رجيمي مع الدكتور عبدالله المطوع

[الحب الخالد]

حبيباتي اشلونكم وشخباركم
انا كنت قايلة لكم اني قررت اروح لعيادة الكتور عبدالله المطوع والبنات في المنتدى بصراحه وايد امدحوه فقلت اروح واجرب وحبيت انقل لكم التجربه
اول شي طبعا انا رايحه ومستعده عدل ابي اتحدى نفسي وبيني وبينك انا ما ابي اضعف وايد 9:8 كيلو بس ومشكلتي اني استخدم حبوب منع الحمل وما ادري هل اقدر اضعف مع الحبوب والا لأ.


المهم توكلت على الله ورحت العياده والا ماشاء الله زحمه بس انا واصله امبجر اشويه طبعا ما سويت التحليل مال الدهون والماي اللي بالجسم ودخلت على الدكتور على طول سألني ها فلانه مستعده ؟؟؟

وسؤاله يا بنات ترى يحمل معنى وايد مهم واهوا ان احنا كلنا نبي نضعف بس مو مستعدين اقصد ان الاراده ميييييح صفر على الشمال بس نبي نضعف وهذا اكيد ماراح يصير اذا ماكان الانسان مهيأ نفسه لمثل هذي التجربة .
المهم

قتله دكتور انا راجعت وايد دكاتره وما حصلت نتيجة والدكتور ربيع ضعفت عنده بس حسيت بالملل خاصة من الريوق القهوه والتمر اوووف ممل وايد

والدكتوره وجدان المصريه بدعت فيني بالتحاليل والادويه والخرابيط اللي مالها اي معنى والله العظيم بس سحب فلوس وهم ماكو فايده

قالي انا ما اعطي ادويه وراح اخليج تاكلين بس بالمعقول وهم اعطي وجبة فري ومن اول اسبوع


الريجيم الأول


الفطور
2 شريحة توست اسمر + مرتديلا أو لبنه قليلة الدسم او جبنه
+ سلطه + 5 حبات زيتون (شنو حبيت الدكتور يوم قالي زيتون)
+ كوب حليب خالي الدسم

الضحىحبة فاكهة او 3 تمرات او 1 كت كات مع القهوه


الغدا ( شرب كوب ماء قبل الغدا)
2/1 رغيف خبز اسمر او 3 ملاعق عيش ( ترس القفشه)
+ 1 همبرغر مشوي او صدر دجاجه او سمكه مشويه
+ سلطة مع صلصة الكرافت قليلة الدسم


المغربيات
عكس اللي اخذتيه بالضحى


العشا ( شرب كوب ماء قبل العشا)
حبتين فاكهة
او نفس الريوق
او كوب حليب خالي الدسم + 2 حبة بسكويت دايجستيف

بعد الغدا والعشا شاي اعشاب


بصراحه حسيت ان جسمي تغير علي اشويه بس يوم رحت المراجعه كان ثاني يوم دوره شهرية وما نزلت الا كيلو واحد بس وقالي الدكتور عادي شي طبيعي
بس المره الياية ياويلج اذا ما نزلتي

عاد غير لي الريجيم



الرجيم الثاني


الفطور نفس السابق

الضحى نفس السابق

الغدا (كوب ماي قبل الغدا)
اما النص رغيف الخبزاو ال3 ملاعق العيش و
+ 2 صدر دجاجه
او 2 قطعة همبرغر
او 2 سيخ كباب
+ سلطة اي نوع بس معاه الصلصة مالت كرافت او الزيت زيتون والملح(شوية ويت زيتون)+ دايت

او كوب تبوله + كوب شوربة خضار بدون بقوليات وبطاط + كوب لبن خالي الدسم ( بنات هذي وجبة غير عن اللي فوق يعني لاتدخلين المشويات معاها هذي بس خضار من غير بروتين ولا نشويات)
حاولي كل يومين تختارين شي غير علشان المعده لا تتعود على شي معين


المغربيات
نفس السابق

العشا ( شرب ماي قبل العشا)
سلطه اي نوع + حلوم مشوي قليل الدسم
سلطه اي نوع + جبن مالح قليل الدسم مع زيتون ( سلطه يونانية)
سلطه اي نوع + كوب روب خالي الدسم + 3 ملاعق ذره + شمندر
سطله اي نوع + كوسا + بروكلي + مشروم (مشوي بالفرن)

طبعا الشاي بعد الغدا والعشا
الوجبة الفري قبل المراجعه على الاقل بيومين
اشوية حركه لان في الحركه بركه

اي شي تبون بات سالوني انا بالخدمه:eh_s(17):

 

[نوال]

مشكووووره وايد حلو الرجيم بس مو جنه فيه اكل وايد

 

[jolie_q8]

مشكوره وايد على الرجيمات

انا تقريبا ماشيه على نفس النظام الأول

وعملنيا النتايج ​

 

[الحب الخالد]

مشكووووره وايد حلو الرجيم بس مو جنه فيه اكل وايد

حياج الله حبيبتي في اكل وايد يمكن لانه اهما ريجيمين كل واحد كان في اسبوع
بس والله وين الاكل الوايد توني مخلصة الريوق قبل اشوي وحدي يوعانه

 

[الحب الخالد]

مشكوره وايد على الرجيمات

انا تقريبا ماشيه على نفس النظام الأول

وعملنيا النتايج ​

مشكوره على المرور واكيد راح ابغكم بالتنائج المذهلة هههههه

 

[~~أم جــســوم ~~]

مشكووره يالغاليه وانشاءالله توصلين للوزن الي تبينه:eh_s(17):

ممكن اعرف مكان الدكتور ولازم حجز قبل لا اروح
والمسامحه يالغاليه​

 

[علايه]

الاكل اللى حاطه وايد

بشرينا نزل وزنج عليه و لا لأ ..

 

[xxx]

مشكورة على النظام

وعسى الله يوفقج​

 

[Brounzi_girlly]

يسلموو شكله ريجيم منوع وحلووو
مع تحيااااااااااااااتي.........​

 

[كراميل]

الله يعطيج العافيه حبوبه

 

[الحب الخالد]

مشكووره يالغاليه وانشاءالله توصلين للوزن الي تبينه:eh_s(17):

ممكن اعرف مكان الدكتور ولازم حجز قبل لا اروح
والمسامحه يالغاليه​

هلا حبيبتي شوفي عيادة الدكتور بالمنقف عند ابراج الهبدان الدور الاول نفس عيادة الدكتوره فوزيه العوضي وانا رحت من غير موعد الساعه 4 ونص يكون موجود بس حاولي ما تروحين السبت لان دايما زحمه
ومشكوره على المرور

 

[الحب الخالد]

الاكل اللى حاطه وايد

بشرينا نزل وزنج عليه و لا لأ ..

باجر المراجعه والله يكون بالعون انا حاسه اني نزلت بس باجر الامتحان وعند الامتحان يكرم المرء او يهان هههههههههههه

 

[الحب الخالد]

مشكورة على النظام

وعسى الله يوفقج​

يوفق الكل حبيبتي مشكوره على المرور

 

[الحب الخالد]

كراميل وبرونزي جيرل مشكورين على المرور وبالتوفيق

 

[طير الحب]

يعطيج العافيه

 

[aloyaa]

ناطرين نتيجتج
وياريت نعرف جم وزنج قبل لا تبدين عشان أعرف اقدر اطبقه على وزني؟؟

 

[الحب الخالد]

بنات احباااااط والله العظيم اكيد انا فيني شي نزلت 2/1 كيلو فقط لاغير
والمشكلة كل من يقولي ضعفانه والله حتى انا احس بالفرق من الملابس
بس والله ابدا ولا يمكن اضعف يعني اضعف والدكتور يقولي انا احس ان انتي فرقتي بس هم بعد خلونا نشوف الغده يمكن اهيا السبب ان انا مو قاعده انزل

المهم بنات انا راح اشد حيلي بعد اكثر ويارب انزل والله مليت حارمه نفسي وفوق هذا ما انزل
الظاهر مع البرد الكيلوات متجمده هههههههههههههه
راح ابلغكم بآخر المستجدات

الحب الخالد
منتدى كويتات
الكويت ههههههههههه اشفيني قلبتها مراسلة اخبار

 

[الحب الخالد]

ناطرين نتيجتج
وياريت نعرف جم وزنج قبل لا تبدين عشان أعرف اقدر اطبقه على وزني؟؟

وزني يا حبيبتي 72 وطولي 165 والحين صار وبفضل من الله 2/1 .70 يالله الله كريم بس ادعولي انتو

 

[رند]

موفقه ياقلبي
احسن لج تنزلين بطيء عشان مايرد وزنج مثل قبل
وبشرينا عنج

 

[~~أم جــســوم ~~]

كملي يالغاليه واحنا معاج:eh_s(1): وانشاء الله الموعد
الجاي ينزل وزنج اكثر

وبالتوفيق ،،،،​