السلام عليكم
الأخت العزيزه كويتيه
كل الشكر لثقتج فيني لطلبج ارد على موضوعج
عزيزتي
انا مارح اسألج انتي ليش خارج الديرة او تبين الهجرة
فهذا شي يخصج
بداية،،
أتمنى من كل اخت عزيزه ما ياها النصيب لي الحين انها ماتقول عن روحها عانس
اللي تكون يائسة من انه مارح يجيها النصيب تقول عن روحها هذي الكلمة
والناس اللي يقولون هذي الكلمة لاي وحده غير متزوجة وعندهم جملة انه طافها القطار
للأسف ما يعلمون انه هالشي بايد رب العالمين
دايم دوم نقول انه كل انسان بهالدنيا ياخذ نصيبه المكتوب له من رب العالمين من ولادته لي يكبر سواء في الزواج أو وظيفه أو انجاب ذرية صالحة وغيره،،،،
أهم مافي الموضوع (القنــــــــــــــــــــــاعة)
كوني قنوعة بالشي المكتوب لج وقولي الحمدالله في كل وقت
وقتها صدقيني رح تعيشين أحلى حياة
ولا تستعجلين على نصيبج
يعني على سبيل المثال
وحده من البنات تعاني من عدة مشاكل في حياتها سواء في البيت او خارج البيت
وحاطة في بالها انها اذا تزوجت من اي شخص يتقدم لها مهما كان انها رح تتخلص من المشاكل اللي تعاني منها
للأسف هذا اعتقاد خاطيء
والزواج مو دايما يكون الحل للهروب من مشاكلنا
المفروض كل وحده فيما لازم تحاول جل أي مشكلة تواجهها
وماكو مشكلة مالها حل بهالدنيا
هذي الحياة ياخواتي فيها الكثير من الدروس والعبر اللي لازم نتعلم منها من بعد كل موقف وكل صدمة مرت علينا حتى تقوى شخصيتنا ونصير مثل حاجز قوي لصدّ كل ضربة قاسية أو مشكلة كبيرة مرت في حياتنا حتى ماتأثر علينا ولو كانت المشكلة كبيرة مع قوة شخصيتنا رح يكون تأثيرها علينا خفيف
لازم نحاول نحل مشاكلنا بروحنا لانه ممكن ما نلاقي يد العون حتى تساعدنا في حل مشاكلنا اللي نعاني منها
وأفضل حل اهو اللجوء الى الله عز وجل بالدعاء والاستغفار وطلب العون منه ومن ثم الاعتماد على النفس اللي لازم نزرع فيها الأمل والتفاؤل
واذا اليوم مريتي باصعب لحظات حياتج واقساها باجر باذن الله رح يكون افضل
رح اتكلم الحين بالنسبة لموضوع الزواج
شي طبيعي كل بنت تفكر بهذا الموضوع وتفكر بمستقبلها
بس اهم شي انها ما تركز التفكير بموضوع الزواج وتصير تقول:
متى اتزوج؟؟
خلاص كبرت
خواتي ورفيجاتي تزوجوا وانا لأ
أختي العزيزة
شيلي هالتفكير من راسج وتوكلي على الله اللي رح يرزقج في يوم من الايام بالزوج الصالح مهما كان عمرج
وحاولي تسعدين نفسج
اشغلي وقت فراغج بالشي اللي تحبينه
اقرئي قرآن وبعض الاذكار
اذا عندج موهبة حاولي تنميها
ماعليج من كلام الناس اللي يقولون ليش ماتزوجت لي الحين
لانج اذا استسلمتي لكلامهم رح يسبب لج احباط
هالشي مو بايدنا
هو بيد الله سبحانه وتعالى
فكري بنفسج
فكري في حياتج
ترا الحياة حلوة
وان شاءالله الفرج ياي عن قريب
وعسى ربي يرزق كل بنت بالزوج الصالح اللي يسعدها ويهنيها
أختكم
نهى الأحمد
انا من نوع احب فرفشه ماحب روتين حياتي مثل ما اهي 
