د.ليلى اشكناني

[شطانه طفله]

انا اراجع عند الدكتوره ليلى من شهري الثاني عند ليلى اشكناني

والحين انا بالشهر الثامن والله يتمم علي يارب واولد بالسلامه ادعولي بنات انا بجريه

المهم ان بكل مراجعاتي كله بسرعه بسرعه معاي ودي تقعد وتاخذ وتعطي معاي انا ما عرف شي ابد والوالده الله يحفظها ناسيه شوي الولاده والحمال :eh_s(4): وماعندي خوات اكبر مني ولاشي


المهم ان قاع افكر اغيرها وبمنو تنصحوني ؟

لان احس ان حته عاللاده بسرعه بسرعه شغلها بيصير وانا ابي وحده تاخذ وتعطي وتسولف معاي

عطونيرايكم بنات ومنو في بديل باسرع وقت ؟
لاني بنهايه الثامن

وشكرا :eh_s(7):

 

[baa6aa]

انصحج بزينب برويال حياه .. انا عندها حاليا تعطيني حقي و زياده .. راجعت عند 2 قبلها بس استقريت عليها لان صج مريحه بمعنى الكلمة .. و يمدحون ولادتها و كل شي .. و الله يسهل عليج يارب

 

[glby7sas]

انتي وين تبين تولدين باي مستشفى
اذا بالسلام في لطيفه الكندري ولدت اختي خوش وحده

 

[شطانه طفله]

حاطه في بالي دار الشفا اولد فيه ان شاءالله حدي متوتره وراسي قام يعورني لا جد اهماااال دكتوره ليلى بمراجعاتها

 

[Q8_QT]

انا بعد اراجع عند ليلى ونفس ملاحظتج احسها سريعة حيل وماتاخذ وتعطي وياج وايد مع انها هادية ومريحة
انا كنت عند اطيفة بالسلام بس اسمعت انها اجازة مفتوحة اهي رجعت ؟؟

 

[baa6aa]

اذا تبين دار الشفا عندج دكتورة زينات و مي حيل يمدحونهم

 

[elegantway]

up up

 

[elegantway]

الله يسهل عليج وتولدين بالسلامة

 

[sweet*dream]

اذا بتولدين بدار الشفا راجعي عند الدكتورة اصفة

انا حييييل مرتاحة عندها وتعطيني حقي وزيادة

عيادتها بمبنى عيادات دار الشفاء كلينك اول ميدان حولي

وما كو زحمة وعوار راس

والله يسهلج يارب

 

[ام أسد]

دكتور زكريا بدار الشفااا وولادته حيل حلوة ومايستعيل عالوحدة وسوناره حلووو ودقيق والله يسهل عليج وعلينا يارب

 

[.،:"$الـعـوبــــة$":،.]

للاسف كل الدكتورات الشطار صار عليهم زحمه وضغط

وقاموا يحذفون المريضات على دكتورات اقل منهم بعيادتهم

او يستقبلونهم بدون مايعطونهم حقهم

غير الزحمه والنطره اللي تصير فوق الساعه والساعتين والاسعار الغاليه

بس شنقول الشكوى لله

واذا بنصحك بذكر لك دكتوره سلوى الرفاعي

هي اللي للحين ماخذتها موجة الطمع .

 

[نـعـومـه]

كل دكاتره شطار والمعروفين جذي

نفس ناهده العلي كانت سريعه

 

[مرت الغلا]

فعلا ليلى جذي انا اراجع عندها وعند ناهده العلي وبصراحه فرق
نعومه لا ماوافقج الراي ناهده تظل ساعه تحن تقول قولي شعندج تذكري وتقعد تسال بالعكس انا اصير بخلص واطلع هههه
اذا تبين دكتوره من برا اخذي ناهده واذا من المستشفى عندج زينات ومي ومعصومه واصفه

 

[TWEETY]

غيريها انا ماحبيتها
دكتورتي اللي تعودت عليها من 7 سنين رشحتها لي لانها بتسافر
ووقت ولادتي دقوا عليها وماصبرت بسرعة تبي تطلع البيبي وخياطها انفتح والتهب علي قبل ال10 ايام من نفاسي
ومالتامت غرزه عندي مع انه كنت ايام واطلع من الاربعين

 

[مذهلة2013]

ماحب الي جذي بسرعه بسرعه
انا دكتوري حيان الاحمد
اكتب لسته اساله واقولها له ويشرحلي كل كل كل شيييييي
ويشرح الولاده وغشمرجي ودمه خفيف ومايصعب الامور
والاهم ((((((( فاااااهم وذكييييي)))))))

 

[cute808]

الله يكون بعونج مثل وضعي دكتوره ليلى برررروود ماتتكلم ووايد هدؤ يخوفني مدري وين اروح

 

[CuTe_FaCe]

انا اراجع عند دكتوره ليلى
وصح ملاحظتج انها سريعه وهاااديه

وانا والده عندها مرتين وهالمره بعد ناويه اولد عندها

لاني حبيت فيها هدوءها وكلش ماتستعيل عليج وقت الولاده وتطمن وتاخذ وقتها

انا والله بعيالي الاثنين كنت احن عليها اخر التاسع الي اطلق صناعي عشان اولد افتك ماكانت تراضى
كله تقولي لا حرام ننطر
وكلش كلش مو ماديه نفس بعض الدكتاره
وانا نفسج اشكثر افكر اغيرها لانها ماتتكلم كلش

بس كل ما اذكر ها وقت الولاده وخياطها اقول لاااا ما اغيرها
وبالعكس خياطها يهبل ونظيييف وتضبطج بعد
انا عن نفسي وااايد مرتاحه

انتي سألي واستخيري

بس حاولي بسرعه لاني اللي اعرفه في دكاتره مايستقبلون من الشهر الثامن

 

[++صدفة++]

دكتورة ليلى اهيا جذي اسلوبها هادية ما تتكلم وايد
بس انا كنت منشفة ريجها بالاسئلة حزة السونار اسألها عن كل شي بالسونار وعقبها اكون مزهبة لستة اسئلة وتجاوبني على كل اسئلتي
يمكن تكون تستعيل بالمراجعة بس عشان بتلحق على باجي المراجعات
بس الشهادة لله انها صبرت علي لين خلصت الشهر التاسع وفوقه اسبوع لو دكتورة ثانية چان شقت بطني عشان تاخذ فلوس اكثر
وهم بعد خياطها نظيف ومرتب ولا چني حملت وولدت

 

[زهراء*]

انا كنت اراجع بالمواساة ، دكتورتي عجيبه وتعطيج حقج وزيادة

وحيل ارتحت لها وماشالله عليها فاهمة شغلها عدل

حتا بالسونار تعطيني كل شي ماتقصر




واي سؤال تجاوبني ماتخليني اخذ راحتي بس انا بالاصل ماعرف أسأل أصلن


اسمها دكتورة نجوى ، مصريه أهيا وكانت رئيسه القسم بالصباح فعندها خبرة


بس مادري اذا تولد خارج المستشفى. او لا

 

[Ms.lool]

لابالعكس عجيبه خالاتي كله يولدون عندها حبوبه و تصبر عالوحده و شاطره