[] - راح الـكـثـيـر و مـا بـاقـي إلا الـقـلـيـل ( حياتي الرجيمية ) - []

[بطاطا]

106 ----:eh_s(18):----> 86





106 - 86 = 20

المتبقي = 11


شسالفة هالحسبة .. ؟


**


الكيلوات اللي ابي انزلها 31 كيلو ..

و الحمدلله قدرت انزل اكثر من النص ( 20 ) كيلو ..

و باقي لي ( 11 ) كيلو بس .. !

المشكلة

إرادتي STOP مو راضية انزل هالــ 11 مع انهم اقل و المفروض اتشجع لكن توصلت حق ان كل ما قل الوزن صعب الاستمرار ..




مادري شسوي .. و شلون ارد مثل قبل و استن ع الرجيم .. ابي انزلهم و ارتاااااااح .. مع ان الوزن اللي راح اووصل له بعد هالــ 11 كيلو مو اللي ابيه .. بس اذا نزلت هالــ 11 يكون عادي اذا كملت و لا لا عادي ..

لأني قسمت الرجيم على 3 مراحل :

الأولى : اني اوصل حق وزن اكون فيه متروسة او نص و نص بدل متينة ..

الثانية : اني اوصل حق وزني المناسب لي اللي اهو 65 ..

الثالثة : أحافظ على هالوزن و اتبع رجيم يحافظ على وزني لمدة 6 شهور و بعدها راح اتعود ..




و وصولي للمرحلة الاولى بحد ذاته شي حلو و مميز بالنسبة لي ..




لكن




علقت عند المرحلة الأولى .. ابي اكمل .. :eh_s(2):

تلقوني اسوي ثلاث ايام و الباجي آكل ما اقول اني آكل واااايد و ما احس بنفسي لا .. آكل وجبة وحدة بس تكون وجبة يعني عيش و دياي و جذي .. و ما اخربط و ابيعها لا عادي و اكيد اهون من قبل الرجيم بوااايد .. و طبعا تفرق عندي لان رجيمي كان وجبة وحدة و اهي شوربة خضار بس من دون نشويات او ايدام ..




ابي نصايحكم .. فيكم الخير و البركة .. ساعدوني .. ابي اكون غير قبل الدوامات .. :eh_s(10):​

*
*
*

تم تغيـر العنوان بواسطه المشرفه شيخه***البنات وذلك لطلب صاحبه الموضوع..

 

[$$مذهلة$$]

الوجبة الكاملة الواحده ما تأثر على الرجيم ممكن ماتنقصين بس ماراح تزيدين ولا تضعف إرادتج اخذي الاسبوع هذا كله او اربع ايام منه وامشي على نظام الوجبة الوحده هذي الطريقة تخليج تنزلين وايد بمجرد كسر النظام لعدة أيام ثم معاودة الرجيم مرة ثانية ولا تردين الكيلوات اللي طاحت حرااااام

يعني بريك ورجعي مرة ثانية على رجيمج أو اذا تحبين غيريه

ماتبين تصيرين سمبتيك وتلبسين اللي تبين من غير ماتحاتين شكلج او مقاسج؟؟

ماتبين لاطبيتي السوق تدخلين كل المحلات الحلوة بدال ماتروحين وتردين على إيفاااانز

 

[بطاطا]

هلا و الله يالغلا ..


$$مذهلة$$

الوجبة الكاملة الواحده ما تأثر على الرجيم ممكن ماتنقصين بس ماراح تزيدين ولا تضعف إرادتج اخذي الاسبوع هذا كله او اربع ايام منه وامشي على نظام الوجبة الوحده هذي الطريقة تخليج تنزلين وايد بمجرد كسر النظام لعدة أيام ثم معاودة الرجيم مرة ثانية ولا تردين الكيلوات اللي طاحت حرااااام

ان شاء الله ما ارد اللي ضعفته و منتبهة لنفسي الحمدلله بس ابي اكون مثل اول تخيلي الخدم اييون لي و يقولون اكلي حرام ما يصير .. !!
ابي ارجع نفس جذي و خاصة ان ما باقي لي واااايد 11 بس ..

يعني بريك ورجعي مرة ثانية على رجيمج أو اذا تحبين غيريه

راح ارجع ان شاء الله عليه نفسه لاني ما احب التغيير لاني احس ان اي قطعة اكلها غير الخضار راح تمتـني .. من جذي يمكن احس اني متنانة لما كليت دياي و عيش و جذي ..

ماتبين تصيرين سمبتيك وتلبسين اللي تبين من غير ماتحاتين شكلج او مقاسج؟؟

حدي ابي ابي ابي ..

اي شي اي شي فبال الوحدة اذا كانت ضعيفة او جسمها اوكي تقدر تلبسه ما تحاتي لان الجسم اللي يلبـِّس مو الموديل ..
اما المتينة لازم الوسع و الطول و يغطي و لا لا و الزنووود و اللللووووية .. :eh_s(2):

ماتبين لاطبيتي السوق تدخلين كل المحلات الحلوة بدال ماتروحين وتردين على إيفاااانز

مممم:eh_s(10):مممم انتي شايفتني :eh_s(10): ..

بصراحة ما بقى ايفانز ما دخلته من القادسية لي شرق لي الشامية لي الدعية و اخذي على هالسَــنة ههههههههه

و طبعا لما نمر على مانجو و لا زارا و باجي الربع ما نلتفت لان كل الهدووووم مو حلوة يع تلوع الجبد .. :eh_s(2): و العكس صحيح .. :eh_s(4):







عموماً .. تسلمين قلبي على النصايح و ان شاء الله بحيل الله ارد مثل الاول و أيــي ابشركم باني طيحت هالـــ 11 و بادية بالمرحلة الثانية بس دعواتكم لي و لا تنسون بالدعوات انه يكون على صحة لا اروح وطي .. :eh_s(6):

​

 

[عهود الحب]

بطاطا



انا مثلج بالظبببببببببط



نزلت عشرين كيلو بخلال اقل من سنة



بصراحة 23 كيلو


اهو ريجيم ماجربته ؟
اهو رياظة
اهو اعشاب

كلللللللللل حاجة جربتها




والحمدلله قدرت والله انزل


والحين انا بس ابي 15 كيلو واصير ياااااااااااسلاااااااااااام سلم هههههههههه


بس للاسف


العزيمة والارادة صاروا صفر

الريجيم صرت عدوته اللدودة

الرياظة صرت خيشة ملح طايحة مالي خلق اتحرك

شسوي ماااااااادري


ببجي احس حدي محبطة


الكل يقولي حرام عليج ماتكملين باقي لج شووووووية صبري

ماقدرررررررررررررررررررررر ياناس
كرهت روحي وكرهت السالفة كلها
موقفة لي شهرين ورديت كيلوين

شفتي اشلون

كسلااااااااانة انا ودرجاتي زيرو احس باختبار الصبر

 

[عهود الحب]

ابي نصايحكم .. فيكم الخير و البركة .. ساعدوني .. ابي اكون غير قبل الدوامات ..

هذااااااااااااا الي ذابحنننننننننني


الدوامات قربت والاحباط صااااااااااار بالعالي

والله نفسيتي زيرو

 

[$$مذهلة$$]

يالله شيدو حيلكم بلا احباط بلا كآبه

يعني صبرتوا كل هالمدة عيزانين لا تكملون

يالبطات يالبوتمبات ياخياش العيش ياللي مافي بالسوق مقاسكم



يعني محفزتكم الحين

أتحداكم تتستمرون وتنزلون اللي باقي لكم من هالكيلوات اللي تافخه زنودكم وفخوذكم

وييييع شكلكم بايخ رجاءا لاشوفكم لابسين جينزات ولا تنانير قصيرة لان اشكالكم بايخه

دراريع وتخب عليكم

ههههههههههههههههه

عاد ياويلكم اذا على هالحجي كله ومارديتوا على الرجيم المرة الياية خيزراتني معاي

وأشوف منو فيكم تبطل حلجها وتاكل

ويااارب تضعفون على الصحة والعافية والجمال الأخااااذ

 

[ماريمار]

شوفي اختي الغاليه بطاطا اهوا لازم جذذذذذذذذذذذذذي

الوزن يثبت ساعات حتا لو تسوين رياضه اكثر او تاكلين اكثر الجسم يبيله صببببببببببببببببببببببر

وعالتعود وانتي بتشوفين انج تنزلين بدون لاتحسين

اول شي لازم ماتظيقين خلقج النفسيه تلعب دووووووووووووووووووور سأليني اناااا

وثانيا خليج مثل ما انتي يعني اكلج مثل اول ايام الرجيم او لاتسوين رجيم بس عودوا روحج تاكلين المفيد والصحي ومايمنع تخربطين بالمعقول وسوي رياضه او مشي وشوية حركه وبينزل بدون لاتدرين ان شاء الله

 

[miss5]

مبروك اولا وانشالله اتردون النزول

شوفي حاولي بعد ضغطي على روحج على الاقل بعد شهر ( لول طالع منو يتكلم )

انزين بنات انا ابي اضعف 30 كيلو بليز فيدوني ماكو اراده كلش ومكتأبه والله وحدي مغلقة

لان الحين زايده

 

[GAP]

السلام عليكم

حبيبتي انتي قلتي بنفسج ما بقى الا القليل ... فكري هل انتي مستعده انج تخربطين وتضيعين كل التعب؟؟؟

وبعدين اكبر غلط انج تاكلين بس وجبه وحده لان الجسم بهالطريقه ما يحرق وايد... وهذا كلام خبيره التغذيه اللي كنت اراجعها (( ربي يردها بالسلامه))

هانت يا قلبي .. انت جربي تغيرني نظامج .. جربي مساج تخسيس.. روحي نادي... لان التغيير يغير النفسيه... لا تاكلين بقلبج

واذا تبين ريجيم ينزل بسرعه عندج سكارديل وريجيم السالاري والكيماوي.. بس نصيحه اخت هذيله كلهم تردينهم لان ايزي كم ايزي جو

 

[شكليطه]

نصيحه نصييييييييييييييييييييييييحه

لالالالالالالا تبردين


اخذيها مني والله تتحسفين ليما تشبعين قهر


انا كنت نفسج....نزلت نزول محترم والكل لاحظت.....وبعضهم ماقاموا يعرفوني من كثر ماشكلي متغير


بس كان باقيلي جم كيلو عشان اوصل الوزن اللي يناسبني


بس انا وقفت على بو بريح شوي.....وهال شوي صاروا سنتين





خررررررررررررررررربت التعب فووووووووووووووووووووووووووووووووووووووووووووووق تحت



والله الحين برجع ابدا من الزييييييييييييييييييرووووو


ميته قهر


انتي حطي احتمال يضيع تعبج.................وتخيلي نفسيتج حزتها











وان شاءالله ما يصير هالشي......بس يكون دافع لج

 

[رومانسيه وحنونه]

الله ياااااااااااااااااااااااااااااارب يكون معاكم ويفتح عليكم وتنزلون اللى باقيلكم

وأنا معاكم أنشالله

 

[جلنار2004]

أنا بعد الأراده زيييرو زهقت منكثر مازهقت أمشي وأكلم نفسي ضعفي بسج خلاص والله صرت مينونه من كثر مانسوي رجيم
بس يله شدي حيلج حرام أنا تقريبا جسمي نفسج شدي حيلج يله علشان انا أتعض منج وأضعف

 

[بطاطا]

هلا اختي عهود ..

والحين انا بس ابي 15 كيلو واصير ياااااااااااسلاااااااااااام سلم هههههههههه


بس للاسف


العزيمة والارادة صاروا صفر

الريجيم صرت عدوته اللدودة

مو هذي المشكلة و تحسين انج خلاص اكتفيتي باللي وصلتي له و تقولين على الاقل اهون من اول و هذا احنا ..

بس شدي حليج باقي شهرين على الدوام .. قولي كلها شهرين و افتك <<< لي و لج الكلام .. و ان شاء الله نبشر بعض بنتايج سنعة ..





&&



اختي $$مذهلة$$ ..


هههههه مادري شقتبس و لا شخلي فقلت ماابي اختار شي .. :eh_s(22):

و اقولج اني مت ضحك على كلامج ههههههههههههه و احس ان عندي مناعة من هالكلام ..

بس لا اان شاء الله باذن الله نويت خلاص و قررت اني ابدا جد مثل ما كنت شحلوي و يضربون فيني المثل ..



&&


هلا اختي ماريمار ..

الوزن يثبت ساعات حتا لو تسوين رياضه اكثر او تاكلين اكثر الجسم يبيله صببببببببببببببببببببببر

وعالتعود وانتي بتشوفين انج تنزلين بدون لاتحسين

اول شي لازم ماتظيقين خلقج النفسيه تلعب دووووووووووووووووووور سأليني اناااا

صح كلامج يثبت و هذا الاحباط ..

لما تكونين مو ماكلة فترة و تروحين توزنين و لا ماكو تغيييير يا الله على الكسرة ..

و النفسية اهم شي مثل ما قلتي .. و ان شاء الله ارد مثل الاول ..

و اذا على الاكل انا راضية ما اكل و امشي بس اضعف .. !!!



&&



هلا اختي miss5 ..

الله يبارك فيج تسلمين .. :eh_s(17):

شدري حيلج صدقيني اسهل شي اول ما تبدين الصعب لما تقربين تخلصين ..

سبحان الله الانسان عجول يبي كل شي بيوم ليلة .. قولي شحم ربيته :eh_s(3): سنين لازم يبيله فترة على ما يروح ..

و ابدي الحين فرصة ترى ..



&&


هلا اختي GAP ..

حبيبتي انتي قلتي بنفسج ما بقى الا القليل ... فكري هل انتي مستعده انج تخربطين وتضيعين كل التعب؟؟؟

اي و الله على قولتج ..

و لا ماني مستعدة ارد كرة مثل اول لالالا و الف لا ..

الحمدلله فيني طووول و لا جان علوووم :eh_s(6): ..

و تصدقين مثل ما قلتي قاعدة افكر اني اغير من نظامي مع اني احس اذا كليت اي شي راح امتن اذا كنت اسوي رجيم من جذي معتمدة على النظام اللي ذكرته ..

و بحاول و ان شاء الله و فيه تغيير ..



&&



هلا اختي شكليطه ..

بس انا وقفت على بو بريح شوي.....وهال شوي صاروا سنتين

التريييح سنتين .. ؟

ماشالله عليج لا حسافة جذي ..

شدي حيلج و كملي .. و زين انج قلتي ان الفترة ممكن تمتد لي سنتين و لا جان امتدت عندي و انا مادري :eh_s(6): و عاد صج بموت قهر من قلب ..



&&



هلا اختي رومانسيه وحنونه ..

الله ياااااااااااااااااااااااااااااارب يكون معاكم ويفتح عليكم وتنزلون اللى باقيلكم

وأنا معاكم أنشالله

امين يارب ..

و مشكووورة على هالمشاعر الطيبة و التشجيع و الله ينولج اللي تبينه يارب ..



&&



هلا اختي جلنار2004 ..

أنا بعد الأراده زيييرو زهقت منكثر مازهقت أمشي وأكلم نفسي ضعفي بسج خلاص والله صرت مينونه من كثر مانسوي رجيم
بس يله شدي حيلج حرام أنا تقريبا جسمي نفسج شدي حيلج يله علشان انا أتعض منج وأضعف

هالارادة لو تنباع جان شريناها و افتكينا .. :eh_s(13):

و مو بس انتي تكلمين نفسج حتى انا اقول لالا خلاص يعني لي متى لازم اضعف قبل لا يطوف عمري و يطوفني اشياء اللي البنات الحين يسووونها و من هالسوالف اللي ما تخلص .. :eh_s(22):

شرايج : انا اتعض منج و انتي اتعضي مني يعني سوي رجيم معاي الحين مو تنطرين لما اضعف عشان نتسوق يميع بالمحلات البايخة زارا و ربعه ههههههههههههه .. :eh_s(8):



&&










تسلمون حبيباتي على التعقيب و النصايح ..

و الحمدلله نزلت الموضوع و انا واثقة اني بلقى التشجيع منكم ..

و ان شاء الله اييب لكم الاخبار السنعة ..


:eh_s(15):

​

 

[شكليطه]

بطاطا هالسنتين مو بكيفي والا اختياري


صدقيني اسبوع يسحب الثاني......وهالجم اسبوع صاروا جم شهر.....ز

وجك بم الا طايره سنه سنتين


اول ماتركت النادي ...امي حبيبتي نصحتني وقالت لا تخلين الرياضه

وانا اقول لها لأ بس شوي بريح ريلاكس جم يوم من عقب هالشهور كراف وتمارين ومشي


ويوم ورا يوم.........

والرجيم .....قلت خل اخذ لي يوم يومين مفتوحين اطلع مع الاهل


وسلالالالالالالالالالالالالامتج........الراحه تجر الراحه

بس الحين الله وكيلج سمممته وحدة.,......ماكو راحه

اذا باخذ راحه اقص على عمري واخذ رجيم فيه كاكاو والا وجبات






عالاقل اسمه رجيم







وبالتوفيق لج ولي وللجميع ان شاءالله

 

[$$مذهلة$$]

انا ببلش معاج بالرجيم واونسج ولو اني مو مال رجيم لاني اموووووت بالاكل

بس شسوي علشان اراقبج باجر عاد اصير اضعف منج وماتلاقيني الا مطيحة ببريشكا ومحلات المعصقلات اللي مثلي وانتي خليج على ايفانز وربعه هههههههههههههه

يالله شوفيلنا خوووش رجيم خل امشي معاج فيه لاني صج مليت من شكلي قمت انسدح على سريري واشفط بطني وهم مايسكر الجينز علي

لا وإذا سكر بالغصب الله لايوريج الفيضانات فوق البنطلون جني مدرس عربي من أيام أول

 

[بطاطا]

هلا فيج اختي شكليطه

آمين يارب العالمين نتوفق على صحة يا رب

و نوصل للي نبيه و الله يكتب اللي فيه الخير ان شاء الله ​

 

[بطاطا]

انا ببلش معاج بالرجيم واونسج ولو اني مو مال رجيم لاني اموووووت بالاكل

بس شسوي علشان اراقبج باجر عاد اصير اضعف منج وماتلاقيني الا مطيحة ببريشكا ومحلات المعصقلات اللي مثلي وانتي خليج على ايفانز وربعه هههههههههههههه

يالله شوفيلنا خوووش رجيم خل امشي معاج فيه لاني صج مليت من شكلي قمت انسدح على سريري واشفط بطني وهم مايسكر الجينز علي

لا وإذا سكر بالغصب الله لايوريج الفيضانات فوق البنطلون جني مدرس عربي من أيام أول

ههههههههههههههههههههه فديتج مذهلة انا و الله على التشجيع

و صدقيني احس بخفة داخلي مادري ليش احس في تحدي

و بصراحة بلشت انا و ان شاء الله باذن الله بتسمعين اخبار غييييييييييييييييييييير عني بعد شهرين ان شاء الله

و الله استانست من الكلام اللي قلتييييييييه و انا اعلمج راح ادخل محل فرنسي بمارينا بس حق العصاقيل مو الضعاف بعد و احرج :eh_s(6):



تسلميين قلبوووووش​

 

[$$مذهلة$$]

عناد فيج من باجر ماني ماكلة غير سلطات وشوربات

وبصير عصلة ضعيفة باربية (يارب يارب يارب لاتفشلني جدامها )

والبس شورت وليقينقز وأشفط جدامج واخليج تحترين مني

 

[بطاطا]

عناد فيج من باجر ماني ماكلة غير سلطات وشوربات

وبصير عصلة ضعيفة باربية (يارب يارب يارب لاتفشلني جدامها )

والبس شورت وليقينقز وأشفط جدامج واخليج تحترين مني

انا بصوووووووووووووم ههههههههههههه

اذا تلبسين شووورت هذا اللي وصلتي له :eh_s(3): انا بكيني بشوف شلون بتقدرين :eh_s(9):​

 

[$$مذهلة$$]

يمه منج

مومشكله نشوف منو يلبسه أول

بطاطا اسمج بروحه يموتني من اليوع والله من اشوفه اتخيل بطاطه مشوية بالفرن اللي بقشرها مع المكونات اللذيذة والشيدر والشيلي وااااي اتشوق

بس اليوم الصبح اكلت كورن فليكس وتوني ماكلة سلطة وودي احلي بقطعه رقية وها بين وبين انتي شسويتي اليوم في عااالم المأكولات