رابطة ما بعد التكميم ونزول الوزن

[توحه1]

عيون القلب انا دكتوري وصف لي زيت الخروع بالاسبوع الثاني من العمليه ترى ومعلومتي واثقه منها ماخذتها من حلج دكتوري ماافتيت من عندي حبوبه

 

[ملوكه 92]

السلام

انا صايره وايد اخربط اكل ككاوات وحلاو وبطاط وهالخرابيط ومو قادره امسك نفسي في احد مثلي جذي ؟ انا صارلي ست اشهر مسويه العمليه ...

 

[cramela]

هلا بنات شلونكم ؟
انا يوم 14 من هالشهر اللي اهو 6 سنه 2013 اكمل سنه الحمدلله
نزلت ووقف وزني صار لي جم شهر واقف قاعده اضعف تغير شكل جسمي بس ما وصلت للي ابي افففففففففففففففففففففففف مو مشكله بس
شعري وايد يطيح وفيني دوره يعني من اوقف بسرعه تسود الدنيا بعيني واوقف شوي واغمض عيني اتسند علي شئ لما اصحصح ثواني بس خايفه تصدقون رغم اني اخذ وايد وايد فيتامينات وسوالف وحتي البروتين مرتين قمت اخذه بس ماعندي وقت اروح اخذ ورقه تحليل واروح احلل
قاعده احاتي ان يوقف وزني باقي لي 35 كيلو علي الوزن المثالي الله كريم اففففففففففففففففففففففف
ادعوا لي بنات ​

 

[ملوكه 92]

اب اب

احد يرد على سؤالي شدعوا

 

[rooza]

بعد اسبوع بكون مكملة 3 شهور بغيت نظام غذاىي ا حق رمضان امشي عليه خايفه شلون بداوم بدون اكل

 

[الزهرة الخضراء]

الاخت Rooza بغيت اسالج انتى سويتى التكميم ما حسيتى بثلاث اسابيع الاولى بلوعة وترجيع وما تشتهين تشربين اى شى ويهج تعبان وكانج مريضة ....... اختى مسوية تكميم وصارلها 3 اسابيع وايد تعبانة وماتشتهى تاكل ومتحسفة انها سوتها كلة طايحة وتعبانة وماتشتهى اكل بالمرة واحنا خايفين عليها وقلنالها جبيتة لنفسج .... وهل الشى طبيعى او اختى بصير طول حياتها جذية تعبانة اللوعة مو راضية تروح واحنا نحاتيها

 

[extreme-love]

^
بالعكس شجعوها وعلموها انه احسن قرار اخذته لان راح تتعدل نفسيتها وتبدا اتحس انها احسن عن قبل
اهيه مو ناقصه تحطيم المسكينه، وبخصوص اللوعه عادي اتطول شوي لان البنج ما يطلع بسرعه
لما تخلص فتره السوائل وتبدا بالاكل راح تتحسن باذن الله وماعليها شر❤

 

[rooza]

الاخت rooza بغيت اسالج انتى سويتى التكميم ما حسيتى بثلاث اسابيع الاولى بلوعة وترجيع وما تشتهين تشربين اى شى ويهج تعبان وكانج مريضة ....... اختى مسوية تكميم وصارلها 3 اسابيع وايد تعبانة وماتشتهى تاكل ومتحسفة انها سوتها كلة طايحة وتعبانة وماتشتهى اكل بالمرة واحنا خايفين عليها وقلنالها جبيتة لنفسج .... وهل الشى طبيعى او اختى بصير طول حياتها جذية تعبانة اللوعة مو راضية تروح واحنا نحاتيها

حبوبه اللوعه والترجيع شي طبيعي ويختلف من جسم لجسم انا الاسبوع الياي بكمل 3 شهور باذن الله التعب الحين اكثر عن قبل لان كله صداع ومول ماافينى طاقه لكن نزول وزنى امفرحنى ومخلنى انسي هالاشياء كله مفكره كيف بيكون شكلى بعد مااكمل 6 شهور باذن الله اختى شجعوها ولازم تلتزم بكلام الدكتور حرفيا عشان تجنب الترجيع

 

[فنر 7]

هلوووووووووووو متكمكمات
هاو ار يووووووووووووو
شخباركم

الزهره الخضراء
تبين الصج يمكن فيها نقص بس العامل النفسي يلعب دور كبير جداااااااا
احساسها بالحرمان من الاكل والتعب والارهاق يلعب فيها لعب ويخليها مريضه
لو تشجعونها وتطلعونها وتدفعونها راح تصير اوكي

 

[قدوتي رسولي]

انه مسويه العمليه قبل سنه ونص كان وزني ١٠٩ونزلت لي ٦٥
بس هالشهر انصدمت اد صار٧٠
لانه كان ثابت اشهر طويله
في احد صارله جذي

 

[قدوتي رسولي]

بنات احد يرد علي
شهيتي مفتووووحه
ابي اكل كل شي
جنه شغلي الشاغل اهو الاكل وبس
وحده اتطمني
واقدر اشرب جاي اهشاب للرجيم
مسهلات ولا اي شي
انه من سويت العمليه ما اشري عشان احاف اظر نفسي لاني كله دايخه وتعبانه ولو اقهد اشوي ما اكل او اطلع امشي بسوق مثلا على طوووول ادوق وقلبي يررررقع
رحت سويت تحاليل شامله طلع كل شي اوكي
والدكتورخ بالمستوصف قالت علا الاعراض الي قلتيها يعني عندج سوء امتصاص السكر
انه مسافره الحين بس ارجع راح اروح واراجع عند دكتوري
سويت العمليه عند الشرهان
بس مانزلت لي الخمسينات مثل الل سووها ماشالله عليهم تبارك الرحمن
وتوني ماخلصت السنتين وبدا يصعد الوزن
ارجوووووكم وحده تنورني يزاكم الله خير

 

[قدوتي رسولي]

وزني زاد خنس كيلو انه مفكره ابدا اشرب جاي رويال
مابي ازيد وزني
وانه كله دايخه
لو اروح ممشى احس الدنيا تدووور فيني وبطيح
ولما اسوي تحاليل يطلع كل شي سليييم
احترت
عيل من شنو هالاعراض

 

[قدوتي رسولي]

ثلاث مرات اعيد التحاليل
اقول يمكن في غلط ولا شي بان هالاعراض موراضيه تروح
بس ماكو شي باول سنه كان كل شي ناقص بس اخذ حبوب وابر وخلاص الحين النايجه زينه الحمد الله
بس مااقدر امارس حياتي طبيعيه الحين بالسفر امشي واحس اني بطيح حتا مليت ناطره متا ارجع لديرتي واحط راسي وانام من التعب

 

[قدوتي رسولي]

وينكم بنات
مافي وحده نفس حالتي اتطمني

 

[أحلى عيون]

ثلاث مرات اعيد التحاليل
اقول يمكن في غلط ولا شي بان هالاعراض موراضيه تروح
بس ماكو شي باول سنه كان كل شي ناقص بس اخذ حبوب وابر وخلاص الحين النايجه زينه الحمد الله
بس مااقدر امارس حياتي طبيعيه الحين بالسفر امشي واحس اني بطيح حتا مليت ناطره متا ارجع لديرتي واحط راسي وانام من التعب

اختي الحبيبه زياده وزنك اما تاكلين كاكاو او تاكلين بطاطا


ابتعدي عنهم لانهم يزيدون الوزن


اما بالنسبه للدوخه فشي طبيعي كثري من الماي

واذا حسيتي بالدوخه اشربي لبن اب

 

[قدوتي رسولي]

يزاج الله خير حبيبتي عالرد
وان شالله بجرب اللبن واكثر من الماي لاني صج ما اشرب وايد ماي

 

[chanela]

بنات بليييز ابي حد يرد علي
انا وزني 82
وعمري 17
ينفع اسوي عمليه التكميم ولا لازم اكمل ال 20 عشان اسويها

نفسيتتتي تعبببت وااايد من الرجيمات مافي رجيم سويته وضبط معاي
فحابه اسوي هالعمليه

 

[جيرازksa]

بنات بليييز ابي حد يرد علي
انا وزني 82
وعمري 17
ينفع اسوي عمليه التكميم ولا لازم اكمل ال 20 عشان اسويها

نفسيتتتي تعبببت وااايد من الرجيمات مافي رجيم سويته وضبط معاي
فحابه اسوي هالعمليه

حبيبتي مو مهم العمر انا سويتها وعمري 19 بس كم طولك لان لازم كتله الجسم فوق 35

 

[chanela]

حبيبتي مو مهم العمر انا سويتها وعمري 19 بس كم طولك لان لازم كتله الجسم فوق 35

يعني العمليه تتسوى لاي عمر ؟؟ مادري احس انه مايسونها للي في عمري او لازم اتعدي سن ال18
وكتله جسمي 33.7 خساره يمكن مايسولي ياها

انا عايلتي كلها فيها وراثه امراض نفس القلب والسكر والضغط والسرطان ابي اسوي العمليه اخاف يصيرلي وحده من هالامراض الله يبعدنا عنها يارب
وحابه ابدي حياه يديده بعيده عن الاكلات الدسمه
> وترا ماخليت رجيم الا وسويته بس مافي فايده ارجع اكل اكثر من اول
واشتركت في نيوترشن واشتركت حق وجبات الاكل الصحي وفي نادي صحي
وبعد مافي فايده للاسف
عشان جيه اخر خيار عندي هو العمليه

 

[جيرازksa]

شانيل

ايوة عادي يسووها لاي عمر انا شفت باليوتيوب مسوينها لطفل عمره 10 سنين

اذا انتي كتلتك 33 ونص اتوقع يمكن يرضى يسويها حاولي تزيدي وزنك كم كيلو عشان ترتفع كتلتك

نصيحه من تجربه 4 سنين عمليات السمنه رحمه من رب العالمين