رجيم رمضان من الدكتوره براءه ..

[معلمه متميزه]

السلام عليكم اشلونكم بنات ..

يبت لكم رجيم الدكتوره براءه لشهر رمضان وهي عباره عن وجبات لسبع ايام كلما خلصت تردين تعيدينها ..

وهو كالتالي ..

اليوم الاول ..

الفطو : 1-3 تمرات وكوب خضار شوربة ودجاج ( ممكن استبدال التمر والفاكهه ب 5 قطع لقيمات عليهم 1 ملعقه شيره بعدها يشرب شاي اخضر )

وجبه صغيره : خضار ودجاج
السحور : مقدار كوب تشريبه
عند الجوع : فاكهه


اليوم الثاني ..

الفطور : 1-3 تمر وشوربة عدس وكباب وسلطة خضار ( ممكن استبدال التمر والفاكهه باي نوع حلو بكميه قليله ) ( وممكن استبدال شوربة العدس بشوربة الدجاج باذره والنشا )
وجبه صغيره : فاكهه
السحور : توست وجبن + خس
عند الجوع :فاكهه

اليوم الثالث ..

الفطور : 1-3 تمر وكوب ماء وشوربة خضار عدد 2 كبة وسلطة خضار
وجبه صغيره : كاكاو +سفن دايت ( اي نوع كاكاو )
السحور : شوربة خضار وحبة فاكهه
عند الجوع : عصير

( ممكن استبدال اتمر والعصير باي نوع حلو كستر او مهلبيه او غيره بكميه قليله )

اليوم الرابع ..

الفطور :1 حبه تمر وماء +شوربة خضار + بطاطس مقليه ( 10 حبات )
وجبه صغيره : سلطة فاكهه
السحور : توست ولبنه وزعتر وعصير
عند الجوع عصير اناناس
( ايضا ممكن استبدال الفواكه والعصير باي نوع حلو بكميه قليله )

اليوم الخامس ..

الفطور : 1 حبه تمر + ماء + شوربة دجاج +كوب سلطه + همبرجر وبطاط
وجبه صغيره : كاكاو
السحور : بيض وجبن وحبة فاكهه
عند الجوع : عصير

اليوم السادس ..

الفطور : 1-3 تمر +ماء + شوربة مشورم + معكرونه ( 5-7 ملاعق ) ( او بدل المعكرونا لزانيا )
وجبه صغيره : سلطة فاكهه
السحور : لبن + سلطه + فاكهه
عند الجوع : تفاحه ( ممكن شوية حلوى بدل التفاحه )

اليوم السابع ( يجب التقيد بما فيه وعدم تغيير شي ) ..

الفطور ( الوجبه المفضله الي تبينها من الاختيارات السابقه )
وجبه صغيره : قطعة حلو
السحور : لبن + فاكهه
عند الجوع : كاكاو دايت ..


ملاحظه مهمه .. اذا لاحظتي نفسج عقب هالوجبات هم يوعانه وتبين تاكلين ما في مشكله اذا كررتي الوجبات لنفس اليوم بس لا تخربطين وتاكلين شي مو مسموح فه ..

ايضا لازم تمشون او تتحركون باي طريقه وتلعبين رياضة بطن خفيفه ورياضه للزنود يعني 30 مره كافيه لكل جزء ..

ولازم تشربون ماي من 6 الى 8 اكواب باليوم ..ولو انه الوقت ما يكفي برمضان بس حاولو تشربون اكبر قدر ممكن ..

ويفضل شرب الشاي الاخضر لانه يساعد على حرق الي تاكلينه ..

وسلامتكم ..

 

[ii DareeN ii]

مشاركة: رجيم رمضان من الدكتوره براءه ..

كل عام وانتي بخير الغشيمه مشكوره ماتقصرين على الرجيمات انا مسويه الحين الرجيم مالج وادعيلج كل ما اركب الميزان الله يوفقج يارب وتصيرين رشييييييييييكه

 

[معلمه متميزه]

مشاركة: رجيم رمضان من الدكتوره براءه ..

يا بعد عمري تسلمين الله يتقبل منج دعائج ..

وانتي بخير وصحه وسلامه ..

 

[ساشا]

مشاركة: رجيم رمضان من الدكتوره براءه ..

كل عام وانتوا بخير ورمضان كريم
والله يتقبل منا وومنكم صالح الاعمال
ومشكووورة على هديتج الحلوة

 

[معلمه متميزه]

مشاركة: رجيم رمضان من الدكتوره براءه ..

حياج حبيبتي وتسلملي طلتج ..

 

[salomy]

مشاركة: رجيم رمضان من الدكتوره براءه ..

يامال العافيه والله على هالرجيم السنع,,,,,,,,,

قولى امين عسى ربى يوفقج ويقوى عزيمتج وتضعفين,,,,,,,

بس ماقلتى هالرجيم اشكثر يضعف,,,,,,,

ونزلتى عندها على الرجيم الاولى,,,,,,,,

والفيتامينات غيرتهم ولا تستمرين عليهم لانى ناويه أشتريهم,,,,,,,,


ومبارك عليك الشهر,,,,,,,,,,,,,,,

 

[xxx]

مشاركة: رجيم رمضان من الدكتوره براءه ..

مشكورة الغشيمة على الرجيم

 

[jolie_q8]

مشاركة: رجيم رمضان من الدكتوره براءه ..

تسلمين..والله يعطيج العافيه

 

[معلمه متميزه]

مشاركة: رجيم رمضان من الدكتوره براءه ..

سلومي تسلمين يا قلبي على الدعوه والله يتقبل منج ان شاء الله .. الفيتامينات ما غيرتهم وقالت لي استمر عليهم وبالنسبه للرجيم الاولى انا خربط وايد وايد عشان جذي نزلت بس 2 كيلو .. وقالت لي لو ما خربطتي جان نزلتي الخمسه بس تقولي عموما ما كو مشكله تنزلين على راحتج احسن من لما تنزلين بسرعه وتالي تردين بسرعه مع الخربطه ..

بنوته حياج الله حبيبتي ..

جولي الله يعافيج ويسلمج ...

 

[معلمه متميزه]

مشاركة: رجيم رمضان من الدكتوره براءه ..

سلومي هي ما قالت لي جم هالرجيم ينزل وانا نسيت اسالها .. وتسلمين

 

[BlUe SkY GuRl]

مشاركة: رجيم رمضان من الدكتوره براءه ..

تسلمين حبيبتي على جهودج الواضحه في محاربة السمنه! لول الف شكر

 

[معلمه متميزه]

مشاركة: رجيم رمضان من الدكتوره براءه ..

حياج عزيزتي ..

 

[xxx]

مشاركة: رجيم رمضان من الدكتوره براءه ..

غشيمة بشري شصار على مراجعتج جم نزلتي برمضان ؟

 

[معلمه متميزه]

مشاركة: رجيم رمضان من الدكتوره براءه ..

هلا بنوته ابد اخر مره زرتها وزني ثابت مانقص شي يالله احسن مما يزيد ..

وتسلمين

 

[xxx]

مشاركة: رجيم رمضان من الدكتوره براءه ..

اي والله الثباااااااات برمضان نعمه

موفقه

 

[كاتو_كويتيه]

للرفع شنو استخدم فيتامينات ؟

 

[{الجارحه}]

من وين جبتيه الموضوع مغبر
من 2005

 

[رسَــيــل]

الله يعطيج ألف عااافية يااارب

 

[Miss 7o7o]

موفقة يسلموا

 

[Sinderla]

كل عام وانتوا بخير ورمضان كريم
والله يتقبل منا وومنكم صالح الاعمال
ومشكووورة على هديتج الحلوة