رحتي ماليزيا.......خلينا نستفيد من الفنادق

[الخاتم الذهبي]

السلام عليكم ورحمة الله وبركاته


كيفكم خواتي ان شاء الله تكونو بالف خير وعافيه كل وحده راحت ماليزيا تقلنا وين سكنت وكم كلفة الليله الواحده في جميع الفنادق الي راحتلها بماليزيا

عشااان الي تبي تروح ماليزيا تستفيد من ذا الموضوع خاصتا اني ان شاء الله ناويه ارووح.................والله يعطي كل وحده ترد وتشاركنا العافيه ويحققلها مبتغاهااااااااااا :yaaaaaarb:

 

[توتو الحلوة]

انا اول وحده بشارك انا مرتين رحت ماليزيا وكنت اسكن بنفس الفندق كل مره
فندق تايم سكوير واعتقد ليله 30 دينار وشي

 

[M!$$.3NoNa]

هلا حبيبتي ..

انا توني راجعه من ماليزيا ..

احلى واريح وانظف فندق سكنتا فيه اهو استانا في كواللالمبور روعه اشويه عليه هدووء عائلي خدمه ممتازه وحلوه نظيف البوفيه مالهم اينن والسعر احلى واحلى ب30 دينار بحريني تقريبا ..

واخس فندق سكنته الملنيوم تافهه بكل معنى الكلمه والخدمه ولاشي تخيلي مسافره عشان تغيرين جو يعفسون سفرتج غير هذا كله الكهربا كل اشوي تقطع في الفندق !! يعني الفندق بختصار مصخره وعلى طول طلعنا منا وسوينا جيك اوت وكانت الليله ب80 دينار بحريني على ولااشي والله لو يعطوني اياه ب15 دينار ماسكنت فيه لووووول


وثاني احلى فندق سكنته اهو فندق صن وي بيراميد في (سلانجور ) ..

ماشاءلله روعه اشويه عليه الفنتدق نفسه في بوابه اطلعج على نص المجمع (مجمع بيراميد مجمع كبير وايد واسعاره مو غاليه نفسنا وارخص من مجمعاتنا الصراحه ..)

وو شنو بعد بس هذا الي اذكره ..

ملاحضه :

فندق الملنيوم وايد ناس تمدحه وانا مارحت وحجزت فيه الا من مديح الناس فيه واخر شي انصدمــت بلفندق ومستواه وهذي واقع تجربتي االفاشله مع فندق الملنيوم وكل واحد واكيد له تجربته )

اي سؤال انا حاضره ..

 

[haneen]

هلا وغلا ..

حبيبتي انا قعدت في سلانجور .. بفندق صن واي لاقون .. قمة قمة ماشااااااااااااااااااااء الله كل شي فيه و رااااااااااقي وفخم
وكل شي يمة محلات ومجمع وسوبر ماركت ةصاله تزلج والمطاعم و القرية المائية المشهورة وليلتها تقريبا ب 48

وقعدت بـ بيننغ في شانغريلا عجيييييييييييييييييييييييييييييييييييييييييييب ماشاء الله وليلته بـ 48 ,,

وبكوالا قعدت بفندقين .. واحد تريدرز قباااااال البرجين ماشاء الله حلو حييييل تخيلي لما تصكرين الليتات بتنامين
راح ينور عليج نو البرجين .. امبي قمة .. والخدمة والفندق والاكل ماشاء الله ميه ميه ,, وموقعة حلووو

والثاني رحت بـ امبيريال .. فخاااااااااااااااااااااااااااامة والغرف كبيرة مو صغيرة وصج يعني عجيب
وشوي غالي .. وما اذكر بصراحة بجم واهو قباااااااااال المنارة ,, روعه وكل شي فيه حلوو

هذا كان كله بسفره وحدة والله وفقني بالفنادق اللي كل واحد اروع من الثاني ..

ومالزيا صج غيييييييييييييييييييييييييييييييييييير

 

[أم حمودي**MALL**]

انا قدت بالميلينيوم بكوالالمبور الليله ب38 دينار عجييييييييييب روعه الفندق

بسنواي قعدت بفندقهم هم روعه الليله نسيت بجم!! جنه شي واربعين

 

[طيوبه هاشم]

انا قعدت بالماريوت وايد حلو وقريب وجدامج بالضبط البافليون عباره عن مجمع كبير والتسوق فيه متعه

 

[طيوبه هاشم]

نسيت السعر الليله 42 دينار

 

[الخاتم الذهبي]

تسلمووووووووووووووووووووووووووووووووووون وماقصرتو




بعد ابي في لكاوى وبينااانج الله يسعد كل من يرد علي

 

[المسؤله]

أختي آنا في لنكاوي سكنت في فندق هوليدي فيلا وهو على البحر وروعه وليلته جنها ب35 دينار أما في كوالمبور سكنت في نيكو هوتيل 5 نجوم حلو وهادى وايد بس الفطور لج عليه ما أدري ما يناسبنا أكثره أكل ماليزي يعني مثل الاكل الصيني الله يديم النعمه والليله ب38 دينار

 

[sweet heart]

انا كذالك سكنت بالماريوت وااااايد راقي وحلوووو و بقلب الحدث

 

[ArEEj]

رحت ماليزيا 3 مرات بس ما اذكر بالضبببببط جم الاسعار
تايم سكوير حلووو ليلته حوالى 40
وفي بييانغ مرتين سكنت باي فيو بيتش ليلته حوالى 30
الهوليدي ان موقعه احلى وليلته حوالى 40 دينار
في لنكاوي
برجايا لنكاوي بيتش في شاليه vip ليلته ب 65 دينار
وفي جنتنغ
فيرست وورلد ليلته حوالى 25 دينار
بس الغرف صغاااااااااااار

 

[إستبرق]

انا رحت شهر 10 الي طاف
بس الصراحه الاسعار ناسيتهم
قعدت بالاحصنه الذهبيه وانا الفندق ماعجبني ولاعجب زوجي الموقع ماله حلو والخضار يهبل بس الغرف كنا ماخذين الديولكس الاثاث قديم ووصخ وتكرمين الحمام المغسله كانت مكسوره تتحرك والخدمه موشي يعني لو مو موقعه جان كلش مارقعته
وبلنكاوي قعدت فبرجايا لنكاوي الفندق حلو ونظامه حلو والخدمه حلوه بس تكرمين حمامهم قديييم يعني كمره ثانيه ما اروح له الى اذا ماحصلت بديل
بننق قعدت بتريدز روعه روعه روعه من احلى الفنادق الي سكنت فيها كغرفه وخدمه ونظامه ونظام حتى الي يحجزون ديولكس لكون مكانهم للريوق بالدور الي هم فيه وبس الي حاجزين ديولكس يقعدون فيه والمغرب يسوون كوكتيل عباره عن بوفيه صغير للحلويات والاكلات الخفيفه والحلو بعد لازق فيه مجمع كبييييير نسيت اسمه

وبكوالا سكنت فندق يربي نسيت اسمه بس اربع نجوم رحت له من كلام البنات فالمنتدى عنه والصراحه انصدمنا شلون يمدحونه ولاشي فيه حلو لاخدمه لا ناس قاعدين فيه لاممرات ريحتهم ارف بس كان مالي خلق اغيره فقعدت فيه الحلو شي واحد حجم الغرفه كبيييييييير

 

[ورديـــه]

شوقتوني ع ماليزيا

 

[الخاتم الذهبي]

تسلمووووووووووون ياحبايب


الي عندها خبره كمان تفيدنا

 

[meme_alq8]

فندق رويال بينتنغ رووووعه والسوق والمطاعم كله تحت الفندق وليلته جنه ب25 هذا قبل ثلاث سنين بس ماليزيه رووعه

 

[معلمة انجليزي]

انا سكنت بالاحصنة الذهبية و صراحة كان عادي بس الموقع و الريوق قمة لكن انا سمعت ناس ذموه و ناس طيروه مدح وصراحة كان لا باس بس سعرة اغلى من اي فندق سكنت فية و ببيننغ سكنت بهوليدي ان نص سوق الليل وصراحة كان حلو و الخدمة راقية و بكوالالمبور سكنت بالتايم سكوير كان مشكلتهم ان الريوق ما يلحق على كل النزلاء وكل يوم حاطينة بقاعة غير الثانية بس اللي يغفر له ان نصه سوق فلما تردين من اي مشوار يمديك تاخذين فرة فيه قبل لا يصكر السوق و المطاعم تحتك