رتن اي و دوكين لآثار حبوب بشرة الوجه .. استفسارين صغار بليز

[q8ia7]

السلام عليكم

كيفكون :eh_s(22):

بسأل اللي مجربه هالخلطه حق ويهها

انا الاخصائية اللي وصفت لي اياها .. قالت لي تخلينها على بشرتج 10 دقايق وبتتقشر .. وتعاليلي عقب اسبوعين

ماتقشر شي بس صوب تحت وجوانب الشفايف

.. رحت لها ولا تقول خلاص خليها عيل ربع ساعه وعقب غسليها .. واكيد هالجم يوم بتتقشر

كملت كملت جم يوم ماتقشر ويههي =( يعني تميت 3 اسابيع ويومين او ثلاث ايام بالضبط جان اوقف .. حسيت انها تشيّر هالاخصائية :// وخفت شفت صار تحت شفايفي غامج من التقشر .. قلت هذا ماقشر الآثار .. يعني مافادني الا ضرني وصارت تحت شفايفي المنطقه غامجه ..

اشوا لما وقفت عقب تقريبا اسبوع راح اللون الغامج


الحين سؤالي /

1/ اشوف البنات هني ينصحون بخلطة رتن اي ودوكين .. ويقولون خليها طول الليل على بشرتج وغسلي الصبح .. ما منها ضرر !؟! ليش عيل الاخصائية قالت لي (بما معناه) لا لا مو زين تخلينها اكثر من ربع ساعه ؟؟

2/ شكثر تاخذ وقت على ماتتقشر وتروح اثار الحبوب بويهي ؟ لأن انا تميت احطه تقريبا شهر الا شوي وما تقشر ويهي




سوري عالطواله

ومشكورين مقدما

 

[Killer^Girl]

انا دكتورتي تخليني احط مسحه بسيطه من الرتن اي مع كريم تفتيح بشره
واخليه طول الليل عادي
بس لازم احط معاه مضاد للالتهاب مثل الكوم

 

[الغضى]

أنا ما جربتها
بس أعرف وحدة كان فيها حبوب قاب وجهها متروس
وقالت بستخدم هالكريمين مع بعض لأنهم كريمات تقشير
تحطهم بالليل وتغسل الصبح وجهها تغير ماشاء الله تقريبا شهر ونص.

 

[q8ia7]

مشكوريييييييييين وايد حبايبي ما قصرتو

بشتريلي رتن اي ودوكين يدد وابدي فيهم انشالله وبحطهم طول الليل وانشالله تتقشر بشرتي ..

 

[{هتًان}]

شوفي الدوكين للتفتيح ​

والرتن اي مقشر قوي للبشرة ​

هالخلطه مجربتها من زمان بوصفة طبية من الجلدية صراحه روعه ​

تشيل البقع والآثار وتصفي البشرة والخلطة تنحط بالليل فقط والصبح لازم كريم حماية ​

ويبيلها صبر شوي عشان تشوفين النتيجة صح ​

​

 

[q8ia7]

مشكوووووووووره حبيبتي صح كلامج وانا وايد سامعه عنها ويمدحونها بس انا وقفتها لأن ماقشرت ويهي كلش فخفت وقطعتها

انا بعرف شكثر تاخذ وقت عشان تتقشر البشره ؟ يعني شهرين او اكثر ؟؟

 

[ورده !]

اممممممممممممممممم :eh_s(7): صراحه حبيبتي انا جربتهم واللي وصف لي اياهم دكتور عيسى بشور وصراحه اشكثر اشوف ناس تحسنت بشرتهم عليها وعيسى بشور اصلا معروف ما يوصف غير هالنوعيين من الكريمات وانا جربتهم تقريبا 3 شهور اول الايام ملتزمه لين مر تقريبا شهر وشي واحس ما تحسنت بشرتي ولا تقشرت بعد على قولتج عقب هديتها وما كملت بس صج اعرف بنات ملتزمين عليها وبشرتهم رووعه بس انا مشكلتي ابي الشي بسرعه لوووووووووووووووووول


وعلى طاري هالكريمات مره سألت الصيدلانيه عنها قالت لي هذول الكريمات يبيلهم كورسات يعنى ما تبين بشهر او شهرين هي تبين عالمدى البعيد ويبيلها طولت بال وهذا الشي مو عندي :eh_s(16):

 

[ورده !]

لوووووووووووووووووووووول شعور حلو حاطه الرد مرتين لوووووووووووووووووووووووووووووووووول

توهقت ما عرفت الغي وحده منهم

 

[لولو وكاتي]

انا توني مجربيه كريم تبيض مع تقشير ............... والله عجيب من 10 ايام يروح الكلف والاثار

 

[q8ia7]

مشكوريييييييييييييييييييييييييييييييييييييييييييييييييين وايد وايد ..

الورده اي الظاهر يبيلها صبر .. انتي اللي صارلج نفسي بالضبط .. انا خلاص بتعود عليها كل يوم مايبيلها شي وموصعبه عشان نتعيييز

لولو انا جربتها فوق 10 ايام ماكو فايده ,,

 

[عمري ولدي]

انا رفيجتي قالتلي عن الخلطه رتن اي وفيد اوت ودكوين فور واحطهم على أديني وريولي ويارب ينفع بس أخاف اجرب على ويهي *

 

[q8ia7]

^^

مشكوووره حبي .. اهوا الأحسن تروحين طبيب جلدية ويوصفلج اياهم .. بس انا مجربه من قبل رحت لأخصائية وعطتني اياهم بس ما استمريت ..

 

[دلوعه الكل]

مافي احسن من الرتن اي

يقشر حلوو

شوفي بالنسبه للتقشير على حسب الكميه مرات انا لما ازيد يتقشر بسرعه ولا اخفف يتقشر بطي

بنسبه لي

 

[q8ia7]

^^^^^^^


امممممممممممم .. مشكوره حبيبتي نجرب ونشوف

 

[&موناليزا&]

عزيزتي رفع لعيووووووووونج

 

[q8ia7]

مشكووووووره

اب

 

[يحبنى الله *]

ذكرتونى برتن أ مقطوط كم اسبوع وتحسست بشرتى يصير استخدمه مع ميبو ودى استخدم ميبو