رجيم غير شكل :)

[leza_q8]

السلام عليكم ورحمة الله وبركاته ..

خبيرات الرشاقه والرجيم

حبيت اخذ رايكم في نظام اكلي او رجيمي الجديد "

طبعا بعد ما جربت كل الرجيمات الموجوده هنيه لطالب الشمري ومحمد ربيعه
نزلة عليهم وايد انا كان وزني 90 وحاليا 68 وانا صار لي سنه اسوي رجيم

يعني الرجيم ونظام السعرات الحرايه صار بنسبه لي نمط حياه وخلاص بدية اعرف حك روحي تقريبا الي يسمح او الي ما يسمح

وسوية لي نظام رجيم او خطه جمعة فيها ما يناسبني وما يقدني وايضا قليل السعراة الحراريه ويضعف " يعني خلط بين رجيم ربيعه وطالب الشمري + نظام السعرات الحراريه" بحيث انه باليوم اكل بس 100 إلي 1200 سعره حراريه

وحبية اخذ رايكم في رجيمي والنظام الي حاطته


الافطار:

1- 5إلي7 تمرات + كوب حليب خالي الدسم او نسكافيه
2- 2 كيوي + كوب حليب خالي الدسم او نسكافيه
3- قطع خبز(ربع رغيف) او توست شريحتان + جبن أو لبنه أو فول أو بيض + طماط وخيار وخس + شاي مع حليب خالي الدسم او نسكافيه

بين الافطار والغداء :- " الضحى"

حبة فاكهه
أو عصير اناناس او برتقال

الغداء:_

تاخذين من كل مجموعه شي واحد :-

المجموعه (أ) :-

سلطه خضراء
تبوله
فتوش
سلطه روب وخيار
سلطة شمندر
خضار مشكله مسلوقه " على هيئة مرق او شوربه"

المجموعه( ب) :-

* نص او ربع دجاجه انا اكل النص في حالة اذا كانت بس اهي بروحها من غير سلطه وغيرها
* قطع شيش طاووق 6ألي8
* 2 همبرجر
* 2 قطعة لحم من الايدام "المجبوس"
* 2 ألي 3 سيخ كباب
* 9 قطع تكا
* ستيك قطعه اذا كانت سميكه وكبيره وقطعتان اذا كانت رفيعه
* سمكه متوسطة الحجم
* 2 بيضه مسلوق

المجموعه (ج) :-
* خبز" ربع خبزه"
* كوب رز
" الرز مرتين بالاسبوع" كوب فقط

المغرب "بين الغداء والعشاء"

* 3 تمرات
* حبة فاكه صنف واحد
* سناك او قطعة ككاو صغيره جدا " سنكرز او مارس المني الصغير جدا "+ دايت
* حلو قطعه صغيره




(2)

العشاء :-

" على دفعات"
" وما يصير تطوفين وجبة العشاء لازم تاكلين ولو شي بسيط "

* خس بعد ساعه لبن "يفضل خالي الدسم"
• بعد ها بنص او ساعه 2 كيوي او برتقاله

• * سلطه خضراء او سلطة روب وبعدها بساعه عصير الخلطه " اناناس + كيوي"

• 2 شريحة توست + جبن وطماطم وخيار + عصير الخلطه او لبن



• " ملاحظه:-

• 1- اذا كليتي الفطور توست "سانوج" ما يصير تاكلين العشاء توست "سانوج" يعني باليوم مرتين تاكلين توست لا ما يصير

• 2- في حالات العزايم او الغداء بره مثل تقدرين تعكسين الغداء عشاء " مثلا اذا كنتي معزومه على العشاء بره تخففين الغداء وتاكلين وجبتج العشاء تكون رئيسيه

وملاحظه :-

انا حاذفه الخبز نهائيا

***وساعات لو اشتهيت عيش اكل مره واحد بالاسبوع كوب عيش بس فيه "226" سعر حراري

***وعادي لي بالاسبوع وجبه فريه بس احاول ابتعد عن المعجنات هارديز ومن طقته وغيره اخلي اكلي سوتيه وستيك وسمج بس اذا اضطريت مافي مانع بس عادة انا ما احب اكل الوجبات السريعه

وهاذي بعض الامثله لوجبة الغداء

أمثله لوجبات الغداء :-

1- سمكه متوسطة الحجم + سلطه خضراء او سلطة روب او سلطة شمندر+ ربع رغيف خبز
2- صدر دجاج + شوربة خضار + ربع رغيف خبز
3- نص دجاجه + تبوله
4- خضار مشكله "سوتيه" + سلطه + روب + ربع رغيف خبز
5- 2 قطعة لحم او همبرجر + أي نوع من السلطات المذكوره سابقا + ربغ رغيف خبز
6- 3 كباب + سلطه أي نوع + ربع رغيف خبز
7- علبة تونه كبيره مصفاة + سلطه + ربع رغيف خبز
8- 2 بيضه مسلوقه + سلطه + ربع رغيف خبز
9- ستيك + سلطه + ربع رغيف خبز
10- من 7إلي 10 قطع ربيان مشوي او مسلوق + سلطه + ربع رغيف خبز

"""" اكرر انا حاذفه الخبز""""""""

ها بنات شريكم فيه ابي رايكم واقتراحاتكم

وتحديد بنت الكويت والرسامه وكوين لانهم صار لهم باع طويل مع الرجيم وصاروا خبيرات الحين

حلوه باع طويل

انطر ردودكم

 

[bnt q8 in usa]

مشاركة: رجيم غير شكل

مايصير انا هههههههههه

شوفي حبيبتي رجيمج بالنسبه حق الي قاعده اقراهم في المنتدي مضبوووووووط والله يوفقج

ودام انج مرتاحه عليه ونزلتي شي ممتاز بس ممكن سؤال

تلعبين رياضه والا رجيمج بس اكل؟

وبالتوفيق

 

[leza_q8]

مشاركة: رجيم غير شكل

مع رياضه ساعتين يوميا بالنادي
ساعه مشي وساعه سويدي والاجهزه

 

[أم جوري]

مشاركة: رجيم غير شكل

حلو
ومدام نزلتي عليه والحمدلله يبقى مزبوووووووووووووط مية مية
الله يهنيش بالوزن الصحي
والفال لي انا ابي انزل من 10 الى 15 كيلو وترح كرشة الولادة
خففت الأكل وامشي ساعة والعب تمارين مع دراجة ساعة ثانية
صار اسبوعين بس

 

[@ الرسامة @]

مشاركة: رجيم غير شكل

ما شاء الله ضعفتي حيل


انزين علميني اشلون نزلتيه مع هالنظام ؟؟
اشلون مع رياضة ؟؟

وشنو الاسباب اللي خلتج تضعفين ؟؟ نبي انعرف اسباب اراتدج ؟؟؟


والله يهنيج

 

[jolie_q8]

مشاركة: رجيم غير شكل

وايد حلو نظامج ... ماشاءالله

استمري عليه ...

وفعلا اهم شي الرياضه

وايد تعطي دافع

 

[bnt q8 in usa]

مشاركة: رجيم غير شكل

عفيه عليج اذا مع رياضه لانه للاسف اغلب البنات من غير رياضه وبجذي بس يهدون الرجيم للاسف يردون يمتنون

الله يوفقج

 

[leza_q8]

مشاركة: رجيم غير شكل

مشكورين بنات على تفاعلكم مع الموضوع
بس لو في أي ملاحظات على النظام او شي او شيات ياريت تقولونها ومنكم نستفيد

ختي ام جوري
انا يتني فتره وقف فيها وزني ما يقارب الشهرين ما تحرك ولا نتفه ولا شرطه بس كنت مستمره على الرجيم والمتابعه وكنت اتمنى احد يقولي ضعضانه بالشكل بس ما كوا فايده الكل يقولي ضعفانه شويه بالشكل مو ذاك الزود لم تقريبا بعد الاشهرين نزل وزني بشكل جدا ملحوض وبعدها بسبوع كل ما اروح مكان يسألوني انتي مسويه عمليه او شي حتى خواتي في الزواره دشيت عليهم الكل تفاجأ يقولون شنو هذا شلون مره وحده ضعفتي وشكلج تغير
اهو طبعا انا ما ضعفة مره وحده تعب ورجيما3 شهور الي وقف فيها وزني بين علي
لا تيأسين لانه الحين الي قاعد تحرقينه وتنزلينه دهون والدهون صعبه في نزولها مو مثل الماء استمري وصدقني راح يفرق شكلج وايد بس نصيحه مني لا تحرمين نفسج من الاكل اكلي بعتدال والي تحبينه بس مو تتمادين
ونزول ببطأ افضل من نزولج السريع وتابعي وشدي الهمه


@الرسامه@
انزين علميني اشلون نزلتيه مع هالنظام ؟؟***
اشلون مع رياضة ؟؟

هذا كان رجيمي طول فترة سنه
طبعا مع رياضه او مره بدية ساعه قسمتها نص ساعه مشي ونص ساعه رقص شرقي
الحين صارت ساعه مشي وساعه رقص وسويدي

*** وشنو الاسباب اللي خلتج تضعفين ؟؟ نبي انعرف اسباب اراتدج ؟؟؟

اولا: انا للحين صغيره بالعمر27 وإلي كبري للحين ما تزوجوا وكنت بصراحه اشوف رفيجاتي واتحسر لم يلبسون وشكلهم يشوق
ثانيا: انا لم تزوجة كنت ضعيفه وجسمي وايد كان حلو كنت بالخمسينات وانا اساسا حلوه فلم تزوجة وعيلة بصراحه متنة وايد وايد وبصراحه اكثر كل الحلا إلي كان فيني راح وصرة جني مره كبيره والكل يعطيني عمر اكبر من عمري وايد وهذا كان يزعجني حيل
ثالثا: ايام المتن ما كنت البس واحب أكشخ كل عبي واساسا السوق الاقي صعوبه بالاشياء الي تناسب وزني وان لقية يكون كل ستايل حريم اكبار وهذا شي يعور القلب حيل
رابعا: بعد ولاتي الثانيه وشفة شكلي جذيه ومعاناتي قلة ستوووووووووووووووووب هذا انتي عندج اثنين وجذيه صار شكلج وكبروج جذيه وانتي للحين بالعشرينات عيل لو بعد 5 او 6 شنو راح يصير فيج وبشكلج فقلت وصممت لازم ارجع حك جسمي قبل الزواج وخذية قرار مصيري انا وريلي انه مافي حمال وره بعض مره ثانيه لازم فجه اضعف فيها وسترد عافيتي ونفسيتي وبعدها نخطط للحمال
خامسا: مره ريلي على غشمره قالي لي كلمه على ايام المتن ماكان قصده بس اهي ضلة في بالي حيل ويمكن اهي اعكسة عن شي بداخله مايقدر يقول خوف من ان يجرحني بس انا خزنتها في بالي وصممت اكسر هذي الصوره الي في باله واغيرها

بنت q8
انا خلية هالنظام خلاص نظام حياتي ومعيشي لي وبصراحه انا اعتقد بان هالنظام حلو وممتع وما تنحرمين فيه وفيه اكل وحلا وبنفس الوقت ينزل
والحلو فيه ان حتى لو خربطتي فيه يوم او يومين ما يخترب ولا ياثر بس ها اكثر من يومين اتصير مصاااخه

وبعدين من الاشياء الي فادتني في الرجيم
1- شريط لي نجيب الرفاعي عن البرمجه الذاتيه اسمع السمنه والرجيم
2- كل ما حسيت انه اضعفة همتي او ياسة رحت حك دكتور نفساني او سلوكي " انا اروح حك مركز صلاج الراشد" اخذ فيها جلسه اتكل عن كل شي يضايقني ومنها مشكلة السمنه وكنت اطلع منهم وايد مرتاحه ونفسيتي وهمتي وايد عاليه وكانوا يعطوني تمارين وغيرعا من اشياء وايد غيرت فيني اشياء في حياتي وكتشفة فيها قدراتي واراتي وايد مفيده
3- كتب صلاح الراشد بكل المجالات كنت اقراها وكانت وايد تعزز الثقه والعزيمه والاراده فيني لتغيير كل شي غلط فيني مو بس المتن




 

[leza_q8]

مشاركة: رجيم غير شكل

الرسامه وام جوري انتوا قولوا لنا ليش تبون تضعفون وشنو الدافع ؟

 

[ظلال القرآن]

مشاركة: رجيم غير شكل

واي مشكوره ان شاء الله عقبالي يارب

 

[*الحالمه*]

مشاركة: رجيم غير شكل

ما شاء الله عليج

عيني عليج بارده

مبين رجيمج صحي جدا

يكفي انج مو حارمه نفسج من شي ابد

و هذا اهوا الصح

و هم في نقطه يتناسونها الصبايا الحلوات

اللي اهي الرياضه

و ما شاء الله عليج انت محافظه عليها

بس عندي لج نصيحه مهمه جدا

الماااااااااااااااي

كثر ما تقدرين شربي ماي

مفيد للرجيم و هم للبشره و الشعر

الله يوفقج و يحقق كل امانيج

 

[b6o6a]

مشاركة: رجيم غير شكل

حلو نظامج بس حسافة ما فيه كاكاو وانا ماقدر

ابي حلاو كاكاو

لالا جسمي زين مو لازم اضعف بس خوفج امتن

عليج بالعافية
خوش رجيم

 

[far007a]

مشاركة: رجيم غير شكل

ناشالله عليج اختي
عجبتني سالفة المركز اللي يرفع المعنويات

 

[كويتية أمورة]

مشاركة: رجيم غير شكل

ماشاء الله لا اله الا الله
اول شي الف الف مبروك على النزل وعقبال كل البطابيط اللي مثلي اولهم ظلال القرآن هههههههههه

ثانيا احسن شي سويتي انج سنعتي نظام اكلج من خلال هالنظام مشكلتنا لما نخلص الريجيم نرجع لنظامنا الغلط وانا اولكم من اخلص الريجيم رديت ابلع بهالحلويات والكاكاو والماكدونالدز اللي اضعفه باسبوعين ارجعه بيومين

والنقطة الثالثه وهي الاحسن انج صاحبتي الريجيم بالرياضة<<<<تعالي صج اي نادي تروحين؟
اولا عشان يتنسق الجسم
ثانيا عشان تتفادين الترهل يعني تضعفين وجسمج شاد
ثالثا لما تبنين عضلات بجسمج راح تحرقين سعرات حراريه اكثر فتضعفين اكثر اعتقد عشان جذي وزنج وقف فترة يمكن فترة مابنى العضلات لانه العضله وزنها اكبر من الشحم

وخطوة ذكيه منج انج تروحين حق Support Group مثل مركز صلاح الراشد يمكن احنا مو متعودين على هالاشياء فعلا شي يديد
ياليت تقوليلنا عنهم اكثر مكانهم نوعية الدورات والاسعار وكل شي
وفعلا كتب صلاح الراشد وااااايد مفيدة بكل المجالات

والله يوفقج ان شاء الله انتي وكل البنات وان شاء الله الكل يوصل للوزن اللي يبيه بصحه وعافيه

 

[Brounzi_girlly]

مشاركة: رجيم غير شكل

آنا عن نفسي اهنيج على إرادج القوية
آنا عن نفسي مشكلتي بدت مع الحمل كان وزني 53 وساعات يوصل 55 وفي فترة الحمل وخصوصا أول حمل لي وكان جسمي قمة في الروعه
وبعد الولادة الكل ينقدني على جسمي حتى ريلي احس بدى يحس وآنا قمت ماروح لا عروس ولا استقبالات غير البجي والنواح ولا ارادتي انعدمت وصرت آكل ألحين وزني يمكن 69 والحين اشتركت بدايت سنتر بس ريلي مو من النوع إلي يرضى أشترك بنوادي ومالعب رياضة وايد ومفكرة حتى عمليات ليزر حق الستريتش مارك بسوي وإدعيلي أضعف وأصول الوزن إلي أبيه وشنو الرياضة إلي ممكن تشد البطن والصدر عندي وهل راح أرد مثل أول أو لا
مع تحيااااااااااتي وتسلمين لطرحج تجربتج والفال حق باجي التختوخات

 

[مــلاك]

مشاركة: رجيم غير شكل

واااايد حلو ريجيمج الله يوفقج
بس عندي سؤال انا شعري وايد يتاثر باريجيم وقله الاكل فبسال شنو الاشياءءاللي اسويها عشان شعري

يعني شنو الفيتامينات اللي تناسب ؟؟

وشكرا

 

[xxx]

مشاركة: رجيم غير شكل

مبرووووووووك ليزا الوزن الجديد

ونظامج رووووووووووووووووووعه

استمري عليه وبالتوفيق