راحت الهندية وابتلشت بالاندونيسية

[(طيبه)]

بنات قاعدة اكتب لكم وآنا ميتة من القهر راح اقولكم سالفتي وانشاء الله القى عندكم حل من امس وآنا ادور نظارة ولدي وما لقيتها المهم قلت اكيد الخدامة غيرت مكانها وحطتها بمكان غير المهم سألتها ها ما شفتي النظارة قالت لا ليش كلة لما يضيع شي بالبيت تسأليني قلت عيل اسال منو اليهال والا زوجي المهم عصبت وبوزت وراحت تبجي وتقول خلاص بسافر شنو قهرتني بنات آنا ماعمري صرخت عليها وكلة اطنش لها اخطائها وادري فيها تبوق وكم مرة طحت عليها بايقة مني بس اسوي نفسي ما ادري الحين اهي قاعدة بدارها من الصبح ما طلعت ولا قاعدة تشتغل واذا بتسافر توها صار لها عندي ست شهور يعني دافعة لها 500 للمكتب هذا غير معاشها ومو راضية تروح للمكيب الا بتسافر شسوي شورو علي:0bee2e8d89:

 

[ابيار علي]

دقي عالمكتب خل يتفاهمون معاها قولي لهم انا دافعه 500 دينار عشان تقعد عندي جم شهر وترووح وقولي لهم كل عيوبها اللي ساكته عنها وتحملتها تالي جذي اتسوي معاي
خرعيهم قولي لهم اخذوها وردووا فلوسي

 

[(طيبه)]

مشكورة على مرورج وردج بس المكتب ما له شغل الحين لان كفالتها 3 شهور ومااعتقد بفيدني بشي

 

[ابيار علي]

ماله شغل حتى لو صار لها سنه ومن قال الخدم عليهم كفاله
احنا خدامتنا بعد 5 شهور قالت ابي ارووح ديرتي وارد اسبوع قلت لها شنو انتي يايه سياحه عندي جان ادق عالمكتب وقلت لهم تاخذونها وتعطوني فلوسي الحين لانه هالسوالف وهالدوابير كله من راس المكاتب اهما اللي خلوهم جذي يسوون
عااد اشخلوها يوم كامل وثاني يوم ردوها وصارت ادميه

 

[أسيرة_أحزاني]

خلي المكتب يزفها ويغسل شراعها

شنو اخاف الدنيا بكيفها ولا فوضى

حتى لو تعدى 3 شهور روحي تفاهمي معاهم قوليلهم اشصار

 

[شندوخه]

والله يا اختي افتكي من الاندونيسيات سحوره وبلاوي يمكن خيره التتنيحه اللي صارتلج

 

[رشيقه هانم]

والله وديها المكتب خل يزفونها زف
واذا قولي لها ما تسنعتي بقطج مني وانتي قطعتج رزقتج

قولي لها ابي احترام وتسمعين الكلام عدل

بعد هذا الي ناقص ما يعجبها

يبا خليها تولي

 

[انصاريه قمره]

هذي سالفتها نفس سالفة شغالة خالتي بالضببببببببببببببببببط كل شوي تقول ودوني السفاره وخالتي حدها طيبه والله ما تمد ايدها ولا لسانها عليهم لا ومسويه اضراب بعد ما تشتغل فخالتي شسوت قامت لا تزفها ولا تقولها اشتغلي ولا شي ولا حتى تعطيها ويه وحتى معاش ما تعطيها على شنو تعطيها لااصلا اذا اهي كله من الدار لي المطبخ تروح تعلف قالت خالتي عناد بخليها جذي ولي طلعت تقفل الباب وتخليها وتشيل التلفون والرسيفر شنو انبطت

 

[(طيبه)]

مشكورين على ردودكم الحين ناطرة زوجي يرجع من الدوام وبشوف لها دبرة مع مكتبها هذي بصراحة ينطبق عليها المثل اذا اكرمت الكريم ملكته واذا اكرمت اللئيم تمردا حضرتها قاعدة بدارها ولا اطلعت حسبي الله عليها من خدامة

 

[sara al3soola]

ولليين ابتلشنا بهالخدم والله

يمعوده خل زوجج يدق عالمكتب هذي توها ماصارلها 6 شهور شنو شايفين هالكويتيين لاقين فلوسهم بالشارع علشان يسوون هالحركات

خل المكتب ايسنعها ولا بيعيها غصب مو بكيفها

 

[الصابرة المحتسبة]

هلا أختي طيبة
الخدم والخدم ولي احد قالهم شي طنقروا وقالوا مانبي نشتغل وسفرونا ولا ودونا المكتب
- ما أدري انا ضد الأندونسيات ما أحبهم.
- وديها وبيعيها على أي مكتب أو مكتبها وبالفلوس المرجعة يبي خدامه سيلانيه أو هندية وانتي كيفج.
- لي ضاع شي من البيت احرصي تعاملين بحكمة وماتبينين زعلج وتأففج عليهم ما يخالف تمالكي نفسج يالغالية .
ويعل ربي يسخر لج ذيج الخدامة اللي تنحط على الجرح يبرى.

 

[(طيبه)]

اختي الصابرة الله يسمع منج ويعوضني باحسن منها او انه يهديها وام خالد ما ادري الخدم الحين صارو فوق شينهم قوات عينهم ما ناخذ منهم الا عوار القلب وتسلمون على مروركم:eh_s(21):

 

[غرور انسانه]

حبيبتي وديها المكتب خل يتصرفون واهم يودونها بيت ثاني ويعطونج فلوسج بس طبعا مو كلهم اكيد راح يخصمون منهم

بس هم احسن لج هذي شكلها مومال اتكمل سنتين عندج وديها وافتكي منها وييبيلج وحده سنعه

 

[ثلاثينية]

انا شغالتي بعد سنه قالت وديني المكتب ,,, طبعا وديتها لانه ما احب احد يشتغل عندي غصب
واهي كانت متوقعه اوديها نفس المكتب بس انا وديتها مكان ثاني والمكتب اخذها مني وعطاني 500