رابطة "دودات الكتب " .. حياكم

[Anastasia]

قلللووووووووووووششش ..
.
وبالمباارك بالمباارك يا نمنم .. ويالله منها المال ومنج العيال لووول ..
.
قذلة مباركة " على غرار منزل مبارك " يا حبيبتشي ومنها للأعلى " يعني حشي شعرج الباجي لوول "
.
أبشركن ,, أبشركن ,, اني حصلت على هدية قميلة فزيعة من الوالدة حفظها الله .. تشي بحبها العميق لذكائي ..
.
وشرت لي .
.
.
Guss wat !!
>
>
>



.

نعال نيدية .. لووول ..
.
.
.
لا لا أتغشمر .. كاميرا كانوون تينن وذ تويلف ميغا بكسل ..
.
.
مام إن كنتي تتابعينا .. "يور ذي بست مذر ان هووول ووورلد " .
.

 

[روح كويتيه]

هاااااااااااااي بنااااااااااااات صارلي جم يوم اقرا موضوووعكم وغصب خلصته


يصير انظم معاكم ولا ممنووووع

انا قريت الابعاد المجهوله مات عبدالوهاب السيد وعجبوووني

قريت روايه بنات الرياض و حطيت عليها xxx حسيت الكاتبه ماعندها سالفه

والحين قاعده اقرا كشكول طالب ثانوي ويمشي حاله بس ما انصح فيه


غير كتب التاريخ لاني احب كتب تاريخ الشخصيات

وخذيت اسماء جم روايه وكتاب منكم وان شاء الله بس اخلص من اللي عندي اروح اشتريهم

 

[نماين]

جوجو


كلووولووولووولووووووووووولييييييييييييييييييييييييييييييييييييش

الف الف الف مبروك


على الكاميرا

والله يخليلك الوالدة يارب و تعيش وتجيبلك على طول


و اللحين ننطر ابداعاتك الفنية وصورك القيمة مفيش عذر _03ba: لا

 

[نماين]

هاااااااااااااي بنااااااااااااات صارلي جم يوم اقرا موضوووعكم وغصب خلصته


يصير انظم معاكم ولا ممنووووع

انا قريت الابعاد المجهوله مات عبدالوهاب السيد وعجبوووني

قريت روايه بنات الرياض و حطيت عليها xxx حسيت الكاتبه ماعندها سالفه

والحين قاعده اقرا كشكول طالب ثانوي ويمشي حاله بس ما انصح فيه


غير كتب التاريخ لاني احب كتب تاريخ الشخصيات

وخذيت اسماء جم روايه وكتاب منكم وان شاء الله بس اخلص من اللي عندي اروح اشتريهم

اهلين والله وحياك الله معانا:aha:

انا معاك في رواية بنات الرياض ... كانها سوالف بنات عادية

اما كشكول كانها مارة علي بس الذاكرة مصدية شوي عطينا عنها شوية معلومااات بليز

 

[روح كويتيه]

للحين محد قالي اذا ممكن ولا لا بس برجع اشرح الكتب اللي قريتهم بالتفصيل
طبعا كتب عبدالوهاب السيد البنات ماقصروا بالسوالف عنها

رواية بنات الرياض سبب عدم تقبلي لها حسيتها مشوهه المجتمع السعودي باختصار اي احد يقراها بينفر من المجتمع السعودي يعني الروايه مافيها اي ايجابيات تخص المجتمع
كشكول طالب ثانوي <<< المؤلف اسمه محمد فهد الهويمل الكتاب عباره عن مذكرات طالب من الاعداديه لحد الثانوي يطرح واقع التعليم بالسعوديه بعد ماعجبني لنفس سبب بنات الرياض ماخذ جانب السلبيات وماطرح اي شي ايجابي وبعد اختياره للعناوين الجانبيه ماخذ طابع الجرأه مع انه الموضوع مو محتاج هالشي

استغرب من شبابنا بالخليج ديرنا الححمد ولا شكر بس فالحين ننتقد مو مخلين علينا قاصر وحالنا ارحم من مليوون غيرنا وفوق جذي لا حمد ولا شكر

تصفحت كتب سند راشد
قصتي مع اللوفر
ولاس فيغاس مع التحيه
واستانست فيهم اسلوب عرض الكاتب عجيييب

وفوق ججذي مو مقصر بلنصايح الخاصه للمسافرين لهالدول


امممم قريت عشاق الادرينالين ماعجبني يمكن لانه فيه وايد اشياء مقززه بس لقاافه ماخذته :d

وآخر شي روايه على عتبات الرذيله لسارة الدريس
عجبتني ناايس وطرحها فيه جزء من الواقع




وبس

ادري قرقت وايد

 

[روح كويتيه]

قاعده اقرا الحين فانيلا لوليد الجاسم اخلصها واقولكم رايي فيها

 

[.]

السلام عليكم..

شلونكم..

كنت انطركم ترجعون للكتب عساس اشاركم


روح حياج الله بينا..

شوقتيني ع كتاب ساره الدريس..

وانا قريت من لستتج بنات الرياض وكانت سوالف مراهقات وفيها جراءه ماحبيتها..

و قريت اصدارت سند راشد ملوت سفر لاس فيغاس واللوفر واستمتعت فيهم لانهم اخفاف و جنج مسافره معاه..

وقريت فانيلا حلوه كسرد وفكره بس فيها سوري اباحيه منفره ومطلعه الابطال جنهم بهايم تتحكم فيهم غريزتهم..

وناطرين جديدج..

انا عن نفسي خلصت الان نفتح الصندوق وقبلها قريت صندوق الذكريات والحين اقرا ب207..

ومرسوو..

 

[روح كويتيه]

يسلمووو رووونه قلبي



ساره الدريس عندها بعد روايه ثانيه قبل هذي اسمها الى جرحي الحبيب او شي جذي

ويقولون حلوة بس ماقريتها

واذا تبينهم تحصيلنهم بفيرجن

 

[Little_Queen]

اكيد يا روح كويتية تقدرين تنضمين و بدون استئذان فقط حطي شعار رابطتنا في توقيعج

و اهلا و مرحبا بك ..



اممممممممممممم .. اوافقج فيما قلته حول رواية بنات الرياض .. و تناقشنا فيها من قبل ..

و بالنسبة لعبدالوهاب السيد فأنا ايضا من عشاقه و عشاق رواياته ... اسلوبه فعلا وااااااايد حلو



و ............ امممممممممممم .. سارة الدريس ...

مادري ...

الي نفرني منها انها كاتبه بالعامية .. و في مقابله لها بررت هالشي بانه هذا أقرب و انا ابي كتابي يوصل و اللغة العربية مو الكل يفهمها ..


يمكن هالشي خلاني نوعا ما داخليا ما أتشجع ابدا لشراء الكتاب .. يعني اذا اهي نفسها مو مقدره اللغة و مو مقدرة الفصحى . معناته ما تبي تضيفلي شي حقيقي ..

قراءات الاجناس الادبية تحديدا متعتها الحقيقية لما تشوفين المعاني و الصور و التشبيهات الي فيها ... البلاغة و الروعه في استخدام المفردات ...

شخصيا .. هذا ما يمتعني ..

ولا أعتقد ان رواية او قصة بالعامية - حتى لو كانت فكرتها رائعه جدا ...- ستعجبني بقدر ما كانت لتعجبني لو كانت بالفصحى ..


مجرد رأي


و حياااااج الله مره ثانية و الرابطة رابطتج يا روووووووووح ..




-------------

جوجو !


الف مبروك عالنعاااال النيدية ... و على قولتج : نعال مبارك ... و منها للأعلى " يعني عقبال ما تشترين نيديه بس كعب عالي ! "


مبروك .. بس يلا عاد نبي نشوف صور حلوة ... مو تروحين تصوريلنا قعدتج الرومانسية الي قلبت آخر شي حريجه ! عمره ما تبخر تبخر و احترق


روووووووووونة .. ولللللللللللكم باك ...

و افا عليج .. دشي درعمي و تكلمي عن الكتب بتلاقيننا كلنا نتكلم عنها ... هذي أخلاق الصحافة


خووووووووووو ما يصير خوووووووووووو تسكتين ليما احد يتكلم !

----------

ولكم باك يا نماااااين

و لكم بااااك دمعه :>

 

[Bq]

روح كويتيه انا مره بغيت اشتري بنات الرياض بس اشوه قبل لا احاسبها قريت هذا الي كاتبنه وره جنه اسمه الملخص مادري شنو الصراحه ماعجبني فرديتها

بنات منو قاري كتاب شركاء بالجريمه؟؟؟؟؟ كان ودي اشتريها بس اكتفيت بكتابين الأنه أنا مو بسرعه اقرى أحب اقرى على الراحه بس تحسفت ليش ماشريته كان شكله واايد حلووو

 

[.]

روح الله يسلمج يارب..

و ............ امممممممممممم .. سارة الدريس ...

مادري ...

الي نفرني منها انها كاتبه بالعامية .. و في مقابله لها بررت هالشي بانه هذا أقرب و انا ابي كتابي يوصل و اللغة العربية مو الكل يفهمها ..


يمكن هالشي خلاني نوعا ما داخليا ما أتشجع ابدا لشراء الكتاب .. يعني اذا اهي نفسها مو مقدره اللغة و مو مقدرة الفصحى . معناته ما تبي تضيفلي شي حقيقي ..

قراءات الاجناس الادبية تحديدا متعتها الحقيقية لما تشوفين المعاني و الصور و التشبيهات الي فيها ... البلاغة و الروعه في استخدام المفردات ...

شخصيا .. هذا ما يمتعني ..

ولا أعتقد ان رواية او قصة بالعامية - حتى لو كانت فكرتها رائعه جدا ...- ستعجبني بقدر ما كانت لتعجبني لو كانت بالفصحى ..


مجرد رأي


و حياااااج الله مره ثانية و الرابطة رابطتج يا روووووووووح ..







روووووووووونة .. ولللللللللللكم باك ...

و افا عليج .. دشي درعمي و تكلمي عن الكتب بتلاقيننا كلنا نتكلم عنها ... هذي أخلاق الصحافة


خووووووووووو ما يصير خوووووووووووو تسكتين ليما احد يتكلم !

----------

:>

هلا ليتل..

ازيك..

امم خخخ عاد يتيها بالصميم بتخصصي اللي افتقدته..

مو شرط اتكلم بالكتب بس ماكن في شي ممكن اضيفه ويفيدكم ففضلت اني اتابع بصمت..

وبخصوص الكاتبه ساره تبريره مع احترامي لها مو منطقي ان لو كاتبه ابي الكل يقرا كتابي من الخليج للمحيط ولو بيدي اخلي العالم بكبره يقرا بجذي احس وصلت..

وصح ساعات في كتب تستفيد من اسلوب الكاتب يساعدج بان تقوين لغتج ويزيد حصيلتج اللغويه..

 

[Bq]

لتل هلا والله
رووونه ولكم باااك والله مشتاقيلج مادري أذا انا من زمن غايبه الن من زمان مو داشه المنتدى ولا انتي

 

[روح كويتيه]

انا معاج انه الكتابه باسلوب عامي ما تنفع واساسا انا اعتبر روايه سارة كانها روايه منتديات وسبق وراسلتها بهالشي

<<<< تتحرش وايد

بس اقصد كفكره قصه عجبتني


اي صج اليوم خلصت فانيلا

ماعجبتني


حسستني انه الكويت فيها طبقيه وايد

مع انه احنا شحلاتنا والله شعب اينن

 

[بثينة الجلاهمة]

ماشاء الله عليكم موسوعة الله يحفظكم
ووووايد ىعجبني الموضوع

 

[Anastasia]

لااازم تذكريننا بالماضي الاسود المتفحممم يا لتيلووو !!
.
فضضحتييناا .. بئت فضيحتنا بقلااقل .. يالهووييي ..
.
روووح .. يالعياارة درعممميييي ..
.
بثينة .. هلا بش .. حيااج الله
.
ليي عودة .. بعدييين بدا الجد ياويلتنا ويلتاااه

 

[.]

لتل هلا والله
رووونه ولكم باااك والله مشتاقيلج مادري أذا انا من زمن غايبه الن من زمان مو داشه المنتدى ولا انتي

هلا دمعه..

بعد عمري مشكوره لا موجوده بس اتابع بصمت ..

انا معاج انه الكتابه باسلوب عامي ما تنفع واساسا انا اعتبر روايه سارة كانها روايه منتديات وسبق وراسلتها بهالشي

<<<< تتحرش وايد

بس اقصد كفكره قصه عجبتني


اي صج اليوم خلصت فانيلا

ماعجبتني


حسستني انه الكويت فيها طبقيه وايد

مع انه احنا شحلاتنا والله شعب اينن

هلا روح..

بالنسبه للضاحيه فانا اشوف فيها جانب من الواقعيه..

انا ماعجبتني بعض المواقف احس قلة ادب اما الباجي لا اوكي..

وهم ناطرين جديدج..

جوجو بالعافيه الكاميرا الفال للسياره خخ..

بثينه حياج الله..

 

[روح كويتيه]

جوجو شسوي دلع بنات

 

[Little_Queen]

بالعكس يا روح كويتية ..

انا اشوف الرواية واقعيه 100% بغض النظر عن بعض الفقرات الي كان فيها نوع من الجرأة - رغم ان الكاتب شخصيا خجول جدا جدا !!! - بس هذا فعلا الي يصير حبيبتي !

"" معانااااة طالبة بنت ناس عاديين .. دشت كلية العلوم الادارية ""


ماعتقد احد حاس بالطبقية كثري والله العظيم ! صج تشوفينهم تكتلات .. بنات الهاااااي ما يرافجون بنات الناس العاديين ..

ما ياكلون نفسهم ...

حتى بالمصافط يتعمدون كلهم يصفطون بمصفط معين يستحلونه و ما تشوفين فيه الا السيايير الكشششششخه و الباجي يتوزعون !

لا يا روح للأسف و انا حزينة لهاشي بس هذي الحقيقة


مجتمعنا حلو من بره ... بس فيه من داااخل وايد اشياء لازم تتصلح ووايد اشياء اختربت عن قبل ما عدنا ذاك المجتمع الاولي

 

[Blue BerrYa]

الله يبارك فيكم حبيباتي


اييي هاليومين المفروض اقرا كتب عن الزواج

بس تسلطت وقاعده اقرا قصص اغاثا كريستي خخخخخخخخ كلش مو وقته

بس والله هالكاتبه عجيبه , انا اللي احبه فيها ويشدني انها انسانه تعليمها كله كان بالبيت ما دخلت مدرسه مع هذا عندها خيال مو واسع الا فوق الواسع : )


وو عن روايه بنات الرياض اممم صج مالها معنى كلها اسلوب مراهقه واستعراض للعضلات :\

تحسفت اني قريتها



اللي صج استمتع بقرايته كتاب تاريخ الاندلس للدكتور طارق السويدان

اخ اقراه واتحسر على ذيج الايام وهم يصير عندي امل قوي اني اربي جيل من نفس اجيال هذاك الزمان






بنات انتو اغلب الكتب اللي تقرونها روايات او كل شي ؟؟


ولي عوده

 

[نماين]

هايات بنات ششلونكم شخباركم

ولكم باك رونه وي مس يووووووووو

روح حياك معانا

لولو ذكرتيني بحالي قبل الزواج طايحتله باغاثا كريستي ممتعة

جوجو وين الصور ترى ما كو عذر نووووو وييييييي


لتوووووول لا يضيق خلقك ترى انا كنت بكلية العلوم الادارية والله ضااااااااق خلقي وسحبت اوراق منها ( ما اغشمر ) وقدمت من جديد عالجامعة ودخلت التربية

دمعة عندي سؤال تذكرين الرواية الي قلتيلنا عنها الي عن ثلاث اجيال الجدة والام والبنت شسم هالرواية اظن من القلب الى القلب صح ؟

ومن وين شريتيها ؟ دورت عليها ما حصلتها للاسف كلامك عنها شدني حييييييييل