د عبير عوض(تم دمج جميع المواضيع الخاصة عن د. عبير عوض)

[q80_girl]

رد : رد: أمهات التوحد أنا بحاجة لمساعدتكم

انا ولدي صغيير سنتين ونص ياخذذ كل الادوية الي كتبتهيا ما عدا غابا + الحمية الغذائية ونفس الممنوعااات

..بس ما شخصت حالته توحد قالت تاخر قدرات عقليه

بالنسبة للدكتور احمد البرماوي ياريت تفيدنا شنو صار وياج بالموووعد ... وحبيبتي بغيت اسالج اهو عمره خمس سنين بس يتكلم؟؟ ومتى بدا يتكلم ؟بالنسبة للاكل انا ممكن افيدج بوصفه سهله وبسيطه ..سيريلاك التمر اذا يحبه

نفس الطحين الي من ماركة شارالي حاطه صورة فوق تحصلينه بمركز سلطان _ + الحليب الارز الي نفس الي انتي شريتيه دراي + سكر الفركتوز او تستبدلينه بالعسل ( اخذيه من مكان معتمد نفس العويد وغيرة )

تاخذين شوي من الطحين وتحمسينه بالمقلاه على نار هاديه لحد ما شوي يصير لونه بني فاتح طفيه وخليه على جمب

اخذي التمر وحطيه بشوية ماي حار مع شووية زيت وخليه ع النار قلبيه ليما تشوفين انه التمرر ذاب .لما يذوب خليه يبرد شوي

الطحين الي فوووق صار لونه بني حطي فوقة (قفشتين من حليب الارز (+ و قفشه من سكر الفركتوز ) وعقبها صبي فوقة التمر واذا يحب العسل حطيله شوية عسل فوقه ...عاد المقادير انتي وكيفج شوفي شيضبط معاج

واذا عجينتج سايله تقدرين تسوين فيها خبز المسح ..جربي يمكن يحبه


- الله يعطيج العافيه وياجرج على اعانة هالمسكين الي الله رزقه فيج ..الله يشافيه حبيبي

مشكورة miss mama على الوصفة باجربها وان شاء الله تحوز على اعجابه

الولد عمرة 5 سنين وما يتكلم ، بس يقول كم كلمة ... وللحين ما يركب جمل او حتى كلمتين مع بعض
بس يفهم الكلام ويعرف انا شنو اقول له ... واذا طلبت منه شي يستجيب ، ومرات يعاند ويحقرني

وراح اقول لكم بالقريب العاجل شنو صار مع الاستاذ أحمد البرماوي ان شاء الله

 

[الصابرة المحتسبة]

رد : تكفوون يابنات الي تعرف تفيدني انا محتاجتكم

ياليت تطمنينا

 

[ماريي]

رد : تكفوون يابنات الي تعرف تفيدني انا محتاجتكم

لسلام عليكم
عندك جمعية رعاية المعاقين بالجهراء المركز الرئيسي بحولى بيقدم خدمات كويسة

 

[nonoana]

رد : تكفوون يابنات الي تعرف تفيدني انا محتاجتكم

السلام عليكم ورحمة الله وبركاته

حبيبتي ممكن اسألك انتي ازاي شخصتي ان ابنك يعاني من التوحد اذا كنتي بتسألي عن الاطباء المتخصيين في التوحد؟؟

التوحد حبيبتي لا يتم تشخصيه فعليا قبل ما يبلغ الطفل 3 سنوات , وانتي بتقولي ان ابنك عنده سنتين بس ( وان شالله العمر كله

ليه يا رب), صحيح ان التوحد له علامات يمكن ملاحظتها منذ الولادة ولكن يصعب تشخيصه قبل ال 3 سنوات.

وربنا يعافي كل المسلمين يارب

 

[بنت التوت]

أخواتي وش رايكم بذي الدكتوره

عدت الى المنتدي بعدطول غياب
أخباركم اخواتي
بسألكم عن دكتوره أسمهاعبيرالعوضي يمدحونهابالكويت لعلاج التوحدهل يوجدحالات تشافت أم لاأبي حالات موكده

 

[بنت التوت]

رد: أخواتي وش رايكم بذي الدكتوره

هل من مجيب

 

[بنت التوت]

رد: أخواتي وش رايكم بذي الدكتوره

لهالدرجه ماحد فاضي

 

[ام التوحد]

رد : أخواتي وش رايكم بذي الدكتوره

حمدلله على السلامه
حبيبتي الدكتوره اسمها عبير عوض
في اكثر من موضوع البنات تكلموا عنها
طلبك غريب شلون حالات مؤكده وبعدين التوحد هي اعراض عالجيها ويخف او يتشافى الطفل ولا تنسين التدخل المبكر وووووو يعني الدكتوره بروحها ما تسوي معجزه هي تعلمج شنو تسوين والباقي عليج انتي الام
كم عمر ولدج هل يتكلم
انا متابعه معاها من 6 سنوات

 

[الصابرة المحتسبة]

رد : الـــتـــوحـــد ،، معلومات تفيد الكل حياكم الله + امثله !!!

أختي خشوشه ما سويت شي ياقلبي ودي بأكثر

 

[بنت التوت]

رد: رد : أخواتي وش رايكم بذي الدكتوره

حمدلله على السلامه
حبيبتي الدكتوره اسمها عبير عوض
في اكثر من موضوع البنات تكلموا عنها
طلبك غريب شلون حالات مؤكده وبعدين التوحد هي اعراض عالجيها ويخف او يتشافى الطفل ولا تنسين التدخل المبكر وووووو يعني الدكتوره بروحها ما تسوي معجزه هي تعلمج شنو تسوين والباقي عليج انتي الام
كم عمر ولدج هل يتكلم
انا متابعه معاها من 6 سنوات

جزاك الله الف خير اقصدالشفاءبيدالله مب بيدانسان قصدي اطفال تشافوا تعرفينهم بس خاني التعبير

 

[ام التوحد]

رد : رد: رد : أخواتي وش رايكم بذي الدكتوره

جزاك الله الف خير اقصدالشفاءبيدالله مب بيدانسان قصدي اطفال تشافوا تعرفينهم بس خاني التعبير

حبيبتي اذا انتي بالكويت او الخليج ما لج غيرها
احس اني شغاله دعايه للدكتوره بس والله شاهد على كلامي يابنات الدكتوره عارفه شغلها وما تخاطر بصحه الطفل مثل بعض الاطباء
انا ما عرف غير ولدي وطبعا ماقدر اقارن بينه وبين غيره التوحد كل حاله غير عن الثانيه بس اقولج شوي عنه اول مره رحت لها كان عمره تقريبا 4 سنوات او اقل ولا كلمه ولا نظره ولا احساس بالالم ( غير موجود )ولدي كان ضايع الحين الحمد لله يارب لك الحمد والمنه قبل شهر شافه مدرس جديد اول مره بالبيت ولما خلص التقيم قالي (مين اللي قالك انه عنده توحد ؟؟!!)

 

[& الذاهبه &]

الحمد الله

الله يبلغج فيه يارب ويقر عينج بشفاءه التاااام ركزي على التاااام

 

[& الذاهبه &]

عندي موعد باااجر مع عبير عوووض

عشان اناقش معاها تحاليل سحب المعادن وبخليها تشوفهااا

ادعولي

 

[بنت التوت]

مشكوره حبيبتي انامن السعوديه ورحت للدكتوره البعض يمدحها والبعض يذمها بس توكلت علاالله واخذت مكملات لولدي وبديت من اسبوعين احس مافيهاتسوي تحاليل شامله كل شي وهذامهم وان شاءالله يتكلم ولدي وولدك قريبآمين

 

[بنت التوت]

صباح الخير ولدي طلع عنده كازين وعنده تسمم الزرنيخ حاليااعطيه اوميغاوdmgوكالسيوم وسوبروفيتامين دومكمل آخروقطعنامنتجات الحليب والبيض والموزلان فيه حساسيه بس للاسف ماتكلم اخرجمل كان يقولهاباغسطس عام2009واللحين لسانع ثقيل مره علماكان فيه كهرباءالدماغ وعالجناه بالديباكين وتقول الدكتوره هواللي ثقل لسانه ارجو من الجميع الردماهي اضرارالديباكين عندنا الدكاتره نصابين ولايهمهم الاالفلوس

 

[شووكولاته]

عبيرعوض حسافه كان و دي التقيها وجها لوجه لكن ولدي الصغير مرض وراح ولدي مع ابوه للموعد

وشخصت حالة ولدي الي الطب التتطوري الحكومي عطوني موعد سنه عالفاضي وقالو مافي شي وهو معاه تأخر تطوري


جزا الله خير هالمتندى الي عرفنا عليها

 

[الصابرة المحتسبة]

رد : رد: د عبير عوض(تم دمج جميع المواضيع الخاصة عن د. عبير عوض)

صباح الخير ولدي طلع عنده كازين وعنده تسمم الزرنيخ حاليااعطيه اوميغاوdmgوكالسيوم وسوبروفيتامين دومكمل آخروقطعنامنتجات الحليب والبيض والموزلان فيه حساسيه بس للاسف ماتكلم اخرجمل كان يقولهاباغسطس عام2009واللحين لسانع ثقيل مره علماكان فيه كهرباءالدماغ وعالجناه بالديباكين وتقول الدكتوره هواللي ثقل لسانه ارجو من الجميع الردماهي اضرارالديباكين عندنا الدكاتره نصابين ولايهمهم الاالفلوس

هلا اختي حتى انا ولدي ياخذ ديباكين وله اعراض طبعا وعلى العموم كل دواء لابد ان له اعراض:

ما هي الآثار الجانبية المحتملة؟
النعاس، زيادة في النبضات، وتقلصات في المعدة شديدة، والغثيان، والقيء، فقدان الشهية، تورم الوجه، ضعف، صفراء للجلد أو العينين، كدمات غير عادية أو نزيف التعب الشديد، التغيرات في حالته العقلية.
أخرى:
الإسهال ، الأم في البطن، ارتجاف.
ماذا يجب أن أنا احترس من؟
• سوف تحتاج إلى اختبارات الدم بانتظام لمشاهدة كيفية تأثير هذا الدواء لك
• هذا الدواء قد يسبب تلف الكبد
الجرعات
®) ديباكيني ® 200 مغ ® ديباكيني 500 ملغ كيف يجب تخزين هذا الدواء؟
قم بتخزين هذا الدواء في درجة حرارة الغرفة. حمايتها من الحرارة وارتفاع نسبة الرطوبة والضوء الساطع.