رجيم ينزل 8 كيلو باسبوع..

[bro0y]

ريجيم قاتل ينزل 8 كيلو في الاسبوع

السلام بنات هذا الرجيم منقول من النت ..باحد المنتديات ما ادري اذا تعرفونه او سامعين فيه..اليوم بديت فيه بس خايفة ما ادري ليش..والي تعرف ختفيدنه بليييييييييز..
نظام الرجيم: الإفطار ثابت طيلة الأسبوع: شاي أو قهوة بدون سكر أو إذا رغبتي كأسان من الماء
يومي السبت والأحد
الغذاء: قطعة لحم بقري مشوية أو مسلوقة معها كمية كبيرة من السلطة
العشاء : طبق سلطة فقط
يومي الاثنين والثلاثاء
الغذاء: بيضتان مسلوقتان وصحن سلطة
العشاء: سلطة فقط
يومي الأربعاء والخميس
الغذاء: خيارتان وعلبة صغيرة حوالي 125جم من الزبادي الخالي الدسم
العشاء: خيارتان
يوم الجمعة
الغذاء: تفاحة
العشاء: تفاحة
ملاحظة: لا يمكن الأكل بين الوجبات أبدا.. وان شعرتي بدوخة بسيطة وهو شعور طبيعي لنقص السكر في هدا الريجيم فيمكن أخذ ملعقة صغيرة من العسل
بشرط آلا تزيد ملاعق العسل عن 3 مرات في الأسبوع
لا يمكنك الاستمرار في هذا الريجيم بعد انتهاء الأسبوع الأول ولكن يجب أخذ استراحة لمدة يومين ثم تبدئي مرة أخرى.

 

[bro0y]

بلييييييييييز الله يخليكم فيدوني شجعوني ..دمعتي بعيني..

 

[cinderela]

هذا رجيم كيميائي بس مو اي كيميائييييييييييي النوع القوي وبعدين ماراح تتحملين غداج تفاحه وعشاج تفاحه بس
ومن يخلص الاسبوع تضعفين عليه وعقبها بيومين رادتهم واذا مو فوقهم بعد
ما احبطج بس صج مو صحييييي كلش واشكره يقولج تدخين وجذي
في رجيمات كيميائيه مثل التوست اهون بس مو لي هالدرجه
وانا جربت رجيم التوست اسبوعين و وقفت ٤ ايام تقريبا ورديت وزني وازياده يا فرحه ما تمت

 

[bro0y]

انا الي في بالي يومين راحة بس شي بسيط...وارجع على نفس النظام...شنو شي بديل و سريع ..

 

[Ma7ad-methly]

حلو الرجيم مشكوره

بس حق اللي صج عنده مناسبه ومايطول فيه

 

[قمـ خـالـد ـر]

برويي ..
انا بشجعج وببتدي وياج هالرجيم طيب ..
انا فعلا ودي اظعف حيل وراي عرس ولاني قادره انزل غلا كيلو كيلوين وادق بلعه عقبها اوعض 10 كيلو ..
بس اذا بتلتزمين وياي انا وياج وكل نهايه ايسبوع نقيس اوزانا ونراسل بعض باللى خسرناه ..
اذا موافقه بلغيني , لان ودي بصراحه احد يشجعني ويمشي وياي على الرجيم ..

 

[dan]

امبييي احسه حيل خطير ما احطمج بس ما الله كثر الرجيمات اذا اكلج طول اليوم تفاحتين شبصير فيج خصوصا اذا انتي موظفه ولا طالبة وااايد صعبه

 

[حصة]

يالله روووحي وانا اول وحدة اشجعج بناااات اللي يقووولون الكيميائءي يرد اذا مو مجربيين لا اتكلموون انا مرة نزلت باسبوعين 7 كيلوو وخربتها 4 شهور اكل اكل ما زدت الا كيليوين مو هالكيميائي لا ثاني وانا اقووولج يالله سووي وانا قارية عنه انه زيين والبنات يمدحووونه وان نزلتي بليز بلغينا عشان نسوووي ويالله الله يوفقج :*

 

[OM^BoJasSoM]

شدووا حيلكم بس والله قوووي

 

[قمـ خـالـد ـر]

السلام عليكم ..
لا زلت صامده في اول يوم :ggdw: الريوق اكلت تفاحه وشاي , والغدا خياره وحده معنه غدانا اليوم برياني دجاج اه يا قلبي تضبط حيل , بس اخذت خياره وانا اطالع القدر واتحلطم بس عشان ما اكل منه شيء , العشا اليوم طالبين اهلي من برا , عشان زوجه اخوي مشاوي وهالسوالف , انا سويت لي سلطه (خس+طماطم+بصل أبيض+خيار+خل ابيض) وبإذن الله اقولكم باجر شنو بيصير وياي باليوم الثاني بس الحمدلله , صج اليوم شويه بس شويه احس بخمول , بس لما نمت صحصحت من هالخمول ..
بإذن الله باجر بروح اقيس وبالضبط الاثنين الجاي بقيس وبقولكم جم خسرت ..
تحياتي

 

[الطموحه]

أختي الغالية هالرجيم خطر علي جسمج

أولا : ماكو ريوق الا جاي؟؟؟ الريوق اهم شي لو تغيرينه وتحطيلج بعض السمج والبروتين

اوكي انا معاج بينزل بس بتعب ويرد الوزن النازل بس والله اني حبيت انصحج

 

[جوجو.]

مشكوووره

 

[جوجو.]

السلام عليكم ..
لا زلت صامده في اول يوم :ggdw: الريوق اكلت تفاحه وشاي , والغدا خياره وحده معنه غدانا اليوم برياني دجاج اه يا قلبي تضبط حيل , بس اخذت خياره وانا اطالع القدر واتحلطم بس عشان ما اكل منه شيء , العشا اليوم طالبين اهلي من برا , عشان زوجه اخوي مشاوي وهالسوالف , انا سويت لي سلطه (خس+طماطم+بصل أبيض+خيار+خل ابيض) وبإذن الله اقولكم باجر شنو بيصير وياي باليوم الثاني بس الحمدلله , صج اليوم شويه بس شويه احس بخمول , بس لما نمت صحصحت من هالخمول ..
بإذن الله باجر بروح اقيس وبالضبط الاثنين الجاي بقيس وبقولكم جم خسرت ..
تحياتي

وااااي عذاب انا مااتحمل العزايم

 

[أم خـــدود]

انا بعد معااااكم ابي اكون من ضمن المجموعه وباجر الأثنين راح يكون اول يوم انشألله
بجربه اسبوع وااااحد وذا مانزلت ابي اخلي لانه واااااايد يتعب ومافي اكل بس بسوي اسبوع واذا نزلت راح اعيده




اقول بنااات خلونه نتخيل انه فقاااره وعااايشين بالهند ماعندنااا اكل غير هذه هههههههههههههههههههههههههههههه عشان نضعف والله الهنود مايكلون وللحين عايشين خلونه انجرب ونشوف ننزل اولا





ترى انا قلت اسبوع واحد بس اذا نزلت اوكي وذااا مانزلت لاوالله عذاااب على الفاضي


فديتكم ناطره ردودكم

 

[كشموووشه]

شكرا

 

[فيروزه]

يعطيج العافيه

 

[قمـ خـالـد ـر]

بنات اقولكم بإذن الله راح استمر فيه اسبوع بس , لان جد انا بطه شيء ماتخيلونه كل شيء جربته وقفت على هالكيميائي , انا نظام الخبز جربته والتمر لمده اسبوع خلوني اجرب هذا ..
فبجرب اسبوع وإن شاء الله انزل عليه ..
وانا العشا زدت على السلطه قطعه صغيره صدر دجاجه مشويه ..
بس باجر بحاول اكل تفاحتين الريوق وشاي اعشاب ..
والغدا سلطه قد ما اشبع و والعشا بخليه عصير وشاي اعشاب ..
لازم نتحمل عرسي ما بقى عليه شيء ابي اضعف و مو شرط منيكان اصير , بس على الاقل انزل هالكيلوات الزياده ..

 

[مستشاره قانونيه]

حصه

بليز هيلب مي ابي رجيمج الكيميائي بو اسبوعين

عفييييييييييييييييييه

 

[أم خـــدود]

وينكم ليش مومتفاااعلين؟؟؟؟؟؟؟؟؟؟


حبااااااااااااااااايبي ليكون بس متوووووو من الجوووووووووع ههههههههههههه اسم الله عليكم والله يطول بعمركم


يالله موتقولون نبي نشجع بعض يالله وينكم عشان نشجع بعض


شوفووو البناات الثااانيااات مشألله عليهم مسووين قروب على نظاام وكله يدخلوون ويسولفوون ويقولون يومياااتهم

وانا نبي نصير مثلهم عشان نقدر نضعف ونشجع بعض عفيه خلووونه نصير مثلهم كل وحده تقول شنوو سوت بيومهاااا

 

[قمـ خـالـد ـر]

مرحبا ..
اعذروني والله رديت من الدوام على طول نمت ..
اليوم شنو سويت يا حلوين _03BA:

تريقت تفاحه وشاي +حليب بدون سكر
ولما رديت البيت , حصلتهم مسويين مجبوس يعور القلب , فقمت اتحلكم عشان ما اقول للخدامه تحط لي غدا , المهم حطيت لي تمر شويه ولبن خالي الدسم قلاس واقولكم والله لما اكلت التمر وانا من الصبح على تفاحه , والله حسيت بشبع يمكن 8 او 10 حبات اخذت , وطبعا اكيد دامي بروحي اتغدي ما راح يدش هواء لبطني ويجوعني بعدين لان الاكل والحديث على الطعام يسبب هواء بالبطن وفراغ , وتحسين ليلحين جوعانه فتاكلين ماتشبعين , فحاولو تاكلون بروحكم ..
توني قاعده اكلت تففاحه , وبسوي نفس سلطه امس انا الحين 94 كيلو , ادري وايد بس بمساعدتكم راح نقدر كلنا ننزل من هالكيلوات سواء عندي او عندكم , وخلونا نستمر على هالرجيم , بس كل اسبوع نزيد صنف عشان ما نحس بدوخه لين معدتنا تصغر ونشبع بسرعه ..
واهم شيء يا بنات الاراده كل ماحسيتي ودج تاكلين كاكاو او شيء يخربط هالرجيم تعالي هني وسولفي شنو سويتي بهاليوم , ترا الهذره تساعد تخفف من شعورج بالجوع ويمكن تنسين بعد ..

تحياتي حبيباتياي صح واللى بتنقص اكثر وزن , يعني بنسوي بمجموعتنا الخاسر الاكبر و راح نعطيها هديه :klhfl: نحددها بعدين