(( رجيمنا بمزاجنا ))

[kwt.2012]

السلام عليكم يالرشيقات

طبعا هني بيكون تجمعنا وكل يوميتنا وكل شيء وحتى اخبارنا باليوم م وشرط كله رجيم برجيم نقدر نسولف عن الدراسه عن المكياج السوق أي شيء نرفه عن نفسنا مع موضوعنا الاساسي الرجيم 


قروبنا اسمه (( رجيمنا بمزاجنا )) لان ماراح يكون لنا نظام معين وكل وحده ومزاجها


الرشيقات اللي فيه :


نمله . دهن عداني . نهاية غلاك . انا كويت . فرفوقه

والحين اترك لكم المجال كل وحده تحط وزنها وطولها وجم تبي توصل
وشلون بيكون نظامها

نبدا نتعرف على بعض من اليوم ومن باجر كل وحده تقولنا شصار معاها شنو كلت شعورها . شنو مجهودها وهالاشياء اللي اتفقنا عليها من قبل 


ويعذروني خواتي اللي ماقدروا يشاركون لان مانبي نزيد العدد ويصير حوسه ونصهم يسكبون 

ناطرتكم يارشيقات المستقبل 

 

[نمله سيلانيه]

اول شى احب اهنيكم ع التجمع رجيمنا بمزاجنا خووش موضوع

وهذا بوكيهـ حق صآحبه الفكره رجيمنآ بمزآجنــا :aha:

عسى الله يخفف عننا بصحه وعاافيــــهـ يآرب

يآسلآم المآيكـ بآيدي .........,

احممممم

انا وزني 63.300 بس كان اول يوم الدوره فقآلت امي ان لما تجينا يزيد الوزن :eh_s(10):
فاتوقع اني 62

ومن زمان حابه فكره اني اكون ويآ قروبـ وودي وانشآءالله راح اوصل لل 50 واكون قدها وماتنحاش الاراده كالعاده :rgewrg:

واجي الكليه نص شهر 3 وبيقولون شهالرشآقه خخخخخ ->> خيآلها واسع

اي وطولي 158 بناات انا امشى بالممرات بالبيت بدون لاحس بالوقت اكون حاطه ببالى بمشى ساعه بس فجاه الاقى نفسى ماششيه ساعه ونص
بطريقه وحده توقعووو شنوووووووووو ..........؟! :weight_lift: (

 

[kwt.2012]

انا ببدا :

اسمي كويت
وزني :58 ( بتقولون لي زين لا مو زين انا كنت 48 اول ماسويت رجيم قبل سنه وكل مالي وازيد )
طولي :154 (قزومه )
عمري 20 ( بجامعه الكويت سنه ثالثه << محد سألج هههههههه )
ابي اوصل 48 واكون بيرفكت


نظامي راح يكون كالاتي :

عالريج : كوبين ماي مع عصير نص ليمونه بالكوبين
الريوق : 3 تمرات ( لان ال3تمرات فيها كل المعادن اللي يحتاجها الجسم باليوم ) + اعشاب ( زنجبيل ودارسين وشمر : لان بشد جسمي ومو راضي يشد )

الظهر : ماي
الغدا : صحن متروس سلطه وعليه قفشه بذور كتان لان يقولون تضعف + جكن او سمج او فطر وخضار سوتيه على حسب مزاجي كل يوم اغير ومرات اتشرط واطلب مطعم بس طبعا بدون عيش وخبز

المغرب : اعشاب + ماي (( الاعشاب بروحه تسد النفس لي اليل )

عالساعه 6 روب خالي الدسم او حليب خالي الدسم مع خياره او جم ورقه خس

عالساعه 6 لي ال7 رياضه عالغزال الطائر وبعدها احوس بالبيت او امشي هم ساعه

وباجي الليل يا ماي يا جاي اخضر وسلامتكم

هذا نظامي اللي سويته قبل سنه ونزلت 20 كيلو برد الحين اسويه ونشووف شيطلع معانا

اي وان ااكل حبوب مالتي فايتمن عشان ماينقصني فيتامينات واعوض النقص بجسمي ..
والحين ناطرتكم
المكرفون للي بعدي

 

[kwt.2012]

نمله سبقتيني
بس يلا تمونين

اكيد تسولفين بالتلفون ؟ صح ؟

انا امشي ساعه كامله بس احط هدفون واسمع اغاني بس الحين مابي اغاني شتنصحوني احط ؟

لاحد يقول اناشيد لانه تنوم وانا اابي شيء نقازي

 

[نمله سيلانيه]

لآوالله اشغل مرينا اف ام ونآآآآآسه اندمج بسوالفهم طبعاا ايام الكليه احب اسمعهم بالطريق يقطع على الوقت وماحس بالسواقه

لان طريق كليتي ساعه كامله :eh_s(2):

عاد هاليومين اشغله وبالممر رايحـه رآده وناسه اصلا سوآلفهــم تونس وضحك من 7 ونص لى 10 برنآمجهم الله يجزآهم خير :eh_s(21):

اي انآشيد ماتقطع الوقت بس لما تندمجين مع برنآمج احلآ ماتحسين بالتعب :rerrerek:
عاد اعرف وحده حيل نزلت كانت تمشى 3 ساعات تقول اول ماقوم والمغرب وقبل مانآم

احس لو اسويها ضاع يومـــــي :eh_s(10):

بس مرينا اف ام شى ..........., وانتي شتسوين لما تمشين كويت

 

[نمله سيلانيه]

انآ من اسباب اصراري اني ودي اضعف الحين لان بالكليه اخواااااااره ومطاعم ولازم ازيد كيلوين ولا ثلاثه فعلى الاقل اصير 50بعد الرجيم بإذن الله وبالكليه لما ازيد الخمسه كيلو لما اخورها واصير 55 ماتحسف عليهم وماكون حيل زاد وزني

بس هم بعد مراح اصير 55 وراح احطلى حدود بالاكل يلآبنآت نبي نسمع بآقى القروب لاني شكلى ان تكلمت مراح اسكت

 

[kwt.2012]

اي والل صاجه الكليه بس اكل معني نفرفر بس الاكل اكثر من الفره

والله حلو بسمع المرينا خلاص

ان الما امشي احط اغاني ريمكسات ودي جي واحس كل ماكانت الاغنيه نقازي امشي اسرع هههههه

انا ودي 48 عشان بالكليه لو زدت اكون 50 ولا 52 هم زين

يلا انشالله نضعف بصحه وعافيه

وين باجي البنات اختفوا
الموقع حيل يعلق

 

[kwt.2012]

تعال نمول ماسالتج شنو بيكون نظامج غير المشيء ؟
مافكرتي بماي الزعتر كل البنات يمدحونه قريت عنه موضوع شطوله
ودي اجربه شرايج ؟

 

[بريئه]

بناات متى دوام الكليات ؟؟

 

[kwt.2012]

ههههههههه اختي حدج برئيه اسم على مسمى

الدوام كليات جامعه الكويت تاريخ 21-2 بنداوم اسبوع وبعدها عطله العيد الوطني

وحياج الله

 

[نمله سيلانيه]

ياحظي لاناويه الكورس الجاي اشرب عصير برتقال انناس معلب ولو خرتها بالكليه والاكل ماقدر اقاومه مراح اتغدا وبتعشا روب او سلطه عشا خفيف

اي حياتي ماى الزعتر ادري زين بس تدرين الحواج صدمه وربي صدمه

الحين بقول لكم السالفه شوفى مدحو كريم الزنجبيل بموضوع بقسم السمنه اهني قالو تدهنين جسمج بالكريم وفوقه نايلون وتمشين ساعه بتحسين بالماي يطلع

تصوري بنات قالو حسينا حرااااره المره الثانيه ماكو حراره هل جسمنا تفاعل ولا شنو
وبنات قالو من اول مره ماحسينا بحراره
وبنات قالو وبنات قالو

رحت امس للحواج قلت بشتري هالكريم الى يمدحونه
اخرتها طلع ملموس بايد قلت له لا لا ابي ثاني جابلى ثاني غاامج غير عن لون الاول
وللعلم لونه اخضر قلت لاخرباان عطني ثالث الثالث تصوري :rgewrg:
ريحته تهف ريحه معطر مونفس ريحه الاول والثاني قلت لازم اشوف شركته واشوف الا ماكو اسم شركه كلش ولادوله
ناس يروجونه للحواجين ويبون يخلون مسؤوليتهم قلت عطني الزعتر واشوف الا ماكو بعد اسم شركه
قلت له شالسالفه ؟؟ قال من السعوديه هاذيل قلت وين اسم الشركه :eh_s(10):
عقبها قالت امي امشى نشتري زنجبيل فريش من الجمعيه نحط معاه زيت زيتون احسن واضمن واقوى لانه فريش عرفتي

فانا خفت من سالفه الحواج يختي كل شى ماكو شركه وماكو مكان الصنع مادري
صرت اشرب شاي اخضر واحط وياه كمون وزنجبيل ونعناع قالو حيييل يضعف وهم قبل الوجبات شومر وروب ونخاله
يضعفون لان الروب يحرق الدهون والنخاله تحسسج بالشبع النخاله ترا حلوه اكلات الرجيم الى بالجمعيه كلها نخاله
تحسسج انج شبعاانه :rerrerek:

وانتو شرايكم بالموضوع :eh_s(10):

 

[نمله سيلانيه]

بريئه الكليات دوامها حسب كليتج

احنا كليتنا التربيه الاساسيه نداوم نص 3

والله دلع هالكليه عطلنا اول الناس ونداوم اخر الناس على قوله خواتي منقهرين هذى مقولتهم تعطلون اول الناس وتداومون اخر الناس ههههههههههههههههههههه :eh_s(10):

 

[بريئه]

احنا حقوق 14_2 :s بس عطلة الصيف احنا اول نااس انعطل :]

موفقيييين ان شاء الله توصلوون للي تبووونه

 

[kwt.2012]

ياحظي لاناويه الكورس الجاي اشرب عصير برتقال انناس معلب ولو خرتها بالكليه والاكل ماقدر اقاومه مراح اتغدا وبتعشا روب او سلطه عشا خفيف

اي حياتي ماى الزعتر ادري زين بس تدرين الحواج صدمه وربي صدمه

الحين بقول لكم السالفه شوفى مدحو كريم الزنجبيل بموضوع بقسم السمنه اهني قالو تدهنين جسمج بالكريم وفوقه نايلون وتمشين ساعه بتحسين بالماي يطلع

تصوري بنات قالو حسينا حرااااره المره الثانيه ماكو حراره هل جسمنا تفاعل ولا شنو
وبنات قالو من اول مره ماحسينا بحراره
وبنات قالو وبنات قالو

رحت امس للحواج قلت بشتري هالكريم الى يمدحونه :d
اخرتها طلع ملموس بايد قلت له لا لا ابي ثاني جابلى ثاني غاامج غير عن لون الاول
وللعلم لونه اخضر قلت لاخرباان عطني ثالث الثالث تصوري :rgewrg:
ريحته تهف ريحه معطر مونفس ريحه الاول والثاني قلت لازم اشوف شركته واشوف الا ماكو اسم شركه كلش ولادوله
ناس يروجونه للحواجين ويبون يخلون مسؤوليتهم قلت عطني الزعتر واشوف الا ماكو بعد اسم شركه
قلت له شالسالفه ؟؟ قال من السعوديه هاذيل قلت وين اسم الشركه :eh_s(10):
عقبها قالت امي امشى نشتري زنجبيل فريش من الجمعيه نحط معاه زيت زيتون احسن واضمن واقوى لانه فريش عرفتي

فانا خفت من سالفه الحواج يختي كل شى ماكو شركه وماكو مكان الصنع مادري
صرت اشرب شاي اخضر واحط وياه كمون وزنجبيل ونعناع قالو حيييل يضعف وهم قبل الوجبات شومر وروب ونخاله
يضعفون لان الروب يحرق الدهون والنخاله تحسسج بالشبع النخاله ترا حلوه اكلات الرجيم الى بالجمعيه كلها نخاله
تحسسج انج شبعاانه :rerrerek:

وانتو شرايكم بالموضوع :eh_s(10):

ي والله صاجه بس ماي الزعتر اقصد م وزعتر بروحه
ماي الزعتر في له شركات واحد بحريني وواحد بحريني في موضوع هني وحده حاطه صورته بطل اخضر وشركه الكامل انشالله بروح اشتريه واجربه
وكيم الزنجبيل اللي سمعته بجواج بو سعيد هو اللي يمدحونه
بس اذا تبين انتي تسوينه في وحده هني بالمنتدى كاتبيه الطريقه اسمها سعوديه بينكم وموضوعها تبين تشدين جسمج .. عاد شوفي الظريقه وسويها اظمن لج

والعصير شلج بالمعلب كل سكر ومواد حافظه بدال لايضعفج بيزيدج
جربي الاناناس فرش احلا


وبالتوفيق

 

[دهن عداني 1]

انا وياكم مو تنسوني كويتية اوكييييك
الاسم : دهن عداني
العمر :20 سنة
الطول :163
الوزن : 87.1 هذا قبل تقريبا اسبوع من خذيت وزني لان بلشت رجيم انا من اسبوع تقريبا

الاهداف :
الاول : 80
الثاني : 77

 

[دهن عداني 1]

احنا حقوق 14_2 :s بس عطلة الصيف احنا اول نااس انعطل :]

موفقيييين ان شاء الله توصلوون للي تبووونه

حتى انا بعد بالحقووق ... ونااااسة طلعنا معارف ( شكوووو )

 

[دهن عداني 1]

اوووووووووووووووف انا امتن وحدة فيكم بواايد حمدوووو ربكم على اجسامكم ... من صجكم

المهم انا اختي توها طالبة من مطعم وانا منحكرة بداري علشان ما اشم ريحة الاكل وحاطة حيلي بالعلج .... صرت جني ماني قايلة

 

[نمله سيلانيه]

هههههههههههههههههههه

يحلوج حتى انا اختي عصله وطالبه بس ماجا مطعمها وتتطنز تقول ابي ادش وياكم قروب البطات تتطنز السخيفه

انا كنت بالمجمع السخيف البايخ لى عند بيتنا البيرق وريحه المطاعم تهففففففففف وبغيت اخورها بس مسكت نفسى :sfg:
الحمدلله وبعد شوي بقط راسى انام ع جوع احسن احس اني مرتاااااحه ع الاقل :eh_s(22):

بنات انا جبت ورقه وكتبت فوق السبت الاحد الاثنين الثلثاء الاربعا الخميس الجمعه وفوق اكتبو اليوم الاكل النشاطات

يعني الاكل اكتبي كل شى كليتيه هاليوم كل شى والنشاطات مثلا مشيتي او رياضه خصر او قاري اهم شى قاري لاني امس ساعه ع قاري اختي الى بالمتوسطا وناسه اطالع التلفزيون واحوس بالصاله ساعه كامله

انا سويت من هالورقه 4 اوراق حق شهر كامل كل ورقه حق اسبوع وكل اسبوعين اقيس شرايكم بالفكره :eh_s(9):

ووين البنات الباقين هاااااا :23_asmilies-com:
:bye22:

 

[دهن عداني 1]

والله خوش فكرة نمنم .. يعني ادلعج لووول ...

بس ما احب اقيد نفسي بجدول انا اسوي كل الرياضات بوقت واحد يعني ربع ساعة مشي وربع ساعة تمارين معدة وعضلات وربع ساعة ا رقص هندي ولا اجنبي و ربع ساعة قاري

كله على بعضووو ما اجامل

 

[دهن عداني 1]

علشان اذا اضعفت ارادتج دشي هالموقع الاجنبي وشوفي الناس شلوون تضعف جنه منتدى دشي على واحد واحد
http://www.southbeach-diet-plan.com/forum/viewforum.php?f=11