رابطة "دودات الكتب " .. حياكم

[نماين]

انا بالنسبه لي اموت على شي اسمه قراءه وكتب ومن يوم كنت بالابتدائي اقرا .... يعني من اول ما عرفت اقرا عدل واول قصص كانو عندي ماعرف شنو اسم السلسله بس اللي فيهم سيد دغداغ وسيد قلقان ومادري منو بعد وايد سيديين .... وبعدين تطورت وقمت اقرا قصص اكبر شوي قريت روايات السندباد كلها وفي قصص ملوت مكتبه لبنان بعضهم عربيه وبعضهم انجليزيه مترجمه ....

وقريت روايات شيرلوك هولمز ....وقصص الاوديسيا والالياذه .... وشكسبير وماذكر بعد والله وايد وايد انا عندي مكتبتين مكتبه بيت اهلي ومكتبه ابيتي ....

ولما وصلت الثنويه عودت نفسي اقرا انجليزي ... يعني الحين اقرا على الصوبين واحب الروايات الرعب وما وراء الطبيعه والبوليسيه والمغامرات .... كلشي في اثاره وغرابه احبه ....

احب اسلوب الكتب اللي يشد ويخليج ما تنامين وتبين تاكلين الصفحات من كثر ما اهو حلووو

قريت روايات ما وراء الطبيعه ودايما اطلب منهم واحب رفعت اسماعيل ...

قريت كل كتب عبدالوهاب السيد واغلب كتب دايموند بوك ... والمنتظر ... وبعض كتب احمد خالد توفيق غير طبعا ما وراء الطبيعه ...
وبعد وايد ماذكر اساميهم كلهم ...

وبالانجلش قريت دافنشي كود وقصص توايلات كلهم .... ويوم كنت اصغر شوي كنت اقرا قصص fear street اذا مارين عليكم ...

واقرا بعد الي يسمونهم graphic novels و manga انا على كل الجوانب

والحين انطر معرض الكتاااااااب عشان اروح اكود لي جم كتاب غير اللي توني طالبتهم من امازون واللي شريتهم من دبي ...

ادري وايد قرقت بس لازم اعطيكم نبذه عني

الحين اصلح اصير دودة كتب معاكم ولا لا ؟؟ شرايكم ؟

اللحين انت دودة بجدارة حياك الله بينــا

 

[نماين]

السلام عليكم ورحمة الله وبركاته

احب انظم معاكم



انا عن نفسي
احب الروايات الرومانسية والبلوسية على حد سواء

واحب كذلك الرعب

و احب كل روايات اجاثا كريستي

واحب واهتم بالكتب الي تتكلم عن الاسرة


وقريت اكثر من كتاب حق جون غراي و الحمدلله كثير استفدت منه


و احب كتب تطوير الذات

و ان شا الله بهالمعرض بشتري شي حق ليلى العثمان ولا مرة قريت لها رواية

وبشتري كتب عن تربية الطفل


وبشتري كتب عن تطوير الذات


و بس

حياك الله بينا وذوقك نفس ذوقي

 

[shosho27]

قوه يا بنات شلونكم وشلون الكتب والمعرض معاكم

يا بمبة يا مفترسه انتي ليش شريره ما تبيني اخذ التوقيع حرام عليج ترى انا خوش بنيه (المهم انا خذيته الحين وحطيته وما راح اشيله ) ههههههههههههههه

ومشكوره وايد يا j o j o على الترحيب فيني في هذي الرابطه الجميله جدا

نماين الله يحيييج ويخليييج ومشكوره وايد ما قصرتي وانشالله نصير كلنا ربع هني بهالرابطه الحلوه

يالله سيي يوو بروح موضوع شنو شريتي من معرض الكتاب واعرض مشترواااتي اللي طاحت ايدي منهم والهندي يلحقني الا يبي يشيلهم وانا معانده ههههههههههههههههه

 

[Bq]

سلام أشلونكم ؟؟
أحب أرحب بالدودات اليدد
حبيبة أمها : أشلونج شخبارج الصراحه فاقدتج واااايد
جوجو: شلونج وينج ها أشلون الجامعه ؟؟؟ نعالي أنتي شنو تخصصتي يمكن نفس أختي
لتل كوين : أخبارج وينج غطيتي وآآآيد عسى ما شر
بمبه ... نماين... رغد ... شلونكم ؟؟ باقي البنات



يوم السبت رحت معرض الكتاب شريت كتاب أسرار متنوعه للكاتبه ساره الراشد و الحقيقة لاتقال حق خالد نصر الله
امممم بعد شنو شريت ؟؟ اييي الحرف التاسع والعشرون وشريت زيارات ليلة و رسائل الخوف الجزئين حق م. عبد الوهاب الرفاعي
أول ما وصلت البيت رحت أقرى مقدمة كتاب كتاب كلهم كانو حلوين بس أكثر شي أندمجت فيه رسائل الخوف يعني من المقدمة تشوقة
أعرف شنو الباقي حتى ماكنت ناويه أبدي يوم السبت بس لم قريت الكتاب قلت لازم أقرى منه حتى خلصت رسالة كامله ألي أهي 14
يوم أصلا لو ما الدراسة جان انا مخلصتها بيوم واحد إذا تبون التحليل ترى ان بالخدمه الجزء الأول و الثاني خلصت الكتابين 4 أيام

 

[angel-eye]

السلام عليكم ورحمة الله وبركته

حبيت اكون دوده جديده معاكم :eh_s(7):
والصراحه سجلت في المنتدى لما شفت هالقسم مع اني من زماان اعرفه وكل اتمشى فيه بس الحول وما يسوي :eh_s(4):

وان شاء الله تقبلوني بينكم

 

[نماين]

دمــــــــــوعة الحلوة

شخبارك والله مشتاقينلك لك وكتبك شوقتني خاصة 00- رسائل الخوف شلون اهي قصص او دراسة ممكن التوضيح

انجل آي عيون ملاك

حيــــاك الله بينا

 

[نماين]

مســــــــــــاءالخير

اخباركم واحوالكم يا دودات يا كســـــــــــولات ؟

توي رادة من المعرض يونس ويا كثرما شريت منه ونــــــــاسة

وتدرون الاحلى شنــــــــــــــــــــــو ؟


؟


؟



؟



؟






اني شفت مشرفتنا الحلوة لتـــــــــــــول

يا حلو هالبنية شفتها عقب ما ايست من شوفتها وحسبالي انها مو ااهني

بس حسافة كنت هدي مبهدله ويادوب شوية كحل من العجلة عشان ما اتأخر عن المعرضوهذ غير الملفع الي بصوب والعبات دبل الكلوش الوااسعه لزوم الراحة و التمشى بالمعرض

عقب ما شفتها وراحت قعدت اقول لزوجي امبيه شكلي مبهدل وغلط ويقولي يا بنت الحلال عادي شكل عادي

وعشان يطمني زيادة يقول " مو احلى شكل لك بس ماشي " اهني احتريت زيادة

بس والله فرحت لشوفتك لتوول ولا تغيبين عن موضوعنا ترى انت الملكة

 

[butterscotch]

لااا تحروني

:bbbiu:

انا رحت مرتين ومريت رابطة الادباء ولا شفتها


لتووول وين كنتي منخشة ؟؟؟

 

[Bq]

دمــــــــــوعة الحلوة

شخبارك والله مشتاقينلك لك وكتبك شوقتني خاصة 00- رسائل الخوف شلون اهي قصص او دراسة ممكن التوضيح

انجل آي عيون ملاك

حيــــاك الله بينا

هلا والله هلا اشتاقتلك العافيه الله يسلمج رسائل الخوف أهي روايه أوكي تتكون من أربع قصص يختلفون عن بعض
ومسوينهم على كتابين يعني الأول قصتين في الكتاب و قصتين الثانين الكتاب الجزء الثاني القصة الأولى تتكلم عن
شاب اسمه فهد عمره 16 أمه و أبوه توفوا لما كان عمره سنتين وربته خالته و ولا أحد بالبيت يتحمله وتصير أحداث
لما ينحاش وتصير لآحداث أقوى ترى أنا ما كتبت بالتفصيل عشان إذا بغيتي تشترينه لا أحرقه عليج إذا تبيني أكمل قولي
ترى عادي والقصة الثانيه هم عن شاب ما ذكر اسمه وعاش قصة حب وهميه عن طريق التنويم المغناطيسي وهم فيها
أحداث والثالث تتلكم عن واحد هم ما ذكر اسمه بالثلاثينات أنه كان أعزب وبعدين تزوج ومن تزوج 24 ساعة المشاكل بينه وبين زوجته حتى كان وده يرجع للعزوبيه وتصير أحداث بالشقة مخيفه
وبعدين بكتشف منو ألي يسوي هالأشياء والقصة رابعه عن واحد عيوز بخلي شعب الكويت ذكي حييييل بس ما لقى دعم
من الدولة ومصر يسوي هالشي وكانت تجاربه ناجحه و لي حد ألحين يسويها ...إذا تبين اقول القصص بالتفصيل قولي
بس والله عجيييبه أنصحج فيها

 

[نماين]

دموعة اهلين ومشكورة عالتوضيح

وانا شريت الجزء الاول منه والثاني تدودهت ونسيته لمن شفت لتول فما شريته لاني صادفته صوب البلاتنيوم بوك لمن كنت اشتري رسائل خوف
ان شاء باستمتع بقراءته وتشكـــــــــرات

 

[Little_Queen]

عدنااااا و العود أحمد


انهدددددددددددد حيلي بمعرض الكتاب والله حدي حدي تعبانه يبيلي مساااااااج

و نوم اسبوع كااااامل !

يا ويلي ويلاااااه يا رويلاتي

يا ايديني


ياراااااسي

يا كل جسمي كل عظمه فيني تكسرت من الوقفة و الحوسة و الشيل و الحط .. والله ايام مرت علي كنت أحس ويهي يعورني من كثر ما اتبوسم حق الاوادم !!

و كان شوفة الناس الي من زمان مو شايفتهم و الي اعرفهم من بعيد و الي احبهم و الي ما احبهم و ناس ناس ناس وايد التقيت فيهم و سوالف و ضحك



بس احلى شي والله والله والله يا بنات



و قسما بالله العظيم

يوم اني دخلت الجناح ذاك اليوم و عطوني ورقة صغيرة نماين كانت كاتبلتي ياها ... !

تنحت قلت : لاااااااااااااااااااااااااااااااا !! وينهاااااااا ؟؟ وين الي عطتكم هالورقة ؟؟؟

أشوه عاد نماين ما كانت مباعده كانت واقفه عند بلاتينيوم " جبال جناح الرابطة بالظبط نياهاهاها "

و بكل قوووووووووووة دشيت !

و بعدين افتشلت لأني اكتشفت ان زوجها وياها !!! وااااا فشيلتي لوووووووول


بس خلاص مافيها رجعه دشيت بقوة ... نماين ؟؟


وناااااااااااااااااااااااااااااااااااااااااسه

كنتي تهبلين مالج شغلللللل

عدال آنا الي كنت يعني متأنقه و متألقة

هذا معرض كتااااااااااااااااب

كنت أنقهر اصلا من الي كاشخين !! تحسين مو يايين المعرض بضمير

لا يبا كنتي جنج البخت مافيج شي يا زينج والله و يا حلوج و يا حلو سوالفج والله كنت حدي مستانسه

و منو شفت بعد ... وايد بنات

بس ما مريتو علي يا بنات الرابطة

و بتر سكوتش ... متى مريتي ؟؟ و ليش ما سألتي عني جان قالولج آنا وين ..
كنت أروح اقعد شوي من اشوف الوضع هدوء أمل و أحوس بالمعرض 10 دقايق ..ربع ساعه و أرجع



انما انا شريتلكم خوووووووووووووووووش كتب


وناااااااااااااااااااااااااااااااااااااااااااااااسه


الحين قلت بخلص اليوم التالي لأمس - وليد الرجيب


و بعدين أبلش ... عايزة أتجوز

خاطري بهالكتاب من جم سنه و مادري ليش ما شريته و أخيرا هالسنه شريته

عندي لكم وايد سوالفات بس لازم أروح انام عشان عندي كلية تومووورووووووووووو


احبكم واااااااااااااااااااااااااااااااااااااااااااايد واااااااااااااايد

 

[Little_Queen]

جوجو آنا حست حوسه على هالدار الي يقولون انها ايرانية ولا لقيتها يا وخيتي


لا و كتاب بنات ايران يوم الحظ ابتسملي و اخذت الميزانية و طررررررررت بشتريه

ولا آخر نسخه منه تنباع جدامي


عليه بالعافيه يالي خذاهااااااااااااااااااااااااااا " تذكرت عرس رفيجتي مادري ليش !! "


وينج انتي محد شافج بالمعرض مع اني كنت متوقعتج بتنامين عند الباب !



و يا هلا و يا مرحبا بكل الدودات الجديدات ! و العين اوسعلكم من المكاااان

 

[MISS __Fato0]

قوووووه يا بنااااات ... من زماان عن رااابطه

عاد ادري ااغلبيه بنات ما يعرفووني لاني ما اشارك بس اتابعكم ع طووول

مهم... شريتلي جم روايه من المعرض وابي رايكم اذا قارينهم

مائه عام من العزله < غابرييل ماركييييز

الارجوحه < حمد الحمد اتوقع جذييه اسمه

وووبعد ... سقف الكفايه

بانتظار رايكم..

 

[وهج الحب]

جوجو آنا حست حوسه على هالدار الي يقولون انها ايرانية ولا لقيتها يا وخيتي


لا و كتاب بنات ايران يوم الحظ ابتسملي و اخذت الميزانية و طررررررررت بشتريه

ولا آخر نسخه منه تنباع جدامي


عليه بالعافيه يالي خذاهااااااااااااااااااااااااااا " تذكرت عرس رفيجتي مادري ليش !! "


وينج انتي محد شافج بالمعرض مع اني كنت متوقعتج بتنامين عند الباب !



و يا هلا و يا مرحبا بكل الدودات الجديدات ! و العين اوسعلكم من المكاااان

السلام:
انا اشتريتها من فترة من جرير بس موجودة الى الحين كل ما اروح اشوفها

 

[Anastasia]

ههههههههههه
لتووول رحت ثلاث مرات كله زرقة وااي مايمديني ادش الا ركضة ركضة وراي محاضرة مرتين رحت الصبح ومرة بالليل اليوم قبل الاخير ويا أمي وأمي طوول ماحنا نمشي اتحلطم وراي خياط وراي خيااطط بمره واااي سكتوو ههههه
وشكلي مهتمل ويلوع الجبد ويني وين التحبحب والتسلم الله يخليج هههه لدرجة اشوف ناس اعرفهم ويعروفوني واسوي روحي مو انا هههههههههههههه
.
ان شالله نعوضهااا بطلعة ثاانية
.
نماين العووبة مافصرت ههههههه
يمه منهااا
ورئات وحركات ورومنسيااات هااا
هههه
.
.
.
دموووعة
آنا آداب وبتخصص انقلش ان شاااالله .. تسسلممم علييج الجامممعة ونااطرينج ههههه وناسة
.
.
إحم انا صرت جامعية يابنااات خخخخخ

 

[وهج الحب]

السلام:
انا اتهيت امس من كتاب العبقري البسيط ..لديفيد بالدتشىوهي من كتب التي تصنف تحت الطابع البوليسي وهي قصة ممتعة تشد الشخص لينتهي منها بسرعة ليعرف النهاية ..تحكي الرواية عن شين التحري الخاص الذي يحتاج للمال فيوافق على الانتقال لبلدة تحت حماية الشرطة الفيدرالية ليكشف عن مقتل عالم ..وتثنى القصة القتل ليموت الشخص الذي كان يساعد شين هناك والذي يجابه بصد من الجميع لان الجميع خايف ان يتكلم ليكون نصيبة القتل ..فيأتي ليساعده صديقته ميشيل ..وصديقة الطبيب النفسي هواريشيو الذي يريد ان يعرف خفاية نفس طفلة مريضة نفسيا ولكن عندها السر لكل شئ.

 

[Anastasia]

أنا مزاقي عاليومين توايلايتي
.
حسيت بمعنى الحب يايناات
.
أبي اتزوج فمباااير :'(
.
لاتطوفكم رواية "الشفق" Twilight تصلحلج نماين موجودة بجرير تهببببللل ..

 

[وهج الحب]

أنا مزاقي عاليومين توايلايتي
.
حسيت بمعنى الحب يايناات
.
أبي اتزوج فمباااير :'(
.
لاتطوفكم رواية "الشفق" twilight تصلحلج نماين موجودة بجرير تهببببللل ..

السلام:
صحيح انا يوم قريتها بصج عشت بعالم ثاني ...
بس ان اتمنى احب واتزوج مصاص الدماء ؟؟؟
بس لما افكر ان اطيح بيدة او اشوفه بامووت قبل ما يقرب احظاي ....خيال كاتب شئ ..والواقع شئ ثاني ..

 

[جوافة ^_#]

يالله يا دوادات قولولنا شقاعدين تقرون الحين ومتى قاعدين تقرون وشنو استفدتوا



راح ابدى بنفسي

انا قاعده اقرى فن البساطة
الكتاب مو صج و قاعد يأثر فيني الكتاب ايجابا و بدليل اني نظمت مكتبي بالدوام معنه كان مرتب بس رتبته اكثر وصار شرح والبيت بعد ناوية اشيل كل الاشياء الزايدة و الي مو قاعده استفيد منها

 

[Anastasia]

السلام:
صحيح انا يوم قريتها بصج عشت بعالم ثاني ...
بس ان اتمنى احب واتزوج مصاص الدماء ؟؟؟
بس لما افكر ان اطيح بيدة او اشوفه بامووت قبل ما يقرب احظاي ....خيال كاتب شئ ..والواقع شئ ثاني ..

هههه
.
وهجة شدعوة بيصير صج عاد
.
والله اللي يحبني اعطيه ماي عيوني مو بس دمي فديته :krkrkr:
.
استغفر الله مو لاقية اللي يحبني نفس إدوارد وبيلا ياليييييل :dddds: حالتي مستعصية:dddds: