغاني ..

3- عندي نفس هالبنطلون بس ماأبي وياه بيج أو أبيض مع اني مفصلة بلوزة أوفر سايز أوف وايت بترتر خامتها شيفون وبخاطري أغير

هالايام هابه بهالتسريحه

عاجبني مكياجها

ويها اينن

وبالنسبة للمشروع

أول شي وأهم شي تكونين حابة هالشغلة

وحلو فكرته بسيطة بس اذا مو متفرغه بتتعبين

لان بياخذ منج جهد كبير جسدي ونفسي خصوصا اذا كنتي من النوع الحريص

وتقدرين هم هني تاخذين لج عضوية وتعرضين شغلج وابدي عالخفيف شوفي شنو الاشياء اللي ماتكون متوفرة

أو الموضة وقارني اسعارها بالسوق بحيث ان تكون على الاقل نفس سعر السوق

واكيد تعرفين هالاشياء

موفقه يارب

:eh_s(7):

 

[<miss botamba>]

عندي استفسار بنات
انا حامل كرشي بارز
بروح عرس وخذت نفنوف اسود قصير اهوا سادة وفيه حزام ضعيف نفس خامته عالخصر
بعرف شنو البس هيلاهوب معاه؟
ومن وين؟
وادري كل الالوان تمشي معاه فبطقم كعب واكسسوارات ومكياج الي عندها افكار بعد عفية فيدوني

انا اقول دامج حامل وبالاشهر الاخيره خلج كلاسيك مو حلو الوان فنكيه حق السهره

الهيلاهوب خليه اسود شفاف او اسود دانتيل

اذا تلاقين كعب ليبارد يطلع حلو او عنابي

اووو اذا هيلاهوب شفاف اسود و كعب فيه احجار هم يكون حلو

والاكسسوار خليه يكسر يا فيه حجر اخضر او احمر افضل من ان يكون ساده

شعرج اذا للجتف سويه ويفي وفرق عالجنب و جنب مشدود لي ورا او اذا طويل كبه بس المفرغه الحين هابين فيها بعد


نفس هذا بس تكون بقمه الراس

الميك اب خليه ناعم

 

[<miss botamba>]

:eh_s(7):
2- عندي بليزر لون كاميل أغمج و مفكرة ألبس وياه أحمر الغاني ..

3- عندي نفس هالبنطلون بس ماأبي وياه بيج أو أبيض مع اني مفصلة بلوزة أوفر سايز أوف وايت بترتر خامتها شيفون وبخاطري أغير

جربي الفوشيا او الاصفر :rerrerek:

 

[Melazlaza]

بعد عمري بوتمبة مشكوووورة عالاجابة ااسريعة
شكلي باخذ هيلاهوب شفاف وعندي شبكتي فيها حجر عنابي تهقين البسها؟

شعري لي جتفي وبقص قذلتي لي الحاجب مرة سويتها وضبطت وياي
مادري شلون بروح لووووول واصلة حدي
خو سوسو تدري عني لقبي حالياً(الكرة مدورة )

 

[<miss botamba>]

^^^

اي لبسيها

ورزي الكرشه

 

[noody a&a]

^^^

البنطلون اللي بالصوره الثانية اللي ماسكة جاكيت لوبارد

لونه تان وخامته حرير

موحلو فوشيا ولا أصف لان لونه كلاسيك وماابي احمر بيصير كله احمر وتان او كاميل

اذا عندج ستايلات بالالوان اللي قلتيها بليز ماعليج امر متى ماتفرغتي حطيلي

عادي موشي ضروري الحين اهو للصيف

:eh_s(7):

 

[Chocolate.]

يهبل البوست بوتمبه
الوانه تشوق وناعم

رورو اذا وقتج يسمحلج وحابه هالشغله ليش لا
بس المهم تحبينها

 

[Chocolate.]

سوسو وين احصل فرشة الرسم على الاظافر

 

[<miss botamba>]

^^^

البنطلون اللي بالصوره الثانية اللي ماسكة جاكيت لوبارد

لونه تان وخامته حرير

موحلو فوشيا ولا أصف لان لونه كلاسيك وماابي احمر بيصير كله احمر وتان او كاميل

اذا عندج ستايلات بالالوان اللي قلتيها بليز ماعليج امر متى ماتفرغتي حطيلي

عادي موشي ضروري الحين اهو للصيف

:eh_s(7):

للاسف حاليا ماعندي ادورلج

بس شايفته على لوكات وكان عاجبني وقبل جم يوم كنت قاعده اسوي الكبت وسويتلي لوك مع الفوشيا طلع يهبل

والاصفر كنت شايفته مع ليبارد عجييب يعني فيه نفس الوان التان و الكامل

 

[<miss botamba>]

سوسو وين احصل فرشة الرسم على الاظافر

تقدرين تستخدمين فرش الالوان الزيتيه

 

[سوسو حبيبتى]

رورو احلي مشروع انا لوبالكويت كان اشتركت معك :rerrerek:

بس اقول لك على فكرة حلوة .. الاول شوفي اصحابك ومعارفك يعني هايشتروا والا لا

وسوي لك جروب ع الفيس بوك وحطي فيه الصور والاسعار عشان ماتتعبيش راسك

وممكن تخلي الشراء عن طريق الجروب والى تحب تشوف البضاعه تيجي البيت

او تعملي اوبننج داي مرة فالشهر ..وناااسه

Mini Bounty هلا حبيبتي

البيس كوت هو الطبقه الى تنحط اول شي قبل المانيكير عشان تحافظ ع الاظافر وهي مهمه

والتوب كوت الى ينحط فوق المانيكيربعد ماتخلصي كل شي عشان تحافظ ع اللون وتعطي لمعه

البيس كوت اهم من التوب كوت ..والاتنين بيكون لونهم شفاف

ولو حابه ظوافرك تتطول فى مليون وصفه اختاري الى تعجبك وتريحك

انا صراحه مليش صبر ع الووصفات وبقالي اسبوع بعالج اظافري لانهم ادمروا

بحط لهم علاج من الصيدليه شوي وانزل لك صورته

بوتمبا دام ينباعو بالكويت خلااص المره الجايه تيجبهم لى معاكي لووول

بنات لااازم الصان بلوك من اهم الاشيا للبشره

:krkrkr:بوتمبا امبييييييه انا شايفه قبل كدا فيديو البنت الى بتسوي لوكات شبه الممثلين

الى سويت انجلينا جولي عرفتيها ؟؟

بخلي رييلي يسوي لى بس ان شاء الله يوافق هههههههههههه

ملزلزة اسكتي والله اليوم غبره وقرف وطلعت ع اللاند مارك اللعب سوسو جننت اهلي

دة غير الزحمه ..اوووف كرهت حالي

شوكليت اى فرشه تقصدين الفرشه الى بتيجي لحالها ؟؟

والله يختي مااعرف لوحصلتيها اشتري لى واحدة معاكي بس موجودة بامازون

او شوفي فى المكتبات صووب فرش الاطفال والمدارس

 

[سوسو حبيبتى]

دة المنتج الى قاعدة استخدم لاظافري ادعوا لى يرجعوا زي الاول

ودة جروبهم ع الفيس بوك وتقدروا تسالوا عن اى شي ويردوا عليكم
http://www.facebook.com/Foltene

واعتقد متوفر بالصيدليات انا كنت مشترياه من صيدليه من مصر

الدكتورة كانت وصفاه لسوسو لانه اظافر رجليها ماكنوش طالعين والحمدلله اتحسنوا