رابطة "دودات الكتب " .. حياكم

[.]

جوجو ..

هذيل يدد مامروا علي..

اخر شي اذكره ميكي الذهبي وهالطقه..

 

[Anastasia]

لااااا حبيبتي من سنة الطفحة هذيلي .. بس بالانقلش .. الحين اكو عربي بالمكتبات ..
.
ويي نسيينا ميكي وبطووط ههههه وعم دهب ودهبان وحسن الحظ ودنقل ههههههه يحليلهم المصاروة مو ناقص اللا يعطونا علبة فول اسكندراني مع كل عدد هههههههههه

 

[Betty]

أهلين بنات ولهانه عليكم شلونكم ؟ عساكم بخير
لكم وحشه

 

[ملاكـ أبوها]

السلام عليكم

مساء الخير

أحب انضم لكم ان ما كان فيه مانع

ولطشت الشعار وبحطه بتوقيعي وتسلم مصممته

أخباركم إن شاء الله عال العال

القراءة نافذة الى العالم سؤاء الذي نعيشه أو عالم آخر يجسده لنا الكاتب

أحب القراءة بشتى أنواعها وخاصة كتب البرمجه اللغوية العصبيه والروايات الأجنبية

امممم بكره أو بعده بنزل المكتبه ودي تعطوني أسماء روايات نالت على اعجابكم أو أسماء كتب بالبرمجه

يعطيكم العافيه

لي عودة بالكتب التي قرأتها وتعليق عليها

^_^

 

[Betty]

AmOoOra و ريحانة_14 و Shiny Star و miss_math و C'est La Vie
حياكم الله حبيباتي

 

[Betty]

لأ لهلأ مائريتو بس عالأسبوع الجاي بدي ائراااه ههههههههههه (( شرايج بلبناني .. ولاعلبالج بس انتي اللي تعرفين تتحجين لبناني !!!!!!!))

وييييييييييييييييييييه سكيتي علي ابي اتعلم سوداني الحين لووول :eh_s(3):

 

[Betty]

أهلين ملاك بوها حياج الله حبوبه معانا ناطرينج

 

[Betty]

حلللللللللللوة شتقرا الفيلسوفة أمون لوووووووووووووووول


ويييييييييييه نسيت روايات عبير هالتافهه .. هبيت فيهم هببببببببببببه قطيعه الحين من أتذكر تلوع جبدي مادري ليش لووووووووووول

وقصص المغامرون الخمسة أنا وأختي كنا نتحاطط ونشتريهم وتقدرون تقولون إن المجموعة كاااااااااااااااااااااملة عندنا بس في مغامرون 3 خايسين صراحة ماحبيتهم .. إللي حبيتهم

( تختخ / عاطف / محب / لوزة / نوسة ) بس باجي القصص التقليد ( فلفل و/نادية ) لألأ ماحبيتهم

الحين بوقف شوي لأني تحمست حيييييييييييييييييييييييييل بس قائمة ما بعد سنة الـ 2002 راح أوافيكم فيها إن شالله تعالى في الأيام القادمة لأني تعبت خخخخخخخخخخخ :krkrkr:

وليييييييي عودة يا أحلى دودات :ggdw:

ههههه روايات عبير ابيه الكل يتحسف انه قراها لوول
انتي نفسي انا بعد ماعجبوني القصص التقليد على قولتج و لا حتى عارف و عاليه و مادري شسمه صار ولائي حق المغامرون الخمسه فقط لا غير و مشكووة شوقتيني على كتب الفلسفه ناويه اتفلسف لوول لا بس و الله جد انا احب الفلسفه ان شاء الله اشتري كتب فلسفيه

 

[Betty]

ماشاءالله ريحانه..

الله يهنيج يارب ..

انا مو مال اجرب بطب الاعشاب خخ لاني اجرب بنفسي خخخ..

وتختخ احلى من المغامرون ال3..

وهالاسبوع شريت ماجد صايره مليغه اول وايد احلى ماكملتها حتى..

وشريت سعد والعربي بس لي الحين ماقريتهم

واحمد زادوا سعرها اول كانت بنص الحين ب750

خخ تقرير عن مجلات الطفوله..

اهلين رونه شلونج ؟ عساج بخير
ههه خوش تقرير رونه تسلمين صاجه مجله ماجد مو مثل قبل حيييييييل تغيرت اول احلى

 

[Betty]

لااااا حبيبتي من سنة الطفحة هذيلي .. بس بالانقلش .. الحين اكو عربي بالمكتبات ..
.
ويي نسيينا ميكي وبطووط ههههه وعم دهب ودهبان وحسن الحظ ودنقل ههههههه يحليلهم المصاروة مو ناقص اللا يعطونا علبة فول اسكندراني مع كل عدد هههههههههه

هلا و غلا بجوجو اللي تزفنا و تغط و معترفه بعد لوول
شلونج حبوبه عساج بخير ؟
انا من طقه رونه هذيل مامروا علي انا اذكر ميكي و بطوط بس ويه رونه طلعنا عيايز يا حظي كبرنا كبرنا صكوا علينا المراهقات

 

[.]

اهلين رونه شلونج ؟ عساج بخير
ههه خوش تقرير رونه تسلمين صاجه مجله ماجد مو مثل قبل حيييييييل تغيرت اول احلى

هلا بالطيب الغالي..

الحمدالله بخير دامج بخير..

جوجو اول نادره المجلات الانجليزيه..

ولا ياصغرتي بتي توج بريعان شبابج

من زمان ماقريت شي بس قريت جزء صغيره من الحافه ..

وملاك الروح حياج الله معانا..

 

[ريحانة_14]

ميرسوو بيتتي عالترحيب .. وروايات عبير قطيتها بالثلاث خخخخخخخخخ

الحين قائمة مابعد 2002 وطبعا بقولكم ياهم بشكل عشوائي

قريت هادم الأساطير حق سند راشد الدخل وعجبني حييييل
موسوعة الظلام ما عجبتني وايد
وقوس قزس حددددددده ويع .. قصص أفلام رعب .. ماحب الأفلام والقصص الخيالية
وبلشت حاليا في كتب علم النفس

البرمجة اللغوية للأعصاب
علم الفراسة
علم الطاقة الكامنة
لغة الجسد ===> هذا الحين قاعده أقراه يفسر أوضاع جسد الإنسان وشنو معنى كل حركة
قريت حق جورج كروز هذا إنجليزي مترجم بس عاد شنو ؟؟؟؟ 8 دقائق في الصباح من أجل أوراك رشيقة لووووووووووووول

وطبعا كتب عن التوحد مثل كتاب معاناتي والتوحد حق سميرة السعد
و50 سؤال وجواب جزئين هذا عن الإعاقات
وإعاقة التوحد بين الواقع والخيال
ووااااااايد كتب عن التوحد لأنه كان في فترة من الفترات مجال عملي

والحين داشه بقوة على كتب تفاسير الشخصية وتفسير الوجوه والأجساد وقراءة الأفكار عن طريق تعبير الوجه
لأنه بإذن الله بيكون مجال عملي بالخطة الخمسية اليايه خخخخخخخخخخخخ

 

[marno]

خواتي ممكن اسأل ....
الغيشا وين احصله ما لقيته عند جرير ؟

 

[مترجمه]

ما دمتم تدعون الثقافه .. أعتقد أن عليكم الارتقاء بمستوى ردودكم ...

ومادام الموضوع مخصصا للكتب .. عليكن عدم الخروج من هذا الاطار والبدء بالمزاح الذي لا يليق بمكانة هذا الموضوع ..

أقترح من كل عضوه في هذه المجموعه أن تضع شرحا تفصيليا لاحد الكتب وصورة له مع سعره...

 

[.]

هلا ريحانه ..

هادم الاساطير وقوس قزح عندي بس ماقريتيهم..

هلا مارنو..

شفتها بذات السلاسل ..

ومترجمه..

هذا اللي صاير قاعدين نسولف بهالمجال وهالاقتراح قلته من زمان ومطبقينه البنات..

 

[ريحانة_14]

شدعوة عاد قلنا ثقافة بس مانبي الموضوع يكون جد بحت ودمه ثقيل .. مافيها شي إذا تغشمرنا شي .. والا شرايكم بيتي ورونة وليتل كوين

 

[Anastasia]

ما دمتم تدعون الثقافه .. أعتقد أن عليكم الارتقاء بمستوى ردودكم ...

ومادام الموضوع مخصصا للكتب .. عليكن عدم الخروج من هذا الاطار والبدء بالمزاح الذي لا يليق بمكانة هذا الموضوع ..

أقترح من كل عضوه في هذه المجموعه أن تضع شرحا تفصيليا لاحد الكتب وصورة له مع سعره...

شنو شصاير ؟ شالسالفة ؟ ليش جذي؟ شمسوين احنا ؟ شقلنا ؟ ليش هالحجي الله يهداج .. الناس لادشو مكان يديد سلمو قالو كلمة طيبة .. موجذي .. شفيها اذا تغمشرنا وضحكنا احنا خوات ومتيمعين سوالف ادبية وغيرها .. والحمدلله ديننا سمح واحنا سمحين .. مافي قولنين تمنع ان نتغشمر واحنا ماقاعد نقرا قرآن ولاشي مقدس عشان نخرج عن الاطار ومالى ذلك:0bee2e8d89: ..

 

[ريحانة_14]

هلا ريحانه ..

هادم الاساطير وقوس قزح عندي بس ماقريتيهم..

هلا مارنو..

شفتها بذات السلاسل ..

ومترجمه..

هذا اللي صاير قاعدين نسولف بهالمجال وهالاقتراح قلته من زمان ومطبقينه البنات..

رونة قوس قز قصص مرعبة ماحبيته كلش

قصص خيالية مرعبة وماشالله الكاتب إسلوبة واقعي فيصورلج الخيال كأنة واقع .. بس على واقع مرعب

وخصوصا إني أقرا بالليل .. تصدقين قمت أخاف على بنتي من الدببة إللي عندها بسبة قصة قريتها لوووووووووووووووول:dddds:

 

[Anastasia]

اي صاجة مرعبة قوس قزح .. بس هم حلوة عجبتني حييل حييل بس اخر قصة اللي على شكل سيناريو فلم وع وع وع ..

 

[ريحانة_14]

شنو شصاير ؟ شالسالفة ؟ ليش جذي؟ شمسوين احنا ؟ شقلنا ؟ ليش هالحجي الله يهداج .. الناس لادشو مكان يديد سلمو قالو كلمة طيبة .. موجذي .. شفيها اذا تغمشرنا وضحكنا احنا خوات ومتيمعين سوالف ادبية وغيرها .. والحمدلله ديننا سمح واحنا سمحين .. مافي قولنين تمنع ان نتغشمر واحنا ماقاعد نقرا قرآن ولاشي مقدس عشان نخرج عن الاطار ومالى ذلك:0bee2e8d89: ..

تكفين جوجو إذا عرفتي شالسالفة قوليلي :dddds: