راضية بقضاء الله بس وين نروح بهاليوم بلييييز الكل يدش

[Shinexo]

آلله يرحمه يآرب ويغفرله

حآولوآ تدبرون روحكم ع آلآقل آمج وشخص وآحد يروح ويآهآ ..

آلله يبرد على قلوبكم آنشآلله

 

[miss-rooose]

ياعمري احزنتينا والله ، عسى الله يرحمه ويغمد روحه الجنه ويجعل قبره روضه من رياض الجنه ويصبركم وياجركم على مصابكم ،، انا اقول دبريلها فلوس للسفره ماكو مكان بالدنيا مريح نفسياً غير مكه حاولي ادبرينها وروحو حتى لو العشر الاواخر مع العيد اهم شي راحتها والله يسر اموركم ..

 

[أمانيQ8]

رحمة الله عليه توفى باحسن شهر وافضلها ايام يابخته

والله بالنسبه لامج عندنا وعندج خير اختي الكبيره اتوفت من سنتين ولي يومج امي تبجي موضعف ايمان لا والله دينه وملتزمه ماشاءالله بس الله يرحمنا برحمته يالحبيبه تتذكر وتعن عليها موبيدها وامج نفس الشي ماتنلام ترا شي موهين

انا اقول نفذوا رغبتها خليها تروح مكه ميخالف
بس خوفج تاخذها عاده كل ذكرى وفاته تبي تطلع من الديره

عسالله يصبرها ويمسح على قلبها بالصبر..

 

[ميمي..]

عورني قلبي والله وبكيت
الله يرحممممه ويغفر له يااااااااارب
وتجتمعون وياه بالجنه امييييييييييين

 

[ميمي..]

وبالنسبه للحجز انا اقول مو شرط تروحون مكه روحو اي مكان ثاني روحو المدينه مثلا

 

[є 3 τ и α q]

الله يغفر له ويرحمههَ ..
والله يخليككَ ل امكك ويرزقها برككَ ..

-

سوي اللي تحبهه امك .. لو مَ توفر لها تروح مكه
اأسأليها هي وش نفسها فيه وسويهه افضل من انها تروح مكان
ممكنَ م ترتاح فيه او مَ تلهئ ..


آجلسي معها وأسأليها *
والله يحفظها لكك يارب​

 

[Vous jamais]

الله يعينكم و يرحم ميتكم

ما عندي فكرة بس ادعي ربج يمسح على قلبها و يصبرها

 

[قبسات]

آآآآآآه والله بكيت من قلبي الله يرحمه ويصبركم على فراقه روحو المدينه عند النبي والله رح ترتاحين

 

[مولاي الفرج]

الله يرحمه ويغفرله سافرو اي مكان حبيبتي واذا ماصار

سوو ختمه قرآن باسمه

وان شاءالله يا رب كلكم بالجنه حبيبتي

 

[شندوخه]

اختي طمنينا شصار ان شاءالله دبرتي شي؟

 

[Perfect J]

عورتي قلبي
شي صعب يفوق الاستيعاب

لا حول ولا قوة إلا بالله
الله يرحمه ويغفرله ويسكنه فسيح جنااته ويصبركم

وامج معذورة بتمر سنين على هالوضع الله يمسح على قلبها
احسن شي روحوا المدينة مثل ما قالوا البنات الاجواء هناك بتحسسها براحة
وابدا ابدا لا تودونها اي بلد ثانية ولا فندق ولا شاليهاات وهالسوالف
ما رح يطاوعها قلبها تروح تتونس بهالاماكن وهي تبجي ولدها بتتألم أكثر

الله يصبركم يا رب

 

[hbenc]

سامحوني حبايبي مارديت عليكم الا مت|أخر انشغلت الفترة الي فاتت وفعلا فعلا ردودكم اثلجت صدري وربي مايوريكم أي مكروه ومن كثر الردود ما شاءالله عجزت اسوي منشن للكل واتمنى تعتبرون ردي هذا شكر للجميع الي ساندني سواء بكلمة اهني او بإرسال رساله خاصة او حتى عالموبايل فعلا احرجتوني واخجلتوني واحب ابشركم الحمدلله حجزنا مكة و المدينة بس مو بنفس التاريخ امي غيرت رايها وقالت خلاص مانبي نبتدع شي بهدف الهرب من قضاء الله وربي يقدرني على برها واحتمال افاجأها بسفره لدبي لاني قلتلها بخاطري بالعيد اروح دبي قالتلي عادي نروح بس ماحسيتها متحمسة وان شاءالله ربي يعييني اني امسح على قلبها ويرحمنا ويرحمكم برحمته .... احبكم يا اغلى منتدى عرفته بحياتي لا خلا ولا عدم حبايبي :hjy5jewf::hjy5jewf::hjy5jewf::hjy5jewf::eh_s(7)::hearting::hearting::hearting::hearting:

 

[اسرار الغلا]

الله يمسح على قلوبكم ويغفر له ويرحمه

 

[alreemmohamad]

الله يرحم اخوج وأبوي وجميع موتى المسلمين
والله يصبرنا على فراق حبايبنا
الفراق صعب ولكن ان شاء الله الملتقى الجنه
أختي أشور عليج تعملين دروس عن الصبر والابتلاء وتكون في بيت الوالده
تحاولين تجيبين محفظه للقران لها في البيت
والله بجبر صوابها بارب ويمسح على قلبها واللهم لاأعتراض على حكمك يارب

 

[كويتيه سبيشل]

الله يرحمه ويجبر بخاطركم
وان شاء الله تشوفونه بالجنه
ساافروا روحوا دبي قريبه..

الله يعينكم ويصبركم ..

 

[سعوديه 1]

الله يرحمه ويغفر له ويصبركم ع فرقاه ,,


حاولي تروحون ب سياره وتمرون المدينه ومكه منها تغير امك نفسيتها وتجدد روحها بالجو الايماني

 

[جوري 2007]

يالله ياكريم ،، والله مادري شقولج بس عورتوا قلبي

 

[ملح الكون]

الله يصبركم ويعينكم ..

 

[مخدوشة الوريد]

ان الله وان إليه راجعون
عظم الله اجركم فيه .. والله يرحمه ويغفرله ويجعل مثواه جنات عرضها السموات والأرض
حبيبتي محد ضال غير وجهه الكريم اهم السابقون ونحن اللاحقون ., والله يصبر قلوبكم
السيارات ماخلت احد قاع تاخذ الكبير والصغير الله يجيرنا من موت الغفله ولا يفجعنا بغالي
صدقيني وانا قاع اقرااا حسيت انج تتكلمين عن اخوي . الان هم انا اخوي وحيدنا بهالدنيا مات ربي يرحمه بحادث سياره
ربي اخذ امانته واحنا ماشفناه لمدة 4 سنوات الان كان يدرس بره ولا قدر ياخذ اجازه وينزل واحنا بهالسنوات كنا نمر بضروف
صعبه الله يعلم فيهااا وبنفس الشهر الي انكتب لنا نجتمع فيه واكان راجع لنا ربي خذاه برحمته الواسعه ما انكر ان الخبر كان علينا
كبير خاصة امي الان كانت حيل متعلقه فيه ومشتاقه له وتنطره نطره وتعد الأيام عشان تشوفه وتلممه لكن قدر ربي كان اسرع والحمدالله ع كل حال ., حالة امي كانت صعبه اكثر منا كلنا الانها ام والفراق ذبحها وصدمه ان معاد بتشوفه كان متعبهااا
الي سويناه انا وخواتي ان ماكنا نتركهااا ونحاول نسيها كل شس يخصه مع ان ادري عمرها ماراح تنساه لكن كنا نحاول
مانيب سيرته كلش جدامها ونلهيها عن ذكراه وسورة البقره كانت 24 ساعه شغاله بالبيت وكل ماذكرته نذكرها ان راح للي ارحم منها فيه وامي ايمانها الحمدالله كان كبير وكنا نستغل هعلى الشي ان نجبر جروحها بفقدانه وخذناها عمره وقلنا لها اذا مشتاقه له اعتمري عنه اهو محتاج هالشي وبيوصله هالشي وبتنورين عليه قبره ان شاءالله والحمدالله مع الايام تناست وعاشت ربي يعطيها طولة العمر .. انتي لازم تسوين مثلنا بضبط تنسين وتقوين روحج لامج عشان اهيا بعد تقدر تنسى وكل ماذكرتوه اطلبوا له الرحمه معاد يبي شي ولا يحتاج شي منكم غير الدعاء وصدقات جاريه تريحه بقبره وهذا اهو رمضان باجر ان شاءالله استغلوه لصالحه وصالحكم الميت ينقطع عنه كل شي الا احباب يدعوله وصدقات جاريه وتذكري ان اي شي تسونه له يوصله فلاتهجرونه ..
ربي يعينكم ويمسح على قلوبكم ويصبر قلب امج .. واسمحيلي على الاطاله

 

[بخـــارى]

الله يرحمه
ويصبر اهلج