راح أضمن لج تزيدين بالشهر 3 كيلوات مع نظامي ..

[شندوخه]

السلام عليكم ورحمه الله وبركاته


أبي اقدملكم نظامي الغذائي اللي متني من بعد ماكنت اعاااني مع وزني وجسمي ولله الحمد من بعد ماكنت بالاربعينات صار وزني ستين ماشاءالله تبارك الرحمن


اول شي انا ماستخدمت اي حبوب مشهي ولا فاتح شهيه لانها تعبتني اكثر من انها تفيدني
سببتلي خمووووووووووووول وشدت اعصابي ماقدرت اكمل عليهم وبصراحه كان وجودهم والعدم واحدددددددددددد

اول شي ابيكم تروحون الصيدليه وتشترون حبوب فيتامين تكون شامله من a2z
مثلا عندكم سنتروم وهذي انا استخدمتها شخصيا وكانوا ممتازين

وابيكم تشترون سوستاجين .. اهو حليب بروتيني وايد حلو .. وفيه منه عده 3 نكهات فانيليا وفراوله وكاكاو وطبعا انتي ورغبتج

خلصنا من الصيدليه .. الحين أبيج تروحين الجمعيه وتشترين كل الكاكاو اللي بخاطرج وتحبينها
شبسات .. كاكاوات .. عصير منقا .. حليب كاكاو كيديدي كامل الدسم
واهم شي اهم شي اهم شي
سنيكرز

وزبده فول سوداني وراح تحصلونها صوب المربيات

الحين نروح للنظاااااام يالله ياشطوره


الريوق .. وانا ملاحظه فئه كبيره ماتتريق .. غلط غلط واكبر غلط الريوق شي مهم يابنات ولازم مانستهين فيه

وعندنا خيارات وايد بالريوق وانتي ومزاجج وذوقج
قطعه جباتي مدهونه بجبن قلاص .. خبزه كامله مع بيض .. فول .. فلافل .. حمص
او شريحتين توست وطبعا انتي واختياراتج
ولاتنسين الجبن او اللبنه اللي راح يكون بالصمونه لازم نختاره كامل الدسم
مع قلاص عصير طازج أو معلب او حليب كاكاو
بنات مهم مهم لاتشربون قهوه لانها راح تسد شهيتكم وتمون طول اليوم مو ماكلين شي ومطنشين وقت الوجبه


فتره الضحى ووقت السناك
انا افضل بهالفتره اني ماثقل بالاكل عشان ماتشبعون عن وجبه الغدا
مثلا حبتين او ثلاث كوكيز مع كوب شاي .. اصبع كاكاو سنيكرو أرو باونتي
او حبه موزه مع قوطي روبه كامل الدسم .. او 7 فردات تمر مع قلاص ماي


وقت الغدااااااااا :rerrerek:
لازم تحطينلج بصحن بروحج عشان تشوفين كميه الاكل اللي اكلتيها
في شغله ابي اقولها لكم انا كنت اسويها .. لم اقعد عالغدا اقعد اسولف واخلي اكلي وأكل شوي شوي .. فصاروا اهلي يقولولي اكلي بسرعه عشان ماتشبعين .. وصح الاكل بسرعه يخليج ماتشبعين ويمكن تقولين أبي بعد
لاتستفتحين أكلج بالشوربه والسلطه لانها تشبعج
والايدام لاتشوينه خليه مقلي والحين كليتي خلصتي الحمدالله ؟؟ يالله نبيج تشربين قلاص لبن كامل الدسم وحطي راسج ونامي من بعد لويه الصبح


وقت المغربيات او العصاري
اذا انتوا نوعكم جاي وفطاير وحلو وقت العصر زين على زين
بس انا بيتنا مو نوعنا جذي اغلبيتهم رجيم وانا اللي كليتها :krkrkr:

نبيج تهزين طولج ياحلوه للمطبخ وتفتحين البلندر وتحطين فيه قلاص حليب كامل الدسم مع ثلاث ملاعق سوستاجين
وهوووووووووووب شربيه .. صج طعمه دسم بس لازم نتحمل في سبيل الرشاااااقه


الحين جان عندج مشوار خلصيه .. وجان عندج طلعه روحي في امان الله
واذا ماعندج شي روحي للمشى او بجهاز الجري بس خليه على وضعيه مشي
مانبييييييييييج تهرولين لالا بس مشي خفيف بوساعه .. ليش ؟؟؟
لان الهروله تحرق سعرات حراريه اكثر .. والمشي لا وراح يساعدج على فتح شهيتج للعشا


اذا انتي طالعه مطعم زييييييين على زييييييين
واذا لا تعشي اللي بخاطرج باستا .. بطاط مقلي .. بطاط وبيديان وصلصه طحينه .. بنات الهرده تمتن بشكل فضيع وطلعلج خدوود .. او انج تسوين هالصمونه العجيييييييييييبه والله اتمتن بشكل موطبيعي وطلعلج خدووود
حمشي التوسته بالتوستر وتالي حطي عليها قفشه أكل زبده فول سوداني وقصصي عليها موز سلايس واكليها يم يم عجييييبه

وقبل لاتنامين لااازم لالالالالازم تاكلين اصبع سنيكرز

وان شاءالله تمتنووون بصحه وعافيه وتورد خديييييييداتكم وتصيرون نفس خدودي كل من شافني قرص خدوودي

وبالنهايه مابي منكم غير دعووووه حلوه والله تعبت وانا اكتب الموضوع مرتين وانمسح :eh_s(4):

 

[Totita]

ربي يسعدك ويوفقك يابطه

 

[dla3_princess]

مشكوورة حبيبتي

و انا من راايي اذا نبي نمتن خل نمتن بصحه يعني لا نكثررر سكريات و كاكاو

في واايد اشيااء تمتن بس مو مضرره بالجسم ..

موضووعج حلوو

بسألج السوستاجين واايد سمعت عنه انا استخدمت حليب بدياشور..

اشراايج شنوو احسن ؟؟؟

 

[شندوخه]

ربي يسعدك ويوفقك يابطه

ويوووفقج ياقلبي وتمتنين بصحه وعافيه :eh_s(7):

مشكوورة حبيبتي

و انا من راايي اذا نبي نمتن خل نمتن بصحه يعني لا نكثررر سكريات و كاكاو

في واايد اشيااء تمتن بس مو مضرره بالجسم ..

موضووعج حلوو

بسألج السوستاجين واايد سمعت عنه انا استخدمت حليب بدياشور..

اشراايج شنوو احسن ؟؟؟

اكيد كلامج صحيح بس الحلويات مهمه ولا شلون راح نمتن؟
ولاتنسين انا ماخليت الفيتامينات والسوستاجين والحليب وقلاص العصير واكيد السلطات متاحه بس انا افضل شي على شي
والسوستاجين وايد حلو بس أفضل اني اخلطه مع حليب مو ماي عشان يعطيني فائده اكثر
وبدياشور ماجربته للامانه بس اعتقد كلهم نفس الشي
السوستاجين والانشور والبدياشور

 

[كيكه توفي]

الله يوفقج

 

[روعة خيال]

الله يمتنكم و يضعفنا لووووول

 

[نور العرب]

حلو نظامج وسهل

و ان شاء الله أستمر على هالنظام ..

مشكوووره ياقلبي ما قصرتي

 

[نجمة كويتية]

فديييييييييييييييتوووووج يا قلبي مشكووورة مشكوووورة بس ان شاءالله اييب نتييجه لاني ما امتن بسرعه انا اعرف نفسي ويلاااااااا يلااااااااا جاري الحفظ بالمفضلةة

يااارب يوفقج بالدنيا والاخرة ياااااااارب :eh_s(15):​

 

[توت1]

يعطيج العافيه ويارب امتن انا وجميـــــــــــــــــــــــــــــع العصقولات

 

[شندوخه]

ان شاءالله تلقوون النتيجه اللي تبونها

 

[Fstani]

تسلمييين حبيبتي ^_^

 

[زبــــــــدة]

ماشاء الله هذا الوزن اللي ابيه ابي اوصل 60

ان شاء الله بجرب

بس ماحب الفول السوداني لوووووول عادي احط بدالة نوتيلا مه موز الله لذيذ هههههه بجرب

مشكوووووووورة ويارب امتن

 

[sherazia-x]

يعطيييج العاففيه حيااتي

 

[atba3ak]

الله يرزقج الي تبينه انشالله ويوفقج مشكورة حبيبتي

 

[الحنينه]

والله مني لج بتنفتح شهيتج اذا هذي فيتامينج <<عن تجربه
انا ودي اردله بس يمتن,,والله للحين ماانسى شكلي بعد فتره من اخذته
ماشاءالله تبارك الرحمن العين حق <<بس صج صج الكل استغرب مني يعني كنت توني طالعه من مرش الله يكفيكم شرهـ ان شاءالله
وتسلمين عالموضوع

 

[شاعرهـ]

حبيبتي

بقولج تجربة اختي ووايد بنات غيرها

بلا سكريات بلا بطيخ لانه مو زين


استخدمي حبوب سيبروفيتا لاتؤثر على النفسية ولاشي اللهم تخليج نعساانة اول اسبوع وبسس


اختي صارت تاكل وايد بس اكل صحي غدا وعشا وريوق والعصر وجبة بعد توست وهالسوالف



تركتهم ولا ضعفت ولله الحمد ماشاء الله


استخدمتهم لمدة شهرين وتراها وااايد رخيصة

 

[زهره القرنفل]

الله يسعدك ويبارك لك ويوفقك

شوكرن

 

[شندوخه]

شاعره
انا ماجربت هالنظام الا وانا طافح الكيل فيني
وجسم عن جسم يفرق بس انا ماستحملت السبروفيتا والبرياكتين والله انه لعب في نفسيتيييييييييييي

 

[عمار يا كويت]

الله يعطيج العافية... بس ابي انبه على شغلة ان النظام اللي حاطته احتمال يكون مضر للصحة لان يعتمد على الحلويات والدهون
.. انا وزني قبل كان 50 واقل يمكن لين تزوجت وصار الحين 72 وهذا انا قاعدة اتحكم فيه وعندي قابيلة للكلسترول والاملاح زايدة بعد وفقر دم بعد
نصيحة مني الاعتدال زين لاحقين ع المتن استانسو باجسامكم الرشيقة

 

[الصيدلانيه]

thanks alot