رجيمي .. انا الحامل البطة ! (محمد ربيع)

[حياة ريلي]

صبحكم الله بالخير يا بطات اليوم و رشيقات المستقبل
بعد طول عناء مع وزني قررت اني اروح للدكتور محمد ربيع عشان ينزلني
انا حامل باخر الخامس
الوزن اول الحمل 77
الوزن عنده 88.5
الطول 181 سم
العمر 27
طبعا قالي بنزلج لي 80 و نثبت لي الولادة و بالولادة تقطين حوالي 7 كيلو ( اشك الصراحه ) تصيرين 73 يعني قمة الرشاقة

النظام :
الافطار
5 تمرات و حليب نسكافيه مع قفشة صغيرة شكر
الضحى
تفاحة خضرا و بعدها بساعه او اكثر 5 تمرات
الغداء
سمكة مشوية + سلطة + ربع خبزة
1-2 صدر دجاج مشوي + ملوخية + 4 قفاش عيش
3 قطع لحم + طبق فاصوليا+ ربع خبزة
طبق خضار مسلوقه + سلطة + روب
و يكرر
المغرب
5 تمرات و شاي او 2 حبة فاكهة
العشاء
2 توست+ جبن و بيض مع بعض+ سلطة
قبل النوم
عصير كيوي و اناناس

قالي المفروض تنزلين هالاسبوع كيلوين عالاقل
يالله منو معاااااي

 

[ام حمد 85]

الله يوفقج وتنزلين وزنج اب صحة وعافيه

 

[aady]

عفوا
شلون يعطيج اناناس
انتى حامل مو زين ع البيبي

 

[بـ سـ كـ وتـ ة]

عفوا
شلون يعطيج اناناس
انتى حامل مو زين ع البيبي

حبيبذا كلام حريم مو كلام علمي

بأمريكا ينصحون الحامل تاكل كل يوم كوب أناناس فريش عشان تاخذ حصتها من فيتامين سي

اكليه وانتي مطمنة ... الحمدلله بحملي من أول شهر لين ولدت متى ما اشتهيت أناناس كليت

وكاهي بنيتي اسم الله عليها ما فيها إلا العافية

 

[لياحه بنت لواح]

الله يتمم حملج وتضعفين

 

[حياة ريلي]

بسكوتة كلامج صحيح
عادي انا من حملت و انا اكله تقريبا يوميا و فرش بعد و ما فيني شي
اليوم كله التزمت الحمد لله ما خربطت لاني ما يعت وايد
بس كنت بخرب قبل الغدا لاني كنت يوعانة

 

[فجر_الكويت]

رفع لعيونج

 

[ṦάЯỢηά ĚŁђĻώạ]

انشالله تنزلين بصحة وعافية يارب

 

[حياة ريلي]

مشكورين كلكم

 

[exanon]

ان شاء الله تحققي حلمك بالرشاقة و ينزل وزنك وانت في صحة وعافية

 

[يا كويتنا]

الله يقومج بالسلامه


واتصيرين ملييييكااان

 

[حياة ريلي]

شكرا للي ردوا
نتايج هالاسبوع :
طبعا انا التزمت خمس ايام و اخر يومين كنت مسافرة الخبر فبدعت بالتخربط و كنت خايفة اروح مو نازله شي او زايدة
اعترفت للطبيب قبل لا اوزن و قالي اذا مو نازله كيلوين راح احجزج هني ٤٨ ساعه ( ينكت الاخ )
قلت له مستحيييييييل اكون نازله كيلوين
وقفت عالميزان و قالي انتي شوفي بعينج كم
طالعت ولا







٨٦.٥

نازلة كيلوييييييييييين هياااااااااا
و عطاني هالنظام الثاني

 

[حياة ريلي]

الريوق :
٢ توست + ٢ بيضة + خضار + شاي

الضحى :
٣ تمرات و نسكافيه بالحليب + ملعقة سكر

الغدا :
سمكة مشوية + سلطة + نص خبزة خفيفه
١-٢ صدر دجاج + ملوخية او شوربة + نص خبزه
سمكة مشوية + سلطة + نص خبزة خفيفه
٢-٣ قطعه لحم + سبانخ + سلطة+ نص خبزة
و يكرر

المغرب :
١-٢ حبة فاكهة
او ٣-٥ تمرات + قهوة او شاي

العشاء:
صمونه او نص خبزة خفيفة او ٢ توست + بيضة و قطعة جبن / لبنة و زعتر و ٥ زيتونات/ جبن مع مرتديلا او تيركي+ سلطة



الملاحظات : الغدا يوم و ترك سمك و النظام فيه بيض وايد عشان بالشهر السادس البيبي يحتاج اوميجا حق المخ
العشاء يكون اختيار واحد من الخبز و اختيار واحد من الحشوات و السلطة
اذا حسيت باليوع بالليل اكل حبة فاكهة وحدة
هذا النظام المفروض ينزلني كيلو و نص هالاسبوع و طبعا حق الحامل هذا وااااايد زين

ملاحظة خاصة لاعداء نزول الوزن اثناء الحمل سويت سونار قبل مراجعتي معاه بيوم و قالتلي الطبيبه البيبي اكبر من حجمه باسبوع يعني الحمد لله قاعد يتغذى

 

[aady]

ابيه حتى انا الدكتور قالى نفس الحجي و قالى لازم تخففين الاكل
مع انى ما اكل وأيد و احوس وأيد مع اليهال و فى الدوام

 

[حياة ريلي]

عادي انا ما اكل وايد كلش بس لان بالحمل تقل الحركة فبسرعة نمتن عرفتي و ساعات تاكلين اشياء ما تعرفين سعراتها عبالج قليلة و تطلع قنابل هههههههه

 

[حياة ريلي]

انتي باي شهر ؟

 

[برنس بيشو]

هههههههههههههههه الله يوفقك انشاء الله

 

[SiLenT Qween]

عاشت حياة


وانا بحاول اخفف وأبدا معاج بالرجيم


بس مشكلتي لازم اكل بطاط وكشب

 

[Nmnoum]

يا حياتي الله يتمم عليج وان شاء الله تنزلين وزنج و تضعفين بصحة و عافية يارب
والله يسهل عليج ولادتج ان شاء الله

.,


انا مو حامل خخ بس بستعين برجيمج لأني حاليا مفكرة أسوي رجيم ., تسمحين لي ؟

 

[حياة ريلي]

نمنوم اخاف ما يصلح لج لانه حق الحوامل اقصد اخاف ما يضعفج