بنت المنصور
New member
- إنضم
- 6 نوفمبر 2009
- المشاركات
- 1,706
- مستوى التفاعل
- 0
- النقاط
- 0
كل وحده فينا بايام الدراسه مرت بذكريات كثيره ومواقف كثيره منها الي يضحك ومنها المؤلم انا الذكريات
المؤلمه ما ابيها راحت مع وقتها والله لا يعودها ان شاء الله انا ابي الذكريات الحلوه والمواقف الي ماتنسي والي
ليما الحين تذكرونا على الاقل كل وحده منكم تقول لي موقف واحد ماتنساه ....
انا عن نفسي اذكر بايام المتوسطه كانت عندنا مدرسه (ابله) تدرس جغرافيا كانت نسخه مطابقه لمنو؟ محمد عبده
تخيلو معي محمد عبده من غير شوارب ولابس حجاب ورب الكعبه هي هي ولا اسمها سلوى بعد انا من اول يوم دخلت
وشفتها بلمت تطالعني تقول لي في شي؟ اقول لها لا سلامتج وانا عيني ماتنزل من عليها مو قادره استوعب الشبه
المهم هي من عوايدها انو تقسم الصف مجموعات وكل مجموعه تختار يوم تشرح فيه درس ما ادري هذا تصرف منها
عشان غصب ندرس ونحضر ولا هي مالها خلق تشرح اصلا الله العالم المهم ان كل مجموعه توزع فقرات الدرس على
البنات الموجودين كل وحده تاخذ فقره تشرحها وانا والله والله اني كنت احضر وادرس واعرف وفاهمه الفقره بس لما
اقوم ابي اشرح بمجرد ما اصلب طولي والصف يسكت والبنات يطالعوني واحط عيني بعينها وربي ما اسمع ولا صوت
اسمع شي واحد بس باذني شي يقول ( على البال تن تن تن تن < اذا تذكرون لحن الاغنيه كل التفاصيل على البال
تن تن تن تن واحلى التفاصيل .... الخ ) !!!! وربي اسمع صوت محمد عبده بذني يغنيها ولا بعد ازيدكم من الشعر
بيت حفله مو تسجيل استديو وابي اطردها من من تفكيري شلون مو قادره وربي اسمعها تقولون مركبه سماعات بذني
والمدرسه تنطر والبنات وانا واقفه مبلمه وساكته انزل راسي ومو قادره اقول حرف احس لو نطقت بموت ضحك
:krkrkr: فكنت اسكت وتعصب وتقعدني وراحت السنه على نفس الحال وكل ما يصير دوري واقوم اسمع على البال
زين غيري على البال مره مساء الخير مره كل مانسنس مره تغير يعني لاااااااااااا مايمشي على البال وبس ونقصتني
علامات ودرجتي بهالماده طلعت مو شي كلش كله منها هي وربي انا مالي ذنب ....... :eh_s(14):
ابي مواقفكم خل نضحك شوي
التعديل الأخير:
