ذلتني عيــونـهـا..((قصة حب كويتيه اتحداكم ما تندمجون ))

[قطوف دااانيه]

انا اعتقد راح يطلقها واهي مردها لنواف
ونواف يحبها واكيد راح يتقبل الامور
ويسلموووووو على البارت

 

[أهات أحزان]

يااااااااااااحرررام شوق مالها ذنب
يسلموووووووو كملي يالغلا

 

[ككوته]

امبييييييه امبيييييه امبييييييييييهه
حرااااام شوق كسرت خاطري بس مثل ما قالت قطوف دانيه تطلق وتتزوج نواف
واتوقع دانه تتعرف على نهايتنا قبر وتراب وتحبه ويتزوجها

 

[nzghaa]

inshalla maha ttzwaaj faiisal

ambaiiii 7raaaaam shog mskiinaa
atwq3 Fawaz y6lqhaa oo t6ii7 bchabd omhaa 3uqb ilii swtaa B,nawaf matwq3 ytzwjhaa


oo kamlii 7uubii na6riinch Up Up Up​

 

[أنـــفال]

كسرت خاطري شؤؤق
كملي يالغلا

 

[قطوف دااانيه]

جووووجووووو وينج ما اشووووفج عسى
ماشر يالغاليه

 

[قطوف دااانيه]

؟؟؟؟؟

 

[قلبي سلمته لك]

_


اتوقع فواز يطلق شوق
وشوق بتحب نوااف ..

وووو دانة راح تتوب ( ان شاءالله ) وتتعرف ع نهايتنا قبر وتراااب
ومهااا بتقعد مع فيصل ؛

واتوقع بعد بدر بيطلع !!!!

وووووبس

ناطرين التكملة

 

[صعب انساني]

ناطريين التكمله​

 

[شوشة حبيبي]

ناطرينج حبي
ويعطيج الف الف الف عاااااافية

 

[Miss jøjø]

تسلمون حبايبي اللحين انزل بارت

 

[Miss jøjø]

((الجزء الخامس و العشرين ))

فواز( بده يتنفس بصعوبه وحط ايده على راسه): شووووق...شوق مرتي...بنت حرام؟؟؟؟
===================================

ام فواز: طلقهااااااااااااا
فواز: يمه هدي لاتسمعج البنت....شنو اطلقهااا..انتي ينيتي ..؟؟ شيقوولون الناس.احنا ماصارلنا شهرر

ام فواز: بنت حرام يافواز بنت حرام شتبي فيييهاا انت...حسبي الله عليج يا ام سالم الخطابه جانج قطيتي بنت الحرام بجبودنااا

فواز: يمه بس يمه كافي ..تكفين لاتسمع..

شوق نازله من الدري.....وحست بأن الوضع متوتر..وسمعت صراخ...بس ما استوعبت شسالفه

شوق: مسا..مساء الخير خالتي

ام فواز( طالعتها من فوق لي تحت...ومشت...): فواز تعال لي غرفتي
شوق( توترت الوضع كلش مو طبيعي...ولما ابتعدت ام فواز): فواز حبيبي..شصاير تحجى؟؟شفيها خالتي؟؟

فواز: هـــا..لأ..مافيها شي..

شوق: انا من ييت هني اول مره اشوفها جذي؟؟؟؟تكفه قول لي شفيها..انا غلطت بشي؟

فواز( رفع صوته): انتي شفيج ماتفهميييين؟؟..قلتلج مافيهاا شي...( كان متوتررر ..ترك البيت و طلع)

شوق: ماتفهمين!!!!!!!!!!!!!!!!!

شقاعد يصير بهالبيت..انا شسويت عشان يعاملوني هالمعاملـــه..[ عقدت نونتها وحست انها بتبجي ]
ماكو غير مها..

ودقت على مها ...
شوق: قوه مهاوي
مها كانت تحت بين اهلها وخرت عنهم شوي لأنهم مشالله عليهم لما يسولفون جنهم يتهاوشون و صوتهم عالي :: هلا حبيتي شواقه...شخباارج
شوق: انا بخير...انتي شلونج
مها: والله تمام...شوق خطبني فيصل
شوق: فيصل!!!
مها: اي فيصل اللي شفنااه بشرق هههههههه ادري بتستغربين بس انتي ماتدرين عني من فتره خليني اقولج شصار
شوق: ههههههه سبحان الله صج نصيبك يصيبك....يلا اسمع قوليلي شلون ( تناست مووضوعها مع ام فواز و ريلهاا و بدت تهتم لمها )

=================================================

بو بدر: وين بنتج ..ماطلعت من غرفتها اليوم
ام بدر: ماشفتهاا من ردت من الامتحان ...ما ابي اشوف ويهها الخايس

دانه بغرفتهااا حاطه فونها يمهااا....وروان تدق.....( خد بالك عليا..دي مش معامله تعاملني بيها..وأبأه افتكر ليااا..ايام تعبت عشانك فيـــها..)>>الويف..

هاذا غير ال43 مس كوووول...
اخيرا" دانه استجمعت بقاياها وردت بنفسيه : نعم

روان: انت ويييييينك ليش ماترد..واليوم لما ناديتك بعد الامتحان مارديييت شفيك لايكون مليت مني

دانه: سدي التليفون ولاتدقين مره ثاانيه زين بابا؟

روان: هلأ؟؟..انت شقاعد تقووول..حبيبي شفيك..انا شسويت لك

دانه : قلتلج وخري عن طريجي...ابتعدي... ويهج هذا ما ابي اشوووفه...

روان( تبجي): بيبي هد ..تبيني اييلك البيت؟؟

دانه: ان شفتج عن باب بيتنا لا تلومين الا نفسج

روان: لأ حبيبي..تكفه لاتهدني..والله انا بدونك اموت

دانه: موتت جلب يلا ذلفي...

روان: لحظـــــه..تكفه تكفه فهمنّي شصاير..انت شايف شوفه يديده صح..شبعت مني صح؟

دانه: انا بقلب

روان: بتقلب شنو

دانه: برد طبيعيه

روان: انت ينيت

دانه: اصحى من اللي خلفوج يالجلبه

روان: امبيه انت شصارلك

دانه( بدت تبجي): تكفين وخري عن طريجي ..يرحملي اهلج صوتج يذكرني بالقذاره اللي كنا نسويها

روان( تبجي): حبيبي شفيك انت منو كلمك وفر مخك..حبيبي انت مستحيل ترجع طبيعي...قلبك قلب ريال...روحك روح ريال

دانه( تعصب): يعني الله خلقني انثى بالغلط؟؟؟استغفر الله

روان: حبيبي الله يخليك لاتهدني..تكفه لايفرون مخك..شافونا مرتاحين يبون ياخذونك مني

دانه: روان آخر كلمه عندي..ان شفتج ويهج والله اشقه لج ...طريجي لا تيين صوبه فهمتي...وذلفي يلا ..

وتسكره....
تم الفصل..

وتدخل عليها ام بدر..مهما يكون قلب الأم مايتحمل يصد..
تقعد على السرير..شافت ويه بنتها مخطووف ..مو مثل كل مره...

ام بدر: يمه...شفيج حابسه روحج

دانه( بدت تبجي بحرقه): يمه تكفين لاتخلينييييي

ام بدر: يمه دانه اسمالله عليج شفييج..قوليلي شصار فييييج

دانه: لاتخليني خلج معااي..لاتخليني اطلع...لاتخليني اروح مكان..ابي اقعد هني ..مابي احد..

ام بدر( تحط ايدها على راس بنتها ويتقرا المعوذات لأن البنت هسترت )...

ودانه حطت راسها بحظن امهااا وقاعده تسترجع كل ذنب اقترفته ودموعهاا تنسكب بكل هدوووووء

===============================================
بعد يومين....الخميس الساعه7..في بيت بو جراح بالمنصوريه


ام جراح: وبعديييين معااآآآج يايمه الريال صارله ربع ساعه تحت يلا نزززززلي..ماصارت...
مها ( تخفف الحمره بالكلينكس): انشالله يلا كا...الحين بيي..يمه ...تكفين ابي صج...زين شكلي

ام جراح: والله شحلوج بس خلصينا
مها ( تدور و تطالع لبسها من ورا بالمنظره.......كان عبـــاره عن تنــوره...وقميص..بس شكله كلاسيك...رآآآقي...لون لبسها اوف واايت....كانت ملآآآآآآآآآآآآآآآآك...
شيله اوف وايت شيفون..فيها شوار فيسكي..ميك أب نــاعم....وخدودها امورده ..طبيعيا"...بالأضافه للميك أب...

حاطه على جفنها آي شدو براون نااعم و خفيف......وخط آي لاينررر....ومسكره..عيونها كانت احلى من كل مـــــره....

كعب عـــالي..ونزلت بثقه .....
ودخلت الدوانـــــيــه...لقت ابوها و اخوهااا و فيصل ياي بروحه......
بو بدر: هلا يبه...هلا بمها...تعالي يبه قعدي لاتستحين..

مها( رفعت راسها مستهزأه...يدري ابوها انها ماتستحي لول): السلام ....( ندمت على هالبدايه..شنو السلام داشه بقاله انا مع ويهي....)

فيصل( حط استكانة الجاي ع الطاوله....روعه هالبنت.....وربي ملآآآآآآك..أأأوف ياعيووووونهاااااا عذااب عذااب....قربت يمه وخذه منها العصيررر..عطرهااا يدووووخ..حده مو زين..لووووول يسبب مشاكل...
جسمها طاغيه عليه الأنوثه و لبسها كاان يفتن و كل مافيها يغري...فيصل تبلعم و بلع ريجـــه): هلا..هلا مها....شلونج؟؟ ( تحسف على هالبدايه شنو شلوونج انت وراسك...لو قايل لها ياهلا مها وساكت مو احسن...)

مها: بخير...( تقعد وتحط ريل على ريـــل...ويبان جزء من سااقها..بيضه اوووف ...عوار راااس..)

فيصل( بلع ريجه...خلك تكانه و واثق و تحج ..لازم تعجبها اليوم..):: شتبين نتكلم فيه؟

مها: دراستي( مع ويهج عايشه الدور..لو قايله شي ثاني احسن..)

فيصل: شفيها دراستج..عادي..نتزوج و تكملين دراستج...مافي اي مشاكل

مها: حلو...هاذا اللي ابيه...وين تشتغل...

فيصل: اشتغل بالمكان اللي راح اتوظف فيه...( حس انه غبي..) قدمت على وظيفه وكلها اسبوعين وانا متوظف

مها: اهاا...( رفعت راسها دققت بملامحه...واي اينن...حست بالخجل فجأه و نزلت راسهاا...لمحت شكله....ناسف الغتره شكله هيبه..اول مره اشووفه بهالذرابه...متعوده اشوفه زفر...وامهتمل..بس صج شحلاته...سكسوكه خفيفه..حنطاوي من الشمس..هيبه...امجسم..وتحس شكله ريااال بمعنى الكلمه)

فيصل: طلباتج شنهي؟؟
مها( قامت تقولب بعيونها): ماعندي طلبات
فيصل: اذا تستحين تقدرين تكلمين الحريم وقولي كل طلباتج
مها: مشكور..
فيصل: بتسإلين عن شي بعد مها
مها( واي شحلاته قال اسمي): لا بس هاذا اللي حبيت اعرفه فيصل
فيصل( واي فديت فيصل بلسانج تقطر عسل)))

جراح يتدخل: مها عادي لاتستحين قولي اذا ودج تقولين شي

مها( عفست ملامحها ..شيبي هالدايخ دخل بجونا): لا ابد..ابي سلامته( حلوه ابي سلامته..)

فيصل: نقول موافقه؟؟؟

مها( حسته دفش..صج حداق...اخدودهاا انصبغوا باللون الوردي....وحست ايدها بدت تعرق من التوتر...قامت وطلعت بره الدوانيه...واي شزيييينه...)

فيصل( امنزل راسه): عمي اذا تامرون على شي لايردكم الله إلسانكم..وانشالله لنا جيه(يييه) ثانيه مع الوالد و عمامي..

بو جراح: لا ابد..كل طلبات مها بس دراستهاا....

فيصل: عمي...متى نملج ( يبتسم )
بو جراح: خلنا نعرف رااي البنت ونرد لكم خبر... ( يضحك ضحكة شياب)

فيصل( اوف بيماطلون وايد شكلهم): على خيــرـر

مها اول ماطلعت من الدوانيه دعمت امها اللي كانت واقفه ورا الباب....
مها( حاطه ايدها على قلبها): يمه
ام جراح: سدي بوزج تعالي وراي فووق
مها: انزين انزين ( وتضحك..)

وصعدوا فوووق
ام جراح : انا امج مو غريبه يعني..قوليلي ..انتي تبينه
مها( تضحك): ايه ابيه شحلاته
ام جراح: الحمدلله والشكر
مها: واي شتبيني اقووووووول يعني
ام جراح: الحمدلله ....( وتضحك...)


===================================

بعد إسبـــــوع....

حكم على المتهم بـــدر ******** الضاحي..المتهم بقتل فهد الـ*******...في يوم الخميس في شاليه **** الضاحي..ببنيدر.....براءه دون تعويض مادي ولا يترتب علي شيء..من ديه...
لأن القاتل دفاعا" عن النفس لا يعتبر فاعل اصلي...ولا شريك..وتنعدم المسوؤليه.. فلا يسائل جنائيا"..ولا مدنيا"..ولا يلزمه التعويض لأن القتل دفاعا" عن النفس من موانع المسؤوليه

قاموا الرياييل وفقوا....بو بدر...و بو فيصل...وفيصل....ومعاهم صديج(صديق) غالي و مقرب اسمه ( اسماعيل...)
اسماعيل: مبروك ..قرت عينكم ياعيال الضاحي

بو بدر( دمعت عيونه فرحه): بويه( بوجه) نبيك...الحمدلله الحمدلله..

بو فيصل: قرت عينك يالغالي...الحمدلله ..خلنا نروح نبشر الأهل...

==================================

ام فيصل: كلولولولولولولولش...ريلج طلع براءه يامنايرررر
مناير( حست بهبوط قوي من قوة الفرحه..دوخه مو طبيعيه)
ام فيصل: يمه مناير شفييييج
مناير: ماي يمه مااي...

======================================


فيصل: اي الحين الواحد يقدر يتزوج ..ألف مبروك يالغالي..قرت عينك وانشالله تعيش وتاكل غيرها يالخبل
بدر: هههههههههههه تسلم حبيبي..
فيصل: اليوم في قعده أصليه بالدوانيه..ان مايييت احنا اللي بنذبحك

بدر: لا يبه..انا عندي عرووس تنطرنيي..خذني لها يافيصل..خذني لهااااااااا..
فيصل: ايا الملعون ...زين زين بعطيك اجازه مني لك ماتشووف ويهي اسبوع وبعده ياويييييلك يالردي ان ماييت

بدر: ع البركه خطوبتك وانشالله ارقص بعرسك خخخخخخخخخخخخخخخخ
فيصل: اشفيها فيفي عبدووو رأصني حبيبي..( ويهز خصره وفجأه استوعب انه مو بالبيت..: احم...تفضل جدامي..)
بدر: خخخخخخخخخخخخخخخ اي اتكن لاتشوفك المره تهز خصرك تهون عنك

فيصل: تاكل تبن يحصل لها واحد مثلي فديتني ( يرمش بعبط)

بدر: بروح بيتنا بتسبببح و بعدها باخذ سنة عسل مو شهرررر

فيصل: إلا بدر شرايك بما انك مارحت شهر عسل نروح انا وانت وحريمنا

بدر: خووش فكره على عطلة الربيع انشالله..بدا اسبوع من الكورس وانا ماداومت بالكليه ولا يوم....

فيصل: زين عيييل

=========================================

دخل بدر بيت ابووه المغرب ..لقى اهله سلم عليهم كلهم...
بدر( بقلق): يمه؟؟..وين دانه
ام بدر: دانه احسن مني ومنك..بس انت اصعد فوووق عروستك ناطرتك
بدر: منايير هني؟
ام بدر: يت اليوم بعد ماسمعت الحكــــم...وتنطرك فووق
بدر: آآخ ياني مشتاق لها ..

صعد بدر...بس قرر يطل على اخته دانه قبل...

دانه: بدر...!!! انت رديت
بدر: اي انا رديت ( يشق الحلج)
دانه( تنط عليه و تلمه حيييييييييييييييييل وبدر يضحك...)
بدر: متى نبطل حركات شواذي هههههههههههههههههههه
دانه( متعلقه بأخوها وشايلها و اهيا لامته)
بدر: يلا الحين نزلي خل اروح حق مرتي
دانه: مابي
بدر: نزلي وثول بروح حق مناير
دانه: انا اختك ياحقير
بدر: خههههههههههه خليني بروح حق مرتي
دانه: انزين بعدين تعال لي ابيك
بدر: ولهان عليج يالشاذيه
دانه: وانا اكثر يالتيس
بدر: ههههههههههههههههههههههه يلا حبيبتي امواح
دانه: واااي استحي
بدر:ههههههه ذلفي يلا.........

يطلع ويسكر الباب....

============================================

فتح باب غرفته....

لقــى مناير فارشه الكفر اليديد...احمر مثل ما اختارته..والكوشيات....

شموؤوؤوع حمررره.. ..وقاعده تشب آخر شمعه...

بدر: حبيبتي!
مناير( تشب الشمعه و خصله من شعرها نازله على ملامحها): بدر.....
بدر: ياقلبي مشتاقلج....( ويلمهاا حيييييييل) انا آسف مناير
مناير: بس عاد حبيبي بس....خلنا ننسى الحين..ونعتبرها اول ليله ...
بدر: احبج مناير(( قالها من كل قلبه..))

مناير: اموووت فيييك
بدر: تعالي ابيييييج..

يحظنها حييييييييييييييل....وكانت الشموع تحاوطهم من كل صوووب..

مناير: حبيبي
بدر: اووووووش ..
مناير كانت لابسه نفنوف قصيررر احمر عااااري الصدر...وفاله الشعر...بس هم باين انها اكبر منه........كانت قاعده بين احظاانه....واهو لامها حييل....

بدر: حياتي بقوم الحين آآخذ شاور و جهزي شي آآكله ميت يووع..


بعد خمس دقايق طلع بدر من الحمام لاف فوطه على خصــرـره..وفوطه ثانيه يفرك فيها راسه و اذووونه...

لقااها نايمه على السرير.....

وحاطه طاوله يم السرير...فيهااا اكل طالبته من المطعم من فتره لأنها تدري انه راح يكون ميت يوع...

قربت منه وخذت منه الفووطه االلي بأييده..حاولت تنشف لها راسه...هني ماقدر يقاوم..

قرب منها حيل..وباسها ...

 

[Miss jøjø]

بنات هذه بارت امس اللي تو حطيته واللحين بنزل بارت ثاني

 

[Miss jøjø]

(( الجزء السادس و العشرين ))


قربت منه وخذت منه الفووطه االلي بأييده..حاولت تنشف لها راسه...هني ماقدر يقاوم..

قرب منها حيل..وباسها..

مناير: حبيبي(تحط راسها على صدره)...شنو علمك السجن ( وتضحك واهي رافعه راسها فووق تطالعه عشان فرق الطول)
بدر: علمني ان في انسانه صبرت شهر عشااني..واهي عروس وفي شهر عسلها...انحرمت مني في صباحية عرسها...وتحملت حجي الناس.وتستاهل قلبي واحساسي

======================================
ثاني يوم العصـــر...
روان: هآي..دانه موجوده
الخدامه: دانه موجود فوق
روان: ممكن تنادينها لي
الخدامه: منو يقول؟
روان: لايقول شي..ناديها بس بكلمها
[ كان شكلها حيل تعبان ..لابسه جينزز و تي شيرت اسود جبنيز..وشعرها مربوط بسير....]

صعدت الخدامه فووق...
دانه: منو
الخدامه: آنا
دانه: دشي
دانه كانت شابكه بالمنتديات...
دانه: نعم
الخدامه: صديقه مال انتي تحت
دانه( استغربت): منو
الخدامه: آنا مايعرف
دانه: طويله؟
الخدامه: مو واجد
دانه: غبيه ماكو فايده..خلاص الحين بنزززل..
قامت دانه من سريرها...لبست نعالها...كانت لابسه تي شيررت و برمودا...نززلت تحت و انصدمت من وجود روان..
دانه: روان!!..انا شقلت لج
روان: عطيني فرصه اكلمج تكفين
دانه( تلفتت خافت تصرخ و بدر يسمع): روان بره
روان: دانه خليني اتكلم كلمتين و بمشي
دانه:اففففففففففف..امشي فووق..امشي( تطالعها بإستأراف)

صعدوا فوق..وكانت دانه جدامها بالدري...
فتحت الباب..وقعدت على السرير..وقعدت روان يمها..

دانه: تحجي...خلصيني
روان: دانه انا تعبانه
دانه: مستشفى؟..مكتوب على ويهي بندول؟
روان: دانه تكفين حسي فيني..والله حاولت انساج والله يادانه ما اقدر..احس اني مختنقه وشي كبير ضاع مني..والله يادانه حياتي ماتسوى شي بدونج
دانه( عفست ملامحها): بابا..انا ماا ااقدر اسويلج شي...قلتلج علاقتنا مامنها فايده..وغلطه..من البدايه..هالحجي مابي اتناقش فيه...بنتزوج مثلا"؟
روان: تكفين خلج معاي بس خففي مو مثل قبل..لين اتعود على فرقاج..حبه حبه..مو مره وحده والله امووووت دانه اموووت( بدت دموعها تنزل)
دانه( تجذب إذا قالت انها كارهه روان..ليلحين مشاعرها ماتغيرت...اللي يعتاد على الشي..مستحيل يتخلى عنه بسهوله..يمكن ينفر منه فجأه..ويدري انه غلطه..بس مايقدر يتركه بيوم وليله..): روان انا بتغير..تكفين ساعديني وابتعدي عن طريييجي..اذا تحبيني اكيد تحبين لي الخير؟؟

روان: انا مو ضد هالتغيير دانه..بس تكفين شوي شوي علي انا تعبانه دانه
دانه( قلبها بده يحن للملامح إللي لاطالما عشقتها..ابليس شاطر..عامي احساسها و قلبها...): خلاص بس مو مثل قبل

روان: اهم شي انج تكونين معاااي

دانه: روان مشتاقتلج( بدت عيونها تدمع...)

روان: حياتي....( بدت تبجي..)...

لمــوا بعض..

يمكن القارىء يقول.بليييييييه ماكو فايده معاهم...لكن فعلا"..مستحيل الانسان يتخلى عن شي بيوم وليله...حتى ولو كانت الصدمه كبيره...كل طراق بتعلوم..ودانه محتاجه حق اكبر من هالطراق..عشان يصحيها...ويصحي قلبهااا...ويصحي مشاعرها المتضاربــــــه...


======================================
المغرب..
في النزهه ..بيت بو فيصل..

ام فيصل(بصوت واطي): بو فيصل ترا دقوا الحريم
بو فيصل: شقالوا..البنت موافقه..؟
ام فيصل: اي بس قصر حسك خلني اطفر فصيل شوي

فيصل كاان بآخر الصاله ..يتكلم بالتليفوون....يكلم بدر..
فيصل: انشالله..ابلغ الأهل..تسلم يالغالي..يلا نشوفك على خير...مع السلامه

ام فيصل: من كنت تحاجي؟
فيصل: ولد عمي بدر..ترانا معزومين ع العشا ببيت عمي اليوم
بو بدر: مهي عزيمه ..المفروض عمك يدق يعزمني آآنا..
ام فيصل: عدل كلام ابوك..شفيهم نسوا السنع؟
فيصل: يايبه انت جهازك مغلق...والخط اللي فوق شابكه فيه دوينه..واللي تحت مقطوع
بو فيصل: زين عيل..جهزوا نفسكم عقب الصلاه
فيصل: يمه ماصارت..انا اقول انتي تتصلين عليهم
ام فيصل: دقت قالت انها ماتبيك
فيصل( قام من مكانه): شلوون؟..متى؟,وليش ماقلتيلي؟؟
ام فيصل: وانت عطيتني فرصه..من رديت من دوامك وانت امطنقر..ماد البوز شبرين..قلت تهدا اعصاابك و ابلغك
فيصل: لا بالله خوش خبر!!
بو فيصل( يحط استكانة الجاي ع الطاوله و يطالع ام فيصل و يضحك..)
فيصل كان بينهم يطالعهم...مستغرب..!!
فيصل(رافع حاجب): يمه!!!..قوليلي شصار..ترا اعصابي ماتتحمل
ام فيصل( شرقت بالجاي..وتطالع بو فيصل): يمه موافقه موافقه
فيصل( ردت له الابتسامه وانشق حلجه شق ..): ليش تسوين فيني جذي يمه
ام فيصل: بالمبارك مقدما" ياولدي
فيصل: يعني خلاص!!مها تبيني؟
ام فيصل: اي تبيك..بس حسك اسبوع مابي اسمعه....
فيصل( يسكر حلجه بإيده الثنتين): انشالله

بو فيصل: بالمبارك يافصيل..يلا شد حيييلك وانت قدها

================================================== ==
بعد العشـــا..
بو فيصل: اكرمكم الله..وقرت عينكم ...وانشالله المره الياي عشى زواج فيصل
بو بدر: يستاهل كل خير فيصل..إلا ماقلت لي..متى انشالله بتملج له
بو فيصل: انشالله بعد اسبوعين...
بدر: الله يتمم على خيررر..


جهه أخرى...عند الحريم....
ام بدر: من بنته؟
ام فيصل: بنت البرواز..باين عليها خوش بنت
ام بدر: الله يوفقه ..والله انه هالريال يستاهل..والله يعطيه على قد نيته...
مناير:تسلمين خالتي...وانشالله شهر عسلنا يكون مع شهر عسلهم..في باريـــس..
ام بدر: بس باريس وقت عطلة الربيع شهر 12 مو مال الواحد يسافر لها
مناير: ليش خالتي؟
ام بدر: باارده حيل وثلج..والسياحه تنعدم بهالموسم
مناير: والله مادري.بدر حاب نروح باريس..
ام بدر: اللي يريحكم..بس اخذيلج ملابس ثقيله..
مناير: انشالله
ام بدر: اي دفي روحج..ونبيج ترجعين من هناك حامل
مناير( نزلت راسها مستحيه)
ام بدر: ليش الحيا...اانا وحده ابي اشوف احفادي
مناير: الله يطول بعمرج خالتي..وتشوفين احفاد احفادج
ام بدر: لا هاذي قويه..ديناصور آنا

==============================================

جانب آآخر..
في المنصـــــــــــوريه
بيت بو جرــرآآح..

مها: يمااا انتي من صجج؟؟
ام جراح: وانا صاجه عند ربي...انسب مكان للكوشه هني
مها:لالا يمه خليها بالزاويه احسن
ام جراح:كيفج كيفج..مالي شغل فييييج
مها: يماااااااا باجر من الصبح باخذج عشان اشوفلي نفنوف
ام جراح: اعرف لبنانيه فيي قرطبه تييب تصاميم من باريس...خلينا نروح نشوف شعندها
مها: عندج رقمها؟
ام جراح: لا والله يايمه ...ام صالح قالتلي عنها ...خلينا ندق نسألها
مها: يمه بتعزمين عيال عم ابوي
ام جراح: وييييي ماعووزهم والله يطبون ملجة بنتي..
مها:ممممم يمه راسي افتر..مادري افكر بشنو ولا شنوو..
ام جراح: شوق رفيجتج توها امجهزه..اكيد تعرف شاليديد شالقديم..كلميهااا
مها: يمه شوق ماتدري عني من تزوجت
ام جراح: ماتنلام..انتي دقي سألي..مو شرط اهي اللي تدق
مها: خلاص الحين اكلمها...


تسحب مها فوونها..وتدق على شووق....اللي كانت الضيقه عاصره قلبها..من تغيير معاملة زوجها وامه لها..والمشكله انها مو عارفه الأسباب..
لما شاافت اسم مها...حست براحه كبيره..وردت بسرعه..
شوق: مها؟؟حياااتي..هلا حياتي
مها: هلا شووواقه..ِشلونج شخبارج..شدعوه يبه ماتقولين عندي رفيجه اسمها مهااااا
شوق: والله يامها انتي ماتدرين شصاااير
مها: شصاير شوق؟؟...كلميني تكفين ..صوتج حده متغير عن قبل
شوق: مها انا من دشيت بيت اهل ريلي واهما يعاملوني احسن معامله...بس صارلهم 4 ايام فجأه الكل تغير علي...حتى فواز اللي اهو فواز ...مايشتهي يطل بويهي
مها:شحقه؟؟؟...شصاير؟؟مافي شي من غير سبب..تصرفاتهم هاذي اكيد لها اسبابها...ماحاولتي تعرفين الأسباب
شوق: مو هاذا اللي ذابحني يامها...قعدت مع خالتي اكثر من مره ..سألتها اذا انا غلطت بشي..ضايقتهم بشي؟؟..ابد..ماكو اي تعليق...بس نظرات..وربي تذبح
مها: لا يبه اكيد انتي يتراوالج
شوق: مها انا مو ياهل..وافهم الواحد من نظرته لي..اللي قاعد يصير مو طبيعي
مها: حبيبتي شوق ضروري اقعد معااج....شرايج امرج باجر
شوق: اي...انا بحاجه لتغيير..تكفين بقعد معاج..في حجي وايد يقرقع بقلبي ودي اقوله
مها: ياااااااااقلبي....شوق لاتفكرين وايد وانشالله ماكو شي صاير..باجر بمر آآخذج وابيج جاهزه قبل اذان المغرب
شوق: مااشي ياقلبي...
مها: ماسألتيني وين باخذج
شوق: اي مكان يبعدني عن هالبيت
مها:لالالا ...مكان مهم ياشوق
شوق: وين مها؟
مها: بشتري نفنوف الملجه شوووق
شوق ( ابتسمت قلبها ....): صج!!!!!!!!!..مبروك حياااااتي...قاعده اشكي ونسيت اسألج شصار عليج ..صج اني انانيه..
مها: لا حياتي حاسه فيييج آآنا..باجر امرج واقوولج شصار من الألف لي اليااء
شوق: اوكي ياقلبي
مها: يلا حبيبتي لاتشغلين بالج بشي...وتصبحين على ألف خيررر
شوق: وانتي من اهله

==============================================

سكرت شوق الموبايــل..
فوآآز دش عليها الغرفه..توه راد من بــره...

فواز: من كنتي تحاجين
شوق: مها رفيجتي


فترة صــــمت
شوق: حبيبي احطلك شي تاكله
فواز: متعشي
شوق: حبيبي..حاستك متضايقك..انا مرتك..صارحني شفيك؟..انا مضايقتك بشي؟
فواز: راسي يعورني مالي خلق حجي زايد
شوق: اييبلك بندول
فواز: شوق..لو سمحتي مابي اسمع صوتج



شوق كانت لابسه نفنوف قصير اسود...وفاله الشعر....انسدحت ع السرير.......
دخل فواز الحمام...غسل...
طلع وقعد ع السرير...لبس بجامته....واول ماحط راسه ع المخده...سمع صوت أنين..
شوق كانت كاتمه صوتها بالمخده...وتبجي بحرقه...
هني تحركت مشاااعره..وحس انه ذبحها بتصرفاته..واهي بالعه و متحمله..
فواز( رفع اللحاف عنها): شوق
شوق( حاطه ايدها على ملامحها وتبجي بحرقه)
فواز: شوق شفيج
شوق(تبجي): فواز انا سويت كل شي عشان ارضيك...فوق كل هاذا ماحصلت منك غير المعامله الجافه..تكفه قول لي شقاعد يصير..خلني افهم.انا قصرت بشنوووو
فواز: شوق بس....تكفين بس
شوق: نام حبيبي نام..خلاص ماراح اطلع صوت
فواز(سحبها و حظنهااا..وكانت تبجيييي حيل..دموعها كانت حاره تنسكب على جتفه...)
فواز: شوق...احبج

شوق: فواز تصرفاتك تذبحني..قول لي شصاير قول لي..خلني ارتاح
فواز: خلاص سكتي ...ارتاحي حبيبتي ارتاحي..
شوق: فواز احبك
فواز: وانا اموت فيييييج..
شوق: لاتعيدها تكفه
فواز: ما اعيدها
شوق(بدلع): ماتسويها مره ثانيه
فواز: ما اسويها
شوق: خلاص سامحتك


كانت بين احظانه....بس مو حاسه بالأمان مثل كل مره..قلبها ناغزها بكل قووه..
كان يلعب بشعرهااا...بطريقه خلتها بسرعه تدوخ..وتغفى بين احظـــانه...

============================================

ثاني يوم الساعه 8 صباحا"...
بدر يدق على دانه...
دانه: ها بدير بشر خذيتها
بدر: اي يايبه 80% بالمكتبات..ع البركه
دانه: جم صار المعدل...؟
بدر: 2.85
دانه: ما ارتفع بدر ما ارتفع
بدر: يمعوده زين ترا..يلا ع البركه..مناير قامت؟؟
دانه: اي كاهي قاعده تتريق يمي
بدر: خلاص ماشي..
دانه: تبيني اقول لها شي
بدر: لا خلاص..بس كنت بشوفها قعدت ولا لأ
دانه:خلاص عيل نشوفك ع الغدا
بدر: على خير يلا باي
دانه: باي


مناير كانت تاكل جوكلت دونت..
مناير: ها بشري
دانه: ما ارتفع ( بنفسيه)
مناير: مايرتفع ولا انه ينزل
دانه: اييييي
مناير: ليش النفسيه
دانه: مالي خلق
مناير: آخذج نطلع؟
دانه: لأ مالي خلق

=======================================

مها: وين أي لفه ؟
شوق:انتي وينج الحين
مها: صوب جمعية قرطبه
شوق: دشي اول لفه..
مها: دشيت
شوق: اخذي يمين ..وانا اطلع لج
مها: اوووكي...يلا كاني شفتج
شوق: يلا ماشي

مها صفطت جدام بيت زوج شوووق في قرطبـــه..
مها: صبآح الخير
شوق: صبآآح الورد
( يسلمون على بعض)..
مها: عاش من شاف هالحلا كله
شوق: عاشت اياااااااامج يالضفدعه
مها: حسبي الله عليييج لج وحشه حقيره
شوق: تذكرين مهووووووو ايام القزز
مها: اييييييي راحت شوق راااحت
شوق: هههههههه يحليلنا بايعينها مهوو بايعينها
مها: حدددددددنا
شوق: ولا شلون كنا نلحق الريال ههههههههههههههههه
مها: مينن
شوق: إلا خباااااااااااااااااااال

=====================================

الساعه 9 بليل...في قرطبه..بيت فواز ريل شوق...

ام فواز( بصرآخ): شرّف..الساعه بتصير عشر وست الحسن بعدها ماشرفت..ماتقولي وينها فيه
فواز: يمه..جهازها امسكر..اكيد الحين بترجع
ام فواز: اسكت بس..انا تعبت خلاص مابقى فيني شي..ما اقدر استحملها يوم واحد بهالبيت..
فواز: يمه تكفين سكتي..سكتي بس سكتييي..
ام فواز: تسكت امك يالتعبان عشان بنت الحرام
فواز: يمه خلااااااص ترا مو قادر اعيش معاج لحظه وحده
ام فواز: بس قادر تعيش مع بنت الحرام..خلك انطرها..شوف الوقت تأخر وبعدها ماردت...قلتلك بنت الحرام عمرها ماتكون مثل بنت الحلال
فواز( يحاول يدق على شوق..اللي جهازها مازال مغـــلق)..

واخيرا"..تسفط سيارة مها جدام البيت بعد نص ســـــــاعه..
شوق: يعطيج ألف عافيه ياعمري..وانشالله المره اليايه انا اللي امرج
مها: اهم شي فرفشي وصدقيني الزواج يوم حلو يوم مر.مو كله حلو
شوق( تبتسم): عدل كلامج..يلا حياتي بيباي

اول مادخلت شووق البيت..
شوق: السلام عليييكم
فواز( والشر كله بعيوونه): وين كنتي؟
شوق: حبيبي شفيك..كنت مع مها
فواز: ليش امسكره جهازج
شوق: ماسكرته مافيه شحن هاك شووفه( وتعطيه جهازها)
فواز: شوق صعدي فووق
ام فواز: وين تصعد..؟..( بنبره عاليه)..هاذي مالها قعده يوم واحد ببيتي
شوق: شنو؟؟..خالتي...ليش انا شسويت
ام فواز: فواز شوفلك صرفه معاها
فواز( امنزل راسه)
شوق: فواز شفيها خالتي...( دموعها تنزل على خدودها)..شفيها خالتي..شفيكم..ليش ..اللي سويته مايستاهل كل هاذا..انا استأذنت منكم قبل لا اطلع...صح فواز..انا قلتلك,,,ارفع راسك كلمني..انا ..انا شسويت فواز

ام فواز:فواز رد عليها قول لها شذنبهاا..رد شفيك ساكت
شوق: فواز( الصدمه مأثره على طريقة كلامها)..تكلم فواز قول لي...تكفه قول لي..ليش قاعد يصير جذي...لأاتذبحني بسكوتك....

فواز امنزل راسه
ام فواز: شوق روحي بحال سبيلج..انا ما اربي واتعب عشان بالنهايه ولدي ياخذ بنت حرام

شوق:بنت حرآآآم؟.؟!!!!!!!!!!!!!!!!!

 

[Miss jøjø]

على فكره تراا بس باقي اربع بارتات و نختم القصه بأذن الله

 

[mj2012]

واااااااااي فصيل حده شي احسن من بدير هذا الله ياخذه
دانة تبط الجبد بصراحة
مهوي فديتها احلى وحدة بالرواية الله يوفقها مع فصول
شوق يا حرام كسرت خاطري بس ما اتوقع تتزوج نواف عقب الي سوته فيه شنو ما عنده كرامه
و بس
مشكوووووووووووورة على الباارت متااااااااااااابعتج جوجو حياتي

 

[nzghaa]

7raaaam shoug tksr il.khaaa6r oo um fawaz esloubhaa khaiis

oo rawan 7qiiira kho dan a matbiihaa mo ghasb ohwaaa


oo yalla 7ubii kmlaii na6riinch


Up Up Up Up​

 

[Miss jøjø]

ميمي
اي فيصل فصله
حدددهاا
طبعاً كااگ
اممم حتى انا اتوقع جذي
ولوو ثنكس ع متابعتج حبيبتي

———
نزغه
اي حرام ، هههه اي
اي لزقه
باجر او بعد شــوي
ثنكس

 

[نونو 1990]

أتوقع بدر راح يطلع وراح تتزوج مها فيصل

 

[Miss jøjø]

اممم يمكن اي
شكراً ع مرورج