رجيم طازج من الدكتوره براءه ينزل 5 كيلو باسبوعين ..

[معلمه متميزه]

قوه بنات شلونكم شخباركم ..

عقب الصدمه الي انصدمتها في وزني وصل 80 والمقاسات من اسمول وميديم صارت اكس اكس لارج قلت لا وكلا وابدا يبيلها دكتور تغذيه ..

المهم امس رحت لها وعطتني هالنظام وتقول ينزل 5 كيلو وهذا للمرحله الاولى بس وبعد اسبوعين بتعطيني نظام ثاني وتقول التزمي فيه عشان اعطيج نظام ايريحج برمضان ...

بس ترى هااااااا كل الي تموتون عليه ممنوع بهالاسبوعين والله يعينكم ..


ملاحظات :

الجبن اي نوع عادي حتى لو كامل الدسم ، البيض مو اكثر من 2 بيضه بالطبخه الوحده ، الشوربات لازم انتي تسوينها ( شغل بيت يعني ) مو شوربات ماجي او اي شوربه جاهزه او اكياس لانه يكون فيها شي يمتن .

قائمة الممنوعات :

الخبز بانواعه حتى الاسمر ، الحليب اللبن اللبنه الروب البسكوت الحلويات الطحين ومشتقات القمح الفطاير مبيضات الحليب ( كوفيميت وغيره ) العصائر بانواعها حتى الطازجه الفاكهه خصوصا التين العنب التمر المنجا الموز طبعا البقوليات الفول والحمص والعدس الذره الرز البرغل البطاط الجزر السكر الابيض والاسمر وسكر الفواكه والذره .

ادري لسان حالكم يقول شبقى مو ممنوع

المسموح :


سكر الكندريل وسكر سويت اند لو ( اكياس ورديه ) ( تقول ما منه مضره ان شاء الله لان استعمالج له فتره بسيطه )

تنبيهات يوميه اثناء الرجيم :

شرب من 6 الى 8 اكواب ماء يوميا قلاص على الريق ( لازم ) وقبل الوجبات وقبل النوم .

ممارسة الحركه عن طريق تمارين رياضيه او رقص ( مو مكتوبه بالورقه بس الي قالته لي ) المهم يتم تحريك الاماكن الي يتركز فيها الدهون ( الارداف البطن والزنود ) وهالنقطه ظروريه جدا ولازمه بدون رياضه او حركه ماراح تنزلين الخمسه كيلو ..

مسموح بالمشروبات الغازيه الدايت والشاي والقهوه مع الكندريل والزهورات حسب الرغبه .

عند حدوث امساك تناول 4 حبات تين بدل العشاء و 2 كوب ماء ومغلي بذور الحلبه وبطيخ ناضج على الافطار والعشاء

في حالة التعرق بكثرة تناول حبة فاكهه لتعويض الصوديوم والبوتاسيوم .

على فكره ممكن يسبب هالرجيم دوخه او رمعه بالقلب بهالحاله اكلي تفاحه لانه يكون الجسم بحاجه الى سكر ( كلام الدكتوره )

نيي للنظام ...


اليوم الاول ..

الفطور ( اومليت بيض وطماط وقطعة جبن وخياره )
الغدا ( 2 قطعه دجاج مشوي وسلطة خس وليمون وزيت)
العشا ( نفس الافطار او الغدا )
عند الجوع (2 شريحة جبن وبيبسي دايت ) <<< لا شبعت

اليوم الثاني ..

الفطور ( بيض مقلي 2 نقانق وفلفل اخضر وزيتون )
الغدا ( كباب وسلطة جرجير وبربير وليمون او ستيك ومشروم )
العشا ( شوربة مشروم بالكريمه و 2 شريحة جبن )
عند الجوع ( سفن دايت وجبن )

اليوم الثالث ..

الفطور ( بيض 2 وجبن 3 وخياره او سلطة )
الغدا ( تكا وسلطة مشكله )
العشا ( سلطة بيض مسلوق وفلفل اخضر وزيتون )
عند الجوع ( بيبسي دايت وشوي مكسرات )

اليوم الرابع ..

الفطور ( 3 قطع جبن 3 قطع مرتدلا وخس وزيتون )
الغدا ( سمك مشوي فلفل وكوسا مشويه مع الصلصه او شيش طاووق )
العشا ( شوربة بروكلي وبيض مسلوق )
عند الجوع ( سفن دايت وايس كريم لايت عدد 2 كره ) وناسه برد

اليوم الخامس ..

الفطور ( اومليت بيض ومشروم وزيتون )
الغدا ( ملوخيه مع الدجاج او همبرجر وجبن وخس )
العشا ( كباب ومتبل )
عند الجوع ( بيبسي دايت و 4 قطع اناناس ( طازج طبعا ) )

اليوم السادس ..

الفطور ( خس وجبن ومرتدلا )
الغدا (ربيان مشوي وطماط سلطه و متبل او ستيك )
العشا ( بيض ونقانق وزيتون او شوربة خضار )
عند الجوع ( فيمتو دايت وجبن )

اليوم السابع ..

الفطور ( بيض وجبن اومليت )
الغدا ( ملفوف وكوسا وفاصوليا خضراء وصدور دجاج مع الصويا )
العشا ( شوربة سلري وقطعة دجاج )
عند الجوع (سفن دايت وكاكاو دايت )


=========================

الاسبوع الثاني تبدونه من يديد وتقدرون تغيرون ايام الوجبات حسب الرغبه مو شرط بالترتيب ..

وعلى فكره انا اكل مع الرجيم حبوب فيتامينات مترنا وعطتني كالسيوم د وماكسيفيتا ومنرل انرجي من ماركة بايو سوس اكل حبه بعد كل وجبه يعني كل وجبه نوع من الانوع الي عندي ( ماكسيفيتا ومترنا اكلهم بعد الفطور والباجي وحده عقب الغدا ووحده عقب العشا ) لانهم يحافظون على نظارت البشره والشعر والاظافر وتمنع تساقط الشعر وما يقل الكالسيوم بالجسم ..


وتسلموووووووووووووووووون

 

[xxx]

مشاركة: رجيم طازج من الدكتوره براءه ينزل 5 كيلو باسبوعين ..

مشكوووووووووووورة على الرجيم

تقريبا يشبه نظامي

عسى الله يوفقج

بس ممكن سؤال ؟؟؟؟؟؟؟

براءة من أي ديره ؟

 

[ii DareeN ii]

مشاركة: رجيم طازج من الدكتوره براءه ينزل 5 كيلو باسبوعين ..

يعطيج العافيه وماتقصرين وانشالله تنزلين الخمسه بس ماعطتج ادويه زنكال ولا ردكتيل وين مكانها

 

[نفنوف كشكش]

مشاركة: رجيم طازج من الدكتوره براءه ينزل 5 كيلو باسبوعين ..

مشكوووره عالرجيم...بس الحين انمنعت من الجبن بداله اذا بغيت لبنه عاد انا حياتي الجبن
بس بغيت طلب ...ممكن عنوانها ورقمها ؟؟؟

 

[al7anona]

مشاركة: رجيم طازج من الدكتوره براءه ينزل 5 كيلو باسبوعين ..

هذا نفس رجيم الدكتور حسين دشتيو يوسف بوعباس وغيره
حلو هالرجيم

مشكورة

 

[ii DareeN ii]

مشاركة: رجيم طازج من الدكتوره براءه ينزل 5 كيلو باسبوعين ..

يعطيج العافيه قلبي انا سويت الرجيم اليوم

 

[ii DareeN ii]

مشاركة: رجيم طازج من الدكتوره براءه ينزل 5 كيلو باسبوعين ..

يعطيج العافيه قلبي انا سويت الرجيم اليوم

 

[معلمه متميزه]

مشاركة: رجيم طازج من الدكتوره براءه ينزل 5 كيلو باسبوعين ..

هلا وغلا بنات ..

بنوته هي لبنانيه او سوريه والله مادري بالظبط ..

بالنسبه لعنوانها .. تعرفون نادي المعاقين الي عقب دخلة النقره وقبل دخلت شارع بن خلدون ..

دشو الفتحه الي عقب النادي الي هي نفسها تدخلكم على شارع بن خلدون امشو سيده ودخلو الفتحه الي تييكم على اليمين قبل امبرس وكملي سيده هي بالعماره الي على الزاويه على ايدكم اليسار على التقاطع الي بييكم ...

المكان سهل ترى ماراح تشوفون اسمها بين باجي اسامي الدكاتره من بره لما تدشون تشوفون اسمها يم الاصانسير بالدور الاول وهذا الرقم ..

2617608
2626105
داخلي 109

وتسلمون والله يوفقكم وتظعفون امين ..

 

[معلمه متميزه]

مشاركة: رجيم طازج من الدكتوره براءه ينزل 5 كيلو باسبوعين ..

دارين نسيت سؤالج سوري ..

الله يسلمج ما عطتني وانا صراحه ما افضل اكل حبوب مع الرجيم شالله حادني في انواع وايد رجيمات اخاف الحبوب تاثر ولا شي ..

وتسلمين

 

[jolie_q8]

مشاركة: رجيم طازج من الدكتوره براءه ينزل 5 كيلو باسبوعين ..

يهبل

خوش رجيم

وشكله صج ينزل

موفقين

ان اذا الله كتب ابدي فيه عقب رمضان

 

[.الحور.]

مشاركة: رجيم طازج من الدكتوره براءه ينزل 5 كيلو باسبوعين ..

مشاءالله عليكم والله لكم نفس على الرجيمات
ههههههههههههههههه
انا .. أطفششش بسرررعه ..
يعطيك العافيه

 

[معلمه متميزه]

مشاركة: رجيم طازج من الدكتوره براءه ينزل 5 كيلو باسبوعين ..

حياج جولي ..

الحور غصبن علينا مو طيب الواحد يشوف جسمه كلماله يزيد ونلحق على عمرنا دامهم 20 كيلو احسن من انهم يصير 50 ولا ازود ذيج الساعه شينزلهم !!!

وتسلمون

 

[نفنوف كشكش]

مشاركة: رجيم طازج من الدكتوره براءه ينزل 5 كيلو باسبوعين ..

مشكوووووووره عالانفوووو وانشالله تفتكين من هال20 كيلو وافتك انا بعد

 

[^^دموع الكويت^^]

مشاركة: رجيم طازج من الدكتوره براءه ينزل 5 كيلو باسبوعين ..

مشكوووووووووووووووورة الرجيم وايد حلو

 

[معلمه متميزه]

مشاركة: رجيم طازج من الدكتوره براءه ينزل 5 كيلو باسبوعين ..

العفو بنات و حياكم الله ..

 

[xxx]

مشاركة: رجيم طازج من الدكتوره براءه ينزل 5 كيلو باسبوعين ..

بشري عن اخبار ماشية تماااااااام ؟؟

بالنسبة للكاكاو ماحددت لج الكمية والنوع ؟؟

 

[معلمه متميزه]

مشاركة: رجيم طازج من الدكتوره براءه ينزل 5 كيلو باسبوعين ..

هلا بنوته الحمد لله ما شيه واذا خربطت ما اكل الوجبه الي وراها بس ما اخربط وايد المهم .. بالنسبه للكاكاو ما حددتلي بس في كاكاو للرجيم بالجمعيات عندي واحد وباكله وعلى الله ..

هي قالت لي تبين اي سؤال دقي بس اتعيز يا ربي وما اتذكر الا بوقت مو مناسب ..

حياكم

 

[xxx]

مشاركة: رجيم طازج من الدكتوره براءه ينزل 5 كيلو باسبوعين ..

الله يوفقج

بس ديري بالج تاكلين شي من الممنوعات ترى يوقف الوزن

 

[معلمه متميزه]

مشاركة: رجيم طازج من الدكتوره براءه ينزل 5 كيلو باسبوعين ..

ياربي يبيلي تخيط حلج والله مافي فايده مني اليوم صج صج خربتها ..

اشوف وزني نزل كيلو ونص ووقف مالت علي اقول ...

عموما دواي عندي باجر ...خخخخخخخخخخخ حلوه

حياج بنوته

 

[xxx]

مشاركة: رجيم طازج من الدكتوره براءه ينزل 5 كيلو باسبوعين ..

الغشيمة حساااااااااافه

كملي وترى الايام تمشي بسرعه