رحلة اختكم رفرف في ربوع المانيا والنمسا بالصور طبعا

[al7reyaa]

مشاركة: رحلة اختكم رفرف في ربوع المانيا والنمسا بالصور طبعا

رفرف اشلون الجو بميونخ صيفي وله شتوي و بفيننا وبزل ام سي.. اشلون الجو يعني شاخذ معاي بالضبط ...

 

[رفرف]

مشاركة: رحلة اختكم رفرف في ربوع المانيا والنمسا بالصور طبعا

جكورة بدون التذاكر ..

الحرية لا ماراح تلقين شي حق العيد والا انتي عندج صبيان يمكن تلقين ..
انا الصراحة مالقيت حق بنتي شي الا عادي شي عملي يعني ماشريت لها ولا بدلة كشخة ماكو شريت تي شيرتات عادية وجينزات عرفتي ؟ ..
وحقي انا شريت بنطرونات على ثري كوارترات وبديات ماشريت شي كشخة ماكوووووو ..
اذا تبين تشترين منهم عملي عندج محل C&a ومحل H&m اسعارهم زينة وعندهم شغلات بس مثل ماقلت ماراح تلقين شي كشخة ..

 

[عنابه]

مشاركة: رحلة اختكم رفرف في ربوع المانيا والنمسا بالصور طبعا

الحمدالله على السلامه رفرف وعليكم بالعافيه .

وشكرا على الرحله المجانيه من خلال صورج الرووووعه .

 

[رفرف]

مشاركة: رحلة اختكم رفرف في ربوع المانيا والنمسا بالصور طبعا

الجو بميونخ حر شوية بس كويس يعني مو حر الكويت .. الحرارة بحدود ال20 جذي يعني تلبسين صيفي عادي ..

بزل ام سي وكابرون هم صيفي بس تحتاجين بلوفر او جاكيت جينز .. انا ماحتجت شي اثقل حتى لما رحنا حق الثلج كان شمس ودفا فوق يعني البلوفر كان كافي .. واذا انتي مبرادة ودي معاج جاكيت ثقيل عن خاطرج بس ما انصح لأنه بياخذ مكان وماراح تحتاجينه وايد ..
انا انصحج تاخذين ملابس صيفية عادية وودي بلوفر واحد وبديات حتى لو استبردتي تلبسينهم تحت ملابسج العادية .. واخذي جينزات بتكرفينهم كررررف ودي 2 كافي وشغلات تنلبس فوقهم .. وجوتي رياضة ضروووري ..
ترى محد يكشخ هناك كله عملي واغلب الاماكن السياحية تحتاج مشي وايد ..
ولا تلبسين تنانير لأن جوهم بالغالب ممطر تتبهدلين والله ..
واخذي شمسية ترى بتحتاجينها وايد صج كل داعوس هناك تلقين عندهم شماسي بس ماتسوى عليج تمشين بهالمطر لين تشترين وحدة ..

واخذي جنطة تعلقينها عالظهر احسن شي تحطين فيها اغراضج لأنج لو بتلبسين جنطة عالجتف بتكون ثقيلة انا خذيت جنطة بدينارين شزينها ولما خلصت عازتي حذفتها هناك بس والله نفعتني ..

 

[همس الروح]

مشاركة: رحلة اختكم رفرف في ربوع المانيا والنمسا بالصور طبعا

مشاء الله صراحه صور روووعه الله يهنيج يا حياتي يسلموووووووو ....

 

[al7reyaa]

مشاركة: رحلة اختكم رفرف في ربوع المانيا والنمسا بالصور طبعا

رفرف مشكوره على المعلومات وانا مبراد لدرجة اني الحين مقصره السنترال ولابسه روب مخمل ودلاقات .
مشكوره على المعلومات المفيده وانا اصلا ناويه على جنطة الظهر علشان كاميرة الفيديو والكلينكس والخرابيط طبعا مو مال جنطتي اللي على الجتف ينقص جتفي .

 

[al7reyaa]

مشاركة: رحلة اختكم رفرف في ربوع المانيا والنمسا بالصور طبعا

انا عندي اثنين شباب واحد شهر 8 يصير سنتين والثاني شهر 10 يصير سنه يعني عسى القالهم حق العيد مابي مال كل يوم ابي شي غير مليت من غيس ومذركير ونكست و هالمحلات ابي شي يديد على الاقل اشتريلي جناط ...
انا حارمه نفسي من المشترى الحين مع ان السوق كله خصومات علبو اني بشترى من هناك
وترى للعلم انا ما افكر اكشخ كلش

 

[حبنا الله عليه]

مشاركة: رحلة اختكم رفرف في ربوع المانيا والنمسا بالصور طبعا

" جل صنـــــــــع الباري "

عليج بالعافيه يارفرف وان شاء الله الجايات اكثر

 

[أوركيد]

مشاركة: رحلة اختكم رفرف في ربوع المانيا والنمسا بالصور طبعا

الحمد لله على السلامة رفرف.....

ماااااشاااالله شهالرحلة الحلوة...والله حدي تحسفت ,,,إحنا مسوين فيزا لندن وأوروبا بس كنسلنا عقب اللي

صار بلندن ...خفت بصرااااحة من نظراتهم ومضايقاتهم للعرب فحولنا >>>>>>>>>>>>>> ماليزيا..

يالله إن شاالله السنة اليايه باذن الله ...

واااااااااااااااااااااي .....رفرف تميت ساعة أروح وأرد عالكمبيوتر أطالع صورة قرية السنافر

......عجييــــــــــــــــبة..

حمدلله على السلامة مرة ثانية

 

[**فلونه**]

مشاركة: رحلة اختكم رفرف في ربوع المانيا والنمسا بالصور طبعا

عليكم بالعافيه خوش رحله .

 

[ديحانية+كويتية]

مشاركة: رحلة اختكم رفرف في ربوع المانيا والنمسا بالصور طبعا

مشكوره رفرف وانشاالله تعودينها بس صراحه خوش ديره رحتولها مادري عندي احساس انها حيل هاديه يالله ان شالله نروحلها

 

[الجــادل]

مشاركة: رحلة اختكم رفرف في ربوع المانيا والنمسا بالصور طبعا

مشاء الله الصور رووووعة


شجعتيني اروح لها


بس بسألج شلون معاملة الشعب؟؟؟


وبالنسبة للغة يتقبلون تتكلمين معاهم انجليزي والا لازم لغتهم مثل الفرنسيين؟؟؟؟


ورحلتج انتي خططتي لها او السفريات؟؟

 

[keeka]

مشاركة: رحلة اختكم رفرف في ربوع المانيا والنمسا بالصور طبعا

خوش موضوع يا رفرف ما قصرتي متكامل ما شاء الله .. كنت بسالج شلون طبيعة الفنادق 5 نجوم ولا اقل سكنتو بشقه ولا فندق

 

[عمري الكويت]

مشاركة: رحلة اختكم رفرف في ربوع المانيا والنمسا بالصور طبعا

مشاءالله عليج بالعافيه خوش سفره والله

 

[فروحة توحة]

مشاركة: رحلة اختكم رفرف في ربوع المانيا والنمسا بالصور طبعا

ماشالله تبارك الرحمن
عليج بالعافية رفرف

اخ لو اني كنت نفيشة اختج جان ما اخليج ابروحج حتما ولزما اني اروح معاج
بصراحة صور حلوة

 

[Dancing^Queen]

مشاركة: رحلة اختكم رفرف في ربوع المانيا والنمسا بالصور طبعا

يه يه يه يه يه يه رفرف ماشالله لاله الا الله تباااااااااااااااارك الرحمن
شنو هالرحله العرميميه
اتهبل الديره ماشالله لا الـــــــــــــــه الا الله صج جنتهم بالارض وانشالله احنا جنتنا بالاخره تعوض لنا الجلوحه والتربه والحر وكله كله

ماشالله الا الله الا الله
بس جان شلعتي بيت سنفور واحد حق صبصب تلعب فييييييييييييه ويبتي جم فصه من شوارفسكي ولزقتيهم علي شيلتج جنج ماتدريييييييييييييييييين



المهم انج تهنتيني يا ام صبا والحمدالله علي السلامه

 

[^^دموع الكويت^^]

مشاركة: رحلة اختكم رفرف في ربوع المانيا والنمسا بالصور طبعا

رحلة عجيبة ماشاءالله والصور وايد حلوة

 

[رفرف]

مشاركة: رحلة اختكم رفرف في ربوع المانيا والنمسا بالصور طبعا

مشكورين بنات ماقصرتو ..
والرحلة رحنالها بروحنا احنا خططنا كل شي يعني بدون مكتب سفريات او جروب ..
والفنادق حجزناها بالانترنت ..
والله فنادقهم في 5 نجوم وفي 4 نجوم وشقق انا جربت الكل والصراحة مافرقت معاي لأن احنا نطلع طول اليوم ولي ردينا بس نبي انام ..

 

[رفرف]

مشاركة: رحلة اختكم رفرف في ربوع المانيا والنمسا بالصور طبعا

اختي ريوف سامحيني توني اشوف ردج ..
احنا اول مارحنا ماكان في كويتيين وايد بس قبل لا نمشي بدو ايون وصج صارو وايد كويتيين وسعوديين واماراتيين ...

وعن بنتج شوفي اغلب اماكنهم السياحية تحتاج مشي وايد ومتعب والجو متغير يوم شمس ويوم مطر بس اتوقع عمر بنتج زين يعني مو حيل صغيرة ...
شوفي لو بنتي عمرها 4 سنين جان وديتها وعاد انتي وكيفج ماودي انصحج نصيحة وماتناسبج تالي تدعين علي

 

[غدير^الجنان]

مشاركة: رحلة اختكم رفرف في ربوع المانيا والنمسا بالصور طبعا

عليج بالعافيه

خوووش صور وخوووش جو وخوش ديره


عليج بالعافيه انشاء الله تووحين كل سنه دوله وتورينا الصور