رحلتــي مع العطــــــور

[N F N F]

صباح \ مساء الخير ​

هالموضوع عباره عن رد كتبته بقسم العروس .. وحبيت اعيده بموضوع كامل​

للفائده .. وهو عباره عن العطور اللي شريتها بحياتي بحكم اني مدمنة عطور ​

واعرف كل انواعها واصنافها وراح اكتب عن اللي اذكره لاني ماذكر كل عطرمستحيل:eh_s(22):​

وعموما هذيلا اللي حبيتهم .. واللي كرهتهم اكثر ​

وراح استعين بصور النت لانها اسهل واوضح ​

نطروني :eh_s(7):​

 

[N F N F]

بقولكم عن مجموعة عطور عجييييبه ومجربتهم شخصيا


ومابي غير دعوه طيبه ياعرايس .. تفرحون فيني عروس مثلكم :eh_s(22)::eh_s(22)::eh_s(22):



قبل لا ابتدي بقولكم جم شغله :


العطور ممكن نشتريها من اكثر من مكان


1- فافافوم-دبنهامز-فيسز-المركز الفرنسي
وهذيلا عطورهم اصليه وغاااليه


2- الشايع عنده العطور الفرنسيه اقل بـ 5 الى 10 دنانير ومرات اكثر
وهي عطور فرنسيه اصليه بس عيبهم انج ماتلاقين عندهم
العطور الجديده ومافيه تستر تشمين الا ماندر .. لكن معروفه
العطور القديمه اقوى واحلى من اليديده


3- كتالوج اكسبرس بعد عطورهم ارخص من المحلات واصليه
بس هم ماكو تستر .. وميزتهم يوصلون لج لي البيت


4- مخازن العارضيه وهم عطورهم رخيصه واصليه وعيبهم
بعد انه مافيه تستر .. يعني تكونين شامه العطر من قبل


بالنسبه للي تبي عطرين ثلاثه مايفرق معاها لكن اللي تاخذ
مجموعه يطلع لها الفرق وااايد بالإميه وطالع
وطبعا تأكدي من سعر العطر بأكثر من مكان قبل لاتشترينه


*
*
ثاني شي .. بقوله انتبهي على نوع العطر


العطور انواع .. تواليت ( خفيف ) بيرفيوم ( قوي) وزيت العطر ( مركز )
طبعا الموجود والافضل البيرفيوم وتأكدي من تركيز العطر قبل لاتشرينه
*
*
ثالث شي .. حجم العطر


ترا السعر مايفرق دينارين ثلاثه بس الحجم دبل من 50 ملي يصير 100
ونصيحه اللي يعجبها عطر مميز تاخذ الحجم الكبير او السيت كامل
وتزيد جم دينار .. يفرق معاها واااايد




.. الحين نجي للعطور


راح ابتدي بالعطور العربيه
من اجمل ( سكريفايز - وصال - خلاب - دهن العود ثروان -
شمس - الف ليله وليله - اوصاف - ودهن العود المعتق-
دهن عود فردوس - دهن عود جذاب - دهن عود سيوفي
عطر كواكب - )
ميزتهم عطورهم تشبه الماركات وثباتها حلو واسعارها رخيصه



الرصاصي ( بالنسبه لي عطورهم فيها شي يصك الراس :eh_s(7): وماحبيتها)



العربيه للعود ( مخلط الديوان - مخلط القصر - دهن عود العربيه - شمس - امير القلوب -
وديوان الشرق عجيب -
ومخلط مميز اعجب واعجب جنه بخور مصبوب بغرشه
- بخور البيت مبثوث ملكي - العود - المسك الابيض رخيص عندهم - عود معتق - كلمات - وودي)
عيبهم اسعارهم مبالغ فيها بس الحين عندهم عرض نص السعر



القرشي ( سفاري - مخلط القرشي - الحجر الاسود -عود بخور معطر ملكي - دموع الذهب -
عطر روح الورد الطائفي وطبعا
مسكهم المعروف للكل - خلطة المقام - خلطة سلنار - دهن
العود الكمبودي - اللؤلؤ المكنون - مليح العود )


القرشي بعد اسعارهم شوي غاليه بس عطورهم تسوي



الشايع ( الشايع اشوف كل شي عنده حلو واسعاره زينه
حروف - سطور - مي ( مميز ) -افنان - سكون - براري - عاج -سقيا
مآثر - وطبعا دهن العود عندهم طبي وتخيري - ولاننسى
العود الفاخر المميز - بخور معمول - بخور ممسك -
واللي احبه عندهم زيت الجسم وخمريات الشعر وااايد حلوه )




عطورات مكه ( ابراج مكه - اجياد مكه - انوار مكه - غلا
عطر الهيل - نسايم )
عطورهم حلوه واسعارها زينه ومع البخور شي بس لحالها
اشوفها خفيفه ( وترا انا مو مقياس لاني احب العطور القويه :eh_s(7): )



............



هذا اللي اذكره حاليا وكل عطر كتبته انا مجربته
وبالنهايه الناس اذواق .. انتي افتري وشوفي
باجر راح احاول انزل صور وأكمل مع العطور الفرنسيه
اللي انا مدمنه عليها من قلب وبحط لكم مجموعه كبيره
ان شاء الله بالاسعار والصور والتفاصيل )


ملاحظه .. اللي بتسأل عن سعر اي عطر حطيته انا حاظره لكن للأمانه
ماذكرهم كلهم اكيد :eh_s(7):​

 

[N F N F]

صباح الخير جميعا :eh_s(7):

هذي اجمل العطور الفرنسيه اللي جربتها مابين قديم وجديد

اول شي ببتدي بالعطور الخفيفه المنعشه اللي تصلح للصبح والعصاري

لاكوست :: تتش اوف بينك lacoste touch of pink

فيه منه اصفر :: تتش اوف سن ... واخضر :: تتش اوف سبرينق .. بس ماحبيتهم هذا
منعش اكثر وريحته هاديه


بعد عندهم .. لوف اوف بينك lacoste love of pink
وهذا نوعين وردي وبنفسجي والاثنين باردين وحلوين

عطر اسكادا اس .. ريحة نظافه وانتعااااش Escada s

اسكادا مغنيزيوم الاحمر

ايجنر تو فيميني .. خفيف وبارد وانثوي جداااا

ايجنر واايت

212 ايس

شوبارد هبي سبيريت

لانكوم هيبونس

 

[N F N F]

الحين ننتقل على طوول للعطور الانثويه بجداره .. قمة الانوثه والنعومه

وانصح كل عروس يكون عندها اثنين او ثلاثه منهم

يتربع على رأس القائمه سنسس من استي لودر Estee lauder sensuous .. الاصفر مو البنفسجي !

وبعد من استي لودر برايفت كولكشن Estee lauder private collection

وفيه منه نوعين نفس الصوره

وجديد لانكوم .. تريزور ان لف tresor in love .. ابدع لانكوم فيه

وبعد هالمجموعه .. انثويه وعرائسيه بجداره بس عطرها صغير وغالي لكن..
مايغلى على العروس .. بالنسبه لي الشفاف والازرق هم الاحلى

وعطر ايرمس .. : ينادي كل انثى .. اشتريني :eh_s(7):
تعبت وانا ادور لكم صورته خالص من عندي وناسيه اسمه :eh_s(2):
عموما .. هريميس مارفلوس .. وهرميس كيلي حلوين

و عندنا عطرين من فان كليف اند اربلز
الاول .. فيري Van Cleef & Arpels Féerie
والثاني اللي تكلمت عنه : ميد نايت ان باريس Midnight in Paris

ومن عند كارولينا هريرا ( ومعروف كل عطورها انثويه وفيه فرمونات :eh_s(7):

وافضل ماجربت عطرين 212VIP & 212 very sexy

عطر شارول .. اتعب اقول عنه انثوي ورقيق
انتبهوا للغطا .. فيه نوع مغطاته بنفسجيه موحلووو

عطر ايجنت معلقه عليه من سنين واحبببببه .. بس قوي حبتين
استخدم الوردي بس حتى الذهبي حلو







جوسي كوتور احب من عندهم هالعطر بس .. انثوي جذاااب

​

​

 

[N F N F]

اكمل مع عطوري الانثويه ..


ايجنر ستار لايت .. انثوي ناعم ورايق ( عموما ايجنر عطورهم انثويه )

مانسيرا من المركز الفرنسي .. شريته اخر الشتا وماستخدمته حسيته شتوي .. بس يهبل

غوتشي بشكل عام عطورهم عاديه .. وماحبيت منهم الا غوتشي رش القديم


غوتشي غلتي حلو Gucci guilty .. وايد ناس حبوه وبالنسبه لي عادي
عيبه انه ريحته محدوده مو فواحه .. ومألوفه مو جديده !

قوتشي العادي ( قوتشي ) .. شتوي

وفوتشي فلورا زهري ( ماحبيته )

هالماركه عطورها حلوه ومو معروفه جربت منهم هالعطر ..
على عود وصندل Angel Schlesser essential

وهالعطر بعد مهضوم حقه بقووووه .. من جان باتو اسمه
سيرا Jean Patou Sira
اللي تحب العطور الذربه والمميزه اتجربه .. ادهن فيه خشمي قبل لا انام :eh_s(22):

ونرسيسيو ردريغرز من العطور اللي استخدمتها وجربتها من زمااااانNarciso Rodriguez


ريحته ماكو عليها لكن عيبه حده متر .. محدود مو فواح .. بس ( عطر بمعنى الكلمه )

وهذا الجديد منه قوي بس روووعه


Essence by Narciso Rodriguez

وهذا الاجدد منهم كلهم مسك كولكشن Narciso Rodriguez musc

شوبارد كاسكيد شريته علشان شكله والا عطره زوين Chopard Cascade

هالماركه احب منها شوبارد ويش الازرق والذهبي

من جيفنشي حبيت هالعطر .. وانتبهوا على كرتونته لانه نزلوا تالي اصدارات


منه بس هو الاحلى Ange D emon Givenchy

فري اريززتبل Givenchy very irresistible حلو بكل الوانه الوردي والبنفسجي
والاحمر والاخضر .. انثوي بجداره

مودموزيلGivenchy eaudemoiselle ماخذ جوائز وصج حلو
بس حسيته صيفي وحمضي

Channel شانيل بالنسبه لي افضب شي عندهم
الور + تشانس + كوكو شانيل اللي كتابته سودا

​

 

[N F N F]

ديور عندهم ميد نايت تشارم Dior Midnight Charm
واسكيل Escale


ومن قديمهم بويزن الاحمر والاخضر وإديكت الكحلي عجييييب














فندي عندهم بالازو .. ومادري اذا عندهم غيره .. حلو بس قريب من فرزاتشي

بوتشي احلى شي عندهم هالعطر .. ليمتد اديشن
وشريته من دبنهامز اسمه ميس بوتشي

وهذا حلو .. والباجي ماعجبوني

عطور ميكاليف بس جربت منها الذهبي لكن عطورهم حلوه

وكارتيه كل عطورهم روووعه لكن اللي استخدمه من 12 سنه
وكل مايخلص اشتريه .. دراجون

عطور بوشرون فخمه وعلى باودر .. جربت منها
بوشرون جيبور .. وجيبور سفير .. وبوشرون بي

اسكادا كل هاللاين ماحبيته لايغركم كلهم نفس الشي
انكردبل مي .. ريممبر مي ..ديزاير مي .. ابسلوتلي مي !!

وهذا عجييييب Jacques fath irissime perfume

وكيزاز من لوي

ريتشي اللي تحب الرقي والبطيخ تشتريه

لكن الاحمر منه اصدار محدود بدبنهامز .. عجييييييب

​

 

[N F N F]

بقول لكم عن اخر عطر شريته من يومين عجييييييب

ريحته حلووووه وبااااارده وثااااابته .. ميكس قاتل


من فان كليف اند اربلز اسمه ميدنايت ان باريس .. شريته بــ25 وحجمه 125 ملي :eh_s(7):


Midnight in Paris perfume

عطور ايف روشيه حلوه yves rocher perfumes​

​

​

​

 

[N F N F]

ايفوريا كالفن كلاين حلوو​

​

دكني فيه منه الوان وكلها مووو حلوه ابد ​

​

ونتد من اتش ار حلو Wanted from HR​

​

​

هالعطر من سان لوران نزل منه اصدارات وايد بس الاحلى الاول ​

​

​

​

​

​

وطبعا باريزيان ماعليه كلام​

​

والاجمل من عندهم اوبيوم الجديد ( بيلي ).. نزلوه اخر الشتا وشميته يهبل بس شتوي ماخذته
لكن عندي القديم منه واحببببه​

​

 

[kwait doll]

ثانكس

 

[N F N F]

عموما .. ديور + شانيل + كارتيه + سان لوران +
فان كليف + جيفنشي + ايجنر + استي لودر

عطورهم حلوه وانثويه




فرزاتشي + دولتشي اند جابانا + قوتشي + لانكوم + اسكادا
تلاقين عندهم شغلات حلوه بس مو كل عطورهم وااو ..
بالعكس وايد عطور عندهم عاديه وتصك الراس




نينا ريتشي + دكني + لوليتا لمبيكا .. ماحبيت عطورهم ابدا



الماركات المميزه .. ايجنت بروفاكتر + نرسيسيو +جيكوزفيث + كارولينا هريرا




وبس .. هذا اللي اذكره حاليا ​

 

[N F N F]

لا اله الا الله .. لقيت العطر اللي اقولكم عنه ينادي كل انثى

طلع من كلوي مو من ارميس CHLOE إسمه Love Chloe

شريته من 6 شهور وخلص بشهره :eh_s(7): .. زووووغه من قلب​

 

[دلوعة بطبعي]

موضوع رائع
مشكورة قلبو

 

[BaiTotia]

روووووووووووووووعة الموضوع

ومت من الضحك على ريتشي ريحته مليقة قمت استخدمه بالبيت علشان يخلص مستحيل أطلع فيه

وجان زين تحطين لنا العطور اللي ريحتها باودري أو صابونية بحته

 

[N F N F]

روووووووووووووووعة الموضوع

ومت من الضحك على ريتشي ريحته مليقة قمت استخدمه بالبيت علشان يخلص مستحيل أطلع فيه

وجان زين تحطين لنا العطور اللي ريحتها باودري أو صابونية بحته

من اليديد ماكو على كلوي ​

​

ومن شانتال توماس​

​

ومن تيد لابيدوس وايت سول​

​

ستيلا ان تو​

​

بربري ذ بيت The Beat Burberry for women​

​

ومن القديم ماكو على اناييس من كاشاريل ​

​

وبليجر من استي لاودر​

​

 

[قاهره عذالي]

الله يعطيج العافيه
بالنسبه لاول عطر فرنسي
انا استعملت لاكوست لاف اوف بينك ومن كثر ماهو انتعاش ويصلح للنهار
للاسف خلصته
وشكلي برجع واشتريه

 

[مـزآج ــــية]

امبيييييييييييه ياا ربي انا بروحي مينووونة عطور

لييش دشيت الموضوع حددي تشيشت خلاص بس اخلص امتحانات اروح اخذ لي جم عطر

لو اقولكم جم عدد العطور عندي الحين بتقولون مو صاحية خخخ

يعطيج العافية عمري


و موفجة بعرسج يا رب

 

[رمشْ الحَيآ]

مشكوووووووورة ياقلبي بسالج دبنهامز الي بشرق نفسه الي بافنيوز ولا نحصل شي هني و مانحصله هناك

 

[كنوشة 2009]

مشكورة وايد على هالعطور
وعلى هالموضوع المتعوب عليه

 

[N F N F]

الله يعطيج العافيه
بالنسبه لاول عطر فرنسي
انا استعملت لاكوست لاف اوف بينك ومن كثر ماهو انتعاش ويصلح للنهار
للاسف خلصته
وشكلي برجع واشتريه

يعافيج ربي .. وصج لاكوست رقيق ورايق​

 

[N F N F]

امبيييييييييييه ياا ربي انا بروحي مينووونة عطور

لييش دشيت الموضوع حددي تشيشت خلاص بس اخلص امتحانات اروح اخذ لي جم عطر

لو اقولكم جم عدد العطور عندي الحين بتقولون مو صاحية خخخ

يعطيج العافية عمري


و موفجة بعرسج يا رب

الله يسلمج .. وعادي اخذي عطور كثر ماتبين لاتخلين بخاطرج
بس لاتعطرين عند غير محارمج اهم شي