رجيم الدكتور ربيع فريششششش

[احلى مريومه]

عدت لكم من جديد بصراحه بعد ماقريت ردودكم اللي تفرح ومتابعتكم لموضوعي فقلت حبيباتي تستاهلون اكتب لكم الاسبوع الثاني
الاسبوع الثاني للدكتور ربيع:-
الافطار: وست+جبن + خضار (طماط \ خيار او خس) تقدرون تاخذون الجاهزه مالت امريكانا او مركز سلطان+شاي بحليب (خالي الدسم)
الضحى : عصير برتقال فريش او اناناس كي دي دي او جريب فروت
الغداء:
1-سمكه + ربع خبزه + سلطه (السمك اما تونه علبه كبيره بدون زيتها او اي سمجه مشويه كبر كف اليد)
2-نصف دجاجه مشويه او بالفرن+ ربع خبزه + خضار سوتيه بمقلى تيفال بدون دهن مع بصل
3-سمكه + ربع خبزه + سلطه (السمك اما تونه علبه كبيره بدون زيتها او اي سمجه مشويه كبر كف اليد)
4-2همبرجر مشوي + ربع خبزه + سلطه
ويكرر

المغرب: فاكهه او عصير او 5تمرات
العشاء : 2شريحة توست+5ملاعق فول او جبن خالي الدسم او قليل+سلطة وعصير اناناس كي دي دي او فريش بدون سكر


وسلامتكم
وانا في خدمتكم حبايبي بس ادعولي اضعف وارادتي تصير قويه

 

[احلى مريومه]

وانشاء الله كل اسبوع راح اكتب اذا في تجاوب وتفاعل مع موضوعي

 

[ساره.]

موفقه

 

[روعة خيال]

موفقة =)

 

[سحابه صيف]

موفقه

 

[eemee]

احلى مريومه راح ابلش وياج رجيم ربيع من باجر باذن الله

 

[eemee]

بس مريومه ما قلتي لنا جم نزلتي وجم وزنج

 

[q8yah]

والله حلو رجيمه مشكوره ياقلبي

 

[أحلى الجياكر]

الله يتمم عليج ..و تنزلين للوزن اللى تبينه ...

 

[جنان2006]

اموفقة إن شاءالله الله يتمم عليج وتنزلين بصحة وعافية ياااارب
ماعليج امر اشكثر نزلتي الأسبوع الأول؟؟

 

[احلى مريومه]

الاسبوع الاول 3 كيلوات والثاني كيلوين ونص بس للاسف الحين انا حامل ان شاء الله بعد مايرجع زوجي من السفر بروح له يعطيني رجيم الحوامل ادعولي بنات اني اضعف اب صحه وعافيه والله يثبت حملي ويطلع جنيني بالسلامة

واللي يسألون انا قبل الرجيم كنت 110ونص والحين مع الحمل وزني 104

 

[جنان2006]

ماشاءالله تبارك الرحمن حلو نزولج عسى الله يوفقج

وعسى ربي يثبت حملج ويسهل عليج حمله وولادته بالسلامة ويقر عينج بشوفة ضناج بصحة وعافية ياااااارب

وإن شاءالله تنزلين عالرجيم ومر علي اهني بالقسم رجيم حوامل حق دكتور ربيع دقيقة أجيك وأكتبه لج

 

[جنان2006]

الأفطار
- 2 شريحة توست جبن او لبنه قليل الدسم مع كوب حليب خالي الدسم وطبعا التوست يكون فيه خس وخيار وطماط

الضحى
تفاحة خضرة ( ليش ) لانه مافيني حديد وعلى قولته اي شي تقسمينه نصين ويسود عرفي انه فيه حديد

الغدا

أهم شي سلاطه مع ليمون وزيت زيتون بس

1- الوجبة الأولى نص دياية + ربع خبزة أو بدل الدياية 6 قطع شيش طاووق وعصير برتقال

2- الوجبة الثانية طبق باميا وسط + 2 قطعة متوسطة لحم + 5 ملاعق رز

3- الوجبة الثالثة دجاج مسحب مع المشروم والبصل والجزر مع نص خبزة

ويكررون

المغرب

2 كيوي لازم عشان مايصير امساك

العشاء

1- 2 شريحة توست أو نص خبزة مع:
نص علبة فول أو جبن أو لبنة
مع اكل علبة روب بعد العشا بساعة

طبعا الشاي والقهوه عادي اي وقت بس مع سكر اسمر


منقول من العضوة سمره
========================================================


اشلونكم بنات اليوم بفيدكم بنظام غذائي للحامل من الدكتور / محمد ربيع
ما أقدر ما أنفع حبيابي عضوات منتدى كويتيات

يالله نبتدي :

أول شيء الأخذ بهذه الملاحظات المهمه جداً جداً جداً (هذا كلام الدكتور)

1- أكل الخضروات الورقيه مهم جداً جداً
2- شرب الماء مهم جداً
3- الحركه الخفيفه يعني المشي بالتدريج

النظام الأول
======
الفطور : (2) شريحة توست أي نوع + قطعة جبن + شرايح خضروات اللي تحبيه
+ كوب حليب قليل أو خالي الدسم ( انا أضيف الشاي ما أحب طعم الحليب )

الضحى : (5) حبات تمر + لبن أو حليب أو كوب عصير فريش أو (2) حبة فاكهه

الغداء : ( اختاري أختيار واحد لكل يوم )

سلطة خضروات + سمكه متوسطه مشويه أو مسلوقه + (5) ملاعق أرز أو نصف خبزه
أو طبق من كوسا وبروكلي وفاصوليا خضرا (يعني حميسه) + سلطة روب بخيار+
(5) ملاعق أرز أو نصف خبزه
أونصف دجاجه مشويه أومسلوقه+سلطة أو خضار مشكله + (5)ملاعق أرز أو نصف خبزه


المغرب : نفس وجبة الضحى

العشاء : (2) شريحة توست أي نوع + (4) ملاعق فول أو بيضه أو جبن مع سلطة خضروات + كوب حليب أو لبن

هذا النظام ينزل من 2 إلى 3 كيلو


منقول من العضوة أم حمودي

 

[احلى مريومه]

مشكوره حبيبتي جنان 2006
انشاء الله بجربه وبدعيلج بالتوفيق والصلاح يارب

 

[جنان2006]

العفو ماسويت شي ويزاج الله خير عالدعوة ماتقصرين ياقلبي
وإن شاءالله ربي يوفقج بالرجيم وتنزلين عليه بصحة وعافية يارب ويرزقج كل ماتتمنين

 

[ام فجور 2008]

وافينا بالاخبار ياقلبي

 

[احلى مريومه]

اكيد ام فجور انا ببدي برجيم الحوامل من السبت

 

[Shiny Star]

مشكووووورة يا قلبي