ديوانيه الهبه.. بيتنا العووود ..حياكم

[noody a&a]

رورو

الثوم مجربته صح ينبت ويرد يطيح

مغسلتي بيضا فلما ايي امشط شعري بشوف شكثر يطيح

كله بيبي هير اللي توه نابت

والزراعه لأ أخاف صراحه ومو فراغات كبير مثلا مساحه اللي ينفع معاي الزراعه لا

والتونيك

صراحه من كثر ماجربت صرت امل ومااثق ومخليتها على رب العالمين

مافيني اي نقص فيتامين ،، وينبت شعري بس

يرد يطييح

الله المستعان

 

[سوسو حبيبتى]

بلوق وااااايد حلووو

شوفوا ماراح تخسروا..

وكاتبه مقارنه بين الزيت الى انا سالت عنه موراكو اويل وبين زيت تاني اعتقد اسمه اركان اويل؟؟؟

بس ماادري وين ينباع ؟؟

 

[سوسو حبيبتى]

http://brokeandchic.com/category/hair-makeup/

اهوا اللينك

 

[رورو 88]

نودي انتي يمكن وراثه

واذا فروه راسج دهنيه ترى بيطيح شعرج لو شنو سويتي حطي طين على الفروه

وعالجي الفروه اهيا الاساس لان الدهون اطيح الشعر

اذا نوعج مااتخافين الزراعه اهيا الحل الاكيد في نوعين سامعه

ياخذون من شعرج نفسه ويزرعونه او يزرعون شعر طويل من برا

يعني ما تنطرين يطول بس اتقصينه

وقولي بسم الله البديع قبل مااتحطين اي شي

 

[سوسو حبيبتى]

سوسو

اهي مجرد فكر وبخاطري اغير

بالنسبة لشعري في مشكلة ازلية محد عرفها لكني مقتنعه فيها ودايما اقولهم

ان سبب تساقط شعري وخفيف هو سبب فطري لوووووووووووول

لا جد من الله خلقني انا شعري خفيف بس التساقط من كبرت صرت بال20 21 يتساقط وكل ماله يزيد

يتحسن شعري لما اعالج فتره كبيرة يعني لازم مااترك العلاج ولا يرجع نفس ماكان يتساقط

ماله حل غير اني اظل على العلاج طووووووول عمري

ومرات امل اتعب اقول بالطقاق خل يطيح شسوي

مابقى شي ماحطيته بشعري

زيوت سدر حنه صبار تونيكات من برا كل شي سويت مافي فايده انه يتحسن مجرد وقت العلاج ووقت مااترك اريح يرجع ولا جني سويت شي

سبحان الله انا نفس المشكله ... اخد العلاج شعري يتظبط ويطلع لى شعر نونو .. بس اول ما اوقف

ترجع ريما لعادتها القديمه :eh_s(11):

ورييلي احباااط يقول لى كله نصب.. انا عارفه ان مشكلتي وراثه .. بس اكابر واحاول


وصج اكتر شي استفدت منه اهوا اكرينكال بس يبي له استمرار والانبولات رائعه بس غاليه

والكمينونوموتو مرة روحت اشتريه الصيدلي قال لى انصحك سورسير احسن منه ..وصج

جربت سورسير حلوو بس كمان يبي له صبر ..

واكتر كريمات استخدمتها وحست انها حلوة.. فاشكول بالثوم ..

وخلطات البيت ماابي احد يتريق .. اخلط زبدة لورباك مع زيت زيتون مع زبادي مع عسل

لوووول طبخه... روووووعه ....... ومين يومين اتهورت وحطيت بيضه .. سمعت دكتورة تقول البيض نفس الكرياتين واحلي..

صراحه حلوو ونعم شعري بس مشكلتي بقرف :eh_s(16):

 

[noody a&a]

الشغله هذي مو وراثه

امي واهلها كلهم شعووووووووووووور

وابوي واهله هم شعووووووور

وخواتي زينة شعورهم

القهر تدري شنو

ان انا من كنت صغيره اهتم بشعري دهن وحنه ويطيح واهم مايهتمون بشعرهم لا يدهنونه ولا يحنونه

اقصى اختمامهم البلسم

صح اذا الجذور دهنيه يطيح الشعر

وقمت احط سدر لمده 3 اشهر ورا بعض

بالاسبوع يوم حنه يوم سدر يوم زيت


الجذور ظلت مثل مااهي والاطراف نشفت

الحنه حل مؤقت

الحين جذوري دهنية والاطراف ناشفه

ماادري شسوي

الزراعه لا انسي ماابي

 

[noody a&a]

البيض زين قابض للمسامات ماادري شسمهم يعني يقلل من التساقط بس بالاول لازم تهتمين بالانبات تالي تسوين قابض

وانا عادي ماتلوع جبدي ولا أقرف عادي عندي

احط زيت فلفل بيض جرجير كل شي كل شي

من كثر اللي حطيته وجربته صرت خبيرة خلطات شعر



لوووووووول

 

[رورو 88]

اي جذورج دهنيه عشان جذي

حطي الطين اللي ايي بانواع فضه نحاس لولو اللي يسوونه جاك ديسانج

وصالونات الشعر ويبيعونه وجنا في صيدليات تبيعه مو متاكده

كل واحد حق مشكله فروه دهنيه او جافه او حساسه او ملتهبه

ومو اتقولين شي صعب مجرد اتحطينه قبل السبوح وخلاص

احس احسن من اللويه والحنه والسدر

ومعروف الطين حتى الويه ينشفه

 

[سوسو حبيبتى]

http://www.youtube.com/watch?v=FftJhixkgoo&feature=mfu_in_order&list=UL

وهذي البنت يااااااربي تهبببل كانها لعبه

 

[<miss botamba>]

نودي اذا انتوا وراثه شعر خفيف لا اتعبين نفسج

يا تزرعين يا اتخلينه على طبيعته

او تلتزمين بعلاج طول عمرج ماتهدينه


والحنه ترا تنشف الشعر وايد خليها بالشهر مرتين بس

والزيوت والعلاجات خليها بس للفروه (الزيوت خليها مره بالاسبوع و طبعا العلاجات على حسب في شي كل يوم وفي شي يوم وترك)

و الكوندشينير اشتري نوع زين و للاطراف بس (انا احب بانتين الي بزهره الاكاسيا و لوريال الوردي و هيربل الازرق الي على جوز هند و مال بوتس الي على عسل وقمح) هذول مع شعري وااايد ممتازين

واذا فروتج دهنيه في شامبو فيتشي بالصيدليه زين وهم بالحواي شامبو فازلين و شامبو سيبا ميد هم يعتبر طبي و شامبو تريسيمي و شامبو بانتين الي نفس الكوندشينير و شامبو بوتس الي نفس الكوندشينير


انا هذول الف عليهم واذا بغير استعمل دوف

عموما انتي نوعي فتره خلي شامبو الي كريمي و مرات الي يكون نفس الصابون السائل

 

[سوسو حبيبتى]

نودي... عسي ربي يشفي لك شعرك يااااااااارب

لو تقدري تروحي مصر بقول لك على اشطر دكتورة ممكن تكوني قابليتها بحياتك ..... اسمها ناديه صالح.

صج صج الى بيروح مصر وما يروح لها .. كأنه ما شاف الاهرامات ههههههههه

 

[سوسو حبيبتى]

هيربل الازرق .... غراامي

 

[<miss botamba>]

رورو والبنات ..


ابي فيديو باليوتيوب يشرح لى الخطوات من اول ما اطلع من الشاور كيف اسوي شعري..

كان فى بنت اتفرجت عليها من قبل .. تسوي كل الخطوات ...

ورورو سوال..؟؟ انا شعري شووي فيه ويفي من عند ربنا ... هل لازم اعمله الاول ستريت وبعدها اعمله كيرلي او ويفي؟؟

والا اشتغل ويفي على طول؟؟؟ بدون سشوار الاول؟؟؟

شوفي انا بالنسبه لي شعري ناعم

اغسل بالشامبو وبعده احط كوندشينير

بعدين اخلي عليه الفوطه لمن ينشف 70%

بعدين ما احط عليه ولا شي بس بخاخ حمايه وانشفه بالهوا لمن ينشف 100%

وامشطه بمشط عادي

يصير عادي شكله ناعم بس شوي نافش علشان من الصبغ

فاسويه على طول بالفير ما اسويه ستريت ويطلع زين

بالصالون نفس الشي يسوون لي يكون فيه ماي ويسشورونه خفيف مجرد تمشيط دقيقه عرفتي

فانتي حسب خشونه ونعومه الشعر

اذا ناعم خليج عالمشط و الهوا بدون ستريت

واذا شوي خشن لازم سشوار كامل قبل الفير

بس اذا الشعر ويفي و ناعم لا عادي اشتغلي على طول بصير طبيعي

اذا حق مناسبه اوكي سشوريه خفيف

 

[noody a&a]

بالنسبة للشامبو اول كنت هيربل اول ماطلع كنت اشتري من مركز سلطان مو موجود بالجمعيات كان الاصلي النجليزي تالي دوف وسانسيلك ومجموعه من اللي بالدعايات

استخدمت تريسمي وعقب غيرت نصحتني اللي ببوتس ب شامبو من عندهم البطل شفاف والاستيكر خضراومعاه الكونديشينر وتالي رديت على تريسمي ودوف ومره واحد اخضر نسيت اسمه شي فروتيكا شي جذي

والحين صارلي فتره استخدم شامبو مرتاحه نسبيا من الحواي وموجود بالجمعيات اسمه صحت في بالسدر وفي بالحنه

احسة طبيعي لانه ينشف الجذور لمدة يوم ونص لوووووووووول

لان اول كنت يوميا اغسله لانه يدهن جني صارلي دهر موسابحه

والتساقط اللي فيني وخفت الشعر مو وراثه

بس قاعده افكر هل ممكن

يعني هل كيف

اقد هل ممكن انه يكون من النفسية والتفكير؟؟؟؟؟؟؟؟؟؟؟؟؟؟

إذا جذي على الدنيا السلام

 

[زبــــــــدة]

بنااااات شنو البس حق البر

باجر بروح الافنيوز افتر وادورلي

لان بروح مع اهل ريلي اول مرة خخخخ براس السنه

ومادري شنو الستايل اللي البسه

قولولي بليييز

 

[رورو 88]

على طاري الشعر شوفوا موضوعي هذا وفرفشوا ادري عبيط لوول

http://www.q8yat.com/t988536.html

 

[<miss botamba>]

http://www.youtube.com/watch?v=FftJhixkgoo&feature=mfu_in_order&list=UL

وهذي البنت يااااااربي تهبببل كانها لعبه

السبراي مال غارنيه وايد vloggers يستعملونه

والزيت والماسك الاخيز زيت ارغان

والسيت الي حطيتيه هم زيت ارغان


انا قاعده استعمله لجسمي بدال البيبي اويل وايد حلو وتمتصه البشره اسرع من البيبي اويل

 

[دآيم آلحب]

بناااااااااااااات قاعده احس اني طوفه

اكتبلكم وماتردون حسيت اني ضيفه ثقيله

 

[noody a&a]

دايم الحب

شدعوا لا عادي

ياماشافو او محد عرف الاجابة

عن نفسي ماادري شنو سؤالج

 

[رورو 88]

زبده وينج غاطه ممم لبسي سكيني قامج مع بلوزه وسيعه الصوف الخفيف

وشال عالرقبه طويل او vest فرو مع بلوزه وجينز



دايم الحب لا حبيبتي بالعكس كلنا نساعد بعض بس يمكن محد عرف

شنو سؤالج ما انتبهت