رجيم الكاربوهيدرات مال مصطفا ساري ...ايونس

[نفنوف كشكش]

قووه

شوفاو ذاك اليوم انا كتبت هالرجيم من برنامج مال الدكتور مصطفا ساري ابصراحه برنامجه عجييييييب كل اسبوع اهو ايحط رجيم عاد حسافه انا مالحقت علا الاسبوع الاول والثاني بس دزيتله ايميل طلبتهم منه واهو ذكر انه اللي اوزانهم كبيره خصوصن من ال100 وفوق ينقصون ابست اسابيع من 8 لي 12 كيلو اهو شي جذيه المهم انه الوزن ينزل

خل اعطيكم الاسبوع الثالث وانشالله اذا خذيت ال 1 و 2 راح اكتبهم لكم اوكي

بسم الله الرحمان الرحيم :

الريوق حق كل يوم : توسته+ جبنه+قهوه او جاي

اليوم 1
الغدا : 2 توست+سلطه
العشا : فاكهه اي نوع وكميه ماعدا المحظور منها>>>منجا وموز وربعهم

اليوم 2
الغدا : 2 بيظ او بياظ بيظ +سلطه + توسته
العشا: توسته+4 ملاعق جبنه اريش+حبت فاكهه

اليوم3
الغدا : قطعت لحم+خضار سلطه او مطبوخه
العشا: توسته+ 4 ملاعق جبنه اريش+خيار+حبت فاكهه

اليوم 4
عيش (( موتظربونله بالخمس!! يعني صحن معقول )) + سلطه او خضار مطبوخه
العشا: سلطت روب بخيار+حبت فاكهه

اليوم 5
الغدا: قطعت ديايه + سلطه او خضار مطبوخه
العشا: توسته+4 ملاعق جبنه اريش+خس+حبت فاكهه

اليوم6
الغدا: قطعت لحم+سلطه خضرا+توسته
العشا: فاكهه باي كميه ونوه ماعدا المحظور

اليوم7
الغدا: عصير طماط +توسته+فاكهه
العشا: توسته+بيظه مسلوقه+سلطه خضرا

ملاحظه ماكو دهون

 

[xxx]

رد : رجيم الكاربوهيدرات مال مصطفا ساري ...ايونس

مشكورة نفنوف كشكش

وبالنتظار الاسبوع الاول والثاني

 

[@ الرسامة @]

رد : رجيم الكاربوهيدرات مال مصطفا ساري ...ايونس

مشكورة حبيبتي على جهدج وبانتظارج

 

[نفنوف كشكش]

رد : رجيم الكاربوهيدرات مال مصطفا ساري ...ايونس

حياكم الله حجيات وانشالله احطهم لكم

 

[كويتية أمورة]

مشاركة: رجيم الكاربوهيدرات مال مصطفا ساري ...ايونس

ههههههههه ضحكتيني على البيظ وبياظ البيظ خخخخ يعني مو بيض وبياض بيض؟؟
عموما مشكورة وانا مادحيلي ريجيماته بس مااعرف احد جربهم

 

[fulla]

مشاركة: رجيم الكاربوهيدرات مال مصطفا ساري ...ايونس

ههههههههههههههه كويتيه اموره طوفي عاد
يعطيج العافيه على الرجيم