رجيمي متروس اكل وبنفس الوقت يضعف واذا هديتيه ما يزيد وزنج

[حرم راشد الماجد]

بسم الله الرحمن الرحيم


السلام عليكم ورحمة الله وبركاته



طبعا يا رشيقات يا حلوين اللي زي حلاتنا متان والمتن ملازمهم مثل اسمهم يكون بالنسبه لهم الريجيم مثل فتره السجن الانفرادي <<<<<< اتعب عالتشبيه


تلاقونا :rgewrg: معصبين ياااااا ويله اللي يكلمنا

:eh_s(11): ومتضايقين واي كلمه تجرحنا

:eh_s(9): واذا نزلنا كيلو لبسنا كل اللي بالكبت

:eh_s(15): والاهم ان الكيلو اللي خسرناه نرده الدبل


الله اذا رحنا يمعه ووحده من الموجودين غلطت وقالت ما شالله فلانه ترا انتي ضعفانه وماااااااا نصدق ما نخلي صينية حلو ما نقضي عليها ما نخلي صينيه فطاير ما نشطبها


واذا ما صار هذا كله

اييج الشرير اللي عندج ويرز لج البيتزا وقطعة كيكه كبر راسه ويلهم جدامج وانتي تبلعين ريجج وتتعوذين من ابليس


لييييييييييييييين تقولين حق ابليس عن اذنك بروح اشاركه بالبيتزا

وتخلصين على وجبته ويقولج هااااااااااااااااا هذي اللي مسويه ريجيم :eh_s(16): ووقتها اييج ذاك الاحباط وابليس يقولج يبااااااا لا يكون بتعيشين على هالاكل الماصخ طول حياتج يبااا تمتعي واكلي اللي بنفسج ترا الرب واحد والعمر واحد



وترجع حليمه لعادتها القديمه



هذي مو مقدمه كوميديه

هذي يوميات متينه تبي ومنا عينها تصير ضعيفه


مشكلتنا ان نبي متن سنين يروح بشهر!!!!!!!


شلووووون ؟؟؟

شغلي مخج شحوم ربيتيها سنين شلون بتروح بيوم وليله



قومي تعوذي من الشيطان وييبي ورقه وقلم


وتعالي اقولج

كتبي بنص السطر ( بسم الله الرحمن الرحيم )

وتحتها كتبي انا متينه وراح اصير ضعيفه

وزني (..........) وراح يصير ( ..........)

بمشيئة الرحمن


وتعالي شوفي ريجيمي اللي متروس اكل وبنفس الوقت يضعف


اول شغله ابي اقولها انا كنت طول عمري اخذ قرار الريجيم بلحظه واروح بنفس الليله واشتري كل شي دايت بالجمعيه وابلش ثاني يوم ريجيم ومع اول مجبوس اقط كل اكل الدايت اللي بالثلاجه


فاللي ابيه منج ان لما تاخذين قرار انج بتسوين ريجيم حطي ببالج العقبات اكيد راح تمر عليج الوجبات اللي تحبينها واكيد وقتها راح تستسلمين :eh_s(7): ولاااااا يهمج استسلمي واكلي الشغله اللي بنفسج ولكن بحدوووود يعني بدال صحن مجبوس خليها 5 قفاش عيش وربع صدر ديايه او قطعة لحمه والباقي سلطه


الحين نيي حق الشغله الاهم ان اللي بنيتيه بسنييييييييييييين ماراح تخسرينه بيوم فحطي ببالج ان الريجيم اللي ينزلج 15 كيلو بيومين هذا مو ريجيم صحي وراح يتعب عندج القلب ويخرب معادلات جسمج تروحين عقبه تسوين تحليل تلاقين الكولسترول عالي والدم نازل والكالسيوم على شفا حفره


والاهم انج ما نزلتي شحوم انتي نزلتي سوائل بس

يعني ما سويتي شي هدي ريجيمج بو مادري جم يوم واذا وزنج كان 70 راح يصير 140


فالخطوه المهمه هني انج ما تيأسين ولا تستسهلين




الحين نبلش نظامي الغذائي ونظامي انا اخذه من مستشفى الصباح


بسم الله نبتدي


مشروب عالريق : كمون حب + نص ليمونه ( نغلي الماي ونصبه فوق الكمون ونخليه خمس دقايق ونصفيه ونحط عليه الليمون ) ممتاااااااااااااااز حق الانتفاخات والكرش ومضاد للاكسده

الريوق :

شريحتين توست الحبوب الكامله < او اسمر بس الحبوب الكامله افيد للمعده وتزيد انزيمات الهضم يعني راح تعلي حرق الشحوم
أو ربع خبزه اسمر لبنانيه
أو ربع خبزه خباز <<<< ايراني
او نص خبزه خفيفه اسمر
او علبة روب مملوءة بكورن فليكس اللي يكون قمح مو ذره


كوب حليب خالي الدسم غير محلى بالسكر واذا ماكنتي تحبينه ماصخ عندج المحليات ( تروبيكانا سلم - سويتن لو ........... الخ )
او شاي او قهوه او نسكافيه من غير مبيض

خيار + طماط + جرجير

قطعة جبن قليله الدسم ( سلفايد او قطعة جبن قريش بحجم قطعتين كيري او المراعي خاليه الدسم )
او ملعقتين اكل كبار ( لبنه قليلة الدسم )
بيضة مسلوقه

او شريحه مرتديلا . مرتديلا دجاج . مرتديلا ديك رومي <<<<< طبعا هالاشياء سوو منها دايت بس اذا ما حصلتي دايت استعملي العادي اهم شي ما يكون اكثر من شريحه


الريوق لازم يكون من الساعه 7 الى 9 عقب التسع لا تتريقين



عالساعه 9 او 10

قطعة بسكوت دايجستف + نسكافيه من غير مبيض
او ثمرة فاكهه ( برتقال - تفاح بالوانه - شريحتين اناناس غير معلب - كيوي - جريب فروت نص ثمره - فراوله 4 قطع )


الغدا

اول شي تبتدين بالسلطه

السلطه تحطين فيها اللي تبين عدا الخضار المعلب اللي يحتاج طبخ مثل ( الباذنجان او البطاط ......الخ )

شوربة خضار من غير بهارات نهاااااائي

ملأ علبة روب عيش ابيض مشخول من غير زيت
او نفس الكميه من المعكرونه المسلوقه بدون اضافات
او كمية الخبز اللي تكلمنا عنها بالريوق

قطعة لحم
قطعة سمك بحجم كف اليد
صدر دجاجه
7 حبات ربيان وسط

مسلوق او مشوي مع قليل من البهارات مسموح بصلصة الصويا او الليمون


سناك العصاري مثل سناك الضحي

العشا مثل الريوق واذا انتي شاطره وايد عوضيه بالروب قليل الدسم مع مطحون بذرة الكتان ( مايصلح للحوامل ) بذرة الكتان غنيه بالاوميغا 3 و6 وتنزل الكولسترول وتعلي المناعه وتنشط الذاكره وتنحف


ايضا عندكم قشر القهوه حق اللي عندهم كرش ممتاز تفوحينه مع دارسين وزنجبيل وتشربين منه العصاري

8 اكواب ماء او بطل ماي كبير 1.5 لتر ضروري

رياضه حتى لو ترقصين ربع ساعه باليوم >>>>>>> صدقوني راح تحسون بشعور غريب عقب الرياضه تحسون بخفه ونشاط مو طبيعي

حق اللي يصومون مثلي كنسل وجبة الريوق الفطوه مثل الغدا والسحور مثل العشا والسناك عقب العشا يعني بعد ساعتين من الفطور مو اقل وقبل ساعتين من السحور

هذا النظام مو ممل وراح ينزلج 2 كيلو بالاسبوع بس راح ينزل شحوم مو سوائل


اتمنا تستفيدون منه



انا مبلشه فيه منو تشاركني ؟؟؟؟؟؟؟؟

 

[خلطات المذهله]

وااااااااااااايد حلو وانا وياج باذن الله وتقريبا مقارب لرجيمي

 

[حرم راشد الماجد]

سمعت دكتوره مصريه تقول ان الكمون والليمون يسدون الشهيه وبلشت فيه من اليوم بصراحه احس وايد زين ويريح المعده

 

[F.DIAMOND_Q8]

مشكوؤوؤوؤوؤوؤوؤوؤوؤوؤوؤوؤوؤوؤوؤوره حيااااااااتي

بس هالريجيم يتعبني لوووووووووووووول​

 

[ملامح ناعمه]

انا ابي وياكم
راح اسسسوي معكم ,,
بس نظام نومي اسهر بالليل وانام بالنهار انا ​

 

[لاتكابر غلطتي]

وانا مثل ملامح .. شالحل معانا ؟

 

[ام حمد 85]

يسلمووووووووووووووووووووو

 

[بنوته سعوديه]

حلو مره نظامك ان شاء االله امشي عليه قريب

 

[حلاتي غير]

خوش نظام مشكوووره

 

[فديت قلبهــ]

بصراحه كل الي قلتيه فيني انا لما اتحمس مع ريجيم وابي اطبقه يوم يومين وانسى كل الي اسويه اخربها بالاكل لان ماعندي اراده او بالاصح فيني كسل
وان شالله اجرب الي كتبتيه واستفيد منه ماقصرتي الله يعطيك العافيه

 

[حرم راشد الماجد]

البنات اللي يسهرون بلشي يومج من وقت قعدتج وحسبي اول ساعه تقعدين فيها تشربين كوب ماي دافي مع شريحة ليمون وعقب ساعه الريوق وبعد الريوق كل ساعتين او اكثر وجبه


مثال انتي تقعدين الساعه 1 الظهر شربي قلاص ماي دافي والساعه 2 الريوق وعالساعه 4 السناك وعالساعه 6 او 7 الغدا وبعدها بساعتين السناك الثاني وبعدهم بساعتين العشا عقب العشا اذا يعتي شربي شاي اعشاب او شاي اخضر باي كميه ما يضر بس من غير سكر

 

[أميرة القصر]

مشكوووره
حلو نظامج وان شاء الله بحاول امشي عليه لان محتاره بجم واحد ولي الحين ما استقريت على شي

والله يتمم عليج وتضعفين ونضعف معاج بصحه وعافيه .... اللهم آمين

 

[غـلاي غيـر]

يسلمووووووو

 

[aya faid]

ريجيمج حلو وصحي ومافيه حرمان


انا مشكلتي ان وزني ثبت مو راضي ينزل


مهما سويت


شالحل ياربي

 

[اخت-اخوها]

أنا ان شاء الله ابلش معاكم ؛( أنا انزل ٥ كيلو ومشكلتي البطن احس شوي منتفخه واردافي مع انه الكل يقولي جسمك ماليه شي بس أنا تعقدت طولي ١٥٧ وزني ٦٠

 

[بسبوسة الرياض]

رجيم صحي مشكوووووووره

 

[جلكسيه عسل]

نظام روووعه بحاول امشي عليه مع تغير بسيط وعجبني مشروب الكمون والليمون لاني من زمان افكر اجربه بس خوفوني انه يسبب مشاكل للبنات الغير متزوجات

وما ادري عن صحه المعلومه بس بجربه والباقي عل الله موفقه اختي وفالك الرشااقه انشاء الله

 

[جلكسيه عسل]

نسييييت اقولك ان كل كلمه قلتيها والله كنك تتكلمين عني الله يسعدك من جد حنا عايشين معانااااه يارب تفرجها علينا بس

ويعطينا القوه والارااااده ونحقق حلمنا

 

[طعنتني بالوعودك]

مشكوره يا قلبي ع الموضوع المهم

 

[روان_الكويت]

امبيه شنج تكلمين عني بالضبط
ابي اضعف تعبت