رجيم المطوع+ نحت الجسم

[ام المزايين]

هلا حبيبتي ...
اتوقع تذكرون موضوعي عن نحت الجسم طبعا كنت اسوي رجيم معاه من عبدالله المطوع والنتائج الاخيره طلعت روووعه يارب توصلون للنتيجه الي وصلت لها......

حبيباتي بحط لكم رجيم الدكتور عبدالله بس يارب يفيدكم..

رجيم عبدالله المطوع الاسبوع الاول + الثاني


الريوق: كوب ماء
جبن قليل الدسم
1 توست اسمر + لبنه قليلة الدسم + خضار+3-5 زيتون
مرتدله +كوب حليب خالي الدسم+نسكافيه
بيض +سكر ذره

الضحى:
3 تمرات او برتقاله او كاكاو صغير + شاي او قهوه

الغداء: كوب ماء

سلطه(½ لعقة زيت) + 3 م. عيش 60 جرام لحم + دايت او ماء
دجاج
½ خبزه سمره خفيفه سمك (من غير قلي)


المغرب:
عكس الضحى

العشاء: كوب ماء
1. عكس الريوق (من غير الزيتون) +كوب لبن خالي الدسم.
2. كوب حليب خالي الدسم+ 2-3 شابوره صغيره
3. روب بالخيار+ 2افندي او كيوي.




رجيم عبدالله المطوع الاسبوع الثالث + الرابع


الريوق: كوب ماء
كورن فلكس
كوب حليب خالي + 3شابوره اسمر
4ماري
3 tuc
2 دايجستف لايت
الضحى:
3 تمرات او برتقاله او كاكاو صغير + شاي او قهوه

الغداء: كوب ماء
3 ايام
سلطه(½ لعقة زيت) + 3 م. عيش 60 جرام لحم + دايت او ماء
دجاج
½ خبزه سمره خفيفه سمك (من غير قلي)

3 ايام
سلطه + لحوم + عصير برتقال + اناناس
المغرب:
عكس الضحى

العشاء: كوب ماء

كوب نخي / كوب باجلا
سلطه + مكدونلدز ( صلصه لايت)
جرجير + 3 شرائح حلوم قليل الدسم + مشروم
سلطه + جبن مالح + 1 م زيتون شرائح
خس + 3 م ذره + ½ ك شمندر + ك روب خالي الدسم

 

[ام المزايين]

رد: رجيم+ نحت الجسم

باقي بعد الاسبوع الخير ان شاء الله بكره اكتبه بس للتوضيح

اول اسبوع وثاني اسبوع الرجيم للتخلص من الماء الزائد بالجسم

اما الاسبوع الي بعده للشحوم الخارجيه

والي راح اكتبه لكم بكره للدهون الي بالعضل واي كيلو تنزلون بوقته يقل قياسكم رقمين

 

[Shestylet]

رد: رجيم+ نحت الجسم

تسلمين حبيبتي وان شاء توصلين للوزن اللي تبينه

 

[كشموووشه]

رد: رجيم+ نحت الجسم

تسلمين ياقلبي

 

[$& بنت السعوديه &$]

رد: رجيم+ نحت الجسم

مشكوره حبيبتي على الرجيم حلوو عجبني <<<شكلها بتسويه
بس جم ينزل بشهر ؟جم نزلتي عليه وكنتي تلعبين رياضه؟؟
يعطيك الف عافيه مقدما

 

[Brounzi_girlly]

رد: رجيم+ نحت الجسم

حبوبة جم ينزل الوزن كل أسبوع تقريبا ؟
مع التحية.........

 

[الجــادل]

رد: رجيم+ نحت الجسم

مشكوره حبيبتي


بس في شغله ما فهمتها

انتي حاطه شغلات واجد بالوجبه الوحده هل هي خيارات والا كلهم مع بعض؟؟

 

[ام المزايين]

رد: رجيم+ نحت الجسم

هلا حبيباتي طبعا النزول على حسب الجسم انا من النوع الي ينزل بصعوبه بعد شهر ونصف نزلت 8 كيلو بس حلوين حيل تغيرت مقاساتي

والوجبات الي حاطتها خيارات

 

[أحلى الجياكر]

رد: رجيم+ نحت الجسم

تسلمين حبيبتى ..وايد حجو بهالدكتور ..يسمونه الساحر
رجيمه منوع ..و ما فيه حرمان ..و اهم شى " الكاكاو "

موفقه أم المزايين..و الله يتمم عليج و تحافظين على إالى نقصتيه

 

[^^دموع الكويت^^]

رد: رجيم+ نحت الجسم

مشكوووووورة >>>يعطيج العافية

الله يتمم عليج ...

 

[shog]

رد: رجيم+ نحت الجسم

آنا إنشالله من باجر بمشي فيه إذا الله عطاني العزم بإذن الله

 

[@غالية@]

رد: رجيم+ نحت الجسم

مشكورة يا حلوة والله يعطيج على قد نيتج

 

[كشموووشه]

رد: رجيم+ نحت الجسم

مشكوره يالزين كله والله يعطيج على نيتج الخيره وبس غذا مافيها كلافه عندي بعد سؤال وادري ماتقصرين
شنو الحبوب الحارقه للدهون اللي قال عنها الدكتور بمقابلته بالتلفزيون؟

 

[مش بالكلام]

رد: رجيم+ نحت الجسم

مشكوووررره حبيبتي
ويعطيج العاقية
وكل ما نزلت كيلو بدعيلج لوووول

 

[ام المزايين]

رد: رجيم+ نحت الجسم

هلا بحبيباتي مشكوررره على كلامكم الحلو

بالنسبه للحبوب والله ما اعرفها بس اشوفه يعطي الاوزان الثقيله كرتون عليه سنبله يمكن اهي بس انا كنت ماخذه منه اعشاب اشربها بعد الغداء بس تبون الصج ما طولت مع الاعشاب لان اخاف من تاثيرهم

بس في موضوع للاخت سبائك كاتبه عن اعشاب تودي الكرش ترى الخلطه رووعه لان قريت عنهم قبل هالمره مع الدكتور جابر القحطاني يمدحهم

ياليت اكون افدتكم وكثرووا الدعوه لي ولعيالي ( بنتي بالأخص )

 

[@ الرسامة @]

رد: رجيم+ نحت الجسم

بالتوفيج ان شاء الله

 

[رمز الترف]

رد: رجيم+ نحت الجسم

مشكووووووورة على الريجيم
بس يا ليت توضحين الوجبات عدل لانه كله عايم على بعض
يعني اللي حاطتهم انتي هذي خيارات ؟ أختار وحده منهم ؟

و الضحى مكتوب كاكاو صغير يصير آكل كتكات ؟؟؟؟؟

و شنو الاسبوع الاخير

(( سلطه(½ لعقة زيت) + 3 م. عيش 60 جرام لحم + دايت او ماء ))

جم يعني 60 جرام لحم و الله ما اعرف
و يصير أبدله بدجاج لاني ما اواطن اللحم ؟؟؟؟؟


و ثاااانكيووو
و يا ليت تردين علي بسرعه لاني ببدا في من باجر

 

[رمز الترف]

رد: رجيم+ نحت الجسم

فيه يوم مفتوووووووووح ؟

 

[ام المزايين]

رد: رجيم+ نحت الجسم

هلا والله حبيباتي

رمز الترف بوضح لك اول اسبوع وبكره اكمل لك الجدول


الريوق: كوب ماء قبل الريوق

1 توست اسمر + جبن قليل الدسم او لبنه قليلة الدسم أو مرتدله او بيضه+طماطم وخيار+3-5 زيتون
+كوب حليب خالي الدسم+نسكافيه
+سكر ذره

الضحى:
3 تمرات او برتقاله او كاكاو صغير اي نوع + شاي او قهوه

الغداء: كوب ماء قبل الغداء

سلطه+(½ ملعقة زيت) + 3 م. عيش او ½ خبزه سمره خفيفه+60 جرام لحم أو دجاج أو سمك+ دايت او ماء


60 جرام تعني قد كف اليد

المغرب:
عكس الضحى

العشاء: كوب ماء قبل العشاء
1. عكس الريوق (من غير الزيتون) +كوب لبن خالي الدسم.
او
2. كوب حليب خالي الدسم+ 2-3 شابوره صغيره
او
3. روب بالخيار+ 2افندي او كيوي.

 

[ام المزايين]

رد: رجيم+ نحت الجسم

سوري نسيت اقول لك في وجبه وحده مفتوحه بالاسبوع