د.رائده الفضلي مستشفى الصباح

[غزلان كويت]

خواتي انا صار لي 7سنين متزوجه بس ما حملت وكل دكاترة الكويت في المستشفيات الخاصه قالولي اكثر من سبب او كل واحد يفسر لي بكيفه وانا ليمن الحين ما وصلت للفيني ؟؟؟؟؟؟؟؟؟؟؟؟؟؟؟؟

وقدمة اكثر من تقرير حق مستشفى الصباح والحمد لله اقبلوني وسويت التحاليل والسونار والحين عندي موعد مع الدكتوره رائده الفضلي وكل ما اسأل احد يمدحها ويقولون خوش دكتوره خليج معاها وسمعي كلامها و................. الخ.:bbbiu:
بقيت اسألكم عليها ايش لون تعاملهاو هتمامها ؟
ونفسيته ؟
المواعيد ؟
وشنو راح تسويلي او تتخذ معاي ؟:080402ask_prv:
حدي احاتي ارجو انكم تكتبون لي تجاربكم ضروري طمنوني ، ربي يكتب لي ولكم الذريه الصالحه ويقر عيونكم بشوفتها :yaaaaaarb:

 

[ام الكتكوته]

بصراحه ما عندي فكره عنها

بس ما حبيت ادش وما ارد عليج

الله يرزقج يارب بالذريه الصالحه

واهلا وسهلا فيج بينا وبين خواتج كويتيات

ويشرفني اكون اول وحده ترد على موضوعج

 

[bnt_kwt]

والله للاسف ما اعرفها
ولا سمعت عنها

انشالله تطلع زينه

 

[اضوى]

هلا حبيبتي انا سمعت عنها حيل يمدحونها بس مارجعت عندها للحين الله يرزقج بالذريه الصالحه .....

 

[foozia_87]

هلا ياحياتي الله يوفقج ويرزقج بالذريه الصالحه
انا اراجعة عندها صراحه الدكتوره بيض الله وجها ما قصرة معاي مع العلم اني ما اقرب لها بس حسيت بتعاملها انها اختي والله العالم انها فرجة على وايد عسى ربي يفرج لها ان شاء سبحانه ونفسيتها حلوه وجاده يشغلها وماتمادى ولا تتنرفز من اي سوال والله اني احبها لله وما اقدر اشهد لها اكثر شهادتي فيها مجروحه

 

[كويتية84]

ان شالله على ايدها تحملين قولو اميننننننننننننننننننننن.....
الله يرزقح الذرية ويرزقنا آميييييييييييييييين..............

 

[ام فوفو]

للاسف مااعرفها
الله يفرج همج ويرزقج الحمل يارب

 

[فطوم حيص بيص]

السلام عليكم بغيت اسئلج الله يخليج انتي علي طول رحتيلها ولا لازم تحويل لان احنا مو تابعه منطقتنا للصباح عادي اروح لها انا الصراحه ودي اراجع للحمل انا رحت عيادات خاصه وزهقت وما كتب ربي احمل لما رحت لهم الحين انا ودي اروح للي قلتي عنها لان من كلام البنات عنها زينه بليييييز ردي علي اشلون اخذتي الموعد ؟

 

[غزلان كويت]

السلام عليكم بغيت اسئلج الله يخليج انتي علي طول رحتيلها ولا لازم تحويل لان احنا مو تابعه منطقتنا للصباح عادي اروح لها انا الصراحه ودي اراجع للحمل انا رحت عيادات خاصه وزهقت وما كتب ربي احمل لما رحت لهم الحين انا ودي اروح للي قلتي عنها لان من كلام البنات عنها زينه بليييييز ردي علي اشلون اخذتي الموعد ؟

حبيبتي اخذي تحويل من امراض النساء اللي انتي تابعه لهم او من العيادات تقرير بحالتج يا حياتي وتروحين تقدمينه ويردون عليج بعد سبوعين ويتابعون معاج ولا تهدينهم واتوقع كلام البنات كفى ووفى
:hjy5jewf::hjy5jewf:

 

[foozia_87]

حبيباتي عسى ربي يوفق كل من رد علي واشكر كل من راسلني على الخاص وماقصرتوا وايد صراحه امدحولي الدكتوره والمستشفى للامانه وبعد ذموا في المستشفى المهم اهيا مواقف وتعدي يبيلها الصبر......

 

[sanfora]

الله يرزقج بالذرية الصالحة عاجلا وليس آجل وان شاءالله يكون وجه الدكتورة خير عليج من الله

 

[++The DuchesS++]

والله خووووووووووووووووش دكتوره
تعاملها وايد وايد راقي وحبووووووبه
كلامها يريح وتفهمج كل شي وشنو بتسوي معاج
الله يوفقج ويرزقج حبيبتي

 

[foozia_87]

صاجه حبيبتي غفران كلامج عدل العدل والله انها تهبل ربي يتمم عليها ويرزقنا بالذريه الصالحه

 

[فرحه عمر]

حبيبتي غزلان الكويت ان شاء الله تتسهل امورك من رب العالمين و ما تحتاجين احد

انا حاليا اراجع عندها صراحه كأنسانه و تعامل لا يعلى عليها بس بصراحه انا شوي مو مرتاحه معاها احسها بعد ما عندها خبره كااااااااافيه
اعطيك مثل انا سويت قبل سنتين طفل انبوب بالهادي ونجحت لله الحمد و عشان جذيه طلبت مني اعطيها تقرير عشان تمشي على نفس العلاج0000000المشكله قالتلي اشتري ابره من بره و كتبتلي الوصفه و قلتلها دكتوره ترى مو نفس الجرعه قالت عادي اشتريها الحين بس قبل لا تاخذينها تعالي عندنا نعطيك اياها تاريخ 21 يوم من الدوره 000000000 طبعا انا قبلها بيومين رحت لها قارصني قلبي و من حظي لقيتها و كلمتها بس هالمره اصريت انها تفتح ملفي و تشوف التقرير لقيت و يها انخطف و قالت امبيييييه انا معطيتك جرعات منشاطات قويه هههههههه احلى مافيها صريحه و تعترف بالغلط ما تكابر طلعت قبل اخذ ابر منشطه 100 و هي كاتبتلي 225 و سئلتني اذا شريت الابره و لا بعد ضحك قلت لها لا بعد و بسرعه غيره جرعه الابره على نفس التقرير
المشكله الابره اذا شريتيها بس تطلعين من الصيدليه ما يردونها و غاليه لو طلعت مو اهي كان مت من الحره

الله يستر عندي عمليه شهر 2 و حدي خايفه

بس عالعموم هذي توافيق من رب العالمين ما في انسان الدنيا كلها تتفق عليه انه اوكي 100%

 

[فرحه عمر]

هههههههههههههههه شلونج شوق وين ماروح وراي

حبيت اسلم عليج