د.طالب يسلم عليكم)رجيم)

[صاحبة المعالي]

صباح الخير يا زميلاتي العزيزات


يوم الثلاثا اللي طاف كنت في زياره مفاجأه
للدكتور العزيز على قلوبنا طالب الشمري


قعدت من النوم العصاري ووقفت على الميزان
اطالع .. وياهول مارأت عيناي


واطق العباة واشلع عند طلوبه ,,,
والله ماطولت نص ساعه الا انا داشه



اخيه اول مادشيت عليه
و وقفت على الميزان استحيت من نفسي والله
كان يسميني رشيقه طلعت بطيخه


المهم مالكم بالطويله ,,,
صار لي سنه مو شايف رقعة ويهي
وحاول انه يشجعني يقول لي زين
من سنه زايده بس 5كيلوات وايد زين
غيرج يصعدون اكثر

قلت له الشكوى لله ,,, بروحي قصيره وازيد اكثر صير برغي


عطاني ريجيم ,,, ومشيت عليه بالحرف من يوم الثلاثا الى الحين ونزلت
بس ماراح اقول لكم جم نزلت الا بعد شوي






الفطور :
كوب حليب +شاي +سكر عادي


الساعه 11:
كوب نسكافيه +سكر عادي


بعد ساعه :
2حبه ايزيلاكس +كوبين ماي



الغدى1)
ساندوتش امريكا جبنة فيتا+شرايح خس - خسار -طماط- جرجير +دايت

الغدى:
3شابورة الرشاقه +لبنه قليلة الدسم +شرايح خس -خيار -طماط -جرجير +دايت


المغربيات :
كوب نسكافيه+سكر عادي




قبل العشى بــ نص ساعه:
2حبه ايزيلاكس +كوبين ماي



العشى1)
تبوله+دايت

العشى:
2بيض مسلوق +دايت





لي 6 ايام ماشيه عليه بالتمام والكمال
لازايد ولاناقص وامشي كل يوم وترك نص ساعه


نزلت يا كويلات العمر 1.200
كيلو وميتين غرام ,,,


و موعدي معاه في عيد الام ...


ادعولي الله يثبتي واستمر على صكة الحلج

 

[زيـنـه]

مشاركة: د.طالب يسلم عليكم

الله يثبتج و تنزلين الخمسه بسهاله .. بس ريجيمه فيه جوع .. احس ما فيه اكل ..

 

[كويتية أمورة]

مشاركة: د.طالب يسلم عليكم

ان شاء الله يارب تنزلين وبسهاله والله يثبتج وماتخورينه يارب

 

[صاحبة المعالي]

مشاركة: د.طالب يسلم عليكم

زينه ...
لا والله مافيه يوع
ومرات آكل بس علشان آكل يعني مو يوعانه
يمكن النسكافيه يشبعني
او الآيزيلاكس ,,,

ليلتين انام من غير عشى احس اذا كليت راح ارجع

 

[صاحبة المعالي]

مشاركة: د.طالب يسلم عليكم

كويتيه اموره
الله يسمع منج يارب
بس ابي هالخمسه ,,,

 

[^^دموع الكويت^^]

مشاركة: د.طالب يسلم عليكم

بالتوفيق


مشكوووووووووووووورة على الرجيم

 

[ايفيان]

مشاركة: د.طالب يسلم عليكم

الله يعطيك مرادك وتوصلين للوزن المطلوب

ريجيمه حلو وفيه سندويشات امريكانا

شني راح أجربه

تسلمين يا الشيخه

 

[xxx]

مشاركة: د.طالب يسلم عليكم

عسى الله يوفقج

وتنزلين وانتي بصحه وعافيه

 

[ليالي نجد]

مشاركة: د.طالب يسلم عليكم

نفس ريجيمي الثاني بالضبط (انا ماخذه منه ريجيم قبل هالمره)

بس توني مسويته مابين للحين بس الدوره مأخره نزول الوزن سبحان الله تقولي لي الدكتوره تحبس السوائل

 

[bnt q8 in usa]

مشاركة: د.طالب يسلم عليكم

ماقالج امشي؟؟

انشالله توصلين الوزن المناسب

 

[@ الرسامة @]

مشاركة: د.طالب يسلم عليكم

بالتوفيج ان شالله


وسلمي عليه وايد

 

[ام الجميل ناصر]

مشاركة: د.طالب يسلم عليكم

الله يوفقك وتنزلين هالخمسة وفوقهم زيادة 2
بس ما يصير ناخذ توست مع جبنة على الفطور

 

[ظلال القرآن]

مشاركة: د.طالب يسلم عليكم

شويه كيلو وميتين صراحه الرجيم كلش ماكو اكل توقعت اكثر من جذي

 

[إمرأة مثالية]

مشاركة: د.طالب يسلم عليكم

إن شاء الله تنزلين

 

[jolie_q8]

مشاركة: د.طالب يسلم عليكم

خوش رجيم

صج مافيه اكل

وانشالله تنزلين يا رب

 

[التوفي]

مشاركة: د.طالب يسلم عليكم

الله يوفقج وتنزلين عشره مو خمسه بس بعافيه

 

[صاحبة المعالي]

مشاركة: د.طالب يسلم عليكم

دموع الكويت العفو ماسوينا شي
وربي يوفق الجميع

 

[صاحبة المعالي]

مشاركة: د.طالب يسلم عليكم

ايفيان
والله ريجيمه يونس ويشبع بعد
مااحس باليوع

 

[صاحبة المعالي]

مشاركة: د.طالب يسلم عليكم

بنت الكويت

ان شاءالله حبيبتي ... والله يعين على باجي الايام

 

[صاحبة المعالي]

مشاركة: د.طالب يسلم عليكم

ليالي نجد ...

انا اقول نطري لما تنزل الدوره وتخلصين بعدين بلشي الريجيم
ترى انا سويت جذي
ابد غسلت اليوم باجر رحت له
يمكن علشان جذي نزل وزني بسرعه!