ديوَانُ الْشَّاعرُ مُحَمَّد بْن فُطَيْس المُريّ

[سمو الجمال]

بزغ نجمه في زمن تشابهت فيه الكلمات و القصائد
واصبح [ الشعر ] لا لون له ولا رائحه ولا نكهه
نشر في وقت متأخر ف سبق من قبله و وصل للقمه بعذوبه كلماته ورقه قصائده
استحق المركز الاول بجداره في شاعر المليون لعام 2007


اسمه :
محمد بن حمد بن فطيس المري
يعرف فالساحه الشعبيه بإسم ( محمد ابن فطيس ) فقط


ميلاده :
سنه 1978


عمله موظفاً ادارياً بأحد المراكز الصحيه بدوله قطر
ينتمي إلى قبيله مرّه القبيله العربيه المعروفه
حاصل على شهادة دبلوم في الاداره


بدايته الشعريه إنطلقت فعلياً عام 2001
اطلق عليع العديد من الشعراء العديد من الالقاب و من ابرزها ( خليه الشهد )
أطلقه عليه الشاعر و الاعلامي المعروف / فالح العجلان
كما أطلق عليه الشاعر الكبير حمد السعيد ( المحيط الهادئ )

وهو كذلك لقصائده مفعول السحر على العقل و القلب نحفظها و نرددها لا شعورياً
ذلك لانها خرجت من القلب فوصلت الى القلب



له العديد من المشاركات الشعريه بالمهرجانات الخليجيه و العربيه منها :
* مهرجان الدوحه الثقافي الثاني و الثالث بقطر
* مهرجان الخالديه العربي للشعر الشعبي فالمملكه الاردنيه الهاشميه
* مهرجان النعيريه الاول فالمملكه العربيه السعوديه
* مهرجان حائل الاول للشعر الشعبي السعوديه
* معرض الصيد و الفروسيه السنوي في الامارات العربيه المتحده

المُشاركات التلفزيونيه :
* برنامج بحور القوافي 2004
* برنامج يسعد صباحك في الاردن 2003
* برنامج بحور القوافي 2005
* برنامج شاعر المليون 2007
​

 

[سمو الجمال]

وش قومك وش فيك وإلا علامك
.................... قد لك معي كم يوم و أعلومك أعلوم

وأنا أدري أني يآ مرآمي مرآمك
.................... لو تقعد الدنيآ و لآ تقدر تقوم

عطيتني قلب و بخلت بسلآمك
.................... وش فآيدة حبك و أنآ منك محروم

لآ عاد تزعل و أحييني ببتسآمك
.................... ضحكك يزيل أوجاع و جروح و هموم

و كلام عينك مآ يهمش كلآمك
.................... كلآم عينك كوم و حكاك لي كوم

لآغبت عن عيني رح انشد غرآمك
.................... تلقاك في قلبي مقلط و محشوم

بعدين يآ أغلى الناس وفر ملآمك
.................... ترى الغلآ يجفل على كثرة اللوم

دونك خفوقي ممتلي من سهامك
.................... و لآ شكيتك جرحه و قلة النوم

القلب مثل الطير وفر حمامك
.................... إن افلس اقفى لسماء يقلب الحوم

لكن قبل لآ انسى بنبهك دآمك
.................... مسلم و باقي كم شهر و يدخل الصوم

لآ يذبح الموضوع قل اهتمامك
.................... طعني وشف لك شيخ يفتي لك اليوم

مآ ظنتي يآ زين يقبل صيآمك
.................... ريقك عسل علمني و شلون بتصوم ..
​

 

[سمو الجمال]

في كفها خاتم وفي خدها خال ..
..................... وفي عينها غيم وعمارات وبيوت

الخال شفته واضحٍ من ورى الشال ..
..................... والخاتم الماس مرصع بياقوت

والعمر في العشرين كني مانيب زال ..
..................... والجسم كنه من جبل ثلج منحوت

جبل ولكن لا طرقه الهوى مال ..
..................... وخطواتها ماهي بالأمتار بالفوت

ماهي تشوف الشمس من ظل الاظلال ..
..................... ومصيافها ما بين لندن وبيروت

الشمس لو تشرق على جسمها سال ..
..................... كنها مجسم محلبيه وبسكوت

ومن صغر مبسمها شقى حالها الحال ..
..................... ما تاكل الا اللوز والخوخ والتوت

ماهي تشوف الناس تمشي وتختال ..
..................... ومرٍ على جاكور ومرٍ على حوت

وخدامتين وهي بلا زوج وعيال ..
..................... وسمعتها تدعي الدريول يياقوت

وثلاث جوالات ماهو جوال ..
..................... ومن يوم خلقت كل شيٍ بريموت

لكن قلبي مالها فيه مثقال ..
..................... وش قرب البشت الحساوي من الكوت

ياجعلها للي خذت قلبي نعال ..
..................... اللي غلاها عندي الشرب والقوت

حوريةٍ من فوقها الليل شلال ..
..................... كنها صبحٍ فوقها الليل مكتوت

قلبي لها من كثرة الشوق مشخال ..
..................... وللسر عن كل المخاليق تابوت

تنحت لي من الحب في القلب تمثال ..
..................... وحبي لها ينحت على الساحه بيوت

في عينها ماكل رجال رجال ..
..................... وأقصى حدود الوصل في سلمها الصوت

زودٍ على القلب وعلى الحسن من آل ..
..................... روسٍ لهم روسٍ على متونها بشووت

الى رضت موتوا يا أهل روس الأموال ..
..................... وإلى زعلت جربت وش سكرة الموت

من دونها رجلي وراكب وخيال ..
..................... والسيف والأمواج والبحر والحوت
​

 

[سمو الجمال]

الضيقة اللي دايمٍ تالي عصير ..
..................... وش حيلتي وأردها لا تجيني

لا طال ظل العود حزة عشى الطير ..
..................... كنها على سجن الحديد تحديني

يضيق صدري كل ما جات وأسير ..
..................... ولايخفف سوج رجلي حنيني

لا حولنا مشراف ولا اقدر اطير ..
..................... يالله قمسة خير لا تبتليني

وعقارب الساعة توقف عن السير ..
..................... ولاكن في الدوحة سواتي حزيني

والعبره اللي تاصل الحلق وتحير ..
..................... يا قربها لو قيل لي يا عويني

أمل شوف الناس ورد ومصادير ..
..................... واللي يقول اشفيك كنه يهجيني

يعني على ما قيل من باب تصوير ..
..................... (لاحدٍ أبي قربه ولا أحدٍ يبيني)

أروح أدور خط مابه دواوير ..
..................... وأدور اللي هادها تهتديني

وآخذ مع الهاجوس سجة وتفكير ..
..................... وأراجع اللي فات بيني وبيني

وأحسب ذنوبي وأدور التكفير ..
..................... عساي ما قصرت في والديني

وعساي ما قارنت من ينفخ الكير ..
..................... واللي يحمل المسك جعله قريني

ويطري علي يوم الحشر وأطلب مجير ..
..................... ما أعطى كتابي في شقيقة يميني

ويطري علي صدقان كثر الدنانير ..
..................... اللي اتعاديني إلا كثر ديني

وراعي الهروج اللي سوات المناشير ..
..................... أصد عنه وأدري انه يعنيني

الله حسيبه يوم عرض القواوير ..
..................... والله حسبي من صواب مكيني

وإلا طرالي واحد كانه اصغير ..
..................... أم أصغر بيومين ولا سنيني

دريت وش قومي وعينت تفسير ..
..................... للضيقة اللي من زمن تعتليني

حبه بصدري سالفة سر في بير ..
..................... وكن الفواد يقول هذا زبيني

أشفق على علمٍ يجي منه من غير ..
..................... لا يسمع اللي سولفوا به ونيني

يا كثرهم غيرهم ولكن خبر خير ..
..................... ما غير شوفه في الوجود يهنيني

رايي كذا يا عاشقين الغنادير ..
..................... ماله على وجه البسيطه وزيني

العام أجيهم من حساب المسايير ..
..................... واليوم حال عداي وينه وويني

خطاي تعليق الأمل في المدابير ..
..................... الين راح وشفت حقري بعيني

صبرٍ جميل وخابر إنه مقادير ..
..................... والله على تخفيف حزني عويني

ذي حالتي لين اتغبا الشمس واصير ..
..................... معطى سراحي عقب مانا سجيني

واذا امتلى جوف الشجر بالعصافير ..
..................... طلبت من رب العباد يهديني

يعتقني المذن عقب ضيقة عصير ..
..................... اللي على سجن الفراق اتحديني​

 

[سمو الجمال]

بعض العرب حبـه يوردك الجنون
..................... ولا يوصف له غلاه احكاك له

مايقنعه وصف الغلا لـو وش يكون
..................... لو كل حرفٍ بالحرير يحاك له

الموت جـاك وهـو تقلبه الضنون
..................... ولا لك الا الصبر....وش وداك لـه ؟

ان قلت ضايق .. قال : هونها تهون
..................... مايدري ان ضيقتك له وبكـاك له

تقعد تحبه وانـت ساكـت ومغبون
..................... يمكن بيوم يقال لـه ما اوفاك له

وكانك مشكك هو يمون .. او ما يمون
..................... تخيّل ان عفـت الصبر فرقاك له

غلاه من فـوق الغـلا ماهو بدون
..................... وحكاه سمعك يجبرك بارخاك له

ودك تحطـه فالعيـون من العيون
..................... وتبسط على رمضى الثرا يمناك له

وتظله من الشمس في ظل الجفون
..................... يمـر اذنه سوا لبـاك له

وتسج مـن غيره لونهـم يذكرون
..................... ومنين ما سجت القـدم ممشاك له

فلو ٍ يميلـه الترف ميـل الغصون
..................... غصن ٍ ليان ومكرمه بسقاك له

جديله الى اقفى ستـر منه المتون
..................... كنّـي بريحه لالتفت لدعاك له

يزها الملابس ..اي لبس .. واي لون
..................... وفالليل وجهـه لا ظهر قـداك له

كيك وعسل لكن ماهو فـي صحون
..................... ودعاك من عين الحسود اغطاك له

الله لا يعطيه ناس س ينضلون
..................... ويستر عليه من النحل لا ياكله

الوصف والتعبير في وصفه يخون
..................... غير اطلب الله يستجيب ادعاك له

وعذال قلبك في محبته يخسون
..................... سكينهم عـن قطع حبله حاكله

اللي من لحوم الاوادم ياكلون
..................... وحلوقهم دافع البلا متواكله

ناس ٍ عن اعراض العرب ما يعرضون
..................... ودايم على نفس الشكل والشاكله

فـي سلمهم اولا بالاكل الاقربون
..................... واطيبهم اللي صيدته شكواك له

يدعيهم الشيطان للذنب ويجون
..................... هـذا يقطع له وذاك يواكله

يا جعلهم فدوة ثرآ الغض الفتون
..................... اللي على الدرب الطويل اخطاك له

طيفه الى نام البشر زارك بهون
..................... وطيفك الى نام البشر سرّاك له

حبه دفان ومقبرة خضر الطعون
..................... بين العظام العوج كنك ناكله

اللي كذا حبه لو تموت مغبون
..................... ولا لك الا الصبر .. وش وداك له​

 

[سمو الجمال]

العام خلي يسمع القلب لاصاح
..................... واليوم مهما صاح ماهوب مسموع

يوم العهد به حده اسبوع لاراح
..................... اسبوع ويعوّد عليّ شوق ودموع

واليوم خمس سنين والهم مازاح
..................... هم الفراق اللي بلا عذر مشروع

استغفر الله تسعة شهور ياصاح
..................... في غيبتك قمت احسب اليوم باسبوع

ضاع الحساب وشفت برق الجفا لاح
..................... وايست لولا الرجا فيّ مزروع

وحالي نحل والحال ماهو بمنساح
..................... من كثر ما اضما للمواصيل واجوع

بليت فيمن دونه سيوف ورماح
..................... وغدا عليّ وصله مثل حبة الكوع

له مني : ان سره على الناس ماباح
..................... ولي منه : ان الصد غصب بلا طوع
​

 

[سمو الجمال]

البارحة ربي كتب لي ومريت
..................... دربٍ عليه بروق الأحباب لاحت

جيت المكان اللـي جمعنا وخفيت
..................... وقامت جروحي للجوارح وصاحت

ياليتنـي فـي لفـة الـدرب زليت
..................... كان العيون مـن الدمـوع استباحت

التم غيـم الدمـع مـن يـوم لفيت
..................... وورقا القصيد لشوفة الغيـم ناحت

وضحكت ماأبغي الناس تدري يبالفيت
..................... لكنها غصبٍ علـى العيـن ساحت

حارت دموعي في عيوني وصديت
..................... وأرمشت مابيها تبيـن .. وطاحت

وعقبه برق في العين براق .. واسقيت
..................... خـدي ووناتـي بصدري تلاحت

وأنا أحسب إني في فراقـه تشافيت
..................... وان عبرتي من مدخل الزاد زاحـت

اللي يحسب إني على البعـد سجيت
..................... والا ان عيونـي للرقـاد استباحت

ياليتني مـن قبـل لا أحبـه اقفيت
..................... والا ان دروبي عن دروبـه تناحت

أهون علـي مـن البكـا والتناهيت
..................... وأشلا من سدودٍ على النـاس باحت

عرفت كيف الحي يفرق عن الميت
..................... وعرفت قيمة نعمتـي يـوم راحت

قولوله انـي عقـب بعـده تدانيت
..................... ورجلي عن دروب المعافين شاحت

البعد نار وطاعـة العـذل كبريت
..................... يقصر على بعده .. ترى الكبد فاحت
​

 

[سمو الجمال]

ياهل العقول الواعيه والرشيده
..................... المنكر الي عمنا يبغي انكار


اسلامنا واسلوم اهلنا التليده
..................... بنو مابين الحق والباطل جدار


واوطانا صرخة تطور تشيده
..................... في مايخدم المجتمع علم واعمار


وبعض الفضائيات تبغي تبيده
..................... وتنشر مابين اجيالنا الخزي والعار


حرب الجيوش اهون شهيد وشهيده
..................... بس المصيبه والبلا حرب الاقمار


قتيلها جيل وعقول وعقيده
..................... وموت العقول اشد من قصف الاعمار


بعض البرامج للمتابع مكيده
..................... واحبالها يقع بها اصغار واكبار


قناة ساحر حط فيها بريده
..................... يقول راسلني واعلمك وش صار


وقناة رقص ونقص والي يزيده
..................... شات كلامه يجرح اعراض الاحرار


وقناة دز اسمك سعيد وسعيده
..................... واصبر وشوف للحب نسبة ومعيار


وقناة تجمع كل جنس وضديده
..................... بين اربعة جدران من كل الاقطار


وتابع تفاصيل الحياة الرغيده
..................... حتى إذا ناموا وقاموا للإفطار


واسهر وشجع يمكن الي تريده
..................... يفوز ويسمونه العالم استار


راحوا ضحاياها فئات عديده
..................... ومع ضياع الوقت تسمم افكار


وراعي القناة اهم حاجه رصيده
..................... لا لامته نفسه ولاخاف من نار


وترى الفضائيات فيها المفيده
..................... ماننكر انها في الدجى مثل الانوار


قناة دين علم واشياء حميده
..................... تاريخ واشعار وثقافات واخبار


بإسم الضمير اقولها في قصيده
..................... يكفي خراب بيوت وافكار وديار​

 

[سمو الجمال]

ياهيه إلتفت لي وإسمع دعاي لك يا هيه
..................... ترى عادتك تشبع من البعد واتواجه

دعيتك بصوتٍ ياصلك ليه ما توحيه
..................... وأنا أسمع ضلوعك من صدى الصوت لجاجه

عليك الفؤاد إخلاجه مصمخ راعيه
..................... خف الله في راعيه ما تسمع إخلاجه

ترى العفو قد جاك أوله وإغتنم تاليه
..................... وترى الحلم بحرٍ غير لا تامن أمواجه

وترى الود ليلٍ مظلمٍ جيت لك ساريه
..................... سراجه وصالك والجفا ينفخ سراجه

وترى قصرنا اللي كم سنة نجمع ونبنيه
..................... هوى العذل طيح بابه العود وسياجه

لي أيام مدري وين دارك ولا أدري ليه
..................... وأنا خابر إني باب شفك ومزلاجه

غيابٍ بلا سبة هجادٍ بلا تنبيه
..................... وجفا أغلى العرب نارٍ على الكبد وهاجة

نضج قلبي من البعد وش حاجتك تكويه
..................... جفاك الجمر والصبر في بعدك الصاجه

وطبع حبك بقلبي والأيام ما تمحيه
..................... هذا هجرك يحاول يموجه ولا ماجه

يموت الأمل لكن ظنون الغلا تحييه
..................... وعروق الوفا فالروح والقلب وجاجة

خبرتوا حدٍ يبكي على واحدٍ يبكيه ؟
.....................وخبرتوا حدٍ مسجون ما يبقي إفراجه ؟

أحبه ولا أبغضته على شيٍ يسويه
..................... ولا زالت رقاب الرجا فيه منعاجة

عسى منزلٍ ضمه حقوق الوسم تسقيه
..................... وتضحك له الدنيا وهو يضحك حجاجه

فقد خاطري شي من الضيقة مسليه
..................... وغدت روحي من الناس والليل هجاجة

أروح لمكانٍ خابره .. خابره ياتيه
..................... أسوق القدم صوبه وهي مالها حاجة

مكانٍ نزيه وأول مواجهي له فـيه
..................... وأنا خابرٍ ما رجل مثله بدواجة

لعل وعسى ما حدني للمجي يدعيه
..................... وأشوفه وأنـا ما ودي أسبب إحراجه

يحب الجريح آخـر دروب اللقى ويجيه
..................... وتحب القدم جية مكان أول​

 

[سمو الجمال]

 

[سمو الجمال]

لا ضاقت الدنيا عليك وتشاويت ..
....................... خلق الله اللي فالرخا كان واجد

ومن العرب والصوت والثوب مليت ..
....................... وقامت عليك هموم بأقعا تراجد

فارفع يديك لخالقك لا توضيت ..
....................... وادعو تراك أقرب إليا صرت ساجد

ووقت من أوقاتك للأوقات توقيت ..
....................... وسجل لنفسك في المساجد تواجد

وأبشر بفزعة حامي الدين والبيت ..
....................... إليا هجدك من الهواجيس هاجد

اللي يميت الحي ثم يحيي الميت ..
....................... لرضاه شف كثر البشر بالمساجد ​

 

[سمو الجمال]

ياصاحبي وين انت لا حس ولا صوت
......... ماتدري ان الحب مافيه اجازه

قلبي على طاريك كنه بريموت
......... إمنين ماطروك زاد اهتزازه

وسرك حفظته داخل القلب منحوت
......... ما للعرب في بعض الاسرار عازه

ياخوخ في رمان في لوز فـي توت
......... في زبد في ديباج دونه قزازه

الحق على قدني من الشوق باموت
......... وان مالحقت الحق صلاة الجنازه​

 

[سمو الجمال]

ماكني اعرفه ولاكني ابغيه
...... وأنا عليه من امه أحب واجرى
ياكثرها تسليمتن يوم ألاقيه
...... لي عين تكتبله وله عين تقرى
وان حل طاريه تجاهلت طاريه
...... ماكني ادري عنه وانابه ادرى
بسكات يغليني وانا حيل مغليه
...... لاتيلفون ,, ولامواعيد غدرى
يصون ودي عن عذوله وحاميه
...... وأنا عليه احجى من القلب وأذرى
حبن عفيفن والصراحه سواقيه
...... في وقتنا ماظنتي زيد يطرى
لاسولف بحبه ولانيب كانيه
...... وغيري لو إنه يوالفه كان هذرى
احشم قريبه حشمتن له واداريه
...... واخشى يجي في خاطره شي وادرى
لايحسب إني يوم قفيت ناسيه
...... لعيونه إني ماتحاليت عذرى
ليت الزمن يرجع وأنا اعلمه ليه
...... والا الحظوظ من المقابيل تشرى
كل العذارى في الوفا ماتساويه
...... كنه اليمين وباقي الغيد يسرى
قولو له إني مارتضي بالبدل فيه
...... لامال قارون ولاعرش كسرى
يرتاح ماغيره ملا عين هاويه
...... غلاه نهر النيل والقلب مجرى
وأكبر دليل إني لاغاب احاتيه
...... كم ليلتن ماتت على كف مسرى
وانا قالو انه شرق وازريت لاجيه
...... وجهت وجهي كل مانمت حدرى​

 

[سمو الجمال]

مـاهــوب كـفــو الـوقــت حـبــك يمـحّـيـه
يالـلـي تـخـاف صــروف الأيـــام تـمـحـاه

ارتـــــاح دام إن الــمــواصــل يــقــويــه
أنت .. انت و أنا .. أنـا و قلبـي هـو إيـاه

حـتــى ولـــو بـتـغـيـب ذكــــراك تـكـفـيـه




يــا واحــدٍ تكـفـي عـــن الـنــاس ذكـــراه

حُـبــك عـلــى رمـلــة خـفـوقـي مـواطـيـه
وريــاح عـذلـي عَـنـك ماتـمـسـح خـطــاه

والـلـي يـعـذل القـلـب عــن درب غـالـيـه
( يالله بـمــا يـبـلـى المـوالـيـف يــبــلاه )

أخـفـيـه يـــا بـلـفـيـت والــحــال يـبـديــه
ادنـــاة واحـــد يـنـظــر الــحــال يــقــراه

مخـفـيـه فـيــه ومعـتـنـيٍ بــــه وحـامـيــه
عــن كـــل عـيــنٍ ودهـــا تـنــزل حـمــاه

قـلـبٍ يـحـبـك والـهــوى الـــذرب مـالـيِـه
كــانـــك مـكـذبــنــي بـعـيــنــك تـــحـــلاه

شــرط إن تشـوفـك فـيـه مـنـت بحوالـيـه
ويمـكـن تـشـوف ديــار وأمـاكــن رعـــاة

وتـشـوف بــه تـمـثـال والـوقــت هـاريــه
وبـتـشـوف زرعٍ مــيــتٍ واقــــفٍ مــــاه

وبتـشـوف جــرحٍ فـيـه سـكـيـن راعـيــه
راح ونـسـى السـكـيـن والـجــرح يـنـخـاه

وبتـشـوف حـصـنٍ عــجّ الأقــدار سافـيّـه
وبتـشـوف بـاقــي بـيــت راعـيــه خـــلاه

لا تـنـزعــج هــــذا خـفــوقــي وبـاقــيــه
ولا تـضـايــق مــــن تــصّــدع زوايـــــاه

قَـــد زلــزلــه فــرقــا وهــــزة عــراويــه
والله ســتــر والــحــظ عــانــه وعــافــاه

و كانـه صلـح لـك وأعجـبـك زيــد تبيـنـه
ابــنـــه وجـــهـــزّ لـلـمـقـابـيـل مــبــنــاه

ابـغـيـك بـــس مـــن الـمـفـارق تــداريــه
وأزهــل مــن ايــداري شـعـورك ويــدراه

وحـلــل وحـــرّم فـيــه يـاأبــرك بــلاويــه
وحِلـه وراع ارضـاي ورضــاك وارضــاه

جعلك بعد بعـض الوجيـه .. أمحـق وجيـه
نـــــاسٍ مـراتـعـهــا الـرفــيــق بـتـقـفــاه

أنــواع وأخـطـر نـــوع مـانـيـب نـاسـيـه
نــوعٍ عـلــى تـفـريـق الأثـنـيـن مـسـعـاه

تـلــقــاه دوم وكــــــل يــــــومٍ تــلاقــيــه
وإذا بـغـيـتـه صــــدق مــاعـــاد تـلــقــاه

وإلا انت .. ردك كُل ما دعيك : (( لبيه ))
انـشـهـدٍ مـنـتـوب فـــي عـيـنـي أشــبــاه

مـنـتـب مـــع الـعـالـم ولا تـقـولــي لــيــه
أنــت أدرى مـنـي وش جـوابـي وفـحـواه

كــذيـــه ومـــــن الله يــازيـــن وإلـــيـــه
وأغـلـى طــروش القـلـب ودواه مــن داه

الـحـلــم يـأتـيـنـي بــزولـــك وأراعــيـــه
وفـــي كـــل حـلــم أقـــوم قـبــل اتـحـفــاه

واعشـق سميـك فــي البـزاريـن وادعـيـه
واقــبــل خــطــاه الا اخــطـــى واتـلــقــاه

واســمــك يـروعـنــي اذا مــــرّ طــاريــه
واحــــب مـلـقــوفٍ يـسـولــف وطـــــراه

وامـــرّ بـيـتـك مــــن بـعـيــدٍ ولا أجــيــه
وأنـــا لـــو انـــه فـــي يــــدي مـاتـعــداه

حـتــى تـوايــر مـوتــري تـلـتـفـت فــيــه
تبـغـي تـلـفّ ويسـتـحـي الـعـقـل والـجــاه

وصـلـك يخـيـط الـصـدر والـبـعـد يـفـريـه
ويـابـري حـالــي كـــان صـديــت بـريــاه

ويلـي علـى ادري حبـنـا (ويــش تالـيـه )
وويلي على ادري وش ورى الغيب ويلاه

عـشــان أشــــوف اذا مـحـبـتـك تـرفـيــه
والله لاقـفــي عــنــك (( اسـتـغـفـر الله))

 

[سمو الجمال]

.

ُ

ٌ

آتمنى يحوز الموضوع على آعجابكم :eh_s(22):

ممآ رآق لي

ٌ

ُ​

 

[قطــرات مطــر]

يَ زين هــ الذوق اللي اختآر بن فطيًس

روووووعه

ولي بآآك مع شآعرنا آلمبدع

 

[حورياتي]

تحيااتي لچ
خيتي
بس اتمنى قصيدتـه
دگتـور الع ـيـون
لو ماعليچ امر
لاني احبها ومششگورهـ

 

[سمو الجمال]

لعنبو حبك تفضلي حبيبتي اختيار رائع

قصيدة قديمة للشاعر محمد بن فطيس لكن قصيدة جميلة جداً وتستحق القراءة .
قالها أثناء رحلة علاجية في مملكة البحرين عند دكتور عيون مشهور هناك يسمى ( مؤمن الريفي)


(يامؤمن الريفي )أنا جيتك زبون
جيتك على مدح أكثر الناس وعنيت

جيت وتعالى الله عمّا يشركون
لولاه (يامؤمن) لطبك ما اهتديت

راضي بحكم الله علي مهما يكون
عالج عيوني لو بعد طبك عميت

ودي أخاشر فالبصر من يبصرون
وأشوف دربي لا سرحت ولا ضويت

واذا قنصت أثبت مع اللي يثبتون
واشوف طيري كل ما اوميت ودعيت

يااكثر ما يضرب خويي (الطابلون)
من كثر ما أكلّته مطباّت وكليت

ودي أشوف اللي علي يعرضون
وبعض الليالي ودي أسري دون ليت

واشوف ناس ٍ فالقفا ما يرحمون
أما وقفت لصاحبي والا مشيت

من دون نظارة ولا هم يحزنون
ياكـثر ما كسّرت كشمات وشريت

لكنٌ يا دكتور جعلك ما تهون
أبغيك كلمة رأس دامك ما بديت

أسمع......ولا ابغي اللي بجنبك يسمعون
ربي كتب يكشف لك أسراري وجيت

صورة عديل الروح عندك فالعيون
وأخاف تقطعها بموسك ما وعيت

ولا عليك أمر..أطوها تحت الجفون
وعقبه لو تقطع عيوني ما شكيت

هي رأس مالي والعرب ما يدركون
أني على باب الممات و ما حكيت

ياقو قلبي يوم قفن الضعون
اللي على ذاك الموادع ما بكيت

ويا صبر صبري والعواذل يحسبون
أني دلهت من الهوى والا سليت

أسكت عساهم من سكاتي يسكتون
وانا عن اللي في ضميري ما انتهيت

وأدور الفرحة مع اللي يسهرون
أن ذكروني خذت فنجال وسريت

أخذت من وقتك يا دكتور العيون
عالج عيوني لو بعد طبك عميت

واستر علي واللي معك لا يفطنون
أنت الوحيد اللي بعد ربي دريت

http://www.youtube.com/watch?v=p5E9u0d7PWU&feature=related
​

 

[سمو الجمال]

قطرات مطر

بانتظارج يالغلآ

 

[Miss McDonald]

• صح لسآنه المحيط الهآدي ,
• دآهية شعر ..!
• ولآهنتي ع المجهود الرآئع ‘ عسآج عَ القوة