رجيــــــمي عند الدكتور عبدالله المطوع

[banota]

قوة شلونكم بنات شخباركم
بحط لكم رجيمي عند عبدالله المطوع وانا بديت معاه من تاريخ 11-11-2007

طبعا يطلب تحليل دم وانا سويته بالمستوصف
لمن شاف التحليل قال كل شي اوكي
لكن عندج نسبة الحديد نازلة شوي ف راح اعطيج حبوب تشترينهم من الصيدلية علشان يقوي الحديد

نبدي الرجيم

الريوق قبل الساعة 9 يعني حدج الساعة 9 مو بعدها

حليب خالي الدسم مع 3 شابورة
او
حليب خالي الدسم مع 4 بسكوت ماري
او
حليب خالي الدسم مع 4-5 تمرات
او
حليب خالي الدسم مع كورن فليكس مال الرجيم فتنس الصغير


الضحى على الساعة 12

3-4 تمرات
او
1 فاكهة اي نوع
او
كاكاو وسط
او
تروبيكانا


الغدا

جيز برجر مع دايت او ماي
او
سلطة مع 1-2 همبرجر مع دايت او ماي
او
سلطة مع صدر دجاج مشوي مع دايت او ماي
او
سلطة مع تونه مع دايت او ماي
او
سلطة مع سيخ لحم مشوي مع دايت او ماي


المغرب على الساعة 5

عكس الضحى يعني ما تكررين اللي كليتية الضحى

العشا

روب خالي الدسم مع خيار و 2 كيوي
او
لبن خالي الدسم مع 2 فاكهة اي نوع ما عدااا الموز و المانجا
او
حليب خالي الدسم مع 4 بسكوت ماري
او
سلطة ماكدونالز سيزر او قاردن مع صلصلة لايت مع دايت

وقالي عندج يوم فرررررررررررررررري

وبس
اي سؤال انا حاظرة​

:bye22:

 

[jolie_q8]

بعرف جم وزنج طولج؟

أو جم المفروض تنزلين؟

وبالتوفيق والرجيم عجيب

 

[! بنت العاشره !]

يالتوفيق عقبال ما نبارك لج بالوزن المثالي بس بسالج ما عطاج اعشاب و ما عنده شئ يسد الشهيه لا ني تعبت

 

[banota]

بعرف جم وزنج طولج؟

أو جم المفروض تنزلين؟

وبالتوفيق والرجيم عجيب

طولي 160 المفروض انزل 15 كيلو
و مشكورة على المرور

 

[banota]

يالتوفيق عقبال ما نبارك لج بالوزن المثالي بس بسالج ما عطاج اعشاب و ما عنده شئ يسد الشهيه لا ني تعبت

مشكورة على المرور والله يسمع منج اوصل للوزن المثالي
عطاني اعشاب اهو مسويهم اشربهم عقب الغدا و عقب العشا
بالنسبة لسد الشهة ما عطاني شي
انتي جربي هالرجيم و مو خسرانة شي

 

[سمسميه]

بالتوفيق حبيبتي
عاد تدرين انا هاليومين قاعده افكر اروح له وعندي جم سؤال اذا تسمحين
الاعشاب عباره عن شنو؟ وشنو فايدتهم؟
جم رقم عيادته؟
وشنو التحاليل الي طلبهم؟
وجم دفعتي؟
وسامحينا على كثرة الاسئله

 

[jolie_q8]

طولي 160 المفروض انزل 15 كيلو
و مشكورة على المرور

حلو حلو ..تقريبا نفس الوزن اللي ابيه

ان شاءالله تنزلين بصحه وعافيه

ومتابعينج

 

[nice smile]

يالله ان شاءالله توصلين للوزن المطلوب


وهالله هالله بالاعشاب اللي عنده تره زينه وصج تضعف ..

انا اختي كانت تراجع عنده وماشاءالله الحين اهي اضعف مني ..

 

[حصة]

انزين انتي كتبتي انج بادية معاه من تاريخ 11-11 يعني الحين صارلج اسبوعين جم نزلتي عليه بهل اسبوعين ....؟ وشنو اهما الاعشاب..؟

 

[&رعبوووبه&]

ابي عنوان العياده او رقم التلفون الله يعافيج
ويارب تضعفين وتصيرين مانيكان

 

[banota]

بالتوفيق حبيبتي
عاد تدرين انا هاليومين قاعده افكر اروح له وعندي جم سؤال اذا تسمحين
الاعشاب عباره عن شنو؟ وشنو فايدتهم؟
جم رقم عيادته؟
وشنو التحاليل الي طلبهم؟
وجم دفعتي؟
وسامحينا على كثرة الاسئله

مشكورة
الاعشاب ما ادري من شنو لانها مطحونه وشنو فايدتها انها تمشي البطن
وهذا رقم عيادته 3720710 لازم دقين و تحطين موعد
طلب منى تحليل دم اسمة cbc
انتي روحي المستوصف و قولي لهم ابي تحليل مال رجيم اهميا يعرفون
دفعت 15 فتح ملف + 10 تحليل الدهون والسوائل اللي بالجسم

والاعشاب الجيس ب 5 دنانير والجيس الواحد يكفي اسبوعين
بس انا خذيت جيسين ما كنت ادري ان الواحد يكفي

 

[banota]

انزين انتي كتبتي انج بادية معاه من تاريخ 11-11 يعني الحين صارلج اسبوعين جم نزلتي عليه بهل اسبوعين ....؟ وشنو اهما الاعشاب..؟

نزلت تقريبا 3 كيلوات وعلى ما اي موعدي راح يكون نازلة 4 كيلو لان موعدي تاريخ 25-11-2007
وبصراحة زين لان انا ما ابي انزل بسرعة ابيه بطئ
وبالنسبة للاعشاب ما ادري شنو لانها مطحونه

 

[banota]

ابي عنوان العياده او رقم التلفون الله يعافيج
ويارب تضعفين وتصيرين مانيكان

العنوان
المنقف عمارة الهبدان
على الشريط الساحلي

وهذا رقمهم
3720710
الله يسمع منج واصير منكان

 

[$$مذهلة$$]

خوووش رجيم

بعد اذنج بطبقه من باجر عل وعسى اضعف لاني وايد امشي على رجيمات اشكال والوان ولا يتغير وزني

يمكن على هذا لانه سهل ولا احب العباله والوصفات الغريبه

مشكووووووووووووووووووورة

 

[xxx]

مشكوووووورة على الرجيم

عسى الله يوفقج

متابعينج

 

[banota]

خوووش رجيم

بعد اذنج بطبقه من باجر عل وعسى اضعف لاني وايد امشي على رجيمات اشكال والوان ولا يتغير وزني

يمكن على هذا لانه سهل ولا احب العباله والوصفات الغريبه

مشكووووووووووووووووووورة

انشالله تضعفين

 

[تاجي الفضيلة]

الله يوفقج ويضعفج

 

[q8yah]

ماقالج سوي رياضة ولا امشي؟ ومتوقعلج متى تنزلين ؟

 

[JellyBelly]

عطاج يوم اوف؟

 

[banota]

ماقالج سوي رياضة ولا امشي؟ ومتوقعلج متى تنزلين ؟

لا ما قالي سوي رياضة
ومتوقع انزل من 3 الى 5 بالاسبوع الاول