رجيمي من رجيم سنتر ...

[ام سعود ديكسون]

الله يتمم عليج الدايت بصحة و عافية
انا الخبز و الباستا ما يعنون لي
بس العيش وااااي ما اقدر اقاومه ريحته تكفخ بالمطبخ مع البهارات
جنه يقول تكفون اكلوني!!
اشلون قاومتي العزائم و المجاملات
و طباخ الزوارات بالويك اند بيت امج او حمولتج
و سوالف بنات الدوام لوووول اهم شي

 

[نارنجه]

ايه يا ام سعوود كل شي يبيله ارادة ومقاومة
ترسي الصحن سلطاات و حطي لج قطعه ايدام
و عادي قفشتين ثلاث عيش بس لا تكثرين و انسي انج اكلتيهم ههههههههههه

بس الاسبووع الاول لو ناوية تلتزمين فيه زوري العصر لا تروحين حزة الغدا لووول

 

[ام سعود ديكسون]

 اي اول اسبوع ضروري امسك نفسي السالفة يبيلها إرادة
أنا مبلشة خلاص هالاسبوع يا مشي يا اشتراك نادي ادعي لي
و شركة التغذية بدق أحجز اشوف منو يعطيني اقرب موعد *

 

[نارنجه]

الله يوفقج ام سعووود
وتلاقين النتيجة الي تتمنينها :***

 

[adore.life]

واااااااااااااي الله يعيني علي رحلة الرشاقة بعد النفاس

 

[adore.life]

وو مشكوره وما فقرتي علي الرجيم الطيب

 

[نارنجه]

العفووو حبيبتي
الله يوفقج ان شاااء الله

 

[MaMa & P!nK]

لو سمحتي ممكن اعرف اسم حبوب اللي تحرق الدهون
واذا عندج الصوره

 

[نارنجه]

اسمه L- carnitine
ونفس لون وماركة الفيتامينات الي حطيتها لكم

 

[اليازيا2007]

هلا حبيبتي نارنجه حبيت اعرف ماعندج ريجيم رمضان ؟؟؟؟؟؟؟؟

ياليت اذا عندج تكتبينه بسرعه............

 

[نارنجه]

السحور*
٢ ماء
*حبة رطب او تمر *+
*كوب حليب خالي الدسم *او ملعقتين من (هريس او جريش اوتشريب *ولا تكرر ع الفطور ) او*
كوب من المحلبية *+*
*خبزة شعير او توستة سمرا + جبن او بيض او تونة او مرتديلا او لبنه *

الفطور*
* حبة رطب أو تمر*
* ٢ ماء
*٢ ملعقة من ( هريس او جريش )او
نص خبزة رقاق مع مرق لحم ) ولا تكرر ع السحور *- او*
٣ حبات فطائر او سمبوسة او كبة*
*صحن شوربة صغير*
*صحن سلطة خضراء صغير*
* صدر دجاج ٢٥٠ جم او لحم او سمك او ربيان*
*كأس لبن او نص علبة روب خالي الدسم


بعد صلاة التراويح*
ع الساعه ١٠ تقريبا :*
*كوب ماء +
* ٣ حبات تمر او رطب او
صحن سلطة فاكهه صغير او
*سلطة خضرا +
**قهوة او شاي او ينسون +*
* جبن او بيض او تونةاو مرتديلا

 

[فـراوله]

رجيم سنتر وايد حلو رجيمه


​

 

[مذهــلــه]

حبيبتي الله يجزاج كل الخير يارب ويوفقج دنيا واخره

والله واااايد محتاجه هالموضوع لاني كنت بروح اشترك معاهم وجبات وريلي قال خل نشترك جداول وتسوين بالبيت بدال ماانتي بروحج وهم ليش ندفع شخصين على وجبات والخدامه موجودة شنو وظيفتها اخليها تجهز كل شي وانا اطبق اللي نبيه

ورفيجتي بعد معطينها نفس هالجداول قبل سنة

فحاسة الكل اذا ماعندهم مشاكل يعطونهم نفس الرجيم

فراح امشي معاج على هالنظام والله الموفق من باجر ان شاء الله

ولو اني مبلشة تخفيف من فترة

 

[Daisy flower]

بنات اللي جربوا الري جيم يقولون لنا يصار معاهم

 

[برونزية رشيقة]

يعطيج العافية

الموضوع طويل جدا بسسسسسس مفيد .. لي عودة للموضوع

 

[دبه موت]

أنا راح امشي معاكم سجلت الجدول عندي ويارب امشي مضبوط بكره اوزن ان شاء الله