مشكورة ياقلبي والله يسلمج
وليش أطقج بالعكس انا مسوية التقرير لعيونكم وأي سؤال انا حاضرة لا يردج الا كيبوردج
بالنسبة للوضع هناك أمان لآخر درجة بس انا اقولج نيويورك تخرع بالليل يعني اللي انصدمت منه انه يصير صخة لا سكرت
المحلات ما جنه الشارع قبل شوي حوووسة ولوية وجذي بس نيويورك يعني مرة ريلي بالليل متأخر كان رايح يجيب لنا
ماكدونالدز يقول الشارع موحش شوي بس بالليل بس ولا بالنهار وقت ماتكون المحلات والمطاعم مبطلة أمااااان حتى انا
مرة نزلت أحوس بروحي عادي أما اورلاندو لا عادي أمان ليل ونهار ما تستاحشين
انا أنصحج تفكرين وتوكلي على الله وأي استفسار انا بالخدمة وبالنسبة للطيران تقدرين مثل ما اقترح على اللي مايتحملون
ساعات سفر طويلة بالطيارة تروحين لندن تريحين لج فيها جم يوم ومنها لي أمريكا بجذي اختصرتي مسافة كبيرة وبيني
وبينج حتى لو تروحين متة وحدة ترى تقزر بالطيارة خو الحين الطيارات كلها فيها ميديا ولا اقري لج كتاب...تغطين شوي
يعني تقزر...
بالنسبة حق السياقة هناك ذوق واحترام القوانين عندهم شي مو طبيعي مو هني سباق و واحد يلف عالثاني لا هناك يطوفونج
ويوقفون لج واااايد عندهم القانون قانون يعني مرة شرطي وقفنا وسين وجيم لانه شاف ولدي ورى مو لابس حزام الامان
عاد كل مرة نربطه وكنا رابطينه بس مادري شبيسوي يتحرك وفتحه يعني الكل بالسيارة حزام الامان ضروري
بس شوفي نيويورك مو مالت سياقة كللللش نهائي لا تفكرين الا اذا بغيتي تطلعين منها علطول اي ولا راح تتوهقون فيها
أصلا ومايحتاج سيارة خصوصا اذا كان سكنكم بالتايم سكوير وسط المعمعة والله يعافي الباص السياحي بس برة نيويورك
السياقة حلوة وضرورية وروعة والله يعافي الgps اخذيه من هني طبعا وبس
أتمنى اني جاوبت على استفساراتج بشكل مفصل ومفهوم ومفصل
وتابعيني وحياج الله
