رجيمــ من طالب الشمري...

[nono78]

مشاركة: رجيمــ من طالب الشمري...

والله الرجيم حلو

الله وفقج ويارب تنزلين وانتي بصحتج وعافيتج

وبشرينا بالنتايج

ترا كلنا رجيم وتخفيف ومشي

يعني لا تحسين بالوحده هههههه

 

[PearL]

مشاركة: رجيمــ من طالب الشمري...

والله خوووش فكره متى تبلشووون... ليش سابرينا شنو وظيفتج؟؟

 

[المرفأ~~]

مشاركة: رجيمــ من طالب الشمري...

هلاااا بنااات...

مستشاره قانونيه ..اي انا استغربت من الشابوره...معتمد عليها حيل بالرجيم..
الله اعلم شنو السر...وهذا اللي خلاني اروحله ثبات الوزن ..
مليت اذا سويت رجيم ثبت واذا اكلت زاد..؟مو معقوله ..

وان شاءالله لما اروح للمراجعه راح اكتب النتيجه((صار امتحان))ههههههه

تفووخ المراجعه المفروض بتاريخ 22 انا اللي كنت قايله ابي بعد 10 ايام
بس عشاني مخربطه بروح لما اكمل اسبوعين يعني بتاريخ25

nono78..معاناة مشتركه هههههههههه
وان شاءالله راح ابلغكم..

PearL..شكلج مضيعه هههههههه

تصدقون توقعت الرجيم فيه اكل بس لما تاكون راح تحسون انه قليل..؟؟
وحياااكم الله..

 

[^^دموع الكويت^^]

مشاركة: رجيمــ من طالب الشمري...

مشكورة على الرجيم


الحال من بعضه نسوي رجيم ونرجع نخربط



بغيت اسألج اشلون بالنسبة للشكر انا ما احب شكر الرجيم ما احبه ؟؟؟؟

 

[الملكيييية]

مشاركة: رجيمــ من طالب الشمري...

انا بادية اليوم رجيم

التمرررررر


خمس تمرات اول ماقعد من النوم مع 2كاس ماي


والغداء احاول الدخل فيه شابورة مادام نصحج فيها الدكتور احس شوي تشبع


ورجيمي يعتمد على التمر15حبة تمر وانتي وزعيها على اليوم


بس راح ادخل فيها الشابورة

والله يساعدني ويساعدج على خسارة الوزن الزايد

انا وزني57

مو راضي يتحرك

 

[المرفأ~~]

مشاركة: رجيمــ من طالب الشمري...

دموع لاشكر على واجب..
والحال من بعضه انا ماحب سكر الرجيم..وقالي عادي ((من الاساس ماقالي استخدمي سكر رجيم..
..بس انا استخدم سكر اسمر
ترى مافيه فرق بينهم..حتى اختي جربت تستخدم سكر اسمر وقالت نفسه..
وهوا قالي عااادي سكر اسمر او ابيض ...

الملكييييه...رجيم اللبن والتمر اظن مايصير تدخلين فيه شابوره..
انا رجيمي يعتمد اكثر شي على الشابوره ومافيه ولاحبة تمر..
جربي يومين تدخلين شابوره اذا شفتي وزنج مانزل
ابعديها عن رجيمج..
وان شاءالله نضعف واحنا بصحه وعافيه..

حياكم الله

 

[جاي وحليب]

مشاركة: رجيمــ من طالب الشمري...

ها رفووءه >>يعني مدلعتج ..

شلون الرجيم معاج والنتاااايج ؟؟

ترا كلنا رجيم وتخفيف ومشي

يعني لا تحسين بالوحده هههههه

اي لا تحسين بالوحده ابددد ترى كلنا معاج رجيم ..

>>وانا بعد اروح عند طالب ..

 

[المرفأ~~]

مشاركة: رجيمــ من طالب الشمري...

جاي حليب تصدقين رحت قلت يمكن استممر اخر شي
كل يوم والثاني مخربطه..ههههههه

بس بستمر من اليوم لمدة 10 ايام وبروح ان شاءالله..

وشلون طالب معاج..؟؟

 

[جاي وحليب]

مشاركة: رجيمــ من طالب الشمري...

هلا والله ..

خل اقولج الفصه من اولها لي اخرها لوول


شوفي الله يسلمج .. انا واختي اعييّز الله يطول بعمرها ..

رحنا حق طالب .. اول اسبوعين انا كنت مشتطه واحسن شي اول مره لان تنزلين ابسرعه وتكونين مشتطه وملتزمه بالكلام اللي بالورقه عدل..
فـ اول اسبوعين نزلت 6 كيلو

والمراجعه اللي عقب نزلت 1 كيلو .. واهني زفني الدكتور وقالنا ماكو وجبات فري انتو الظاهر ما تنعطون ويه

يعني لي اهني صارلي شهر... اوكي؟

وبعدها باسبوعين نزلت 2.5


يعني المجمووووع 9.5 ,,, بشهر ونص ... ياسلااااااااام


والحلوين جاي وحليب واعييز سوو دعايه في هالفتره وواختهم بعد راحت وياهم ورفيجتهم بعد لوول


عقب جاااان يحوشنا داااااااااء التخربط!!!

الله وكيلج من العيييد واحنا مخربيين يعني شهر وشوي ... وانا اليوم وزنت الصبح وظاااق خلقي لاني زايده كيلووين ونص من اللي ضعفتهم

يعني مجموع اللي نزلته الحين صار 7 كيلو يعني نقص ...

بس من اليوم احترمت نفسي وقلت لازم اصير آدميه انا واختي اعييز وماشين على الرجيم باذن الله ...

لا واهم شي لي صار التخربط نخربط جماااعي ... وحده تشيش الثانيه ... اعييز تقولي خربي معااي ماابي اخرب ابروحي .. لوول



وخللللصت القصه ... يعني الزبده ان صارلنا شهر مو رايحين ... وناوين نروح مره ثانيه بس خل ننزل اللي متنااااه علشان لا يزفنا..

لان عليييه تعليقاااات عجييييبه ...

يعني اول زياره لما وقفت على الميزان الطبيب طق على راسه يعني قمة التحبيييط
وكلا يقولي يالبطه ..

 

[جاي وحليب]

مشاركة: رجيمــ من طالب الشمري...

وانتي شنو مغامراتج اثناء الرجيم ..؟

 

[المرفأ~~]

مشاركة: رجيمــ من طالب الشمري...

انا عددي وخربطي.....

بس البدايه الصجيه كانت من شهر 7..
بديت اول شي برجيم يوسف بوعباس وكنت رايحتله من فتره طويله ..فعارفه الرجيم عدل..
جربت تقريبا باسبوعين نزلت كيلو وخرده..؟؟؟وكنت ملتزمه ماخربط
معن اول مابديت فيه النزول كان حلو...

بعدها بديت برجيمات مختلفه انصحتني اختي بالكيميائي وماحبيته كنت
استغفرالله كارهه اللحم والدجاج من رجيم يوسف ..

المهم باختصاار وزني ثابت لحد شهر9 والحمدلله انحلت العقده وبدا ينزل..
نزلت من التسعينات لحد الثماننات..((سر وزني لاتعلمين فيه))ههههههه
والحمدلله كنت مستانسه حيييييييييل اني دخلت بالثمانينات ..
دخل علينا رمضان الله يعيده وعلى المسلمين..
اول شي قمة التخربط فرد وزني زاد كيلوين ..
سويت رجيم وكنت اخربط باخر اسبوعين برمضان خبرج
ابي شي كبري المهم بعد العيد شفت نفسي الا نازله 4 كيلو..
الحمدلله ..بعدها وزني قام ينزل كيلو او اثنين..لحد ماوصلت 84
او 85 ..تالي قست الا الصاعقه وزني صار 88
ومن رجيم لرجيم وفيه ايام اخربط صرت 82ونص واااااااو كنت حدي مستانسه
وجك بم مدري اشصار فيني قمت لو ما اكل ما انزل واللي صج خلاني احبط
سويت كيميائي وقست وزني الا نازل 2 كيلو بخمس ايام
استانست خرط يومين مو اكثر مو اليوم كامل الاااااا المأساااااااااااااااااة
وزني 85 هني عاااد قلت بروووح لطالب رحت
ولحد الحين مو قادره امسك رجيمه..
الله يعين..

طبعا تكلمت عن هالفتره من شهر 7 ولا ترى من قبل كنت ابدى واترك الرجيم ..
وهذي سالفتي

 

[المرفأ~~]

مشاركة: رجيمــ من طالب الشمري...

وماشاءالله لااله الا الله نزولج اول مره كان حلو...

الله يهنيج فيه وعسى نتخلص من هالوزن الزايد...

تصدقين مرات اقول لايكون عين خخخخخخخخخ

وكثير قالولي ضعفااانه..من بنات الكليه ومن الاهل
بس البنات والله يشجعون اما الاهل اقصد اللي يقربولج
مدري شكو فيج...؟؟يطالعون فيج وجنهم ودهم يذبحونج خخخخخخخخخ
مرت خالي جتنا بالعيد وتحسين انصدمت يوم شافتني شمسويه شمسويه رايحه..؟؟
معن مدري هالوزن ورايحه خخخخخخخخخخخ

وتالي جتنا معاها بناتها وتقول شفتووو..ماقلتلكم انها ضعفانه
ضايعه في ملابسها خخخخخخخخخخخخخخخ استغفرالله بسسسسس ..

 

[جاي وحليب]

مشاركة: رجيمــ من طالب الشمري...

لوووول ..

اييه يا وخيتي لا تستغربين من عيون الاوادم يمكن ليش لا...

انا كنت محاربه الميزان لوول .. بس عقب سفرة الصيف وصلت وزن مو طبييييييييعي

وبس وزنت تحطمت ... وقررت ابدي رجيم ... وبس هذا انا بس لاحظت نفسي التزم عدل بوقت الدوام .. وبالعطله اخربط حددددي ..

الله يهنيج فيه وعسى نتخلص من هالوزن الزايد...

آمييييييييييييييين

 

[المرفأ~~]

مشاركة: رجيمــ من طالب الشمري...

انتي بأي عالم ههههههههههههههههه ابيخ سؤال

 

[جاي وحليب]

مشاركة: رجيمــ من طالب الشمري...

شنو بأي عالم ؟

خبرج بعد الـ 12 مخنا يوقف عن التفكير

 

[المرفأ~~]

مشاركة: رجيمــ من طالب الشمري...

هههههههه
يعني وزنج بالسبعينات او الثمانينات او التسعينات..؟؟

>>شغاله تاليف ههههه

 

[جاي وحليب]

مشاركة: رجيمــ من طالب الشمري...

اوووه يالمرفأ لازم السؤااال المحرج ...


اناااا الله يسلمج انا كنت بعالم الواحد ويمه نقطتين !


بس الحين الحمدلله رقم تسعه ويمه خمسه لوووول


وانشالله نوصل لي عالم الثمانيناااااااات والسبعييينااااااااات ... بس مابي اقل راضيه بالسبعين لوول

 

[المرفأ~~]

مشاركة: رجيمــ من طالب الشمري...

جاي وحليب قلتلج ابيخ سؤال خخخخخخخخخخخخخخ

وان شاءالله تواصلين لعالم الثمانينات....
وانا والله نفس حالتج ميته على السبعينات
لو 79و900 غرام خخخخخخخ

 

[جاي وحليب]

مشاركة: رجيمــ من طالب الشمري...

لوول .. اي اهوا اهم شي كسر الصفر..

بس انتي لو اتعوذين من ابليس وماتخربطييين .. جان الله يفكج ..

بس تدرين خلي احد وياج بالبيت يشجعج يسوي وياج ... اختج او اي احد .. وتابعيها نشبي ابلعومها لوول علشان حتى اهيا تسويلج جذي..

تشجيع والله

 

[المرفأ~~]

مشاركة: رجيمــ من طالب الشمري...

اعوذ بالله من الشيطان يوسوس للواحد ..
بس ان شاءالله اليوم التزم عدل...

وخلاص بعد لازم اتادب بشوف 10 ايام او اكثر وبروح..
اليوم باديه رجيم عددل والحمدلله...

معاي اختي تسوي رجيم بس كيميائي ماشاءالله فاد معاها