رحلة كوووول الى اسطنبول

[امواج النهر]

الراصة خوش صور كملى

 

[Lemon Juice]

طولتي يختي

 

[بتبوتااا]

 

[تمنيتك]

ياحبني ... لتركيا


يعطيج العافيه وعليكم بالعافيه لو انها متاخره

 

[Pink GirL]

فراولة ماتشوفين شر
امس كانت تعبانة شوي

 

[منيرة خالد]

توني بس اليوم شفت التقرير

يعطيج العافيه سفرتيني وانا بالبيت


تقريرج يشوق ويعيش الوحده بالجو

ما هقيت تركيا بهالجمال

شجعتيني اسافر لها

عندي سؤال كل هالاماكن بس بمدينة اسطنبول ؟

 

[ألماس q8]

يجنن تقريرج ماشالله


وناطرين آخر جزء


يا حلاة تعليقاتج بتبوتا الله يهون عليج يارب

واذا بتسافرين تركيا خلي عيالج عندي <<<<< تخيلي عاد هههههههههههههههههه

 

[a7latwins]

ما شاء الله
ونااااااااااااسه
شوقتيني على تركيا
قريت كل الصفحات
و ناطره اليوم الاخير

 

[فراولة^فوشيا]

بنوووك الله يسلمج حبيبتي الشر ماييج
صارلي 3 أيام طايحتله بوصفتح


نكمل معاكم الجزء الأخير :eh_s(22):
وانشالله نرد على الاستفسارات عقب...


في آخر يوم في المدينة الجميله اسطنبول .. مانقدر نغادرها من غير ما ناخذ لنا جوله في بحرها
واذا تبون نصيحتي ياجماعة .. اذا ماعندكم أيام كافيه انصح تخصصون يوم تروحون جزيره
منها تصعدون العباره وتشوفون البحر ومنها تنزلون بالجزيره وتمشي ووناسه

** جزيرة الأميرات Princes Island **

أو جزيرة الأمراء،، صراحة الاسم غريب ويشد وما كنا عارفين سبب التسمية بس وانا أدور بالنت عرفت انها كانت منفى للأمراء..

خذينا العبارة اللي تحرك الساعه 2 الظهر ورجعنا 7:30 المغرب

في قعده داخل بس الكل قعد بره لأن الجو كان عجييب بررررررد والمناظر رووعه

يالله مشيينا :ggdw:

ابتعدنا عن اسطنبول

جزيرة الأميرات تطل على البحر الأسود (بحر مرمره) وتبعد ساعه ونص بالعباره العاديه بس والله ماحسينا بالوقت كلشش بسرعه طاف الوقت

هذي منارة بنص البحر وفيها قعده ،، وفي رحلات تودي حقها

هذا شكله كروز أوربي وواصل تركيا لأنه كبير يمكن 8 9 طوابق

هني أول محطه وقفنا فيها .. (نوقف بثلاث محطات لما نوصل الجزيره بالمحطه الرابعه بس ماتطول بالوقفه دقيقتين وتمشي)

 

[فراولة^فوشيا]

مناظر أثناء الرحلة

وشوفوا منو كان مرافقنا طول الرحلة

من أووول ما حركنا واهمه معانا يقطون لهم خبز

 

[فراولة^فوشيا]

وهذا الأخ اللطيف بعد كان معانا

وحده من المحطات اللي وقفنا عندها

نكمل مسيرتنا

واحنا بطريجنا مرينا على جزر صغيره

 

[فراولة^فوشيا]

مرفأ جزيرة الأميرات اللي راح ننزل فيه الحين

جزيرة الأميرات كأنها مدينه هاااااديه و صغيره

فيها تمشي وقعدات ومطاعم ومحلات صغيره

وفي مطاعم سمج على البحر على طول

 

[فراولة^فوشيا]

شوفوا راس السمجه

تطفييشه هذي لووووووول

سمج مشرووور هههههههههههه :dddds:

قعدنا بواحد من المطاعم اللي تطل عالبحر كأنكم قاعدين بالمركب

طلبنا سمج وربيان

وكنافه ولاااازم نختم بالجاي

وفي محلات حلويات وبقلاااوه

 

[فراولة^فوشيا]

يالله الحين خنروح نتمشى
راح تلاحظون شي مميز في هالجزيرة ان مافيها ولا سياره تمشي هناك !
كل اللي بتشوفونه يااا حناطيييير...

يا قواري

تأجير القواري بكل مكان

يالله انتوا انطلقوووووووو اللي يبي حنطووور خل يتحنطر واللي يبي قاري ايي وياي لأني بركب قاري

حسيت نفسي جني بالخيران لووول
قواري وبحر

واللي راحوا بالحنطور يقولون خذوا خوش فره وصعدوا فوق وشافوا قصور وبيوت فخمه

هذي بعض الصور اللي خذيناها واحنا بالقاري

رحنا تمشينا صوب البحر..

 

[فراولة^فوشيا]

بعدين رحنا نتمشى بين البيوت

 

[فراولة^فوشيا]

بيوتهم بسيطه بس حدها تشوق

وهالورد اللي بالبيوت ريحته عجيبه

مراسلتكم فراولة فوشيا على القاري تشم ريحة الورد وودها تقطع الشيره بكبرها وتييبها الكويت

شوقتنا هالياهل اللي شايله مخمه أكبر منها تبي تخم لووووول

يختيييييي والله

 

[فراولة^فوشيا]

خلصت جولتنا في جزيرة الأميرات

راجعين للمركب ومعانا أحلى الذكريات

وبدأت شمس اسطنبول بالمغيب

معلنه عن نهاية رحلتنا لهالمدينة الحلوه

اللي قضينا فيها اسبوع كامل وبصراحه ما توقعنا انا نستانس فيها هالكثر
الحمدلله كانت رحله موفقه ومن الرحلات اللي استمتعت فيها وايد
وانشالله الله يكتبها لكم وتروحون وتذكرووني

وفي النهايه هم اقووول...
سمعوا هالاغنيه

http://www.youtube.com/watch?v=23CSo2m5cF8

اترككم في حفظ الله ورعايته

مع السلامه :eh_s(8):

 

[.]

ماشاءالله خوش رحله..

تسلم ايدج يارب..

 

[بتبوتااا]

خوووووووش رحله ماشاء الله تهبــــــــــــــل


تقرير روووووعه :tek:

 

[كندريه حلوه]

برافوووووووووووووووووو جكجكجكجكجكجكجك بصراحه رحله حلوه وممتعه جني معاكم بالرحله وشهر 4 تكون احلى بعد تركيا اتينن تركيا بلاد ساحره وتقاليد غنيه وشعب ودود دعايه ههههههههههههههههه عليكم بالعافيه ياقلبي وانشالله تروحين مره ثانيه وتفترين فيها عدل ببورصه ويلوه وترابزون وانطاليا وصبنجا الله يكتب انشالله وانا اول 7 اكون اهناك وبرمض عندهم برد وقت القرقيعان اهني اشرايج اتيين معانه هههههههههههه بس بصراحه رحله حلوه عليكم بالعافيه ياعسل