د. المسلم ترى مصخها ..!!

[وطن Q8 النهار]

السلام عليكم

انا استغرب من بعض الناس الي خلوا الموضوع الاساسي والي اهو شلون محمد الناصر وهو رئيس مجلس الوزراء يعطي نائب وعضو مجلس امه شيك والطامه الاكبر من ماله الخااص يعني شنو يبي من هذا العضو اكيد يبيه يكون تابع له ويؤيده بكل شي والمحامي تبع محمد الناصر رفع قضيه علي المسلم وهذا يدل علي ان الخبر صحيح وان ناصر المحمد عطي نائب شيك وبدال لا يرد ويدافع عن نفسه لجا للمحاكم

انا ما همني اللي قلتيه ولاني معلقه عليه
بس استغربت من .......

المحامي تبع محمد الناصر ؟؟


اي لهجه هذي ؟؟

احنا ما نقول تبع


!!!!!!!!!!!!!!

وبصراحه مصخها ناصر المحمد خلاص خل يصعد علي المنصه مو كل دقيقه حل المجلس بسبته لان مايبي احد يساله

تكلمي باسلوب ارقى من هالاسلوب


وكافي ان ناصر داعم صحف وتلفزيونات وقاعد يحرض علي الطائفيه [/
quote]

اهااااا حلو الاخت تعلمين الغيب ؟

ولا شايفته بعيونج ؟؟


ولا شنو بالضبط؟؟

الحين كل هذا حطيتيه بذمتج وربج فوقج لانج قاعده تتبلين عليه

علي العموم هذا زمن يؤتمن الخائن ويخون الامين

الله اكبر

الله يحفظ الكويت وشعبهاا من كل مكروه ويبعد عنهاا كل واحد يبي مصلحته

امييييييين يارب ويفكها من اللي يتبلى و يتهجم ع خلق الله بدون حق و دليل

 

[وطن Q8 النهار]

انا مع النائب فيصل المسلم .. بكل شي .. تدرين ليش .. لانه صريح .. وبصراحة .. ما تحسين انه قويه .. الشيخ ناصر يعطي نائب بهالمبلع .. حق شنو ... و ليش.....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

معاه بكل شي !!

ليش اهوا و مو انسان مو معصوم عن الخطأ

لازم يكون لنا راي اذا غلط بطرحه او طريقه عرضه
ننبهه


واذا ع قولته معاه الحق يسلك الطريق القانوني
احنا مو بغابه

خل القانون يشوف مجراه مو يطلع بهالشكل و هالاسلوب اللي يثير المشكل
ويعطل البلد

الله اكبر يا ناس خافوا الله الحين انتوا تتكلمون بدون دليل

انتي ما تعليمن اللي بالنيات حرام تتهمون الشخص بدون وجه حق

وحلوه هذي اذا كل واحد بيعطي فلوس لاي شخص نشك فيه ليش و شحقه

كيفه فلوسه وكيفه

وانتي ما تدرين ليش معطيه

لا تسيئون الظن ترى كله بذمتكم

و بعدين المصروفات اللي تتكلمين عنها .. هذي مو من حق الشيخ ناصر المحمد .. هذا اهدار مال العام ..........
اصلا الشيخ ناصر المحمد .. ما عرف شلون يدير حكومته .. سوا ست حكومات و كلها فاااشله ...
..................

تعرفين شنو غلطه الشيخ ناصر

انه ما وراهم العين الحمرا من اول شي

وطبعا اللي عندنا استغفر الله ما يصدقون يدورن الزله

ليش ما نصفي النفوس واذا احد غلط بكل اخوه نروح ننبه

اما الحين الله يستر عسى ما صار شي او مثلا شخص ما غلط

راحوا حطوها براس رئيس مجلس الوزراء

و الست حكومات اللي تقولين عنها

منو اللي عطل مشاريعها غير النواب

عسى ما عقدوا جلسه فيها تنميه يا محد يحضر

او يدخلونا بسوالف ثانيه

بس يدورن ع الشي اللي يدغدغ مشاعر الشعب و كله ع الفاضي

وليش تحملون ريس مجلس الوزراء سبب فشلها ؟؟؟
ليش مو منا احنا اللي اهملنا دورنا و احنا اللي شاركنا بفشل المجالس السابقه

ولا يعني كله براس الشيخ ناصر ؟!!

سوري ما ابي ادش بهالنقطه بس لازم ارد عليج بشكل مبسط جدا

و بخصوص .. خلف دميثر .. بصراحة ما ادري ليش .. اهو موجود في المجلس ..ما غير يتبع الشيوخ ......
و للعلم احنا ما نتبع الشيوخ ................ احنا نتبع ما يحكمه العقل ........
لان في شيوخ صالحين .. و في شيوخ فاسدين .........هل كلهم نتبعهم ....؟؟؟؟؟؟؟؟؟؟؟
..................................................................................................
ودي بس اعرف ليش الحكومة ما تشكل لجنة تحقيق في مصروفات الشيخ ناصر المحمد ........؟؟؟؟؟؟؟؟؟

؟

مو سالفتنا الحين خلف دميثير انا ذكرته ع سبيل المثال
لطريقه اسلوب المسلم بالتعامل مع الكل

:
:

والعقل الحين يقول روحوا اخذ شيك بطريقه غير قانونيه

و دمر سمعه البنك

و سو لبلبه بالكويت

و افرد عضلاتك

و محد يحافظ ع القانون غير د. فيصل ؟؟؟


هذا العقل اللي تبين نتبعه ؟؟؟؟؟؟؟؟؟؟؟؟؟؟؟؟؟

 

[روحي تحب]

آنا معاج لانه ما اعتقد انه الشيخ ناصر مو محتاج من المال العام وملينا من سوالف المسلم مصخها من قلب كل يوم طالعلنا بسالفه بس هذا مو معناته انه نمشي ورا شيوخنا لأ احنا نمشي ورا اميرنا وبس وصج هد مشاكل الديره وراح للمصروفات ليش لأ الديره قاعده تدفع الهبل على بو انه سياسه شلون عيل على الضيافه وطول عمره كان ماسك الديوان الاميري ليش الحين يينا نشكك بذمته واللي يعرفه عن قريب يدري بمدى طيبته ولو يحصله يصرف كل اللي عنده على بو انه يرفع اسم الكويت بالنسبه للضيافه
وليش المسلم بالذات يتكلم لو صج في شئ جان لقينا ديوان المحاسبه اول واحد يتدخل ويصرح عاد مايهمهم ربع الديوان الله يوفقهم

وبعدين خلاص انعرفت السالفه ذيك المره هم قال شيك تالي انكر يوم قالوله طلعه قال آنا ماقلت اكو شيك ايام الانتخابات انزين الناس لعبه عندك يوم عندي ويوم تما عندي

 

[{ عبره وهلت }]

اذا كان بعض النواااب ساكتيين عن الحق ، وخافوا على مناصبهم ، د. المسلم ماهو شيطان ليسكت عن الحق !!
بالعكس المال العام مال الشعب عامه ، وليس بحق اي كان وزير ام عضو او من الاسره التحكم فيه بطريقه
استفزازيه للشعب ، نعم للاسره وابناءها كل الاحتراام ، لكن ولله الحمد دولة الكويت دولة ديموقراطيه لها
دستور ، وهناك حقوق وواجبات لكل من المواطن يحمل جنسيه كويتيه ، وذلك من اصغر مواطن الى اكبر مواطن
بالوطن ، والحين نشوف ان اغلب الاسر الكويتيه تعاني وبدأت تدخل حدود الفقر والمعاناة ، ونحن لا نود ان نوصل الى هذا الحد.
المال العام ليس هديه لفلان وعلان ، ليس للشعوب العدائيه ، ليس لكبار الدوله دون صغارها ؟؟؟؟
المال العام للشعب اولا
والدول الفقيره ثانيه كمساعدات ومساهمات خيره
وبعدين كيفهم

المهم ان لا يكون هناك اي قاااصر على مواطن كويتي

ونحن بالفعل بحااجه الى نواب يسعووون وراء حق الشعب الكويتي


وانا مع المسلم والله يكثر من امثاااااله ~~

 

[وطن Q8 النهار]

اذا السالفة فيها هدر للمال العام ليش نسكت من حقنا انه احد يدافع ويتحجى

والنائب د. فيصل ليش ما يفكنا من القيل والقال و الحجي الزايد
ويقدم الشيك للنيابه

وجذي نشوف منو الغلطان و نحاسبه


طبعا ما راح يسويها لانه اهوا اساسا غلط بطريقه اخذه للشيك
وبجذي راح يعرض فسه للمسائله القانوينه

ولا لازم نجامله ليش انه شيخ ؟ وين الديموقراطية عيل !! ترا احنا بالكوويت

الحمدلله احنا مو مثل غيرنا

واللي يغلط نحاسبه مافي فرق هذا كبير ولا صغير

وتعرفون ياما شيوخ تحاكموا بالكويت

و دول غيرنا ما يتجرأون يبطلون حلجهم بكلمه

بس للاسف انا اسأنا استخدام ديموغراطيتنا

وصار اللي يغلط نتهجم عليه بدال لا نتعاون و نبين مواضع الخلل

الحين بس الشاطر فيهم اللي يتصيد ع وزير او مسؤول

وحتى لو كان معاه الحق بكل اللي يقوله
يقوم يتهجم ويتطاول ع ابو انه معاه الحق

!!!!!!

وماكو فرق بين وزير وثاني اذا غلط لازم يتحااسب كونه شيخ ما يغفرله هالشي !!!

ادري والله

والحين ما يحاسبون الا الشيوخ
يعني ترى احنا اسباع
ولا اكو وزراء وااايد مقصرين و اخطائهم فادحه
ليش ما يحاسبونهم ؟

طبعا محد يبي المصلحه العامه
همهم فرد العضلات

وعلى قولة البنات يمكن طريقة عرضه للمشكلة كانت غلط

بس اللي سوااه صـح

ما يبرر اللي سواه


اهوا دكتور و عضو قدير عارف طريج القانون

 

[وطن Q8 النهار]

امانة .. يا مطيرية ماركة .. انا بسألش ..:
اجل رئيس مجلس وزراء يشتري شاحنتين 92000, او يضيع 9 ملايين في الضيافة واقامة حفلات وهدايا .., او يشتري حافلتين 580000, او 5 ملاينيين كنوع من الضيافة , او 244000 لتوريد مغسلة سسيارات و مواقف ..و ما خفي اعظم ....
ابي اسأل ليش ما يحول نفسه الى لجنة تحقيق في مصروفاته .........هذي مو فلوسه ..
لو مضيع الفلوس بشي يفيد شعبه كان سكتنا .. لكن يآخذ من المال العام ..و ما يتحاسب .. هذي مشكلة .......لا والادهى انه شاري سيارات بنتلي و مازراتي و ما ادري شنو .. ومصفحة ( جنه قاعدين في كوبا مو بالكويت )

يا ربي عليكم

قاعدين تحسبون بالقطاره

بالحسره يطلع منكم الشي

صكيتوا ع ا شحفان

بالله عليج ضيوف الدوله الشيوخ و الرؤساء اللي يحضرون الكويت

شتبين نعطيهم ؟؟؟


غرشه عطر بـ 30 دينار
ولا قلم ابو اميه فلس


والله تفشلون


اتحداج تشوفين مصروفات اي رئيس وزراء باي دوله خليجيه وقارنيهم بمصورفاتنا

نطلع احنا ولا شي جدامهم

 

[انصاريه قمره]

هذي اموال الدوله حبيبتي ومو من حق اي احد يتصرف فيها براحته ولا على ابو انه شيخ نسكت ؟؟
اوكي شيوخنا على راسنا بس انا ما اايد الغلط والساكت عن الاخ شيطان اخرس
سر يااا د فيصل المسلم ونحن معك

 

[انصاريه قمره]

يا ربي عليكم

قاعدين تحسبون بالقطاره

بالحسره يطلع منكم الشي

صكيتوا ع ا شحفان

بالله عليج ضيوف الدوله الشيوخ و الرؤساء اللي يحضرون الكويت

شتبين نعطيهم ؟؟؟


غرشه عطر بـ 30 دينار
ولا قلم ابو اميه فلس


والله تفشلون


اتحداج تشوفين مصروفات اي رئيس وزراء باي دوله خليجيه وقارنيهم بمصورفاتنا

نطلع احنا ولا شي جدامهم

والله انج مسكينه
حبيبتي اهما بدال لا يوزعون هدايا خل يسنعون الشوارع اول ويشيلون العزاااب ويحلون قضايا البلد موو بس فالحين يبخوون اللي براا بالفلووس بخ واحنا هني يا غافلين لكم الله وبعدين المال العام مال الشعب ولحظه صارلهم سنين وبنين يتكلمون عن احتياطي الاجيال القادمه وين هذااا كلهم ؟؟ انا اقص ايدي اذا كان في شي للاجيال القااادمه بس جذي حجي :0bee2e8d89:

 

[{ عبره وهلت }]

^^^^^^^


يا حياتي بلا هدااايه :: بلا بطيخ ،،

الكويتين محتاجينهم :: اهما اولى


شنو شحفااان ؟؟؟؟؟ وليش شحفااان ؟؟؟؟

علشان نتكلم عن حقوقنا ؟؟؟

يا حبيبتي خلج انتي واقعيه .

وبعدين لا تقولين ان الكوتين مو قاصرهم شي !!!!!!!! << عارفه ردج

لا ترى الكويتين بدأوا يعانون ؟؟ قروووض والقروووض ما اخذوهم لهواً لاااااا

القروووض للحاجه ! ناس تبي تبني بيوتهااا والقرض العادي ما يكفي ، ناااس يبون سيارات ، ناس يبون
يعالجون برااا ،، ترى مو كل الناس عندهم واااسطه !!!!!!!!!!


فأنا اقول ان الحق حق

ولا تقولين شحفااان الديره وخرباانه والسبب الاسراف والتبذير وهذا يمكن عقاب من الله
احانا حتى المطر ما عاد ينزل والله اعلم هذا غضب من الله ،،،،

ياليت نحط فلوسنا بقضااء حاجات مهمه للشعب / بناء جامعات / بناء مساجد واقامه دروس دينيه على مستوى
ياليت نودي بعثات ونجيب علماء بالمستوى العاااالي / ياليت يجيبون دكاتره على مستوى او مدرسين يعرفون يأسسون
حنا اللي جايبينهم لنا ؟؟؟؟؟؟ على درجة ومستوى المقبول والجيد ويادووووب جيد مرتفع

شوفي مستشفياتنا ، جامعاتنا ، مدارسنا حتى المرفقات والسياحيه صااارت مضحكه !!! الا ما رحم ربي
وياليت متاحف قيمه وياليت وياليت مو هدايه لفلان وعلان ؟؟؟؟!!!!!

نبي فلوسنا مباركه بلا حفلات بلا هدايه وبلا تبذير !!!

 

[وطن Q8 النهار]

بالعدال بنات
برد عليكم كلكم

حبه حبه


ولا تكررون الكلام اللي سبق وذكرناه

 

[دلع88]

اذا كان بعض النواااب ساكتيين عن الحق ، وخافوا على مناصبهم ، د. المسلم ماهو شيطان ليسكت عن الحق !!
بالعكس المال العام مال الشعب عامه ، وليس بحق اي كان وزير ام عضو او من الاسره التحكم فيه بطريقه
استفزازيه للشعب ، نعم للاسره وابناءها كل الاحتراام ، لكن ولله الحمد دولة الكويت دولة ديموقراطيه لها
دستور ، وهناك حقوق وواجبات لكل من المواطن يحمل جنسيه كويتيه ، وذلك من اصغر مواطن الى اكبر مواطن
بالوطن ، والحين نشوف ان اغلب الاسر الكويتيه تعاني وبدأت تدخل حدود الفقر والمعاناة ، ونحن لا نود ان نوصل الى هذا الحد.
المال العام ليس هديه لفلان وعلان ، ليس للشعوب العدائيه ، ليس لكبار الدوله دون صغارها ؟؟؟؟
المال العام للشعب اولا
والدول الفقيره ثانيه كمساعدات ومساهمات خيره
وبعدين كيفهم

المهم ان لا يكون هناك اي قاااصر على مواطن كويتي

ونحن بالفعل بحااجه الى نواب يسعووون وراء حق الشعب الكويتي


وانا مع المسلم والله يكثر من امثاااااله ~~

أمييييييييييييييييييييييييين الله يكثر من أمثالة :ggdw::ggdw::ggdw:

 

[قهوة برية]

طيب والكليه الي بالفنطاس .!

منو مالته .؟!

ومقابل شنو ؟!

 

[jewel]

أولا :

تصرف فيصل المسلم يدل على خوفه على المال العام وين الشخصانية في الموضوع

لأن المال العام قاعد يهدر و ما في أي مشاريع تنمويه و كل ما قلنا شي قالوا ما في ميزانية


ثانيا :

وظيفة النائب مراقبة الحكومة و شلون تدير أعمال و شؤون البلد << هذا الكل يتفق عليه

ثالثا :

المفروض النائب ما يقبل المال لأنه ييعتبر رشوه إلا إذا كانت الرشوة حلال

بصفة النائب مراقب على الوزير المفروض ما ياخذمنه مال حتى لو كان من مال الوزير الخاص

و لا يكون بينهم المفروض طول وجود النائب في المجلس شغل أو عمل لأن النائب الشعب وصله للمجلس

حتى يمثلهم لو فرضنا أنه بين النائب و الوزير عمل فيعتبر أنهم استغلوا لمنصب لمصلحتهم الخاصة << صح و لا غلطانه


رابعا :

البنك لازم يتحاسب مو علشان طلع الشيك لا
لأنه شاف معامله فيها شبة و سكت عنها

خامسا :

وليد الطبطبائي كان شجاع و اعترف و قال وين حط الفلوس

وهو ما خذاها لنفسه راحت للفلسطين و أصلا محد طلب من الطبطبائي أنه يقول عن الشيك بس هو بلغ عنه

و هذا مو محور الحديث شيك الطبطبائي

سادسا :

مو المشكلة منو النائب لكن هذي الفلوس راحت لشخص في موقع نائب
و الأولى أنه ما يخذها و بما أنه الحكومة تعطي مال للمراقب بجذي إلقي دوره الرقابي


و أخيرا :

أتمني أنه الخلاف ما يفسد بالود قضية

 

[C'est La Vie]

طيبته ولو يحصله يصرف كل اللي عنده على بو انه يرفع اسم الكويت بالنسبه للضيافه
وليش المسلم بالذات يتكلم لو صج في شئ جان لقينا ديوان المحاسبه اول واحد يتدخل ويصرح عاد مايهمهم ربع الديوان الله يوفقهم

حبيبتي يقدر يرفع اسم الكويت مو بالضيافة بس
نقدر نرفع اسمها بالتعليم الراقي والخدمات الصحية المتميزة وتطوير البنى التحتية وانعاش قطاع السياحة والرياضة وغيرها
ثانيا منو قالج ان ديوان المحاسبة ما تكلم عن مصروفات ديوان الرئيس؟
تفضلي هذا اهو التقرير وشوفي المخالفات الصريحة فيه
ومن خلال دراستي للمحاسبة اقدر اقولج هذي مخالفات جسيمة للنظام المحاسبي المتبع بالكويت
http://www.nationalkuwait.com/vb/showthread.php?t=39403

 

[yam_yam]

شيئ محزن
صراحه ماستفدنا شي من المجلس
لا انجازات و لا حل مشاكل و لاهم يحزنون
كل من يفضح و يستجوب

و هالمرة لو شيصير ماراح ارشح احد
و لو يسكرون المجلس احسن

لان ماصار شي جديد

 

[تمنيتك]

بنات


اساسا طلعته للشيك غلط بغلط


وعيب عليه وفشله اساسا حركته حتي لو بيصيده .. اكيت اهو راشي هم عشان يطلع الشيك ماتوقع ماخذه بدون ولا فلس


حلوه شيخ ويتحاسب

 

[Hello_kitty]

مو سالفتنا الحين خلف دميثير انا ذكرته ع سبيل المثال
لطريقه اسلوب المسلم بالتعامل مع الكل

:
:

والعقل الحين يقول روحوا اخذ شيك بطريقه غير قانونيه

و دمر سمعه البنك

و سو لبلبه بالكويت

و افرد عضلاتك

و محد يحافظ ع القانون غير د. فيصل ؟؟؟


هذا العقل اللي تبين نتبعه ؟؟؟؟؟؟؟؟؟؟؟؟؟؟؟؟؟

انه قريت الموضوع كله لكن اكثر شي استفزني كلامج هذا@@

يعني انتي وايد كاسر خاطرج البنك وسمعته


وخايفه من البلبه على قولتج والفضايح والبلاوي اللي بتطلع من وراها


ومو عاجبتج طريقه فيصل المسلم واهي الطريقه القانونيه اللي قاعد يمارس فيها دوره وواجبه كنائب يدافع

عن المال العام ومصالح الشعب في مجلس الأمه؟؟

اذا مو عاجبج ان االنائب كان عنده ضمير وتكلم وصرخ باعلى صوته بالحق شنو المطلوب او المفروض يسويه؟؟

تبينا نسكت ونطمطم الموضوع وندفن راسنا بالرمال كالعاده بحجج مالها معنى تحججين بسمعه البنك ومادري شنو

اسمحيلي هذا كلام الخايف من الحق وما عنده شي يقوله

ان شاء الله يحترق البنك وينهد بكبره ويصير اللي يصير بس ما نشوف الكويت جذي تنباق وتنزف فلوسها ظلم وبوق نصب

واحنا نطالع ونشوف بعيونه وساكتين

عسى الله ينصر المسلم وكل واحد عنده ضمير حي لي الحين ما مات يدافع عن هالأرض اللي للأسف ان اعيالها اول من غدر فيها والله حراااااااااااااااااااااااااام

 

[الفرحه السجينه]

حبيبتي كاتبه الموضوع


الحين في ناس مع الدكتور فيصل وفي ناس مع الشيخ ناصر اوكي؟؟


زين انتي طالبه راي الناس واغلبهم مع المسلم وجايبين اسباب وحجج قويه بس انتي ليش معصبه حيل وقاعده للبنات على كل كلمه وانتي تطلبين ان الاسلوب يكون راقي بس انتي اللي تقولين اشحفان وتتطنزين اذا الحجي مو عاجبج وماشفت منج كلام مقنع تعيدين نفس الحجي



خلي عندج سعة صدر وتقبلي الاراء واذا عندج ادله وبراهين قويه اذكريها بموضوعيه وتعقل الا اذا انتي كارهه الدكتور فيصل ولقيتي هالسالفه

 

[جاكليت]

الله يستر على ديرتنا

 

[طال السكوت]

حبيبتي كاتبه الموضوع


زين انتي طالبه راي الناس واغلبهم مع المسلم وجايبين اسباب وحجج قويه بس انتي ليش معصبه حيل وقاعده للبنات على كل كلمه وانتي تطلبين ان الاسلوب يكون راقي بس انتي اللي تقولين اشحفان وتتطنزين اذا الحجي مو عاجبج وماشفت منج كلام مقنع تعيدين نفس الحجي

اى والله صااجه ,,,,,منو اشفحان ؟؟

من طق الباب لقى الجواب

ارتقي باسلوبج بالرد على البنات عشان يحترمونج ...والكلام البذئ ماله داعي