رابطة "دودات الكتب " .. حياكم

[Betty]

صج ؟ خوش شي و الله اشوف ان شاء الله مشكوره رونه
شفيكم بنات بروحي على طريف لا لا لا خن نشجع بعض الحين عطله

 

[Anastasia]

هع :d

 

[Betty]

جوجو هون
قرت عينا بشوفتج
شو مستجداتك خيتو ؟

 

[.]

بس قولي لهم انج عضوه بكويتيات..

هلا جوجو..

وعليكم السلام

 

[Betty]

و الله زين يعطيهم العافيه حركه حلوه
اي نسيت اقول شريت بعد كتاب اسمه وداعا أحمد كاتبه الاعلامي يوسف عبد الحميد الجاسم عن احمد الربعي الله يرحمه بديت فيه
واي عيوني تدمع و انا اقراه الله يرحمه برحمته يارب

 

[حبيبه امها]

شوقتوني ع انف و3 عيون والفيلم كان مركز ع ماجده بس..

شكله الروايه احلى..

وروايات أحلام مستغانمي شفتهم بذات السلاسل بس ماخذيتهم خل اجيك لج حبيبه ان حصلتها اقولج ان شاءالله..

هلا رونة ... انا عندي 3 روايات .. بس قتلج عابر سرير ما بلشت فيها ليلحين ناوية هالاسبوع ان شاء الله
انا عن نفسي عجبني اسلوبها وايد ..خصوصا في جمل توقفين عندها لانها تكون فعلا شرح لوضع او لفلسفة ما
ان شاء الله اتعجبج بعد .. ​

 

[حبيبه امها]

اشلونكم بنات
والله انا فيني شراهة قراءة مو طبيعية
أول ما بديت......بروايات مصرية للجيب حق دكتور نبيل فاروق..........بصراحة اسلوب روعة
طبعا كنت اقرا بعد بطوط وميكي
بعدين قاعد ادور بدرج قدييييييييييم عندنا والا الاقي رواية والله اني الف الصفحة تتفجج من كثر ما اهي قديمة ابوي قاريها من
السبعينات......................والله تخيلوااااااااااااا........
قريتها و ماقمت الا وانا مخلصتها بس كانت فظيييييييييييييييييعة
اسمها عبث الأقدار.......حق نجيب محفوظ
ومنها لي اليوم وانا اقراله.......وأقرا حق توفيق الحكيم و يوسف السباعي.........عاد هذا اللي رواياته روعة
وتتفاعلين مع القصة جنج قاعدة مع ناسها.........واخر شي تبجين.........
الله يعطيكم العافية على هالموضوع

هلا اختي قلوب من ذهب ... حياج الله معانا ..
وفعلا الله يعطي الاخت ليتل كوين على هالرابطة المميزة الي جمعتنا ​

 

[حبيبه امها]

الللللللللللللللللللة روعة*طبعا احب القراءة واصراحة

هلا وردة ... حياج الله ..وقوليلنا شنو اخر قرائاتج .. واذا ترشحيلنا شي حلو نقراه

 

[DenTisT]

شلونكم بنات ؟
انا خلصت روايه وحده حق فكتوريا ثومبسون
و روووووووووعهههه ... كلش ما توقعت القاتل و صج مبدعه هالكاتبه
و الحين باديه لها روايه ثانيه
و انشالله اذا خلصتها بعدين اقرر شنو بقرا :eh_s(6):

 

[فرح الياسر]

السلام علييييييييكم عزيزاتي دودات الكتب .. ولهت عليكم وايد وايد وايد


شلونكم ؟؟ شخباركم ؟؟ شمسوين ؟؟ انشالله تكونون بخير

انشالله حبايبي حابه ادعوكم

يوم الاربعاء 4 فبراير 2009 رح يكون عندنا أمسية شعرية

رح يشارك فيها شعراء من منتدى المبدعين الجدد برابطة الادباء

حسين العندليب

سالم الرميضي

محمد صرخوه

دلال البارود

و الشعر رح يكون بالفصحى

و ان شاء الله الامسية رح تصير من تقديم : هنادي البلوشي ( الي اهي انا )

و رح تكون الامسية الساعه 7 مساء برابطة الادباء الكويتية بالعديلية مقابل نادي كاظمة

و حضوركم رح يكون دعم للإبداع الشبابي الكويتي ... و تتعرفون عليهم و تسمعون أشعارهم ..

بانتظاركم عزيزاتي هناك و حاضرين لأي استفسارات

ماشاء الله عليج...شعلة نشاط....عيني عليج بارده!!!!:ggdw:

 

[Little_Queen]

سارة العتيقيييييييييييييي تهبببببببببببببببل حلااااتها من بنت والله

عاد هذي صديقتي بالرابطة خوش بنت والله و قصصها جميلة جدا ... انصحكم تقرون مجموعتها القصصية " بقايا لي باقية " انشالله بتعجبكم وايد وايد :> لازم أسوق حق رفيجتي خوووووووو

بس والله اهي ككاتبه ممتازة جدا انصحكم تقرونلها .. و اصدارها متوفر بكل مكان و اهو من دار نشر دايموند أصلا :>

 

[Little_Queen]

الله يسلممممممممممممممممممممكم أخجلتتتتم توااااااضعييييييييي العفووو و هالرابطة رابطتنا كلنا و ما انا الا وسيط جمع محبات القراءة و الثقافة في موضوع واحد


وووووووووووو .. فرح الياسر ...

احم احم احم احم .. صج والله انتي اخجلتيني .... تسلمين حبيبتي .. مو لاقيه الويه الي مستحي ... ( انا مستحية ) .. ( انا مستحية ) .. هذا بدال الويه المستحي الي مو محصلته

انشالله تشرفيني يا فروووحه و تشوفيني بالصوت و الصورة على قولتهم و أتعرف عليج و يزيدني هالشي شرف

و انشالله هم باجي البنات إلي يحبون الشعر يشرفوني و العين أوسعلكم من المكااان بإذنه تعالى

 

[Betty]

اهلين بنوتات شلونكم عساكم بخير و صحه و سلامه

 

[Betty]

سارة العتيقيييييييييييييي تهبببببببببببببببل حلااااتها من بنت والله

عاد هذي صديقتي بالرابطة خوش بنت والله و قصصها جميلة جدا ... انصحكم تقرون مجموعتها القصصية " بقايا لي باقية " انشالله بتعجبكم وايد وايد :> لازم أسوق حق رفيجتي خوووووووو

بس والله اهي ككاتبه ممتازة جدا انصحكم تقرونلها .. و اصدارها متوفر بكل مكان و اهو من دار نشر دايموند أصلا :>

توني يايه بتكلم عنها اسما الله عليج سبقتيني
القصص روعه قريتهم قبل لا انام و الله كنت ناويه اقرا وحده بس ما شاء الله عليها اسلوبها روعه وااايد شدني خلصت القصص كلهم
اهما اصلن قصار يعني صفحه او صفحه ونص تقريبا بس واايد حلوين يعيشونج بعالم ثاني و الله
ترا مو قاعده اسوي لها دعايه هذا الصج و ليتل كوين حبيبتي اذا شفتيها بليز بلغيها ان وااايد حلو اسلوبها ما شاء الله و ان احنا ناطرين كتاب ثاني لها و عسى الله يوفقها
و الفال لج ليتل كوين

 

[][ الميـــــــار ][]

شوقتوني على سارة العتيقي شكلي يسوي لست مثل رونة وايد اشياء لازم اقراهم
little_queen يعطيج العافية أكيد بيحطون صورتج بالجريدة كشخة انشاالله اذا في وقت بمر عليكمــ ")

 

[camilia]

هلو بناات

رديـــت بعد انقطاع طويل

مادري شكتبلكم ! لاني كنت اقرا رواية المزحة وتركتها فترة بسبب انشغالي وللحن مالي مزاج اكملها
بس حبيت أطل عليكم واشوف شمسوين

 

[camilia]

هلا الميار ... صحيح الرابطة هادية ..
وايد دودات فقدتهم .. من غير شر .. بس ان شاء الله يخلصون امتحانات ويردون

واسمحولي علشان اكسر هالهدور.. بنقلكم بعض الجمل الي اعجبتني من اخر رواية قريتها ( فوضى الحواس):


- اينتهي الحب عندما نبدأ بالضحك من الاشياء التي بكينا بسببها يوما ؟؟

- في كل لقاء بين رجل وامراة معجزة ما ..ياتي بهما في الوقت والمكان نفسة ... ليقعا تحت الصاعقة اياها ..ولذا يظل العشاق حتى بعد افتراقهما مأخوذين بجمالية لقائهما الاول ..لانها حالة انخطاف غير قابلة التكرار .. ولانها الشيء النقي الوحيد الذي ينجو مما يلحق الحب من دمار

-الاشياء تاخذ قيمتها من انتظارنا لها

- هناك مقولة جميلة (على المرء ان يخفي عن الاخرين صيدلية بيتة .. وكتبتة !)فاذا كانت صيدلية بيتنا تفضح للاخرين امراضنا ... فان مكتبتنا قد تقول لهم اكثر مما نريد ان يعرفوة عنا

-ان اجمل حب هو الذي نعثر عليه اثناء بحثنا عن شيء اخر ..

- النساء ايضا كالشعوب اذا هن اردن الحياة فلابد ان يستجيب القدر

- حين نكون تعساء ندرك تعاستنا ... ولكن عندما نكون سعداك لا نعي ذلك الا في ما بعد .. ان السعادة اكتشاف متأخر​

سوري على الاطالة.. وان شاء الله يكونون عجبوكم ..

أعجبووني ,دايما اختياراتج حلوة
تصدقين وايد امدحوا كتب أحلام وخاصه لما اقرا هالمقتطفات اللي من كتبها انجذب لقلمها معني ماقط قريت رواياتها بس لما اقرالها مقالات احسها وحدة بس بتفلسف فأتنافر ! مادري والله يمكن لان اسلوب المقاله غير عن الكتاب ؟

 

[sweet barbi]

وايد وايد كتب قريييييييييييييت اموت على الروايات والقصص الواقعيه وتاريخيه بنفس الوقت هم احب اقرى مذكرات الشخصابت المهمه ومن الكتب الى قريتها^^ السجينه الغريبه
- جيشا_ اوراقى_ بنات الرياض_ زهره الثلج والمروحه السريه _ الحب المحرر_ ذا سيكرت _ بنات ايران_ ما ووارء الطبيعه تقريبا كل لأجزاء_ وواااااااااااااايد بس هذا الى اتذكره الحين

 

[حبيبه امها]

أعجبووني ,دايما اختياراتج حلوة
تصدقين وايد امدحوا كتب أحلام وخاصه لما اقرا هالمقتطفات اللي من كتبها انجذب لقلمها معني ماقط قريت رواياتها بس لما اقرالها مقالات احسها وحدة بس بتفلسف فأتنافر ! مادري والله يمكن لان اسلوب المقاله غير عن الكتاب ؟

هلا كامليااااااا شلونج يا الغالية ؟ لج وحشة
تسلمين حلت دنياج ياربي ..
طبعا لكل قارىء ملاحظاتة .. وحتى انا لي بعض الملاحظات البسيطة عن رواياتها .. اهي تخرج عن الصياغ المتبع في الرواية ما ادري يمكن هذا ذوقي لان انا احب الرواية اتكون مليئة بالاحداث والشخصيات ..

لكن فيها وايد شغلات اتعجبني منها :الي كتبت من قبل في بعض الجمل وايد حلوة اوقف عندها .. الشي الثاني الي لاحظتة بالروايتين ... في الجزء الجرىء اتعرف تختار الكلمات المناسبة .. لان للاسف لاحظت بعض الكتاب يكتبون بشكل جدا مبتذل عن هالجانب .. والاسف الاشد لما تلقينها كاتبة ... وطبعا ما يخفي عليكم كل هذا من باب التسويق

بس تصدقين انا ما قريتلها ولا مقالة ... وين تكتب مقالاتها ؟​

 

[DenTisT]

بنات منو قاري cell
مالت ستفن كينج ؟؟
قريت اول 30 صفحه ما ادري احس واااااااااااااااااايد خيالي
ودي اكملها بس اخاف اتحسف
في احد سامع عنها شي ؟؟:n2006107:​