رابطة "دودات الكتب " .. حياكم

[Great-Me]

امبيه الصوره حدها Humangis !! @@

مايخالف اللي تعرف تصغرها تصغرها بليز

ثانكس

 

[ايشواريا راي]

بناااااااااااات
انا ودي احمل روايه شيكاغو منو قراها
حلوة ولا لأ

 

[حبيبه امها]

هلا حبيبة شلووونج ؟؟؟ تصدقين حدي اشتقتلج والله جد

أمبي القصه الي قريتها ما ألومج يوم هديتها ويييع شنو البطل بس قاعد يتذكر ايامه ويكتبها شنو أهو دفتر يوميات ؟؟؟
أحسج لما قلتي عن الريال أنه حنه ودج تقومين تصفعينه :eh_s(1):



واااااي شوقتوني ودي أقرى كتب من زمان مو قاريه والله مافي وقت كلللللش:0bee2e8d89:

هلا والله انا بخير حبيبتي انتي شلونج ؟؟ حياتي والله حتى انا ولهت عليكم .. ومشكورة وايد انج فقدتيني
اشوة عندج فكرة عن القصة يعني عانيتي منه مثلي ... والله وانتي صاجة نرفزني صج مال طق اتصدقين حتى اليوم رفيجتي اتقول وصلت لي صفحة 30 وقفت قتلها لا انا كنت اقوى منج وصلت لي صفحة 100 عقبها يأست عرفت ماراح يتغير الاسلوب

تدرين انا فتحت اخر صفحة قلت بشوف شنو النهاية تكفين شتوقعين ؟؟؟ انه اهو كان بالمكتبة ويوقع الكتاب وفجاة .... دخلت مها ... امبيه ناوي يسوي جزء ثاني بعد !!!!!​

 

[Bq]

وييييييييييع شالثقه ألي عنده نهايه مليييقه ...... بنات منو عنده رواية بنات الثنويه سمعت عنها أنه أسلوب الكاتب كلش وحتى الرقابه مشطبين على بعض الكلام ... لما قابلوا الكاتب ببنات وبس احسيته كلش مو مال كتابت قصص <<< سوري يعني

 

[وهج الحب]

هلا والله انا بخير حبيبتي انتي شلونج ؟؟ حياتي والله حتى انا ولهت عليكم .. ومشكورة وايد انج فقدتيني
اشوة عندج فكرة عن القصة يعني عانيتي منه مثلي ... والله وانتي صاجة نرفزني صج مال طق اتصدقين حتى اليوم رفيجتي اتقول وصلت لي صفحة 30 وقفت قتلها لا انا كنت اقوى منج وصلت لي صفحة 100 عقبها يأست عرفت ماراح يتغير الاسلوب

تدرين انا فتحت اخر صفحة قلت بشوف شنو النهاية تكفين شتوقعين ؟؟؟ انه اهو كان بالمكتبة ويوقع الكتاب وفجاة .... دخلت مها ... امبيه ناوي يسوي جزء ثاني بعد !!!!!​

السلام:
حبيبة امها حبيبتي ممكن تقولين لي عن اي رواية تتكلمون رحت فوق جيت تحت ما عرفت عن ايش تتكلمون :eh_s(6)::tek:

 

[وهج الحب]

بناااااااااااات
انا ودي احمل روايه شيكاغو منو قراها
حلوة ولا لأ

السلام
انا قريتها من فترة هي البداية عليج فيها تبي صبر بس بعدين تمشي وتشوق .. بعدين لازم انتي تقرين وتقررين لان بالمنتدى امدحوا لي كتب واشتريتها وما اعجبتني وكتب كنت قاريتها ومستمتعة بها وفيه ناس ما حبوها كل واحد له ذوق بالقرأة ..

 

[حبيبه امها]

السلام:
حبيبة امها حبيبتي ممكن تقولين لي عن اي رواية تتكلمون رحت فوق جيت تحت ما عرفت عن ايش تتكلمون :eh_s(6)::tek:

هلا يا الغالية شلونج ؟ هذي الله يسلمج رواية اسمها ( سقف كفاية ) جينة اسم الكاتب حسن محمد علوي
ما انصحج فيها كلش وتلقين تعلقينا انا ودمعة بالصفحة الي قبل هذي ... ​

 

[Little_Queen]

توكم تقتنعون برأيي عن محمد النشمي !

الولد محتاج واااااااااااايد قبل لا يقول عن نفسه كاتب أو اديب ...

بس انشالله الله يهديه و يسمع كلام الي اكبر منه و الي لهم خبره .. لأنه معتبر الكل مثل اعداء بالنسبة له و الكل يغار من نجاحه و ما يبي يسمع لأحد !

بنات الثانوية .... شيء خارج عن حدود الادب بصراحة قصة مالها داعي بالحياة




" لابسه حديد صيني و متنرفزة عالاوادم اليوم مادري شفيني " ..


المهم ..


انتو شخباراتكم ؟ شمسوين ؟؟

 

[وهج الحب]

توكم تقتنعون برأيي عن محمد النشمي !

الولد محتاج واااااااااااايد قبل لا يقول عن نفسه كاتب أو اديب ...

بس انشالله الله يهديه و يسمع كلام الي اكبر منه و الي لهم خبره .. لأنه معتبر الكل مثل اعداء بالنسبة له و الكل يغار من نجاحه و ما يبي يسمع لأحد !

بنات الثانوية .... شيء خارج عن حدود الادب بصراحة قصة مالها داعي بالحياة




" لابسه حديد صيني و متنرفزة عالاوادم اليوم مادري شفيني " ..


المهم ..


انتو شخباراتكم ؟ شمسوين ؟؟

السلام:
والله يا اختي انا ما اعرفة بس يوم جيت الكويت كنت امشي واشيل الكتب الموجودة بفيرجن المارينا ..وطلع اني اشتريت له كتابين بس والله تحسفت لذلك لقلة ذوقة بالرد الكتاب الثاني هو اليافعات وما قريته الى الان لان كرهت اسلوبه بس باقراه بعدين لما تخلص الكتب اللي عندي ..
انا كتبت له رساله لانه راز ايميله ..كتبت له انه لا عيب ان الواحد يا خذ من فكرة قاريها اوشاهدها بفيلم بس يحط اكثر فكرة هو من ان ينقل كوبي !!!
وانه حتى الكوبي من فيلمين انه وضع غلاف كتابه صورة للبيت اللي بالفيلم ...
وبعدين ايش الكلمات اللي كررها بكتابه نشب حاجبة ..وانده فقلت له الافضل ان يقول ينادي و يعقد حواجبة ..الا يقولي ان ما اقوله غريب لان ما احد انتقده من قبل ( رغم باول الكتاب قال انه انتقد كثيرا على الاخطاء الاملائية وانه لن يغير شئ فكيف يقول لم ينتقده احد على الاخطاء والتعبير ..))وانه يشوف كلمة ينشب احلى وتوصل المعنى الذي يريدة ..وان كلمة انده هذا لان مدرسينه مصريين وهو يعتز بهم وبلغتهم ..انا راضية بهذا الكلام بس يجيب لي كاتب مصري واحد يقول انده بدل انادي بكتابه ..ولكن الاخ يمكن يوم ينقل الفيلم كان حاط على الترجمة المصرية لان احيانا يحطون بالفي دي عربية خليجية وترجمة مصرية ..وغيرها
فرد علي لم ياخذ فكرته من اي فيلم وانه ردي هو دليل على نظرية المؤمرة والشك (( يا كبرها نظرية المؤمرة اقاصاها كتيب ))عندنا نحن يا العرب ..لاني قلت عن انه مأخذ فقرة تحضير الارواح وان الجن يقول للمحضرة انكم انتم من الغرباء وليس نحن فنحن ساكنين قبلكم ..وهذا الحوار حرفيا من فيلم other نيكول كيدمن )
واني الغلاف خاص به ولو مش زين ما لفت انتباهي ( يا كبرها عند الله اتحدى ما ترجعون لنص افلام اللي تخوف انها مش بهذا البيت )) رديت عليه اني اخذت كتابة مش عشان الغلاف بس عشان انه كويتي فقط هذا هو السبب الرئيسي ..
وانه اذا جاي يناقش واحد بالافلام المرعبه ما يناقشني انا لان من طفولتي اشوف الافلام المرعبه واعرف كل حركة فيها ..
وانه دليل سوقته للفيلم حرفيا مشاهد ان الباب موارب وهناك اشكال تتراكض ومشاهد ان الشاب يروح الحمام ويغسل وجهة ويرفع ووجهه للمرآة ويشاهد شكله مخيف وكله كوب مشهد الطفل وهو يمشي بالممر ويركض خلف شئ وتيجي امة وتحملة ويقول لها هل الاخرين مرغبين مثل الشئ اللي بخلفنا وانه يتبعهم شكل مخيف وتقول له الام ماذا تقصد ويؤشر لشئ وراهم اقصد هذا اللي يبتعنى وتمشي بمهل وهي خائفة .. ( هذا ما قلته له بعد رده القاسي لاني كنت اقوله بايميلي لاول انه يحاسب على بعض المفردات فقط وانه لاينقل حرفيا ورغم اني قلت كتطيب خاطر ممكن بالبداية اني استمتعت بكتابك واني خلصته بساعتين ورغم انه كوبي بس هناك ناس لا تشاهد مثلي الافلام المرعبة ولا تعرف بس رده كان كله غرور وعنجهية مما جعلني افند كتابة تفنيد ))وكلة كوم وسالفة ان المريضة بالمستشفى تجلس على طاولة بغرفه لحاله وترسم اشكال وتعطيها للدكتورة عاد هذا كل الشلخ لان احنا عندنا ما يخلون المريض لاحاله بالغرف مثل الاجانب ولا انهم يعطونه ورقة وقلم والوان ليرسم لاني عشت حياتي ازور زوجة ابي بمستشفى الامراض العصبية لا عندنا ولا بمصر ما يسون لهم ابدا مثل ما قاله وهذه مشهد من الفيلم ايضا ..
اسفة على الاطالة لكن وقسم بالله قلت له ان يجب ياخذ كورسات تقبل النقدوالتواضع وان ما قدر يجد احد يعلمة يروح عند عبد الوهاب السيد اللي الواحد يكتبله رسالة المعري ويرد بكل تواضع ويعترف ببواطن القوة والضعف عنده مع وعد لتحسين نفسه ورغم ان عدد كتبة اكثر ..

 

[blue ocean]

يعطيكم العافيه خواتي على مناقشاتكم الطيبه ...

ودي انظم لكم كدوده يديده

واشكر صاحبة الموضوع على اتاحة الفرصه لمحبين القراءه ..:aha:​

 

[lailosh]

وهج الحب حاسه فيج والله

اصلا النشمي اسلوبه وقصصه حق ياهال الي بالابتدائي والروضه ويمكن هم ماراح يعجبهم

الصراحه اشوف حرام يقولون عنه كاتب !!

يعني لا اسلوب ولا ثقافه ولااا شييي ليش نقرى له مادري شنو بنستفيد ؟؟

اتوقع قبل لما يكتب باللغه العربيه صار عليه هجوب بسسب لغته الركيكه والضعبفه بعدين حول للكويتي عشان يرقع من الموقف بس هم ماكو فايده وماشريت منه ولا شي لان مايعجبني ابدا

انشالله ياخذ موضوع النقد بروح رياضيه وياخذها بعين لعتبار ويعدل من كتاباته

 

[طوق البنفسج]

شلونكم بنات من زمان عن الموضوع

انا حاليا قاعده اقرا اعترافات غايشا رووعه شوي عليها احب عادات الشعوب

وعقبها مفكره ابدى بروايه " ترمي بشرر" من زمان عندي بس ما قريتها

الي تسال عن امراه و ظلان .. اقريها بدون تفكيييير روعه شوي عليها انا قريتها من زمان بالصيف يمكن و اعجبتني الشخصيات و الاحذاث وايد

 

[*سـ’ـــكـّــره*]

فرد علي لم ياخذ فكرته من اي فيلم وانه ردي هو دليل على نظرية المؤمرة والشك (( يا كبرها نظرية المؤمرة اقاصاها كتيب ))عندنا نحن يا العرب ..لاني قلت عن انه مأخذ فقرة تحضير الارواح وان الجن يقول للمحضرة انكم انتم من الغرباء وليس نحن فنحن ساكنين قبلكم ..وهذا الحوار حرفيا من فيلم other نيكول كيدمن )

:dddds:

من صجه هذا :080402ask_prv:

 

[lailosh]

قوه بنات شلونكم

من زمان وانا ارووح جرير ولا فيرجن اطيح على كتاب قصتي مع اللوفر اتشووق ودي اشتريه بس اتراجع

عااد قلت دامه بخاطري خل اشتريه واجرب شي غيير عن السفر وكانت سفرته عن باريس بلد الحب #.#

الكتاب الصراحه وااايد جذبني وحلوو خلصته بيوم واحد من كثر ماهو مشووق وفكرته حلوه والصور الي فيه احلى

وايد مفيد ترى حق الي بسافر اهناك عشان الكتاب يبين لكم شنو الاماكن المفروض اتزورونها وماتفوتونها وغييييره وخصوصا لما تطرق حق

عالم ديزيني الي موجود هناك

ياربي احس بروووح عقب ماقريت الكتاب لوووول جد كان رووعه وراح اشتري انشالله كتباه الثاني لاس فيغاس

قمت احب كتب الي تطرق عن السياحه واستمتع فيها الصراحه وهم قريت كتاب التجربه الانجليزيه لخالد النصر الله وايد حلو بعد

بس وايد هذرت

مع السلامه

 

[Artist Q8]

وينكم اختفيتو

 

[دانه الهيرات]

انا توني مخلصه روايه صحراء المماليك التي تدور احداثها بمصر بفترة حكم جمال عبالناصر و انور السادات هي روايه جدا عاديه وفيها مط وايد واحداث مالها داعي .

قبلها كنت قاريه واحة الغروب و كانت صج صج روعه وكنت اذا فنحت الكتاب ما اقدر اهده .

الحين بروح اشوف لي شي يديد وودي بكتب سياسيه تاريخيه اللي قرت تقول لي

 

[نماين]

شلونكم بناات شخباركم امبيه من زمان عنكم ... حدي مغبرة

ان شاءالله برجعلكم واقولكم عن الي قريته

بس مت من الضحك على وهج والنشمي لو منك ما اعطيه وجه ..امبيه مو زين جذي ماخذ بنفسه مقلب

 

[BaTTy]

اهليييييين دودات
من زمااان عنكم
يمكن لانه صارلي فتره مااادري شفيني مالي مزاج اقرا
اناااا انا الي ما اقدر انام بدون لا اقرا صارلي شهر و اكثر مو جايسه كتاب
صج الزواج يغير الي ما يتغير :\
عاد دشيت اليوم لانه ناطريني ادز لسته شنو ابي كتب من مصر
خذيت اسم جم كتاب على الجم كتاب الي عندي اصلا كاتبه اساميهم من زمان
شنو تنصحوني فيه ؟

 

[ام عبدالوهاب555]

شلونكم بنات

شاركت بموضوع وتحمست اهني

صراحة عجبتني سالفة مناقشة الكاتب
دايما كان عندي تعليقات على اي كتاب أقراها بس أتكاسل اني اكلمه أو أراسله

بس شجعتيني وهج الحب
حاليا تعجبني روايات نورا روبرتس وجيفري آرتشر
وكاتبة سعودية ألفت رواية عن الحجاب
عجبتني حيل وكله نقاشات عن الحجاب وفلسفته..

 

[ام عبدالوهاب555]

شلونكم بنات

شاركت بموضوع وتحمست اهني

صراحة عجبتني سالفة مناقشة الكاتب
دايما كان عندي تعليقات على اي كتاب أقراها بس أتكاسل اني اكلمه أو أراسله

بس شجعتيني وهج الحب
حاليا تعجبني روايات نورا روبرتس وجيفري آرتشر
وكاتبة سعودية ألفت رواية عن الحجاب
عجبتني حيل وكله نقاشات عن الحجاب وفلسفته..