رجيم مكسس ........... تعال بص :)

[طوق البنفسج]

هااي اشلوونكم بنات شخبااركم

في رحلتنا للبحث المتواصل عن الرشاقه سمعت عن عياده التغذيه الي بمستوصف السره ورحت وقلت يابنت مابدهاش هذي قريبه من البيت و ماعليها زحمه رحت و قطعت كرت عادي قلت لها ابي مال التغذيه

دخلت على الدكتور و اهو ترى ماله شغل بالرجيم يعالج السكر و الضغط و عندهماجستير امراض باطنيه شكو بالرجيم مادري المهم قالي سوي تحاليل و عطاني هالنظام لمده اسبوعين
انا نزلت بالاسبوع الاول 3 كيلو

الريوق

1- جبنه شدر او لبنه بدون توست
2- 2 بيضه مسلوقه بدون توست
3- فول بدون توست
4- كوب حليب و 5 تمرات
5- 2تفاحه و اناناس او عصير طازج
6- قهوه بدون سكر و 5 تمرات

الغدا :

كل يوم شوربه السالري ( 2طماط+ 2 بصل+ا ملفوف ابيض و احمر +بروكلي +زهره+بقدونس+كرفس+ثوم+فلفلاخضر حلو+ كوسه) يطبخ لمده 45 دقيقه و تضيفين عليه خل التفاح او ليمون

مع هالشوربه تاكلين خضار مسلوق بدون بطاط و جزر
او قطعه بروتين لحم دجاج سمك ربيان
او سلطه

العشا

الشوربه مره ثانيه هذا النظام لمده اسبوعين

تكثرين من الماي

مسموح بالخضار و الفواكه ماعدا الموز و العنب و المانجا و التين و الرقي و البطيخ

ممنوع جميع العصاير المحفوظه

ممنوع النشويات و المكسرات و الوجبات السريعه

ممنوع المشروبات الغازيه

الصوم يوم بالاسبوع او الامتناع عن الاكل و يسمح بشرب الماء و العصير

سلامتكم و اي استفسار حاضرين للطيبين

 

[xxx]

مشاركة: رجيم مكسس ........... تعال بص

مشكورة طوق البنفيج على الرجيم

وان شاءالله تنزلين الوزن الزايد وانتي بصحه وعافيه

 

[طوق البنفسج]

مشاركة: رجيم مكسس ........... تعال بص

حيااج الله بنوته وانشالله اذا غير لي النظام بنزله بالموضوع انشالله

 

[زيـنـه]

مشاركة: رجيم مكسس ........... تعال بص

مشكوره على الريجيم .. بس يشبه اتنكنز .. ماكو نشويات و لا سكريات

 

[ريفيرا]

مشاركة: رجيم مكسس ........... تعال بص

مشكوره ماقصرتي بس اكيد مضمون؟؟؟!!!!!!!!!!!!

 

[المرفأ~~]

مشاركة: رجيم مكسس ........... تعال بص

طوووق ..
ان شاءالله تنزلين الوزن الزايد من غير هم ولا مرض..


والله يعينج على الشوربه..

بالتوفيق

 

[Brounzi_girlly]

مشاركة: رجيم مكسس ........... تعال بص

تسلمين خوش ريجيم
مع تحياااااااااااااااتي........

 

[طوق البنفسج]

مشاركة: رجيم مكسس ........... تعال بص

حياااكم الله

ريفيرا ماكو شي مضمون كل وحده حسب ارادتها و جسمها و موفقه

 

[jolie_q8]

مشاركة: رجيم مكسس ........... تعال بص

مشكوره طوق

خوش رجيم

 

[طوق البنفسج]

مشاركة: رجيم مكسس ........... تعال بص

حيااج جولي

انشالله تنضمين لنا قريب

 

[.]

مشاركة: رجيم مكسس ........... تعال بص

مشكوره طوووق.......

وان شالله تضعفين

 

[طوق البنفسج]

مشاركة: رجيم مكسس ........... تعال بص

حيااج الله رونه

اي عفيه كثري من هالدعوه

 

[نفنوف كشكش]

مشاركة: رجيم مكسس ........... تعال بص

طوووووق !!!!!!! صديقت الرشاقه ومثلي بالصموود ازيك يابت ؟؟؟؟؟
رجيم حلو وخفيف راح احطه ظمن الخطه ....ميرسووو

 

[candy]

مشاركة: رجيم مكسس ........... تعال بص

مادري شكله يعور الراس لانه مافيه نشويات

 

[طوق البنفسج]

مشاركة: رجيم مكسس ........... تعال بص

هلالالالالالالالالالالالالالالاوالله وغلا بنفنوف كشكش وينج يا بنت وين هالغيبه بشري ضعفتي ولا لي الحين اتصارعين

كاندي لا والله عادي انا ماشي معاي الحمدالله

 

[الحــــــلا كله]

مشاركة: رجيم مكسس ........... تعال بص

طوق مشكوره على الرجيم والله من كثرهم داخت روسنا

 

[جاي وحليب]

مشاركة: رجيم مكسس ........... تعال بص

ايواا يا طووق .. معاً نحو الرشاقه ..

وان شالله تضعفين اللي تيينه وزود >>احسن دعوه

 

[طوق البنفسج]

مشاركة: رجيم مكسس ........... تعال بص

حياااكم الله

جاي حليب وياج انشالله وكل رواد ديوانيه الرشاقه عشان نصكرها بالشمع الاحمر