رجيم ينزل من 2-3 كيلو في الاسبوع

[rawona]

قوه بنات..
حبيت افيدكم و اقولكم عن تجربتي مع الرجيم
وانشالله تستفيدون مثل ما استفدت ..
الرجيم هذا اهوا رجيم الكورن فلكس .. انا جربته بعد ولادتي و نفع وياي...
شوفو حبيباتي .. في بمركز سلطان كورن فلكس من كلوكز اسمه special K و موجود بنكهات متعدده ..
بس حرصو تاخذون اللي مو مكتوب بالعربي افضل لانه من بره
البرنامج الغذائي كالتالي:
الصبح تاكلين طاسة كورن فلكس اللي قلتلكم عنه مع حليب خالي الدسم
الضحى اكلي اي نوع فاكهه تحبينه
الغدا - اكلي وجبتج عادي اليوميه ما يضر تاكلين اللي تبينه بس يفضل ما تكثرين
العشا- اكلي طاسة كورن فلكس مع حليب خالي الدسم
و اذا يعتي بين الوجبات اكلي فواكهه او في بمركز سلطان سناك من نفس ماركة الكورن فلكس بنكهات حلوه واقل سعرات حراريه
و حرصوا على شرب الماي وايد زين للجسم و البشره
جربوا هالرجيم و انشالله تدعولي و اذا استمريتوا فيه بتنزلون من 2-3 كيلو بالاسبوع انشالله ​

 

[أم بدير]

معقوله؟؟
قاعدين نسوي رجيم قاسي وننزل بالشهر كيلوين ثلاث
هذا ينزل كيلوين ثلاث بالاسبوع؟
والله اذا صج بدعيلج ليل نهار​

 

[rawona]

انتي جربيه وانشالله بتدعيلي .. انا جربته بنفسي ومحد قالي عنه .. انا شفته بالجمعيه لما كنت في امريكا و جربته و رد وزني 55 كيلو بعد ما كان 80 بعد الحمل و الولاده
اهوا متعب شوي بس عجيب و انشالله يمشي وياج :eh_s(8): ​

 

[ام كرز]

مبروك النزول ياقلبي فعلا اهم شي الماي يساعد في نزول الوزن وهم العشا لازم يكون خفيف وشكرا ماتقصرين والله يديم عليج الصحه والعافيه يارب

 

[rawona]

ام كرز ..
مشكوره على المرور :eh_s(15): ​

 

[يمامة]

مشكورة حبيبتي على الرجيم

 

[Queen-q8]

روانا

انا جنه عندي هالكورن فليكس شريته من قبل 4 شهور جنه على بونا اكله بس من زمان ما اشتهي الكورن فليكس ؟؟؟

بس بغيت اسألج قعدتي شكثر عشان نزلتي هالوزن 25 كيلو مو شوية ..

وانا بطبيعتي ما انزل بسرعة تهقين اذا ابي 15 كجم شكثر اقعد ؟؟

 

[rawona]

يمامه .. مشكوره حبيبتي على المرور :eh_s(8):
و بالنسبه لسؤالج عزيزتي غالي الاثمان انا ما بلشت بهالرجيم على طول .. انا يوم بلشت فيه بعد الولاده كنت قاطه 10 كيلو تقريبا بعد الاربعين و عقبها ما كان وزني ينزل
بعدين من استعملته خذيت تقريبا 9 اشهر تقريبا على ما رديت وزني ..
بس للامانه راح تحسين بالفرق من اول شهر..
انا بعد كنت اتحرك وايد مو رياضه بس حركه ..
يعني كنت اصفط سيارتي بعيد و امشي ..
استخدم السلم بدل المصعد .. و هكذا :eh_s(6):
اتمنى تجربون هالرجيم و تقولولي رايكم .. تذكروا ان اللي ايي بسرعه .. يروح بسرعه
وبالتوفيج :eh_s(9): ​

 

[rawona]

اختي غالي الاثمان ..
نسيت اقولج .. اذا مشيتي على هالرجيم عدل .. اتوقع تنزلين .. 15 كج ب 3-4 اشهر انشالله
انا بعد الحين والده ولادتي الثانيه من 6 اشهر و للحين ما بلشت رجيم
بس قاعده انزل اشوي اشوي وزني الحين 66 كج و كنت قبل لا اولد 82 كج
بس انشالله بارد على رجيم الكورن فلكس باجر ..
تبلشين وياي؟؟ :eh_s(15): ​

 

[xxx]

مبروك النزول

و

مشكورة على طرح تجربتج الناجحه

 

[سعوديه بينكم]

مشكوره ياقلبي
بجربها ان شاء الله
انا ماابي انزل وايد جسمي حلو بس في زوائد وان شاء الله يروحون
والله يعطيك العافيه
ويقومك بالسلامه

 

[النبيطة]

من كثر مانقرا ونجرب بهالريجيمات مانعرف شنختار
مشكوره عيوني على نقل تجربتك

 

[rawona]

بنت الكويت .. سعوديه بينكم .. مشكورين يا عمري على المرور ..
النبيطه .. على رايج .. مابيدنا غير ان انجرب لين انطيح على الرجيم المضبوط :eh_s(6): و بالتوفيج ​

 

[girl_in_abottle]

حبايبي انا بمريكا
هل منتج عادي جدا
و ذة مجرد دعاية
حرصي ان تشترين الي يكون الياف طبيعية
whole grain تكون ثاني كلمة او اول كلمة
اذا مو مكتوبة لا تشترينة
ثانيا انا ضعفت 11 كيلو بشهر, بدون رجيم و لا يحزنون
انا ماحب هل سوالف لاني الادرى بمدى ضررها على الجسم
انا اكل اناناس طبيعي لانة يحرق الدهون
و كرفس لانة سر رشاقة الفرنسيات
و كيوي
علما بأني فصيلة A+
فهذا الشي يناسبني
و لي تبي تضعف إكلي الياااااااااااااااااف
علشان جذي يقولون كورن فلكس يضعف
انا انصحج فيه مرتين او ثلاث بالسبوع
اذا اكثر من جذي راح تمتنين
و شكرا

 

[توتو الحلوة]

مشكووووووورة راوونا

انا مجربته وفعلا يضعف

 

[rawona]

girl in bottle وتوتو الحلوه ... شكرا على المشاركة و حياكم
انا عى نفسي ضعفت على هالرجيم و مشى معاي ضعفت عليه :eh_s(9): ​

 

[رواحل]

انا نظامي مقارب جدا لنظامج وفعلا قاعد هاضعف الحمدلله
ريوقي كل يوم فاكهه والغدا وجبه عاديه والعشا كورن فلكس بس الحليب كامل الدسم
صارلي اسبوع نزلت كيلو ونص تقريبا
بس هالاسبوع مو راضي ينزل ما ادري شسوي؟؟؟؟
يمكن اغير الحليب الى خالي الدسم وابدى اسوي رياضه وان شاء الله يتحرك

 

[سفرجل]

روونا حبيبتي انتي بلشتي بعد الولاده ولا بعد ال40 لانه يقولون اذا اترضعين لازم تتغذين عدل
ومشكوره حبيبتي على هالوصفه اشوه انا احب كورن فلكس وااااايد

 

[rawona]

رواحل .. بالتوفيج يا قلبي و بشريني اذا نزلتي

ام سليمان .. انا بلشت فيه عقب 4 اشهر من الولاده و ضعفت .. و الحين ولادتي الثانيه بلشت بعد 6 اشهر من الولاده .. صارلي اسبوع و نزلت 2 كجم تقريبا .. بالتوفيق :eh_s(15): ​

 

[أم حيدر]

انا اليوم اول يوم بادية بريجيمج انا يبيلي انزل 10 كيلوات تقريبا.. احس اني مرتاحة حق هالريجيم سهل ومافي عفسه وايد انشالله انزل عليه.. وسأوافيكيييي بآخر التطورات