ذكر شيرازي اينن للتبني !

[Le-Touch]

بـسـمـ الـلـه الـرحـمـنـ الـرحـمـنـ

.
.

ذكر شيرازي للتبني عمره سنتين يحب يلعب حيل انتاجه وايد حلو ومشاءالله عليه يتاقلم مع اي قطوه
والقطو حده حبيب ينام عندج بالفراش وحيل حبوب ما عنده تشمخ او تعضعض

هذيلا عياله من قطوتي بزونه

http://www.q8yat.com/t979095.html

بنات للامانه هالقطو حيل احبه بس للاسف ما عندي مكان كافي

شروط التبني

- بيت مافيه يهال اصغار ياذون الحيوانات
- المتبني تكون بنت
- ما ابي ام تاخذ حق عيالها يلعبون فيه لان هذي روح مو لعبه
- اتم على اتصال دائم مع المتبني
- في حال عدم مقدرتكم على تحمل القطو ينرد لي ما تتصرفون فيه وتبيعونه او تقطونه


بليز الي تبيه تكلمني واتس اب او رسائل خاصه بالمنتدى

97891488

امانه بنات اللي تفكر تاخذه تخاف الله فيه وادير بالها عليه

تـ ح ـيـاتـي

​

 

[ZAMessi]

ايييييننننننن ماشالله
انشالله يطيح بأييد ناس زينين و يخافون ربهم
احسن شي سويتي الشروط

 

[om deaj]

ليش حبيبتي ماتكون ام
انا يبت قطو عشان عيالي يتعلمون مايخافون على القطو ومثل ماقلتي هذي روح مارضى يصيرلها شي بذمتي

والله مجابلته واقط عليه لدرجة حتى شغالتي استغربت مني ومن اهتمامي فيه
معنه مريض وراعيها قالي قطيه على البحر قلبي ماطاوعني ابد وبوديه اعالجه ويا انا يا المرض

 

[اشلون يعني &]

اخاااااف منه ماتتوقف انه معاي. وااااي

 

[Le-Touch]

حبيبتي ام دعيج, مو قصدي شي يا قلبي ادري ان في ناس للحين فيهم خير

بس تدرين الي يقهرني غالبا الامهات ياخذون حق عيالهم ويلعبون بحسبة القطو
والله من خوفي عليه قلت هالحجي

ويارب الي تسوينه بميزان حسناتج

وانا اصلا هالقطو لقيته قبل رمضان كان ضايع بالشارع وحرارته مرتفعه خيته و وديته للطبيب وعالجته
والحين احلى منه مافي ومشاءالله عليه اينن انا وايد احب الحيوانات والله لو عندي مكان يكفي جان خليت وايد عندي

والحمدالله حبيت ابلغكم ان حصلنا متبني للقطو
رفيجتي من ايام الثنويه شافت صورته وقالت انها تبيه واهيا تربي قطاوه من زمان والحمدالله حيل ارتحت

شكرا وايد

 

[Lourdez]

ما شاء الله وايد حلووو القطووو يحلاته

 

[7alom]

ان شا الله تلاقين الي يتبناه ،،، شكله هادي ويكسر الخاطر
انا ابي اتبنى يهال مابي كبار و اليهال الي عندنا لاتشوفينهم مع الحيوانات تخيلي ان راحوا الجمعية ماشروا لنفسهم وشروا للحيوانات يقولون حرام ماعندهم بابا وماما نفسنا حرام

 

[عود ومسك]

هذا مو انعرض قبل فتره وخذته راب قيرل ليش ردته
مسكين هالقطو عاد يهبل ماشاء الله عليه

 

[Le-Touch]

راب قيرل خذته ومشاءالله حمل قطوتين عندها وصار الحين عندها وايد قطاوه بالبيت وانا كنت مشترطه في حال ان ما قدرتوا على القطو ان لا تتصرفون فيه تردونه لي واهيا ما قصرت كلمتني وشرحت لي الوضع وصج الله يعينها اهيا اساسا عندنا قطوتين وياب وحده ثالثه مع مشمش صار عددهم 4

2 من القطاوه حملوا من مشمش و وحده منهم توها والده يابت 5 كتنز فالوضع صار لويا عندها حرام ويعطيها الف عافيه على اهتمامها

 

[7alom]

ماعني ماعرفها بس عساها على القوة وكلكم والله ما قصرتوا وعساكم على القوة والله انا حدي منصدمة ان في كويتيات جذي عبالي بس الاجانب الي يهتمون بالحيوانات ويدارونهم بس من دشيت المنتدى وقمت اقرى قلت الحمد لله يا رب ان في ناس تهتم بالحيوانات عساكم على القوة خواتي

 

[VET-Nour]

اصكر الموضوع ولآ لا ؟ :|

 

[دموع الظلام]

ماشالله حده كيوووووت

 

[عود ومسك]

راب قيرل خذته ومشاءالله حمل قطوتين عندها وصار الحين عندها وايد قطاوه بالبيت وانا كنت مشترطه في حال ان ما قدرتوا على القطو ان لا تتصرفون فيه تردونه لي واهيا ما قصرت كلمتني وشرحت لي الوضع وصج الله يعينها اهيا اساسا عندنا قطوتين وياب وحده ثالثه مع مشمش صار عددهم 4

2 من القطاوه حملوا من مشمش و وحده منهم توها والده يابت 5 كتنز فالوضع صار لويا عندها حرام ويعطيها الف عافيه على اهتمامها

حبييييييييبتي الله يعيييييينها ماقصرت انا حاسه بوضعها
نفس حالتها قطاوتي شكثرهم وكل فتره نثيه تقطلي 4 5
بصراحه متعبين حيل ومكلفين حيل وحيل ههههههه الله يعينا

 

[Le-Touch]

عود ومسك الله يعينج يا قلبي,

يا حلاتني, اي حبوبة تقدرين اتسكرين الموضوع لان تم التبني

 

[VET-Nour]

-يُغلق- ​