ربي يوفقها ألي تدخل وتعطيني خلطه تنعم الشعر **

[NANA~]

قــوه يا بنات الكويت

بنات طابتكم فزعه

أبي خلطه مضمونه 100% + طبيعه

تخلي الشعر حرير حرير حيييل

أنا شعري مو خشن أنا ممكن تقولون مموج أو مجعد

و ياليت تكوون الخلطات مجربه و مكونات موجوده بأي بيت ..!!

الموضوع مستعجل ياليت تردون علي بأسرع ووقت

 

[لعبة ايام]

رد : ربي يوفقها ألي تدخل وتعطيني خلطه تنعم الشعر **

صحبتي تسوي مايونيز

يهجد الكشة

دا شعرها يعني نفعلها مدري ينفعلك ولالا

 

[sweet koka]

ماعندي فكرة وان شاءاللة البنات يفيدونج

 

[ملاك ^ الحب]

حبيبتي انا خذيت حنه التنعيم من بنت الاحلام

والله تهبل تخلي الشعر حريييير والتموج كله يروح ويصير شعرج سيده

وانشالله اكون ساعدتج

 

[أمـيـرهـ بكلمتي]

هلا شوفي موضوعي بالقسم

 

[نونا 3000]

احسن شي زيت دابر والحنا اليمني

بس امانه لا تستخدمين حنة التعيم لانها لعبة بشعري نتفته

 

[سالم الروح]

انصحج ببارشوت
وماسك المايونيز

تقبلي مروري

 

[حبيبة السوس]

انصحج بعشبة الاملج خلطيها مع زيت السمسم ابرك لج من الخرابيط اللي طيحت شعورنا كل شي طبيعي زين

 

[قطوووة]

هذي عندها خلطة جربتها وحلوة وخلت شعري شحلاته

تبين من اول استعمال
رقمها / 67646494

 

[3nOoOoON]

رفيجتي مستعمله هالخلطه ويابت معاها نتيجه حبيت افيدج

مايونيز + بياض بيضه + عسل + اي زيت موجود عندج ( الافضل زيت الخروع )

اخلطيها مع بعض ممكن ان تحطينها على شعرج قبل الحمام بساعه

دعواتج الله يحققلي اللي فبالي

 

[بنت الاحلام]

حبيبتي لو حابه حنه التنعيم مالتي تنعم الشعر بس عيبها الوحيد ممنوع بعدها الصبغ

 

[...الليـــدي...]

رد : ربي يوفقها ألي تدخل وتعطيني خلطه تنعم الشعر **

اخذي هالخلطات وووبسسسسس وبتدعييين لي


خذي علبة مايونيز كبير
حطي فوقه بيضه كاامله
علبة زبادي
زبدتين صغاار حقت المراعي اللي تجيك مكعباات
طبعن ذوبيها ع النار وحطيهاا

وحطي ملعقة عسل كبيره وعسل اصللي
والا عسل لانقينزا الالماني مرره حلووه واصلي


اخلطيها مع بعض وخليها بالثلاجه وكل مابغيتي تستعملينها طلعيها ورديها

حطيها مرتين بلاسبووع
خليها ع شعرك ساعتين ولفيه بكيس بلاستيك


برضوه طريقه حمام زيت

حطي زيت زيتون + زيت الفازلين القديم او التونك اسمه وغطاه ازرق
خليهاا بعلبة وكل يوووم حطي منه على شعرك لمدة 3الى 6 ساعات ولفيه ببلاستيك
وكل شوي مرري عليه استشوار الهواء
يعني سوي حمام زيت

انا هالطريقه سويتها عقب ماخصلت شعري وخشششن وربي اللحين صار حرير ماشاء الله

وربي لو تسووين هاللي قلت لك عليه وتستمرين
مااااااااااايجي العيد الا وشعرك سااايح مثل الزبده وبتدعين لي

والله يجعلك احلا وحده بالعيد ^_^

 

[عــاشــقــه]

زيت برآشوت وآآآيد ينعم آلشعر

 

[dla3_princess]

حبيبتي جررربي هالخلطه و بتدعييييييييييلي ان شاااءالله


2 م ك مايونيز

1 م ك روب

1 م ص عسل

1 م ص ماسك دوف للشعر التالف و الجاف

خلطيييييييييهم و حطيهم على شعررررج ساعه قبل السبووح و لبسي كاب \


نايلوون و بس تسبحي و شوووووووفي النعووومه بإذن الله


و انصحج بعد استخدمي زيت السمسم تراا وااايد ينعم الشعر

 

[ريـــم إلغـــلآ]

رد : ربي يوفقها ألي تدخل وتعطيني خلطه تنعم الشعر **

رفع

 

[NANA~]

رد : ربي يوفقها ألي تدخل وتعطيني خلطه تنعم الشعر **

يعطيكم ربي العوافي

والله يحقق اللي في بالكم يا رب

والله يخليه في ميزان حسناتكم ...

افدتوني والله يفيدكم بالدنيا باذن الله

 

[cutie44404]

up up

 

[شذى الحب]

اب
اب

 

[ام جرااح]

رفع لعيونج

 

[Dalol-7]

رد : ربي يوفقها ألي تدخل وتعطيني خلطه تنعم الشعر **

عندج المايونيز و الجوكلت و الطماط كله ينعم .. او تقدرين تسوين خلطه زيوت صبار و جرجير و جوز هند و اللوز و الخروع و زيت زيتون و الحيه بس الله يعيينج على الرييحه