رابطة "دودات الكتب " .. حياكم

[camilia]

هلا كامليااااااا شلونج يا الغالية ؟ لج وحشة
تسلمين حلت دنياج ياربي ..
طبعا لكل قارىء ملاحظاتة .. وحتى انا لي بعض الملاحظات البسيطة عن رواياتها .. اهي تخرج عن الصياغ المتبع في الرواية ما ادري يمكن هذا ذوقي لان انا احب الرواية اتكون مليئة بالاحداث والشخصيات ..

لكن فيها وايد شغلات اتعجبني منها :الي كتبت من قبل في بعض الجمل وايد حلوة اوقف عندها .. الشي الثاني الي لاحظتة بالروايتين ... في الجزء الجرىء اتعرف تختار الكلمات المناسبة .. لان للاسف لاحظت بعض الكتاب يكتبون بشكل جدا مبتذل عن هالجانب .. والاسف الاشد لما تلقينها كاتبة ... وطبعا ما يخفي عليكم كل هذا من باب التسويق

بس تصدقين انا ما قريتلها ولا مقالة ... وين تكتب مقالاتها ؟​

هلا والله انا تماام انتي شلونج ؟ اشووف الرابطه شوي وااقفه وين البناات ؟

بخصوص احلام
تكتب بزهرة الخليج تلقين مقالاتها اخر المجله .

 

[camilia]

بنات منو قاري cell
مالت ستفن كينج ؟؟
قريت اول 30 صفحه ما ادري احس واااااااااااااااااايد خيالي
ودي اكملها بس اخاف اتحسف
في احد سامع عنها شي ؟؟:n2006107:​

هالكاتب احبه بس ماقريتله هالرواية
قريتله ميزوري و it و روايات غيرها مايحضرني اسمهم حاليا وولا رواية من رواياته خيبت ظني

توكلي عالله وكمليها اهو ترا اسلووبه جذي خياالي , مو كل قصصه خياليه فيه قصص رعب وفيها خيال بس فيه قصص خيال بحت بس مازجها بالرعب , عموما ترا رواياته تعجبني وانتي كملي القصه منتي خسرانه شي يمكن يقوم يغيرلج مجرى القصه فجأة ويقلل نسبة الخيال فيها ! عموما من اسمها الرواية يعني تلفون نقال شي تكنولوجيا اكيد فيه خيال

 

[** باربي **]

لي عودة..

 

[DenTisT]

مشكوره حبيبتي كاميليا على الرد
بصراحه شجعتيني
و صح القصه كلها عن الموبايلات و كل من يدق بالموبايل يستخف و ما ادري شيصير فيه

 

[حبيبه امها]

هلا والله انا تماام انتي شلونج ؟ اشووف الرابطه شوي وااقفه وين البناات ؟

بخصوص احلام
تكتب بزهرة الخليج تلقين مقالاتها اخر المجله .

هلا فيج حبيبتي انا بخير الحمدالله ...
وفعلا الرابطة صايرة وايد هادية ... اتوقع كانت الامتحانات ملهيتهم ...بس الحين خلصوا وعطلوا ...
فما ادري بصراحة الحين شنو السبب ؟؟؟ يمكن بعد قلبي ملوا من الدراسة فوقفوا اي شي يتعلق بالكتب

ومشكورة لردج على سؤالي​

 

[End Girl]

سلااااااااااااااااام عليكم
انا رجعتلكم مع قراءه جم كتاب

خلصت عائله تحمل اسمي حق فايز النمله
عجبني اسلوبه بس شوي غامض
يتحجى عن حاله بعد وفاه ابوه ومالاقاه من ظلم وضيم
وهموم الدنيا

قريت كنت في افغانستان
حق الاعلامي " تركي الدخيل "
طبعا اهو راح افغانستان بصفته اعلامي
راح عن طريق الجريده اللي كان يشتغل فيها
عشان اييب لهم اخبار
حلو الكتاب ممتع وسهل
بسرعه راح تخلصونه

وحاليا قاعد اقرى حديث النفس
لـ " علي الطنطاوي"-رحمه الله-

وبعد قاعد اقرى big book of knowledge
راح اعطيكم موجز عنه نشالله

 

[camilia]

سلااااااااااااااااام عليكم
انا رجعتلكم مع قراءه جم كتاب

خلصت عائله تحمل اسمي حق فايز النمله
عجبني اسلوبه بس شوي غامض
يتحجى عن حاله بعد وفاه ابوه ومالاقاه من ظلم وضيم
وهموم الدنيا

قريت كنت في افغانستان
حق الاعلامي " تركي الدخيل "
طبعا اهو راح افغانستان بصفته اعلامي
راح عن طريق الجريده اللي كان يشتغل فيها
عشان اييب لهم اخبار
حلو الكتاب ممتع وسهل
بسرعه راح تخلصونه

وحاليا قاعد اقرى حديث النفس
لـ " علي الطنطاوي"-رحمه الله-

وبعد قاعد اقرى big book of knowledge
راح اعطيكم موجز عنه نشالله

قراءاتج متنوعه وهذا شي حلو

بخصوص كنت في افغانستان .. الكاتب تحجى عن شنو بافغانستان بالضبط ؟ يعني الحياة الاجتماعيه اهناك ولا السياسية ؟ وافغانستان متى ؟ قبل احداث 11-9 ولا بعدها ؟

 

[Little_Queen]

شلوووونكم بنوووتات ؟؟ يعطيكم العافية دوداتنا

شريت أمس كتاب السجينه و سأشرع بقراءته في القريب العاجل ..

و أهداني أحد الاصدقاء الاعزاء في رابطة الادباء رواية العطر .... هذي بديت فيها فعلا و عااااااااااجبتني وايد .. صرت كل شي أركز على ريحته انصحكم تقرونها بصراحة ليلحين ما خلصتها و من اخلصها بقولكم موجز عنها .. بس لحد الحين الرواية جدا حلوة


:> حاطين صورتي بجريده أوان مالت يوم السبت .. بس ما انصحكم تشوفونها صورتي تضحك و شيلتي طالعه حمررررره مع انها عنابيه غاااااااااااااااااااااااامقه جدا جدا و انا صايره بيضه حدي مع اني سمممممره !

 

[camilia]

شلوووونكم بنوووتات ؟؟ يعطيكم العافية دوداتنا

شريت أمس كتاب السجينه و سأشرع بقراءته في القريب العاجل ..

و أهداني أحد الاصدقاء الاعزاء في رابطة الادباء رواية العطر .... هذي بديت فيها فعلا و عااااااااااجبتني وايد .. صرت كل شي أركز على ريحته انصحكم تقرونها بصراحة ليلحين ما خلصتها و من اخلصها بقولكم موجز عنها .. بس لحد الحين الرواية جدا حلوة


:> حاطين صورتي بجريده أوان مالت يوم السبت .. بس ما انصحكم تشوفونها صورتي تضحك و شيلتي طالعه حمررررره مع انها عنابيه غاااااااااااااااااااااااامقه جدا جدا و انا صايره بيضه حدي مع اني سمممممره !

اهلين لتل كوين
بخصوص رواية (العطر) عندي ياها بس للحن مافتحتها , قبل فترة شفت الفلم مالها بس مو كله , مجرد مشاهد بسيطة وحسييته شوي معقد ! واحد مثل الفار بس يشمشم ههههههه
الرواية اللي عندج مالت أي دار نشر ؟ أنا المدى

 

[End Girl]

قراءاتج متنوعه وهذا شي حلو

بخصوص كنت في افغانستان .. الكاتب تحجى عن شنو بافغانستان بالضبط ؟ يعني الحياة الاجتماعيه اهناك ولا السياسية ؟ وافغانستان متى ؟ قبل احداث 11-9 ولا بعدها ؟

الكاتب تحجى عن الاحداث السياسيه
واهو كان رايح قبل 10 سنين
يعني قبل الاحداث
بس توه منزل الكتاب !
لعده اسباب
وهم تطرق باختصار حق احداث 11 سبتمبر
الكاتب فكتابه كان يناقش فرقتين او حزبين فافغانستان
وهالفرقتين منها فرقه اسامه بن لادن وفرقه نسيت اسمها بالضبط مسعود احمد شاه
وكلاهما تندرج تحتهم مجموعه من المواطنين
ومقابل شخصيات كبيره هناك !

سهل الكتاب وبسرعه تخلصينه

 

[Little_Queen]

مسوينها فلم ؟؟؟ مادري عنه بصراحة ..

بس لا وايد الرواية حلوة و ما اشوف فيها أي تعقيييييد ...

اكيد الحبكة الدرامية .. تختلف عن الحبكة الروائية .. اي رواية لما بيسوونها فلم لازم يسوون عليها بعض التعديلات عشان تصير مناسبة للسينما

انا بعد الي عندي مالت دار المدى ... و الترجمه حلوة بصراحة و مو مضيعين فنية الرواية أبدا انصحج تبلشين فيها صج صج حلوة

 

[Little_Queen]

وييييييي يوم كامل محد دخل الرابطة ؟؟؟


شوووووو الساااالفة ! يا ويلتي ويلتاااااه !


طااااخين كساااالى حدككككم


يلاااااااا قوموووو

قرااااءة قراااااااااااااااااااااءة قرااااااااااااااااااااااءة ...


up

up

up

 

[0(مـــســـ(مطير)ــــــك)0]

السلام عليكم

اي والله طاخين زهقنا من الدرااااسه )):

انا ليلحين على كتاب السر هو افكاره حلوه بس ممل لما تقرينه مايشدج

وحاليا قاعد اقرا فتاوي ابن عثيمين بأركان الاسلام الخمسه فظييييييييييييييييييييييييييع في كل الاسئله اللي تطري فبالج من صلاه وطهاره وصوم وحج ولبس وعقيده كل شي صراحه مفيد كان عندي من زمان بس ماادري احس صج توني اقراااه ..

وعندي باللسته كذا كتاب باجر ان شاء الله بطلبهم من الظمني .. منهم السجينه وزهرة الثلج ولاتطعن نفسك في ظهرك ..

لتل حطي صورتج خنشوفها

احنا جذي يالبنات استحااااااااااااااااااااااااله تضبط لنا صوره ماادري ليش انا امووووت ضحك لما اشوف صورتي بالبطاقه المدنيه ابداااااااااااااااااااااااااااع والله فلم رعب ههههههههههههههههههه لا وحاطيتها نفسها بالجنسيه هههههههه حدي ثقه

 

[Little_Queen]

لا ويييييييييي كلش مو صورة مشرفة تنحط !! يبا انتو مو شايفيني عالطبيعه ولا عارفيني .. فراح تاخذون انطباع جدا جدا سئ عني بهالصورة المعفنه

والله انا مو جيكرة هالكثر نفس الصورة الموجوده والله العظيم شكلي كان وايد أذرب من جذي !!!
ويهي مايلمع جذيييي والله العظيم سبت الفلاااش .. حسبي الله و نعم الوكيل بيشوهووون سمعتي هالجريدة " الله الله كبرت الموضوع واااايد انا "

يبا كيفكم الي يبي يشوف ... خل يطب و كيفه اهو حررررررررررررر انا مالي شغل لقد أعذر من أنذر

انا الي لابسه شيله عنابية مع الاسف


http://www.awan.com.kw/node/171663


اي والله انا عمري في حياتي ما ظبطتلي اي صورة جذي ... يعني الا اذا بمصور و حاطينلي اضاءه و جذي .. تظبط

بس صور سريع سريع جذي عمري والله ما طلعتلي صورة حلوة دايما شكلي يطلع غبي ! يا ويهي يطلع حيل فاتح

يا مادري من وين تنخلق في ويهي بقعه غامقه !!! مع انه ويهي ما يكون مبقع

يا مادري مره وحده احس ويهي متفوخ !

مادري شسالفة يعني اشوف روحي بالمنظرة أشوف نفسي زينة

اشوف روحي بالصورة أشوف الويه ماااااااااااا ينطلللللل في خلقته أستغفر الله العظيم

عاد على حظي يومها شكثر اوادم و نااااااااااس شافو الصورة و داقين علي مستانسيييين وعليا عبالهم بستانس انهم شايفين صورتي بالجريدة !
بس والله ضاق خلقي جد منها....


شكلي كان حلووووووووووو يومها والله كنت حدي مستانسه وحاطه مكياااج و تعبانه على روحي .. و شاريه حمره يديده مادري ما بينت بالصورة ليش مادري وين اختفت وين راحت !! و رفيجاتي كانو مستانسين على شكلي و قالولي الشدو مالج حلووووو ..

 

[0(مـــســـ(مطير)ــــــك)0]

لاااااااااااااااا يالعيااااره صورتج حلوه

انتي لو شفتي صورتي بالجنسيه كرهتي الحريم والمكياج والتصوير والجنسيه وعفتي الدنيا وانتحرتي هههههههههههههههههههه بس صورتج ماشاء الله حلوه يالله عن الهوالات .....

ومبرووووووووووووووووووووووووووووك صرتي مشهووووووووووووووووووره

 

[بمبة المفترسة]

حبيت أسأل رابطة الادبااء يبيعون كتب؟؟
ومنوو راحت المجلس الوطني يقولون عنهم مكان يبيعون اصداراتهم موقعهم بالسرة يم الجمعية

 

[End Girl]

^^
اي الرابطه يبيعون كتب =)

--
وبالنسبه حق صورتج لتل كوين
بالعكس حلوه مشالله
بس يبيلج حبتين ثقه
=) ومامريتي علي من قبل بالكليه..
--
هالايام احس بالكسل
مو مزاجي كتب كلش ..

 

[Anastasia]

يه يه يه
لتوووووووووول ايه الجمال ده اخصصصص عالشيييلة الخطيرة البطييرررة يا العياارة شكلج ستااايل والله شحلااتتتج وميك ابج ناعم وذرب احلى وااي انا دم ضرووسي الميك اب الثقيل ..
.
سالم الرميضي اخو رفيجتي شعره ما شا الله قوي و.. امممم .. ماني لاقية الكلمة المعبرة .. احسه يعني اممم من الزمن الجاهلي الغاابر ..
.
بنات انا فتلكم من فترة اني قاعدة اقرا رواية "البحر والسم" للكاتب الياباني "شوساكو إندو"
.
الرواية رغم انها مترجمة لكن لغتها بليغة وقوية وممتازة اعطيها عشرة من عشرة ..
.
الرواية رغم انها كئيبة وتلوع الجبد احيانا , وقصتها وحشية ودموية بعض الشيء الا انها عطتني فيو او نظرة على مجتمع ومنهج غرييييب عجيب
.
الرواية بشكل عام تتحجى عن مجموعة اطباء يابانيين قامو بسرية تامة اثناء فترة حرب اليابان وامريكا بالتعاون مع ضباط من الجيش الياباني باقامة تجارب طبية وحشية على مجموعة من الاسرى الامريكان !!!
الرواية فيها شيء من التفصيل اثناء العملية ..
اعطيكم امثلة على العمليات
يحسبون جم الحد الاقصى للحياة عند استئصال الرئة .. يعني متى يموت الانسان اذا استئصلو الرئة اليسرى ويمشون للرئة اليمنى لمن ايموت .. فهمتو يووه ياربي ماعرف اشرح
.
التجربة الثانية جم مليمتر من الهواء يحقن بالدم يكفي لقتل الانسان
التجربة الثالثة نفس الشي بس جم مليمتر من الماء المالح يحقن بالدم يكفي لقتل الانسان ؟؟!!!!!!!!
.
الفكرة واضحة ..
لكن التفاصيل الغريبة العجيبة .. اهيا اللي شدتني ..
.
بنات انا كنت ولازلت اتابع الانميات اليابانية تعرفونها ؟؟ الببايات اليابانية
.
عمري بحياااتي ماتصورت ان الجنس الاصفر فيه هالوحشية والاانسانية !!!
صحيح كنت ادري انه فطرتهم ممسوحة يعني شي طببيعي-وسامحوني على التعبير- الاخو يشتهي اخته او رفيج يحب رفيجه !!!
بس الوحشية هذي اللي تخليهم ياكلون جبد الجندي الامريكي هاذي مامرت علي واااي !!!
.
الرواية اتييكم على شكل انهم ياخذون كل شخص من اللي شارك بالجريمة الطبية ويفصفصونلج بحياته وتاريخه ..
ممرضة تزوجت وسافرت لمستعمرة يابانية بالصين .. وكانت تعذب خادمتها الصينية الصغيرة بالطق
زوجها كان يخونها .. عقب يوم يت ابتولد مات ولدها واستأصلو رحمها .. طردها زوجها وردت لديارها واشتغلت ممرضة بمستشفة في قرية فوكوكا وشرتلها جلب وقامت اتطقه وتعذبه !!!!!!
.
دكتور جنس ثالث .. ويتسلى بالعمليات .. واهم ما يهمه المنصب رغم الحرب !!
.
دكتور مقيم .. حياته منذ الطفولة كلها جذب بجذب لليتبوأ مكانة ويكتسب هيبة عند الناس .. وكان يزني مع بنت خالته اللي سكنت معاهم فترة قصيرة .. وحتى عقب زواجها راحلها اببيتها!! واقام علاقة مع الخادمة الصغيرة اللي كانت تنظفله سكنه اثناء دراسته الجامعية بكلية الطب .. ولمن احملت قام وسوالها عملية اجهاض وبايده (استأصل الكتلة الدموية) دونما اهتمام بحياة البنت .فاهم شي عنده سمعته كيف اهوا ولد الناس يرتبط بوحدة وضيعة !!
.
وغيرها الكثييير ..
.
رغم سوداوية الرواية .. الا اني استمتعت براءتها .. تماما مثل متعتي حين اشاهد افلام الرعب القوطية مع كرهي لها
.
>>>>مو مصدقة انا كتبت كل هذا إهب هههههه

 

[قطوه وجذابه]

السلام عليكم

بنات انا حابـه انضم لكم ..

ولي عودة ان شـاءالله <= فيني نوم

 

[Anastasia]

لقيت هالنبذة بموسوعة ويكيبيديا عن الرواية ..
.
" البحر والسم (باليابانية:海と毒薬 ) رواية للكاتب الياباني شوساكو إندو صدرت في 1958 وحصلت على جائزة أكوتاجاوا ذائعة الصيت [1]، تدور أحداثها حول تجربة لا إنسانية تجري في كلية الطب في فوكوكا خلال الحرب العالمية الثانية.

الحبكة :
تدور الرواية حول تأثيرات تجربة يجريها أطباء قسم الجراحة الأول في المستشفى الجامعي في فوكوكا على مجموعة من الأسرى الأمريكيين خلال الحرب العالمية الثانية عُرفت باسم تشريح الأحياء، وتتحدث عن مفاهيم الأخلاق، والضمير، والإنسانية، ووجود الإله ومفهومه، وماهية السعادة.

تبدأ الرواية بمحاولة مريض فضولي التعرف على خلفية طبيبه المعالج، والأسباب التي تدفعه رغم مهارته إلى العيش في وحدة وعزلة، كما يحاول المريض تفهم أسباب نفوره النسبي من الطبيب البارع، ويتمكن من ذلك عندما يزور مدينة فوكوكا ويسمع فيها اسم طبيبه. بعدها يعود الزمن إلى التجربة.. بشكل متقاطع ومتوازٍ يحكي الأحداث قبل وبعد وخلال التجربة "

شخصيات الرواية:

المريض
المشتركون في التجربة:
الطبيب جيرو سوجورو
الطبيب تودا
دكتور أساي
دكتور هاشيموتو
كبيرة الممرضات
الممرضة
شخصيات أخرى في مستشفى كلية الطب:
ميتسو آبي - مريضة
زوجة الدكتور هاشيموتو "
.
الرواية اكثر شي معتمدة عالجانب النفسي ..
يعني اغلب السرد عبارة عن خواطر الشخصيات واعتمالاتهم النفسية وتيمة جلد الذات ومحاولات اخماد الضمير الصارخ ..
.



مالقيت صورة .. ان شا الله بصورها وبحطها لكم