ذلتني عيــونـهـا..((قصة حب كويتيه اتحداكم ما تندمجون ))

[Miss jøjø]

============================================

المخفر......
الضابط: شنو علاقتك بكل من...عبدالعزيز..وفهد
بدر: عبدالعزيز كان رفيجي..وفهد رفيج عبدالعزيز...اهو اللي عرفنا عليه
خالد: نقدر نعرف شسالفه
الضابط ( يكلم الشرطي): دخل عبدالعزيز
ويدخل عبدالعزيز..
عبدالعزيز: اي ..هاذا اهو..هاذا بدر اللي ذبح فــهــد
خالد: عبدالعزيز انت تدري ليش ذبحه بدر
عبدالعزيز: تهاوشنا بلعبة القمار و ذبحاه..اي هاذا بدر اللي ذبح فهد
الضابط: اسكت خلاص..لما أأذن لك تتحجى تكلم...بدر...الشاليه الواقع في بنيدر قطعه ** شارع ** رقم***..بإسم الوالد...وصارت فيه جريمتين قتل ..وانت تدري مازال التحقيق فيهم
بدر: عدل
الضابط:جاشيم ( حارس الشاليه)..اهو المحبوس على ذمة هالقضيه وليلحين مافي حكم صادر بحقه
ليلى..ماتت بعد الاعتداء الجنسي عليها..وماتت اثر طلقة نار من مسدس ....عيار21
بدر: وسؤالك؟
الضابط: ليلى ماتت على ايد عبدالعزيز..بس اللي بنعرفه..فهد شلون مات
بدر: انا اللي ذبحته
الضابط: سجل اقواله...
بدر: دخلت الشاليـــه..في وقت متأخر..وقتها كان عمري 18 سنه ..وتوني قاص الليسن..دخلته انا و خالد..كنا ندري ان عبدالعزيز هناك..عبدالعزيز عرفناه من الدوانيه..الشباب عرفونا عليه...لقينا بنت عنده ...وكانت مو كويتيه حسب اللي عرفته من لهجته المضطربه..مزيج من مصري و كويتي...كانت مغتصبه...عبدالعزيز طلب منا نتستر على الموضوع ونشاركه بجريمته القذره...وبالخطأ ذبح عبدالعزيز البنت ولما حاول خالد يتدخل...فهد هاجمه..وتدخلت انا بسجين..طعنته في ظهره..وماحسيت فيه الا واهو جثه بين ايدي...

===============================================



مها كانت نايمه العصر...وفجأه رن تليفونها...
مها:: شوووق!!!!
شوق: هلا حياااااااااااتي مشتاقلتلج
مها: مشتاقتلي؟؟..شوق انتي اسبوعين ماتدرين عني..ادق ماتردين...شسالفتج؟
شوق: والله ياحياتي انتي ماتدرين عن شي باجر لي تزوجتي تعرفين المره المتزوجه مو مثل البنت
مها: اها ...شلونج عساج مرتاحه ( بنفسيه لأانها تضايقت من كلام شوق..حيل تغيرت عليها..صج لي قالوا..كل متزوجه تتغير على رفيجاتها و خواتها)
شوق: واي يامها لو اقعد اقولج شكثر انا مرتاحه ماح تصدقيني
مها: عسى دوم انشالله
شوق: المهم انا حبيت اتطمن عليج و اطمنج علي...سلميلي ع الوالده
مها: يوصل
شوق: يلا حبيبتي مع السلامه..

مها سكرت التليفون ....احلى صدمه!!..هاذي شوووق؟؟؟؟؟؟
جذي الزواج يسوي؟؟؟؟
الله واكبر..
الله واكبر عليج ياشووووق..
جذي تكلميني؟؟!!

حطت راسها ع المخده وحاسته بينبط من الصدااع...
=========================================

طافت الايام هااديــه...

انقطعت اخبــار بدر وبالأصح ماكانت عارفه شصارله ..ماتدري انه في قضيه مرفووعــه عليه و الحكم ليلحين ماصدر...

فيصل كان قاعد مع امـــه يوم اليمــعه العصر..
فيصل( يغمز حق امه عشان تقول حق ابوه انه ناوي يخطب)
ام فيصل: هو شفيك تغومزلي قول تحج مامن غريب
بو فيصل: ها يبه شناوي عليه بعد
فيصل: يمه شقايلج انا لايكون نسيتي بلييييييييييه هاذا وانا قايلج انا
ام فيصل: ايه ..أسكت بس ( وتأشر له يسكت..) مبارك ولدك بيعرس
بو فيصل: شنو؟؟؟؟ فيصل ولدي بيتزوج...من بنته هاذي؟
ام فيصل: تعرف عايلة البرواز
بو فيصل: عايله و النعم فيهم ..ايهم فيه..البرواز اللي صوب المنصوريه ولا اللي صوب الضاحيه
فيصل ( يشق الحلج): لا يبه ..اللي بالمنصوريه
بو فيصل: والنعم فيهم كلهم...بنت البرواز اهي؟
ام فيصل: والله يابو فيصل انا قاعده قعدة حريم قبل 3 ايام و يبت لهم طاري البنت..قالولي مزيونه وسنعه..وتدري فيه ..كلام ام ناصر مايتحرف..يعني البنت صج ماكو مثلها
بو فيصل: شسم ابوها؟
فيصل: ها..يبه شدراني...
بو فيصل: انت من وين عرفتها
فيصل: يبه تصير اخت مرت رفيجي
بو فيصل: لحظه يابوك خل اركز ..عيد ع البطيء
فيصل: آنا يبه عندي رفيج اسمه عبدالرحمن ولد الضاحي..
بو فيصل: وصل
فيصل: هاذا متزوج
بو فيصل:وانا شكو فيه
فيصل: اسمعني انزين يبه..المره اللي ابيها تصير اخت زوجته
بو فيصل: وين شفتها انزين
فيصل: رايح ازوره و شفتها وبنت مزيونه بنت حلال و خلوقه ومارفعت راسها جدامي
بو فيصل: زين عيل يبه...دام جذي..هاذي الساعه المبارجه اللي نزوجك فيها و تنقلع عن ويوهها
فيصل: اي يبه انقلع بس خل امي تخطبها لي اليوم
ام فيصل: خلاص لا تحن ترا ينيت انا ..اسبوع ما ارتحت من حنتك...اليوم عقب الصلاة نروح نخطب
فيصل: وربي انتي تهبلين عطيني خل ابوسج اهوووو
ام فيصل: فيصل وثول سعبلت على خدي..قم يلا وخر
فيصل: ولدج انا سعبولتي اهي نفسها سعبولتج الله يهداج..المهم ماعلينا ( يعدل العقال)..من وين بتييبون مهر المره..
بو فيصل: الحكومه تعطيك اربع وانا ازيدك اربع..
فيصل: والسكن يبه
بو فيصل: يبه البيت فاضي مافيه احد الحين غيرك انت و نوره هالياهل...تقدرون تاخذون راحتكم..وانت بعد شهر بتتوظف ..تقدر تاخذ شقه اجار..
فيصل: وربي انت تهبل ..عطني خل ابوووس
بو فيصل: فيصل ويهد وخر عني الله يغربل ابليسك...
فيصل: يعني خلاص انا صرت معرس
بو فيصل: انت مع ويهك وايد واثق من انها بتوافق
فيصل: وليش ماتوافق انا ريال..وخوش ريال..شقردي...وعندي شهاده..مزيون و ماعندي سوالف خرابيط..واصلي
بو فيصل: احلف انك تصلي
فيصل: والله يبه اصلي
بو فيصل: خلاص بسك قرقه الله يتممها على خير
فيصل: يبه شصار على بدر
بو فيصل: بعد شهر الحكم
فيصل: بيييه والله ماسوت عليه منحوووس..من تزوج مانام عند مرته الا ليله وحده
ام فيصل: استح الحين وقوم عن ويهي
فيصل: انشالله يمه انشالله بس انتي يودي هاج ( يعطيها استكانة الجاي..ويقوم)..

=========================================


ام جراح:يمه مها..قومي ابيج بسالفه
مها( يمه خير ماشبعت نوم سكري الليت)
ام جراح( تضحك ضحكة عيايز): قومي بقولج شغله تفرحج
مها( ماظنتي تفرحني ..تشيل راسها من المخده...وتقعد و تطق على فخوذها حيل مالها خلق امها كلش): امري يمه شتبين (( متخدره وفيها النوم))

ام جراح: يااييينا حريم بعد شوي ..واظن ياييين خطبه..قومي تسنعي يمه
مها( تحك راسها): بليييييييه انا قايلتلكم اني صغيره وبعدي..جم مره نقول يعني جم مره ( تتحجى بثقل جنها سكرانه)
ام جراح: اختج تزوجت يوم كانت بعمرج..وكاهي الحمدلله متزوجه ومرتاحه..وانشالله كلها سنه و تتعالج وتييب درزن يهال(منال تعالج بما انها تأخرت بالحمل)
مها: اي انشالله..يمه تكفين قدري اوضاعي راعي ظروفي فينييييييييييييييييييييي النوووووووووووووم
ام جراح: بتقومين ولا شلوووووون
مها( بثقل): شلووون
ام جراح تشيل اللحاف عن مهاااااااا..

================================================== =

الساعه 6 المغرب..
ام جراح: حيالله من يانا..ياهلا ومرحبا..
فوزيه( تقولب بعيونها تطالع البيت...):ياهلا فيج ام جراح..شلون شلون صحتج ( داشه مستشفى الحبيبه)
ام جراح: والله بخير عساج بخير...
فوزيه كانوا معاها حريم ثنتين...
قامت ام جراح وصبت لهم الجااي...
فوزيه: والله ذبحنا هالغباار..مايمدينا نمسح و ننظف..الا واهو هاب علينا مره ثانيه ( خوش سالفه تتحجين فيها يعني مسولفه مع الويه)
ام جراح: اي والله يا ام فيصل..بعد شنسوي تعودنا
ام مصعب( تتدخل):تمرضنا بسبة هالجوو..بس شنسوي الله ياخذ والله يعطي يا ام جراح
ام جراح: عدل كلامج ام
ام مصعب: ام مصعب
ام جراح: ياهلا والله
ام فيصل: والله ياوخيتي لا نلف ولا ندور..ولدي فيصل توه راد من بره ..دارس ببريطانيا ..وانشالله كلها شهر و يتوظف...وحبيت اشوفله بنت الحلال اللي تستاهله و تسعده..ومالقيت انسب من بنتكم مها..ادب و اخلاق و سنع والله يخليها لج انشالله

ام جراح: تسلمين يا ام فيصل...والله ان فيصل حسبت جراح اكثر من مره اشوفه ايي لعبدالرحمن ودش قلبي هالصبي الله يخليه لج انشالله..بس مها بعدها صغيره توها متخرجه من الثنويه..وانتي تدرين الزواج يلهي عن الدراسه
ام فيصل: هذااك قبل يا ام جراح..الحين البنت صارت تدرس وبطنها هاااااااااااااللكبر ..خبرج تغير يا ام جراح تعالي شوفيهم بالجامعه شزينهم وشحلاتهم متزوجات و حمل بعد...صدقيني الزواج مايعطل ولا شي..كانا احنا درسنا و تزوجنا اشوف ماتعطل شي

ام جراح: والله يا ام فيصل سديتي حلجي..كلامج صح والله..انا انشالله اشاور البنت واشوف رايها..وانشالله الله يكتب اللي فيه الخير..

ام مصعب: هو؟؟ ماراح نشوفها
ام جراح: لا الحين انشالله نازله...( ترفع حسها و تنادي..) مهاا..مهاا..يلا يمه تعالي..


دخلت مهاا....وصوت كعبها كان عالي...انسمع قبل لا تدخل الصاله...بيدها صينية العصير...فاله الشعر...ولابسه تنووره شيفووون ...وكان لبسها راقي حيل..كانت اكبر صدمه انها تشوووف فوزيه اهي اللي يايه تخطب...هاذي!! مو ام مناير زوجــة بدر!!!!!!!...توترت شوي ..قربت الصينيه ...و و زعت العصير..وبعدها حطتها ع الطاوله و قعدت...ورفعت خصله من شعرها كانت نازله على فيسها...وبدت تلعب بخاتمها متوتره و مستغربه.....

ام فيصل: مشالله تبارك الرحمن...شزينها وشحلاتها..تقولين خليها تكمل دراستها..تبينها تضيع منا..لا يا ام جراح ..احنا نبيها لولدنا....الا يامها..مو جني شفتج بعرس بدر قبل اسبوع

مها( ابتسمت بتوتر): اي خالتي...بدر رفيج جراح اخوي
فوزيه: وي صج انه مايستحي..ما قال لنا..جان ع الاقل عرفنا نرحب فيكم...ياهلا ويامرحبا...بس جني شفتج يييتي بروحج؟

ام جراح: اي يا ام فيصل انا وقتها ارتفع عندي الضغط وماقدرت احضر بس بالمبارك عليييكم زواجه ( وبدت تتلفت مستغربه من هالصدفه....وعطتها صاروخ ..صج عيايييز بسرعه يألفون)..

مها نزلت راسهاا...معقوله!!!..فيصل اهو اللي ياي يخطبني....

ام فيصل: طلباتكم يا ام جراح..جني اشوف الموافقه بعيون مها

مها ابتسمت ...شكلها بتعيد نفس الحركه مع فيصل و مها....
ام جراح: لا اهي مستحيه شوي...عطونا فرصه وانشالله نرد لكم خبر
ام فيصل: وي ليش تستحي كلنا حريم..مابينا ريال...
ام جراح ( قاطعتها): اهي لازم تقعد مع الولد شوفه شرعيه وبعدها تقول رايها....
ام فيصل: اللي يريحكم..يلا سريناا..

مها قامت وقفت....

==========================================

مها لما صعدت غرفتهاااا ماتدري تستانس ولا تتضايق....ماتبي توافق على انسان ماتكن له اي مشااعر...عشان بس تغيض بدر..ولا تبي تخسر انسان شاريها...بدت مشاعرها تتضارب...واقوالها تتناقض

مها: يمه انا ماقلتلج ما ابيه
ام جراح: توج تقولين مابلعته
مها: يمااااااااااااا خلاص انا اموافقه سكري الباب و طلعي بنام
ام جراح: هاذا زواج يابنيه..تحجي عدل مو وقت غشمره
مها: اي انا اموافقه شفيج..روحي بشريها ..عيوز النار
ام جراح: استحي على ويهج هاذي بتصير خالتج
مها: يماااااااا انا اموافقه
ام جراح: صج زمن خايس قبل العروس تتخشش لما احد ايي يخطبها و ماتنطق بهالكلمه من الحيا..
مها: انتي طلبتي رايي..بليييييييييييه شقول يعني
ام جراح: من السنع انج تسكتين وانا اقولج السكوت علامة الرضا وألمج
مها( تشق الحلج): لا واللللللله..يلا كا انا الحين ساكته
ام جراح: ماينفع معااج ( وتهفها بالمخده..وتضحك مها وتنزل خصلاتها على ويهها..وتقول اووووووووووف و تطير خصلاتهااا)

ام جراح: والله وكبرتي يا مهاوي

مها: اي حتى كا شووفي صرتي مره ( تتخصر بجسمها وتعرضه )
ام جراح: الحمدلله والشكر لك.. فاصخه الحيا ماكوووو منعدم الحيا بهالبنيه..

طلعت ام جراح تروح تبشر ابو جراح و ولده..
ومها هني لما اختلت بروحها..[ انا شسويت..اانا من صجي ابي فيصل هالخبل...بس الريال حبوب و عنده شهاده ....ليش ما ابلعه انا ليييييييييييش..بس اهوا ولد عم بدر...يعني اذا خذيته راح..لأالالالالا استغفر الله على هالتفكير الخااااايس..انا ابي فيصل لذاته..مو عشان بدر..بدر خيموت خل يحترق...ماقام يهمني .....قطت المخده فووووووق لين حاشت السقف..وبدت تضحك بخبال....]

 

[ككوته]

وناااااااسه الله يهنيج يامها
وحسبي الله عليك يابدر .. عساك بهالحال واردى احسن

 

[أهات أحزان]

يسلمووووووووو كملي

 

[قطوف دااانيه]

يعطيج الف عافيه يالغاليه على البارت الحلو
والله يوفقج ان شالله وتصبحين على خير

 

[قلبي سلمته لك]

_


الحمدالله توقعي كان صحيح ؛
بليييييييييييييييييييييييييييييييييييييز نبي بارت .

 

[Miss jøjø]

مشكورين حبايبي ع ردودكم الحلوه اللحين انزل بارت

 

[Miss jøjø]

(( الجزء الثالث و العشرين ))

فيصل كان ناطر امه بالسياااره لأن اهوا اللي يايبهم ...

فوزيه ( تدخل السياره و تسكر الباب و الحريم صعدوا ورا): لا ابد خوش ناااس والله

ام مصعب: بس جنها ملسونه البنت

فوزيه: يبه خبرج امغبر الحين ماكو بنت إلسانها مو طويل العوض ولا القطيعه وانا اختج

فيصل: يمااااااا شصار صارلي ساعه ناطركم تخلصون ماخلصتوا

فوزيه: تنورتها والله شزينهااا

ام نادر( واخيررا" نطقت): بس جنها وايد شفافه

فوزيه: عادي حريم احنا

ام مصعب: شعرها شحلوه يكتكت ( كلمه كويتيه بمعنى :ناعم منسدل )

فيصل: يمه شقااااااااالت البنت ردوا عليييييي تكفوون بحترق صارلي ساعتين ناطر

ام نادر: بيتهم والله شحلو اثاثه

ام مصعب: بس شكل الغنفات تفصال اعرف واحد اخذيله كتلوجات رومانتك ويسويهم لج طبق الاصل

فيصل: صج حريم رايحييين تخطبون ماخليتوا شي حتى الغنفات تتحجون عنهاا

ام فيصل( ماكو اي تعبيرررر امكمله كلامها ومعطته اقنور على افاه): لا البنت ذربه زينه تصلح

ام مصعب: امها بعد شحلوها حنينه( بمعنى حنونه بس بالكويتي القديم)

ام نادر: لا انشالله توافق
فيصل: تكفووووووووووون ردوا علييييييييي والله ما احرك الا لما تقولون لي شصار

ام فيصل: حرك فصيل بالبيت اقوولك يمه...ام مصعب ماسألناهم عن المهر

ام مصعب: شفيج ام فيصل ماتعرفين الاصول..الاصول المره اليايه مع فيصل تشوفه و تقعد معاه واخوها معاها ولا ابوها وتالي لي وافقت احنا نقول لهم شنو طلباتكم...والحين عيب محد ينطق بالمهر..يقولون لكم احنا شااريين ريال..غير جذي تراهم مايعرفون الاصول

ام فيصل: شدراني انا ماقد خطبت توني اول مره وآخر مره ولدي الوحيد فيصل

فيصل( يسوق و ميت من القهر لأنهم صج متجاهلينه): حريم لما يسوولفون ينسون نفسهم

ام فيصل: والله مضعدها(سوارها) شحلوه كشخه

فيصل( يحرك ايده ): مادري عيال فقر احنا..صج حريم ماتخلون شي..حلوه يمه صح

ام فيصل( لحد الحين اسكب على راسه): شحلو ضيافتهم والله
ام مصعب: وي الله يخليج الحين الكل يسوي جذي
ام نادر: لا سَنَع ..سَنَع..
فيصل( عفس ملامحه مستسلم شكلهم امطولين العيايز)
=======================================

مها حاطه راسها تحت المخــــده...اوووووووووف من متى انتي جذي يامها ..بعد ماكان الكل يسأل عنج...صج لي قالوا صداقة الثنويه مؤقته..تنتهي بعد انتهاء آآآخر كورس...حتى مسج مستخسرينه فيني....
[ تحط راسها فوق المخده حيل]..حتى شووووق...من تزوجت تغيرت واايد....آخر انسانه توقعتها تتغير علي شووق!!!..
قبل فوني مايسكت وما ألحق و24 ساعه بإيدي ..والحين اقطه يومين ولي ييت بجيك ..انصدم لما ألقى المفتاح بروحه لووووووووووووول ( قصدها فونها مقفول بس..مافي لا رسايل ولا حتى مس كولات)

صج دنيـــا..
وفيصل.!!..شلون راح اعيش معااااه..واي يمه ..صار زواج صجي...يعني بتزوج آنا؟؟..
فيصل حلو...شكله هيبه...خبل شوي..بس اينن...
بدر الحين شقاعد يسوي مع مناير...( هني بدت الغيره تتسرب لقلبها و عقلها... ماتدري انه محبوووووس من اسبووع)....

----------------------------------------------------------------------------------

فيصل: كااا..وصلنا البيت ..وبدلنا...وقعدنا..قوليلي يمه شلون البنت..شقالت شقلتوا
ام فيصل: ماكو ( ويقاطعها))

فيصل( امقاطعها): من اول مادخلتوا البيت لييي لما طلعتوا ابي بالتفصيل

ام فيصل: يمه خوش بنت حلوه و سنعه واتفقنا الاسبوع الياي ناخذك تقعد معاااك وتفاهموا ومعاها محرمها
فيصل: يمه !!..الله يهداج اسبوع وااااايد

ام فيصل: فصيل عن الطفاقه..خلك ثقيل شووي ..لاتفشلنا

فيصل( يعفس ملامحه): انشالله يمه..ماقلتيلي..انتي انتي..شرايج فيها؟؟؟

ام فيصل: والله البنت قالولي تدرس...وبالبدايه قالوا بتكمل دراستها وانا اقنعتهم تتزوج و تكمل
فيصل( يبوس راس امه): كفو والله ام فيصل ..

ام فيصل: مزيونه ..كشخه..وذربه..ومادري بعد...هاذا اللي شفته..وترا كل البنات بأول مره يبينون سنعين..المره اليايه واللي بعدها..اشوفها واقعد معاها اكثر..

فيصل: بس والله يمه خوش بنت

ام فيصل: اي انشالله تطلع مثل ماتقول
==============================================

ثاني يوم...الساعه 10 صباحا"
في المنصـــوريه..بيت بو جراح..

نزلت مها رافعه شعرهاا..و بدت نفسيتها تتحسن..باين عليها الارتياح...بس صايره حساسه اكثر من الاازم وماتتقبل اي كلمه..وهاديه شوي..

لقت ابوها وجراح قاعدين يتريقون ( يفطرون)..
مها: صباح الخير

بو جراح: هلا والله صباح الورد..تعالي يبه قعدي يمي فاقد حنتج ..من زمان مو قاعد معاااج
جراح: مبررروك ...سمعنا انج وافقتي

مها( تعفس ملامحها كانت متعسره شوي لأنها نامت وايد ومالها خلق): اي

بو جراح: وافقتي قبل لاتقعدين معاه حتى

مها( توهقت ): اي حسب اللي اعرفه عنه ليلحين انا موافقه عليه...يعني اعرف شهادته واعرف اخلاقه تقريبا"..والراي الاكيد بعد ما اقعد معاه

بو جراح: على خير انشالله..والله انه ولد حبوب ...ولد ناس و الكل يمدحه

جراح: فيصل ولد عم بدر..وكان يمرنا الدوانيه..خوش ريااال

مها: اي انزين...ما آكل يعني؟

بو جراح: اكلي يبه اكلي..شفييج نفسيه
مها: راسي يبه راسي..

=============================================

مناير..رجعت بيت ابوها ..إلى ان يصدر الحكم بحق بـــدر...مسكينه يافرحه ماتمت...حاسه بأنها قبست على الرياااال...وكانت تزوره يوميا"...
الساعه 4 العصر...في الســجن..
بدر: آنا آسف مناير..انا بالدقيقه والثانيه ألوم نفسي على هالشي...ليش اني تزوجت وانا ادري ان في قضيه انا متورط فيها

مناير: لا تقول جذي حبيبي..واللي صار ربك كاتبه..

بدر: بس انتي عروس

مناير: انا بتم طول عمري عروستك..

بدر: وكلام الناس..

مناير: خلهم يتكلمون..باجر لما يطلع الحكم...راح يسد حلوجهم كلهم

بدر: بس مناير...احتمال انسجن

مناير: انا متفائله خير...انشالله بتطلع يابدر...

بدر: مناير تكفين فتحي عيونج على دانه
مناير: دانه؟..( توهقت لأنها اصلا" مو طابه بيتهم من اللي صار)..دانه بعيوني يابدر
بدر: وساره ..وامي...شصار عليهم

مناير: كلنا بخير انت لا تشغل بالك...وفيصل ناطر براءتك عشان يتزوج

بدر: فيصل؟؟فيصل خطب

مناير: اي خطب...ومااراح يصير اي شي..قبل الحكم لاتحاتي
بدر: الله يوفقه انشالله...يستاهل فيصل..
مناير: حبيبي لاتفكر وتشغل بالك....وانشالله مايصير الا كل خــير..

=================================================

دانه...استغلت غيـــاب بدر...بطريقه مو طبيعيه....قامت تتصرف بدون تفكـــــــــير..

دانه: يمه
ام بدر: شتبين انتي بعد
دانه: بسوي بارتي
ام بدر( امبطله حلجها مستغربه): اخوج يالظالمه مسجون وانتي بتحتفلين
دانه: محد قاله قوم ذبح عيال الأوادم
ام بدر: ذلفي..ذلفي عن ويهي ..قومي ..ما ابي اشوف ويهج
دانه: بليييييييه انزين انزين..بروح بارتي
ام بدر: بتسكتين ولا شلووون ..؟ احر ماعندي ابرد ماعندج ..حسبي الله عليج من بنت
يدخل بو بدر عابس..من دخل بدر السجن واهوو عابس..ماله خلق احد...
ام بدر: بشر؟؟؟....بشر يابو بدر بشر...شقال المحامي
بو بدر( يحرك راسه): مادري...مادري يا ام بدر مادري...
ام بدر: شلون يعني ماتدري...؟؟..كلمني رد علي...بدر راح ينسجن؟
بو بدر: بعده ماصار شي....ادعي

ام بدر: آآخ يابو بدر..والله هالصبي منحووس..والله منحووس.ولا اكو معرس بصباحية عرسه ينسجن

بو بدر: كانوا امبلغين قبله بيوم...بس وقع خالد و ابوه على كفالته...انه يعرس و عقب ياخذونه

ام بدر: آآخ لو انه متكلم وقايل..جان ع الاقل أجلنا الزواج..شذنبها المسكينه مناير الحين تتعذب بريحاتها...هاذا غير حجي الناس اللي بيذبحها..

بو بدر: الله كريم يا ام بدر..الله كريم ..وكلن ياخذ جزاه انشالله..وجانه ولدج ذابح الريال عن عمد..يستاهل الموت مو بس السجن..ولا انتي نسيتي...القاتل يقتل يا ام بدر

ام بدر: ولدي بدر مايسويها...انت مربيه ..شلون تتكلم عنه بهالطريقه الشينه

بو بدر: الله كرييييم يام بدر الله كريم بس خلاص..ييبيلي دوا الضغط لغرفتي
ام بدر: واالغدا يا بو بدر
بو بدر: ما اشتهي شي..

=================================================

مها ماشيه بالسووق( المهلب سنتر) ضايعه...لأول مره احس روحي وحيده ....بس مازالت جرئيه ...مو مهتمه لأاحد...
دخلت مانجوو..مالقت شي....كعادته ..مانجو المليق..ملابس عمليه...
دخلت سينيه...كعادته ملابس عيايززززز...باهته ومليقه
دخلت كوتون ...لقت ثلاث قطع شكلهم راقي نوعا" ما...وشرتهم...

قعدت بكوستا....طلبت كوفي....وبدت تلعب بموبايلها...فتحت فولدر بدر..........اللي امسيف ب(BO-Nasser)

قعدت تقرا مسجاته.....وفجأه حست بالذنب...انا الحين مخطوبه لغيره..والريال متزوج الحين...
بدون تفكير ولا مناقشه بينها وبين نفسها.........Delete ...وشافت كل مسج ينمسح جدام عينها...
حست انها بتبجي...بس كانت اقوى من كل مره....

باخذ ولد عمــك يابدر...شفت القدر؟؟...شفت القدر يابدر.....(( بدت تضحك))..
تذكر يوم كنت اكلمك...لو قايلتلك حزتها انت راح تاخذ غيري..وانا راح آآخذ ولد عمك اللي مايربطني فيه اي شعوور..كنت راح تصدقني؟؟...

شفت القدر ياخلي وين خذانا؟
شفت المشاعر؟
اصبحت

للأسف


ذبـــــلانه..


شفته قلبي؟؟
شفت روحي
شفت روحي
كيف..

تعبانـــــــــــــــــــــــــــــــــــــــــــــ ـــــــــــــــــــــه..
شفت القدر ياخلي وين خذانا؟

ليش جذي يصير معاااااج يامها ليش....تخلى عنج حبيبج...واقرب انسانه لقلبج..**شوق**....الكل تخلى

قلتلك ياقلب..لاتامن غريب..
ليش تحرقني معاك وتحترق؟
في هالزمن ينساك حتى اقرب قريب
الوفا في هالزمن حبر و ورق
انا مو اول ولا آخر حبيب
في النهايه مع حبيبه يفترق
من متى صابت معي حتى تخيب
البخت وياي عمره ماصدق
وشلون اصير الجرح واصير الطبيب
لو سكت الجرح بعيوني نطق


فتحت [الاستديو] لقت صوره دازها لها بدر بالوسائط.......
اول صوره كانت صورته بغتره...كاتب تحتها ( متى الملجه؟.) ....تذكرت سالفتها....

[[[[بدر: شفيج الحين
مها: مافيني شي
بدر: كل هالزعل وتقولين مافييني شي
مها: بدر تكفه مالي خلقك تعرف شفيني
بدر: تغااااريييييين
مها: ها..لا ...مادري من حلاتك ااغارر عليييك
بدر: حياتي احبج
مها: شتبي مابي(بدلع)
بدر: احببببببج
مها( طخت): انزين يلا باي
بدر: متى الملجه؟
مها: ههههههههه جب يالمليق...مابيك اصلا" هونت
بدر: افا ماتبيني يعني
مها: اي مابييييك يلا سكره روح لها
بدر: يبه هاذي زميله معاي بالكليه بس كنت بكلمها عن البرزنتيشن
مها: اي خلااص روح لها شتبي مابيك يلا باي
( وتسكره بويهه...)]]]]]]


بعد دقايق دزلها صورته امغتره و شااق الحلج...وكاتب لها ( متى الملجه.؟..)...ضحكت وقتها وفصلت على شكله كان حده عبيـــط..


دمعت عيونها..واهي تمسح الصوووره...

بعدها...شافت صورة عباره عن ( صحن بطاط...وكاتب عليه مها بالكاتشب(كجب)..)واسترجعت مها الموقف...


ي[[[وم دقت على بدر الساعه 3 العصر:::::::
بدر: هلا قلبي
مها: بدوري حبيبي شقاعد يسوووي مايدري عني من عشر دقايق لا مسج ولا شي
بدر: اسمالله..... اسمالله عليها حياتي
مها( بدلع): جااب
بدر: قاعد اقلي بطاط و برجر
مها: ههههههه بدوري بالمطبخ!!!!!
بدر: ألعن ابو الفقر....امي طابخه مرق ..وانا ماحبه..من الحين اقولج ترا ها
مها: حبيبي..خلاص بسكره اخاف تحترق...


بدر: يلا يلا طلعت ريحته اخاف تفحم الحين
مها: احببببببببببببببببببببببببك
بدر: اموووووووواح
مها: جاب عيب ( بدلع).يلا بوووووي
بدر: والله انتي اللي ابوي
مها: قلت بوي مو ابوي...يلا حياتي سكررررررره]]

تم الفصل..

بعد دقايق يوصل لها مسج...وسائط..صورة الصحن..كاتب عليه اسم (مها) بالكاتشـــب...
مها احبببببببببببببببببببببببببببببه

دمعت عيونهااا....
........: اكس كيوزمي..دو يو نيد اني ثينغ؟
مها: نو ثانكس..

وقامت مهاا....

 

[Miss jøjø]

(( الجزء الثالث و العشرين ))

فيصل كان ناطر امه بالسياااره لأن اهوا اللي يايبهم ...

فوزيه ( تدخل السياره و تسكر الباب و الحريم صعدوا ورا): لا ابد خوش ناااس والله

ام مصعب: بس جنها ملسونه البنت

فوزيه: يبه خبرج امغبر الحين ماكو بنت إلسانها مو طويل العوض ولا القطيعه وانا اختج

فيصل: يمااااااا شصار صارلي ساعه ناطركم تخلصون ماخلصتوا

فوزيه: تنورتها والله شزينهااا

ام نادر( واخيررا" نطقت): بس جنها وايد شفافه

فوزيه: عادي حريم احنا

ام مصعب: شعرها شحلوه يكتكت ( كلمه كويتيه بمعنى :ناعم منسدل )

فيصل: يمه شقااااااااالت البنت ردوا عليييييي تكفوون بحترق صارلي ساعتين ناطر

ام نادر: بيتهم والله شحلو اثاثه

ام مصعب: بس شكل الغنفات تفصال اعرف واحد اخذيله كتلوجات رومانتك ويسويهم لج طبق الاصل

فيصل: صج حريم رايحييين تخطبون ماخليتوا شي حتى الغنفات تتحجون عنهاا

ام فيصل( ماكو اي تعبيرررر امكمله كلامها ومعطته اقنور على افاه): لا البنت ذربه زينه تصلح

ام مصعب: امها بعد شحلوها حنينه( بمعنى حنونه بس بالكويتي القديم)

ام نادر: لا انشالله توافق
فيصل: تكفووووووووووون ردوا علييييييييي والله ما احرك الا لما تقولون لي شصار

ام فيصل: حرك فصيل بالبيت اقوولك يمه...ام مصعب ماسألناهم عن المهر

ام مصعب: شفيج ام فيصل ماتعرفين الاصول..الاصول المره اليايه مع فيصل تشوفه و تقعد معاه واخوها معاها ولا ابوها وتالي لي وافقت احنا نقول لهم شنو طلباتكم...والحين عيب محد ينطق بالمهر..يقولون لكم احنا شااريين ريال..غير جذي تراهم مايعرفون الاصول

ام فيصل: شدراني انا ماقد خطبت توني اول مره وآخر مره ولدي الوحيد فيصل

فيصل( يسوق و ميت من القهر لأنهم صج متجاهلينه): حريم لما يسوولفون ينسون نفسهم

ام فيصل: والله مضعدها(سوارها) شحلوه كشخه

فيصل( يحرك ايده ): مادري عيال فقر احنا..صج حريم ماتخلون شي..حلوه يمه صح

ام فيصل( لحد الحين اسكب على راسه): شحلو ضيافتهم والله
ام مصعب: وي الله يخليج الحين الكل يسوي جذي
ام نادر: لا سَنَع ..سَنَع..
فيصل( عفس ملامحه مستسلم شكلهم امطولين العيايز)
=======================================

مها حاطه راسها تحت المخــــده...اوووووووووف من متى انتي جذي يامها ..بعد ماكان الكل يسأل عنج...صج لي قالوا صداقة الثنويه مؤقته..تنتهي بعد انتهاء آآآخر كورس...حتى مسج مستخسرينه فيني....
[ تحط راسها فوق المخده حيل]..حتى شووووق...من تزوجت تغيرت واايد....آخر انسانه توقعتها تتغير علي شووق!!!..
قبل فوني مايسكت وما ألحق و24 ساعه بإيدي ..والحين اقطه يومين ولي ييت بجيك ..انصدم لما ألقى المفتاح بروحه لووووووووووووول ( قصدها فونها مقفول بس..مافي لا رسايل ولا حتى مس كولات)

صج دنيـــا..
وفيصل.!!..شلون راح اعيش معااااه..واي يمه ..صار زواج صجي...يعني بتزوج آنا؟؟..
فيصل حلو...شكله هيبه...خبل شوي..بس اينن...
بدر الحين شقاعد يسوي مع مناير...( هني بدت الغيره تتسرب لقلبها و عقلها... ماتدري انه محبوووووس من اسبووع)....

----------------------------------------------------------------------------------

فيصل: كااا..وصلنا البيت ..وبدلنا...وقعدنا..قوليلي يمه شلون البنت..شقالت شقلتوا
ام فيصل: ماكو ( ويقاطعها))

فيصل( امقاطعها): من اول مادخلتوا البيت لييي لما طلعتوا ابي بالتفصيل

ام فيصل: يمه خوش بنت حلوه و سنعه واتفقنا الاسبوع الياي ناخذك تقعد معاااك وتفاهموا ومعاها محرمها
فيصل: يمه !!..الله يهداج اسبوع وااااايد

ام فيصل: فصيل عن الطفاقه..خلك ثقيل شووي ..لاتفشلنا

فيصل( يعفس ملامحه): انشالله يمه..ماقلتيلي..انتي انتي..شرايج فيها؟؟؟

ام فيصل: والله البنت قالولي تدرس...وبالبدايه قالوا بتكمل دراستها وانا اقنعتهم تتزوج و تكمل
فيصل( يبوس راس امه): كفو والله ام فيصل ..

ام فيصل: مزيونه ..كشخه..وذربه..ومادري بعد...هاذا اللي شفته..وترا كل البنات بأول مره يبينون سنعين..المره اليايه واللي بعدها..اشوفها واقعد معاها اكثر..

فيصل: بس والله يمه خوش بنت

ام فيصل: اي انشالله تطلع مثل ماتقول
==============================================

ثاني يوم...الساعه 10 صباحا"
في المنصـــوريه..بيت بو جراح..

نزلت مها رافعه شعرهاا..و بدت نفسيتها تتحسن..باين عليها الارتياح...بس صايره حساسه اكثر من الاازم وماتتقبل اي كلمه..وهاديه شوي..

لقت ابوها وجراح قاعدين يتريقون ( يفطرون)..
مها: صباح الخير

بو جراح: هلا والله صباح الورد..تعالي يبه قعدي يمي فاقد حنتج ..من زمان مو قاعد معاااج
جراح: مبررروك ...سمعنا انج وافقتي

مها( تعفس ملامحها كانت متعسره شوي لأنها نامت وايد ومالها خلق): اي

بو جراح: وافقتي قبل لاتقعدين معاه حتى

مها( توهقت ): اي حسب اللي اعرفه عنه ليلحين انا موافقه عليه...يعني اعرف شهادته واعرف اخلاقه تقريبا"..والراي الاكيد بعد ما اقعد معاه

بو جراح: على خير انشالله..والله انه ولد حبوب ...ولد ناس و الكل يمدحه

جراح: فيصل ولد عم بدر..وكان يمرنا الدوانيه..خوش ريااال

مها: اي انزين...ما آكل يعني؟

بو جراح: اكلي يبه اكلي..شفييج نفسيه
مها: راسي يبه راسي..

=============================================

مناير..رجعت بيت ابوها ..إلى ان يصدر الحكم بحق بـــدر...مسكينه يافرحه ماتمت...حاسه بأنها قبست على الرياااال...وكانت تزوره يوميا"...
الساعه 4 العصر...في الســجن..
بدر: آنا آسف مناير..انا بالدقيقه والثانيه ألوم نفسي على هالشي...ليش اني تزوجت وانا ادري ان في قضيه انا متورط فيها

مناير: لا تقول جذي حبيبي..واللي صار ربك كاتبه..

بدر: بس انتي عروس

مناير: انا بتم طول عمري عروستك..

بدر: وكلام الناس..

مناير: خلهم يتكلمون..باجر لما يطلع الحكم...راح يسد حلوجهم كلهم

بدر: بس مناير...احتمال انسجن

مناير: انا متفائله خير...انشالله بتطلع يابدر...

بدر: مناير تكفين فتحي عيونج على دانه
مناير: دانه؟..( توهقت لأنها اصلا" مو طابه بيتهم من اللي صار)..دانه بعيوني يابدر
بدر: وساره ..وامي...شصار عليهم

مناير: كلنا بخير انت لا تشغل بالك...وفيصل ناطر براءتك عشان يتزوج

بدر: فيصل؟؟فيصل خطب

مناير: اي خطب...ومااراح يصير اي شي..قبل الحكم لاتحاتي
بدر: الله يوفقه انشالله...يستاهل فيصل..
مناير: حبيبي لاتفكر وتشغل بالك....وانشالله مايصير الا كل خــير..

=================================================

دانه...استغلت غيـــاب بدر...بطريقه مو طبيعيه....قامت تتصرف بدون تفكـــــــــير..

دانه: يمه
ام بدر: شتبين انتي بعد
دانه: بسوي بارتي
ام بدر( امبطله حلجها مستغربه): اخوج يالظالمه مسجون وانتي بتحتفلين
دانه: محد قاله قوم ذبح عيال الأوادم
ام بدر: ذلفي..ذلفي عن ويهي ..قومي ..ما ابي اشوف ويهج
دانه: بليييييييه انزين انزين..بروح بارتي
ام بدر: بتسكتين ولا شلووون ..؟ احر ماعندي ابرد ماعندج ..حسبي الله عليج من بنت
يدخل بو بدر عابس..من دخل بدر السجن واهوو عابس..ماله خلق احد...
ام بدر: بشر؟؟؟....بشر يابو بدر بشر...شقال المحامي
بو بدر( يحرك راسه): مادري...مادري يا ام بدر مادري...
ام بدر: شلون يعني ماتدري...؟؟..كلمني رد علي...بدر راح ينسجن؟
بو بدر: بعده ماصار شي....ادعي

ام بدر: آآخ يابو بدر..والله هالصبي منحووس..والله منحووس.ولا اكو معرس بصباحية عرسه ينسجن

بو بدر: كانوا امبلغين قبله بيوم...بس وقع خالد و ابوه على كفالته...انه يعرس و عقب ياخذونه

ام بدر: آآخ لو انه متكلم وقايل..جان ع الاقل أجلنا الزواج..شذنبها المسكينه مناير الحين تتعذب بريحاتها...هاذا غير حجي الناس اللي بيذبحها..

بو بدر: الله كريم يا ام بدر..الله كريم ..وكلن ياخذ جزاه انشالله..وجانه ولدج ذابح الريال عن عمد..يستاهل الموت مو بس السجن..ولا انتي نسيتي...القاتل يقتل يا ام بدر

ام بدر: ولدي بدر مايسويها...انت مربيه ..شلون تتكلم عنه بهالطريقه الشينه

بو بدر: الله كرييييم يام بدر الله كريم بس خلاص..ييبيلي دوا الضغط لغرفتي
ام بدر: واالغدا يا بو بدر
بو بدر: ما اشتهي شي..

=================================================

مها ماشيه بالسووق( المهلب سنتر) ضايعه...لأول مره احس روحي وحيده ....بس مازالت جرئيه ...مو مهتمه لأاحد...
دخلت مانجوو..مالقت شي....كعادته ..مانجو المليق..ملابس عمليه...
دخلت سينيه...كعادته ملابس عيايززززز...باهته ومليقه
دخلت كوتون ...لقت ثلاث قطع شكلهم راقي نوعا" ما...وشرتهم...

قعدت بكوستا....طلبت كوفي....وبدت تلعب بموبايلها...فتحت فولدر بدر..........اللي امسيف ب(BO-Nasser)

قعدت تقرا مسجاته.....وفجأه حست بالذنب...انا الحين مخطوبه لغيره..والريال متزوج الحين...
بدون تفكير ولا مناقشه بينها وبين نفسها.........Delete ...وشافت كل مسج ينمسح جدام عينها...
حست انها بتبجي...بس كانت اقوى من كل مره....

باخذ ولد عمــك يابدر...شفت القدر؟؟...شفت القدر يابدر.....(( بدت تضحك))..
تذكر يوم كنت اكلمك...لو قايلتلك حزتها انت راح تاخذ غيري..وانا راح آآخذ ولد عمك اللي مايربطني فيه اي شعوور..كنت راح تصدقني؟؟...

شفت القدر ياخلي وين خذانا؟
شفت المشاعر؟
اصبحت

للأسف


ذبـــــلانه..


شفته قلبي؟؟
شفت روحي
شفت روحي
كيف..

تعبانـــــــــــــــــــــــــــــــــــــــــــــ ـــــــــــــــــــــه..
شفت القدر ياخلي وين خذانا؟

ليش جذي يصير معاااااج يامها ليش....تخلى عنج حبيبج...واقرب انسانه لقلبج..**شوق**....الكل تخلى

قلتلك ياقلب..لاتامن غريب..
ليش تحرقني معاك وتحترق؟
في هالزمن ينساك حتى اقرب قريب
الوفا في هالزمن حبر و ورق
انا مو اول ولا آخر حبيب
في النهايه مع حبيبه يفترق
من متى صابت معي حتى تخيب
البخت وياي عمره ماصدق
وشلون اصير الجرح واصير الطبيب
لو سكت الجرح بعيوني نطق


فتحت [الاستديو] لقت صوره دازها لها بدر بالوسائط.......
اول صوره كانت صورته بغتره...كاتب تحتها ( متى الملجه؟.) ....تذكرت سالفتها....

[[[[بدر: شفيج الحين
مها: مافيني شي
بدر: كل هالزعل وتقولين مافييني شي
مها: بدر تكفه مالي خلقك تعرف شفيني
بدر: تغااااريييييين
مها: ها..لا ...مادري من حلاتك ااغارر عليييك
بدر: حياتي احبج
مها: شتبي مابي(بدلع)
بدر: احببببببج
مها( طخت): انزين يلا باي
بدر: متى الملجه؟
مها: ههههههههه جب يالمليق...مابيك اصلا" هونت
بدر: افا ماتبيني يعني
مها: اي مابييييك يلا سكره روح لها
بدر: يبه هاذي زميله معاي بالكليه بس كنت بكلمها عن البرزنتيشن
مها: اي خلااص روح لها شتبي مابيك يلا باي
( وتسكره بويهه...)]]]]]]


بعد دقايق دزلها صورته امغتره و شااق الحلج...وكاتب لها ( متى الملجه.؟..)...ضحكت وقتها وفصلت على شكله كان حده عبيـــط..


دمعت عيونها..واهي تمسح الصوووره...

بعدها...شافت صورة عباره عن ( صحن بطاط...وكاتب عليه مها بالكاتشب(كجب)..)واسترجعت مها الموقف...


ي[[[وم دقت على بدر الساعه 3 العصر:::::::
بدر: هلا قلبي
مها: بدوري حبيبي شقاعد يسوووي مايدري عني من عشر دقايق لا مسج ولا شي
بدر: اسمالله..... اسمالله عليها حياتي
مها( بدلع): جااب
بدر: قاعد اقلي بطاط و برجر
مها: ههههههه بدوري بالمطبخ!!!!!
بدر: ألعن ابو الفقر....امي طابخه مرق ..وانا ماحبه..من الحين اقولج ترا ها
مها: حبيبي..خلاص بسكره اخاف تحترق...


بدر: يلا يلا طلعت ريحته اخاف تفحم الحين
مها: احببببببببببببببببببببببببك
بدر: اموووووووواح
مها: جاب عيب ( بدلع).يلا بوووووي
بدر: والله انتي اللي ابوي
مها: قلت بوي مو ابوي...يلا حياتي سكررررررره]]

تم الفصل..

بعد دقايق يوصل لها مسج...وسائط..صورة الصحن..كاتب عليه اسم (مها) بالكاتشـــب...
مها احبببببببببببببببببببببببببببببه

دمعت عيونهااا....
........: اكس كيوزمي..دو يو نيد اني ثينغ؟
مها: نو ثانكس..

وقامت مهاا....

 

[mj2012]

قللللللللووووووووووووووووووووولوووووووووووووووش يامهاوي والله و كبرتي فديتها
لا مالت على مهوي و لا على امها و لا على اهلها و السامع يقول امين قولولوش < حسستكم اني عيوز
مو قلت لج جوجو مهوي راح تتزوج واحد من عايلة بدير و تبط جبده ياااا رب تنبط جبده
ناطرتج حبي

 

[mj2012]

وي وي وي واعليا مهوي مجروحة حدها
ان شاءالله يحكم ععلى بدير سجن مؤبد قولو امين
متااااااابعتج ي الغلا

 

[Miss jøjø]

كاااگ ميمي والله انتي عجيييبه فدييتج امييين عسا الله يسمع منج كاااگ <<< محترين

​

 

[ككوته]

آاااااااااااااااااااااااااااااااااااامين
عسى عسى يارب ينقط بالسجن لين يعفن
والله يصبر قلبج يامهاوي

 

[قلبي سلمته لك]

_


لوووووووووووووووووووول << كرهتيناا ببدر عقب ما حبيناه
بس بناات مو ذنبه تره ؛ بس اللي يقهر انه حب منااير .

فيصل حده كيوت ويستاهل مهووووووي ..

ووووووو قولي لنا الحكم شنو بالبارت اليااااي ؛؛

 

[قطوف دااانيه]

وااااااااي فديت مهاوي وان شالله ياخذها فيصل
وعاااااد يموت بدر من الحره واما دانه بصراحه كرهتها
ويسلموووووو يا الزين كلهجووووووجووووو

 

[قطوف دااانيه]

لا يوقف لا يوقف لا يوقف

 

[Miss jøjø]

كاااااگ بنات والله ونستوني فديتكم
تبووووون باااارت ؟؟!!¡¡!!...

 

[قطوف دااانيه]

عسى دوووم الوناسه فيج
اي والله نبي بارت او بارتين او ثلاث
او اشرايج تنزلينهم كلهم وتفتكين منا 

 

[Miss jøjø]

عسى دوووم الوناسه فيج
اي والله نبي بارت او بارتين او ثلاث
او اشرايج تنزلينهم كلهم وتفتكين منا 

تسلمين
لا بس واحد <<<< نذله
ههههههه أوك يلا << ترا اتغشمر هاا
شكراً ع متابعتج حبيبتي :eh_s(7):

 

[Miss jøjø]

(( البارت الرابع و العشرين ))
=====================================

دانه( تتكلم بالموبايل): انتي تعالي ومالج شغل...انا بنطرج عند الباب
روان: حبيبي ..اهلك مايحبوني..ليش ما انت تييني البيت؟

دانه: ما اقدر اطلع من البيت....امي اموصيه السايق ماياخذني مكان

روان: حبيبي شوفلك صرفه..انا ما اييكم البيت ...تبيني؟ تعال انت..

دانه: اووووووووف..انتي ليش ماتحسين

روان: تحملت وايد امك وااايد تبط الجبد

دانه: قلتلج محد يقرب صوووبج انتي شفيج

روان: تعال بارتي داليا
دانه: وين بتسويه
روان: ببيتهم
دانه: كلكم بتكونون هناااك؟

روان: اي حبيبي..انا و داليا و شروق وتحرير و شمايل و علوووي وكللللللهم..امسوين هلاقه بارتي بلاك اند وايت
دانه: خلاص خلاص...بلبس وايييكم
روان: والسايق؟..تبي ايي آخذك؟
دانه: انا بلبس وبنطرج عند الباب
روان: اوكي بيبي.اموؤوؤوؤوآآح
دانه: ناطرج


بعد ساعه الا ربع تسفط سيارة ساااايق روان عند بيت بو بدر بالروضـــه....
وتنزل دانــه..كانت امنقزه شعرها بسبريه واستشوار.....ولابسه جينززز...وقميص...فوقه جاكيت بدله اسوود..وكرفيـــته...شكلها كان صج بــــــويه..ومافيها شي يدل على انها بنت.....

ركبت وره..باست روان على خدها:هاي حبي
روان( بدلع): هاي..
.....وداسوا فيــــــهآآآآآآآآآآآآآآآآآآآآآآآآ

=============================================
بالدوانـــــــيه...
فهد: وينك ياريال من تزوجت ماقمنا نشووفك..جذي الزواج يسوي((( فهد رفيج فواز زوج شووووق....)))

فواز: لا يبه لاتقول جذي..ولهت على قعدتكم والله
فهد: والله احنا اللي ولهنا عليك..ها شصار ع الوظيفه
فواز: توظفت بالشؤون القانونيــه..في بمعهد الكويت للأختصاصات الطبيه
فهد: شلون الراتب
فواز: زوين...انشالله تحوشني جم علاوه ..مع الزياده و تضبط اموري
فهد: الله يوفقك
فواز: تسلم...
ويتدخل غانم: ها شلون الزواج ..منت ناوي تسافر شهر عسل
فواز: والله مثل ما انت شاايف...موظف يديد مايصير آخذ اجازه الحين
غانم: ايــه..الله يعييينك
فواز: لاحقين ع السفر
غانم: إلا تعال..انت ماخذ بنت صــالح الـ***...اللي توفى من سنه؟
فواز:ايه ليش تسأل..
غانم:لا بس سألني الوالد عن العايله وقلتله قال انه رفيج صالح ابوها الله ييرحمه

فواز: ايــه الله يرحمه ( مو مرتاح حاس بشي غريب)..
غانم: يلا الله يهنيك(وقام))...يلا شباب نشوفكم على خير
فواز: لحظه غانم..اقعد ابيك
غانم: هلا؟؟..( بتوتر)..شبغيت؟
فواز: بغيت اقعد مع الوالد شوي
غانم: ها..اي ..انشالله..ابلغه وتقعد معااه
فواز( يمسك جتفه): متى؟
غانم: متى؟؟..متى ماحبيت..دق علي وانشالله اخليه يقعد معااك
فواز: يناسبه الحين
غانم: شبغيت فيه فواز
فواز: ببارك له خطوبة ولده و بكلمه عن جم شغله
غانم: ايه انشالله..باجر عقب المغرب مرنا البيت..خبرك ابوي ريال كبير..وينام امبجر
فواز( اقتنع): ماشي..سلملي عليه..
غانم: ليش..تامر على شي؟؟تراني حسبت اخوك
فواز:لا ابد حبيت اقعد معاه شوي
غانم: ماشي......يلا شباب تصبحون على خير....

================================================

بو بدر: وينها بنتج الوقت تأأأأخر ..انا مو قايلج لاتطلع من البيت
ام بدر: والله يابو بدر ماااااادري شلون طلعت..حتى السايق ماحس فيهاااا....هد انت هد وانشالله الحين راده..حسبي الله عليج يادوينه...حسبي الله عليج جانج بتطلعين روحي و تموتيني

بو بد: هاذا كله من اهمااااااالج..الصبي مقطوط بالسجن..والبنت ماندري وينها..

ام بدر: خاف الله فيني...حالي من حالك..ربيت وتعبت وشقيت ..وشنو حصلت..عيال الحرام مايخلون عيال الحلال بحالهم..هد يابو بدر والحين بتييي..

=============================================

دانـــه..كانت في سردآآب..بيت داليــا....( بقـــرطبــــه...)
صوت الديجي عـــالي حيييييييل...

وانواع الضحك والعبط..كل بويه مع ليديتها...تقريبا" السردآآب انقلب ( دعـــاره..)
دانه( تمسك خصر روان..اللي كانت ترقص على اغاني الهيب هوووب..وتضحك بصوت عـــالـــي...):عمري
روان: ها حبيبي....ما اسمع( تصررررخ..)

دانه تمسك روان و تبوووسهاا...!!!
والبنات...صرخوا:: وآآآآآآآآآآآآآآآآآآآآو....كمان ..كمان ....بليز.....اقييييييييييين
وتعيدها دااانه..والبنات كانوا فاصليـــن....

دانه ..الساعه 11 !!....تأخر الوقت بنات..المره اليايه علي آآنا....نايس تو ميت يو شهد
روان تصرخ: انت لا تكلمهااااااااااا
دانه: انتي حبيبتي محد اييي صوبج يابعد كل البنات
روان: حبيبي اقعد ابيك
دانه: ما اقدر..اول مره اطلع من البيت بدون السايق...وماعطيت اهلي خبر الحين يحاتون
روان(بدلع): حبيبي مو ريال؟
دانه: لا والله...امشي هناك وانا اعلمج منو الريال
روان ( تضحك بصوووت عـــــالي...)

وابتعدوا بزاويــــه بـــروحهم.......
روان: حبيبي شوي شوي
دانه: لاتخافين انا حبيبج

[ سوري ع الجرأه ]

================================================

مها الساعه 11 كانت بغرفتهااا...كعادتها لما تشتري شي يديد..تلبسه و تقعد تستعرض....
امها كانت قاعده ع السرير....

مها: يمــه...جنه شكلي عقيدي؟

ام جراح: لا يمه شحلوه كشخه

مها( تدور وتطالع التنوره من وراه): بس جنه يبيلها تضييج شوي

ام جراح: لا زينه ..بس قعدي ابيج بكلمج

مها: ياربيييي..خير..صاير شي بعد؟

ام جراح: يمه انتي متأكده تبين فيصل

مها( لأول مره بالحياه تحس بالخجل): ها

ام جراح: تبينه؟؟؟..تحسين نفسج تبيه قلبج ينجذب له

مها( تطق على فخوذ امها بخفه): يماااااااا شهالحجي..

ام جراح: واي استحت..استحت ابنتيتي استحت..اول مره بحياتي اشوفج مستحيه

مها( تقوم تووقف و تربط شعرها): مو مستحيه
ام جراح: عيل كل هاذا شنوو؟؟

مها: فيصل خوش واحد..بس بقعد معاه بعرفه اكثر
ام جراح: انشالله بيوون الخميس...

=====================================

بو بدر: وين كنتي لهالحززه وييييييييييين
دانه( تأفأف): بليييييييييييييه..كنت ببيت داليا رفيجتي
ام بدر: وليش ماقلتيلي انج طااالعه

دانه: يمااااااااا انا عندي صيفييي..وباجر فاينلي..اي اكيد بتنسوون...تفكيركم كله بالسجن المركزي..انا رحت آآخذ منها اوراق مراجعه..وقعدنا ندرس...فهمتها شغله..وشرحت لي جم شغله

بو بدر: ليش ماقلتي انج طااااااااااالعه
دانه: ماراح تخلووووني ادري....قلت للسايق قال ماكو طلعه...وانا وحده حريصه على درجاتي...
بو بدر: حسبي الله علييج جانج يننتيني انا وامج


وراح بو بدر غرفته...وقربت ام بدر منها ومسكتها من هدومها
ام بدر: عبالج بتطووف علي سالفة اوراق المراجعه هاذي..انا ادري انج ماخذه بس مكتبات..مكتبات مايبيلها دراسه اصلا"...بتقنعيني انج رايحه تدرسين..وبهالملابس؟؟..انتي شلابسه؟؟..

دانه: اي مارحت ادرس...رحت بارتي....شتبوون..بتعلميين ابوي روحي علميه..انتوا فكروا بولدكم المسجووون قبل ..بلييييييييه...بروح انام..لا تييين غرفتي تحنين على راسي....

================================================

فواز كان منسدح ع السرير ساارح..
شوق: حبيبي!!
فواز: هلا
شوق: شفيك؟؟,,مو على بعضك..من رديت من الدوانيه..وانت مادري شفيك
فواز: لا والله مافيني شي....
شوق: اقوم اييب افلام ونطالع؟؟..حاستك متضايق مالك خلقي
فواز: لا شوق.. مافيني شي..باجر نشوفهم..يلا تصبحين على خير
شوق( قلبها بده يدق): شفيه الريال مو على بعضه اليوم....

عفست ملامحهاا..وتمت حاطه راسها على المخده ساعتين..مو قادره تنــام...
فواز من تزوجنا ما كان ينام الا وانا راسي على صدره ..او العكس..شفيه اليوم كلش مو طايقني..

===============================================

مها حطت راسها ع ال12 ونامــت....مرتاحه هالمره..

=========================================

دانه...غاصت بفراشهاا...وبعد 3 ساعات تكلم فيها روان....

قعدت تفكر بللي سوته اليوم.....وتبتسم..تتذكر حذافير كل شي سوته مع روآآن..
ماكانت قادره تناام...ابي روان....بس روان نامت...

ماكو الا اشبك...الساعه 3 العصر....
شبكت في شبكــة كويت 25..ودخلت الجــات بنـــك نيم ( ابــي لــيــدي..)

دخلت عليها وحده نكها lady-cat...
lady-cat: هااي
ابي ليدي: هاايات هلا والله
lady-cat: شتبين بالليدي؟؟
أبي ليدي: تستعبطين؟
lady-cat: شنو نوعج..
ابي ليدي: كل شي
lady-cat: ممممم تييين لي البيت؟
ابي ليدي: اي ليش لأ..هاج رقمي...

ودخل عليها واحد..بنـــك...( نهايتنــأ قـبـر وتــرآب)
نهايتنا قبر وتراب: خافي الله

ابي ليدي: انت شتبي..ماذبحتنا بالفلود علق علي منك

نهايتنا قبر وتراب: اعتبريني اخ و سمعيني لي الآخر..ادري صعب تتخلين عن اللي انتي فيه الحين
وصدقيني الانسان ينولد طااهر..ينولد مسلم...ينولد وحياته صفحه بيضه..وبيده يحافظ عليها ..وبيده يخسر ..دنيته وآخرته

ابي ليدي: مشتغل علي مطوع انت و ويهك

نهايتنا قبر وتراب: سمعي اختي..الشهوه و المتعه اللي تحسين فيها الحين..مؤقته...الشيطان عمى قلبج....بس الدايم...عذاب ربج....اكيد ماكنتي جذي صح؟..اهلج يستاهلون منج كل هاذا...فكري لو ابوج درا بللي قاعده تسوينه...فكري فيه..تخيلي شنو راح يكون موقفه

ابي ليدي: اهلي مايدرون عن شي

نهايتنا قبر وتراب: ربج كبير واهو اعلم بالنمله في جحرها

ابي ليدي: ليش قاعد تقولي هالكلام

نهايتنا قبر وتراب: راح أيي اليوم..اللي تتسكر فيه السما..ويرتفع القرآن لي السما..ويغلق باب التوبه..وهو يوم ماينفع فيه شي...توبي ....اختي قبل لا ايي هاليوم

ابي ليدي: انا ماكنت جذي...والله ماكنت جذي...( بدت تبجي..ودموعي تنزل ع الكيبورد)..

نهايتنا قبر وتراب: لاتيأسين...الله لعن المتشبهات بالرجال من النساء...واللي سويتيه يهز عرش الرحمن..لكنه بنفس الوقت غفور رحيم..

ابي ليدي( حست بالضعف وانها قذره لأول مره): بس انا سويت وايد اشياء

نهايتنا قبر وتراب: اذا كنتي فعلا" نادمه و تايبه.....الله غفور رحيم

ماحست بروحها الا واهي تسكر الابتوب...

تتنفس ....بصعووووبه....آنا جذي؟؟؟...انا صرت جذي..

شلون جذي؟؟...شلون

اانا

انا ماكنت جذي..


وعندي احلام..ودي ادخل الحقوق مثل اختي ساره...واتخرج محاميه
(تسرح)ليش صرت جذي...شلون؟؟

وتتذكر اللي صار اليوم( تغمض عيونها حيييييييييييييييييييييييل...)

حست انها قذره .. بحاجه لحمام دافي...

تسبحت....ودموعها ماكانت توقف طول ما اهي بالحمام...

واول ماطلعت..سحبت النوت بوك...وكتبت خـــاطره...

[ لقد هجرت هذا الدفتر...اشتاقت لي اوراقه...فكم هي بيضاء..تحن لخربشاتي..التي إعتدت عليها في الماضي القريب..يااااه..كم كانت ايام عصيبه لم اذق فيها طعم الهناء..كنت في تعاسه تنكرت في زي سعاده...كنت اظنها ابتسامه....لم ادرك انها "دمـــعه"..
اختطلت بدم احساسي الذي مات...بين كفاي...امسى قتيل..قتلته بأداة اشد جرما" من السكين ذاتها..قتله بإيمان غفل برهة من الزمن..ولمسات جارحه...!!.
كنت أرى الظلام الحالك نورا"...
ياااه فكيف خانتني ثقتي الشامخه بنفسي..
وكيف اضعتها بأمورٍ ...كم هي تافهه!
كم نزف كياني..لم فعلتٍ بي هكذا..؟
كم صرخ اسمي.."لم لطختني بهذه القذاره"...؟
كم عبس..وجهي..بوجهي...
أغصبتني من نفسي...فأدمعت عيني دمعه ليس لها وجود!
كانت غلطه بل غلطات ...
لم ادرك حينها نفسي....لم افكر....
نعم غفل ايماني برهة من الزمن فأضعتني.......
بزغ نجمٌ رضيع..يتلألأ في سمائي..كم رأيت به مستقبل مشرق..]


شققت الاوراااااااااااااق مو عارفه شتكتب..وحاسه بجسمها يعرق.....

ماذا حل بي..لم انا لست انا؟
لم الامور تلخبطت....لم الدنيا بي تدور..
فأصبحت السماء تحت رجلي...والأرض صارت لي سماء
لم الواقع يذرف الدماء..؟
لم رحلت أحلق في عالم ليس بعالمي.....
لماذا اسقط من العلى إلى الهاويه...
وانا ابتسم بلا أمل..
لما انفض الغبار عن امور قسمت بأن لا اعود إلى دروبها..

لما اخطي الخطى دون تفكير
تسير افكاري دون تقيييد
كل ما افكر به اطبقه دون تأكيد...


ملاحظه:: ان هذه الخواطر كتبت على يد بويه تائبه...اتمنى انكم تقرونها بتمعن..

كم يتمنى المرء ان يصبح ( مميزا"..) ، لكن
هل يستمر على هذا المنوال..حتى يصل إلى مرحلـــة ( الشـــــــذوذ)؟
ويجد نفسه شاذا"....وياترى....هل سيفخر بذلك ويشعر بالتمييز..؟
ام بخيبة املٍ..وبالشعور بإنهدام كل مابناه....وبأنه جرى..خلف سرآآآآآآب..
فطمح للأعلى...ولم يدرك حينها..انه كان ينجرف للأسفل..؟؟


فعلا" حبها للتجربه...وللتمييز...والاندفاع..والتهور...وضعف رقابة الاهل...وتشجيعهم لها....
اسباب كافيه لأنحراف سلوك دانـــــــــــــه...

بدت تكتب وتكتب...لين حست بالتعب ..وغفت على اوراقهاا...

===============================================

ثاني يوم الساعه 6 المغـــرب..
غانم: حيالله فـــواز..
فواز: يحييك ويسلمك ويخليـــك..شلونك يابوو غانم شلون صحتكك عساك بخير؟؟
بو غانم: هلا بولدي فواز..بخير يبه بخير..
فواز:والله الحمدلله مرتاح
بو غانم: عساك دوم مرتاح..شصار على الوظيفه
فواز: والله ياعمي توظفت بالشؤون القانونيه
بو غانم: يالله مبروك تستاهل كل خير
فواز: تسلم عمي


فترة صمت....
قام غانم وصب القهوه لفـــواز...
ودخل فواز بالموضوع اللي كان ياي عشانه: إالا عمي بغيت اسألك عن صالح الـ**
بو غانم: اي والله خوش ريال...كريم و سمعته طيبه..اللي يشتغل بالجمارك ..الله يذكره بالخير

فواز: الله يرحمه ..
بو غانم: والله انه كااان حقاني...وطيب...ذبحته الزقاير...ياما قلناله ياصالح بسك من هالزقاير..بس ماكو عمك اصمخ

فواز: ايييه الله يرحمه..
بو غانم: تزوج كبير..خذاله وحده صغيره شيبته ...وفوق كل هاذا ماكانت تييب عيال
فواز: ماكانت تييب عياااال؟؟؟؟؟؟؟

بو غانم: اي يابوك قامت تعاجل عن الدايه..بس مانفع فيها...قعدت سنتين تعالج و تعالج..قلناله خذلك مره ثانيه هاذي مهي ولود...والرسول صلى الله عليه وسلم وصانا بالودود الولود

فواز: وبعدين؟؟

بوغانم: ابد...كان معانا واحد الله يذكره بالخير اسمه مناحي...اهو بعد نفسي الشي مرته تعطلت بالحمل...راحوا اهما الثنين الشؤون خذولهم بنتين...هو خذا بنت و مناحي خذا بنت

فواز( ارتفع حسه): شنووو

بوغانم: وكنت اشوفها واالله شحلوه صغّيره تلعب بالفريج...وعقب عشر سنين حملت مرته مشاعل..ويابت بنت..واللي خذها ماقدر يردّها الشؤون اعتادوا عليها..وعقب بسنتين يابتله بعد بنت...ويابوك يقولون الواحد اذا بذمته شي لازم يقوله...البنت..بنت حرام..وباجر الله بيسألني..ولازم اقوولك..بس دامك اخذتها الله يوفقكم انت ساتر عليها والله امر بالستر...بس استعيلت يافواز لو انك سائل قبل...الله يهنيكم

فواز: بنت حرااام؟؟؟؟...انت من صجك عمي..تبيني اعيش مع بنت حراااام؟؟..

بو غانم: ان ابغض الحلال عن الله الطلاق..خاف ربك.استر على البنت

فواز: بس انا شفت بطاقتها المدنيه اسمها الكامل موجود

بو غانم: ايييه ماتدري انت؟...قبل كانت السالفه لعب بلعب..اي واحد يقدر ياخذ من الشؤون و ينسبه له...بس الحين الوزاره فتحت عيونها و منعوا هالشي..قاموا ياخذون الاسم الاول والثاني والثالث بس اسم العايله ماينحط الحين

فواز( بده يتنفس بصعوبه وحط ايده على راسه): شووووق...شوق مرتي...بنت حرام؟؟؟؟

 

[Miss jøjø]

تــوقــعاتــكم يــا حلويــن