د. صالح الجريوي

[سويتي الحلوه]

قوه بنات

انا رحت اليوم حق الدكتور صالح الجريوي علشان شويه حبوب طالعه بويهي


جان اهوا يقول حق الممرضه الي عنده تشوف بشترتي وبعدين قامت ونظفت ويهي وقامت تبط الحبوب الي بويهي وبعدين سويتلي ماسك
وقالتلي بعد اسبوعين تعالي اسويلج تقشير كريستالي حق ويهج

بنات اشرايكم بتقشير الكريستالي؟؟ يمدحونه والا لاْء؟ يمدحون الدكتور صالح الجريوي والا لاء؟؟؟؟؟؟؟؟؟؟؟؟
ماادري بخيت اخذ رايكم بالشي هذا وسلامتكم

 

[yam_yam]

مشاركة: د. صالح الجريوي

مالقيتي تروحين إلا حق هالمينون ؟؟؟
ترا مو صاحي ؟؟ أنا مرة عفسني بالعلاج عطاني دوا ماله علاقة بالتفتيح
بعدين شلون تبط الحبوب بويهج ؟؟؟ هذ يسبب لج أثر اسود و يقعد أكثر من قبل

أصلا هالحبوب يعطونج عليها لزقه صغيييييييييرة و تحطينها عالحبة و بعدها تنشف و تسحب كل اللي بالبة لما تروح و الصبح تختفي

و أمي كانت معاي سوالها علاج للحبوب اللي عندها شوه وجها كله و عدها راحت الهادي قالولها حرقوا وجهك


شوفي أنا بجرب مكان خلال هاليومين بس ماراح أقولج عليه لما أشوف النتيجة أوكي

 

[Q8_ButterFly]

مشاركة: د. صالح الجريوي

السلام

دكتور الجريوي انا صارلي معاه اكثر من 3 سنين ولا افكر اروح عند غيره جربت بوحمره والمشاري كلهم خرطي بس الجريوي صج صج نفعني وانا جربت تنظيف البشره وتعدل ويهي عدل والحمدلله ليلحين اوكي والحين قاعده اسوي عنده جلسات ليزر حق ويهي


و أي استفسار عندج انا حاضره

 

[كويتية أمورة]

مشاركة: د. صالح الجريوي

هو عنده جهاز Ipl هذا اللي جربتيه لازالة الشعر ولا جهاز ثاني؟؟؟

 

[سويتي الحلوه]

مشاركة: د. صالح الجريوي

ويا يم يم خرعتيني
طيحتي قلبي بطني
عاد تصدقين حتي امي مسميته المينون ماادري ليش
تقولي هذا ترللي خبيل اواهيا زعلت لما سوا جذي
انا الحين بكمل احط الكريم الي عطاني ياها واذا مانفع بروح ارد حق جلديه الهادي
وانشالله المكان الي راح تروحيله انشالله زين


Q8_ButterFly

مشكوره اختي علي مرورج

ماشاء االله عليج زين مشا علاجه وياج علي البركه

انشالله بعد انا يمشي علاجه وياي


وتسلمون خواتي علي مروركم ومشاراكاتكم الحلوه


كويتيه
ماادري والله شنو الي عنده

 

[بدون اسم]

مشاركة: د. صالح الجريوي

انحاااشي عنه

قسما بالله اني سوا لي نفس اللي سوا لج...الممرضه الرومانيه اللي جنها لعبه باربي اهي وكشتها قعدت تبطط الحبوب بوجهي بايدها وكلينكس و تمشي على وجهي شغله تلسع و كل اسبوعين حاط لي موعد وكل ساعه يغير علاجي لو انه ما خلص بس يبي يربح الصيدليه تحته

والله العظيم ان وجهي شب نار عقب هالتنظيف اللي سواه حتى الماي لا حطيته حرق وجهي وصار احمر وكريمات الترطيب البارده تحرررق ...حسبي الله عليه يسويلي تقشير ويبطط الحبوب وانا توني ثاني موعد ومعطيني حبوب وكريمات بنفس الوقت !! يعني ما نطر الكورس ليما يخلص وشاف اذا العلاج جاب نتيجه ولا لا

الحين الحمدلله اعالج عند نورجيهان بدار الشفا وعطتني علاج يعالج الاسباب من الداخل ومنعتني عن التقشير والتنظيف لين يخلص الكورس....ناس فاهمه اول تعالج بعدين تنظف مو هذاك حاطني تجارب عنده حتى الحبوب ماشالها ردتلي يوم خليته

 

[جنى]

مشاركة: د. صالح الجريوي

و الله انا اشوفه خوش دكتور

العام صارت فيني حساسية وايد قوية في بشرة وجهي لدرجة اني ما كنت اقدر افتح عيوني عدل

و رحت حق اكثر من طبيب , اللي يقولي هذا مرض فيج ماراح يروح و اللي تقول هذا شيء موجود بتكوينة جسمج

و حمدي ربج انه ما راح تورثينه حق عيالج !!!!!

و اخر شيء رحت حق الدكتور صالح الجريوي و عطاني كريمات و حبوب........ واللـــــــه العظـــــيم كل الحساسية راحت الحمدلله و ما ارجعت مرة ثانية

 

[سويتي الحلوه]

مشاركة: د. صالح الجريوي

الحمدالله علي سلامتج جني


انشالله يكون زين

والدكاتره الصراحه توافيج من الله ياطحين بزين او شين

 

[سيدة الكويت]

مشاركة: د. صالح الجريوي

شوفى اختى انصحج على كريم زين للبشره وصفته لى اخصائيه فى طيبه كلينك بعد ما جربت كريمات ما فادت

وايد ممتاز تحصلينه فى صيدليه طيبه كلينك او فى جمعيه صيدليه القادسيه سعره اقل من 5 دنانير لونه اصفر بابيض غطاء اصفار مثل العصار


اسمه ...sebium
Akn
صناعته فرنسيه بس هوا مو سييباميد غير نتيجته تبين بعد اسبوعين وسألى عنه

 

[سويتي الحلوه]

مشاركة: د. صالح الجريوي

مشكووووووره بدون اسم علي التوضيح لي يزاج الله خير بعد عمري


ومشكوره سيده الكويت علي الكريم

 

[جوك احلى جو]

اول مره اسمع في هالدكتور؟؟؟؟؟؟؟؟

 

[ريمه الكويت]

شوفي حبيبتي التقشير الكرستالي حلو اول ماتسوينه ينور الويه بس بعد يومين يرد ويهج مثل ماكان

 

[bent-36a]

ممتاااااااااااااز للامانه انا ارتحت معاه

 

[q8ia7]

فووووووووووووووووووووق

 

[سكر نباتى]

اختي جربته تعدل وجها حيل وحتي الحبوب راحت والكل لاحظ بشرتها
اذكر سوالها جلسات تقشير كرستال
كتب لها غسول وكريم حمايه وترطيب وخلطه طبيه من الصيدليه الي تحت خلطها الصيدلي بس بصراحه عجيب هالدكتور بس صج مو صاحي بس الاهم ان شغله زين وعلى فكره مومادي

 

[shahad_Q8]

في احد جرب عيادة الفوزان ؟؟؟
دكتور ساهر وعلاجه للبشره ؟؟؟

 

[ام شملاني]

اهو احسن شي اعرفله الحساسيه اما حب الشباب و العلاجات الثانيه لا

 

[مهاوي العتيبي]

سلام بنااااات تكفون ابي رقم الجريوي؟هوالى بحوالى؟