رحلتي إلي القرية التراثية بفيلجا ...مع الصور

[supermarket]

موضوعج اينن الصراحة

بس بسألج اذا ماكانت معانا سيارتنا شنو وسائل النقل هناك؟

 

[ام تروكي 1]

دقينا على فندق سفير وقالوا شهر فبراير فلللللل

 

[srabeel]

سوبرماركت شوفي في ناس يروحون من غير سياييرهم والفندق يستقبلكم ووديكم لي السكن وهم بالرده يوديهم مره ثانيه العباره بس انا ولا مره رحت من غيير سيارتي

إيه صج في هناك بالفندق خدكة تأجيير سيايير كل شي متوفر

أم تركي صاجه حتى أنا أمس إتصلت جان يقول فللللللل عاد خيره أنا ما أحب أروح هناك بالمناسبات لأنه تصير مثل ما قلتلج فوضه ومشاكل ومسيرات وأهم شي الينانيوه تطلع .

 

[supermarket]

سرابيل مو جنة الليلة 100 وايد!!

ماني شايفة البنيان يسوى 100 ولامستوى الخدمات؟

وشلون الفندق العادي مو البيوت على جم الليلة ... واهم شي فيهم ينانوة؟؟


لان سالفتهم صج مرة عيال خالتي ماجرين بيوت الفيلجاويين مو الفندق يقولون مانمنا كل شوي يحذفون علب بالحوش

 

[srabeel]

سوبر ماركت الله يسلمج صاجه غالي لأنه خدمات ما فيها مافي تنظيف وخدمة الغرف بس والله نروح وبالنسبة للفندق مو الغرف أنا ولا مره اجرته بس جنه الليله بالثلاثينات
والينانوه حدث ولا حرج فيلجه من عمر الدنيه

 

[رقي]

روعه يسلمووووو

 

[srabeel]

الله يسلمج رقيه

 

[الأميرة]

خوش صور

مشكورة

 

[srabeel]

حياج الله يا الاميره

بنات صج نسيت أقولكم في محل بيتزا فتح بالمنتجع وفيه قعده ويوصل الطلب لي البيت ( طبعاً البت إلي ماجرينه بالقرية )

 

[ღ•»الًـجٌـوِرٌيّ«•ღ]

وااااااااااااو رووعه فيلجا صج ماتوقعتها بل حلاوه

وااي شوقتيني ارووح

 

[srabeel]

حياج الله بنت القبايل أنا عن نفسي أموت على على فيلجا بس هاااااااااا تري لازم تودون ماجلتكم معاكم وهم بعد هناك ليلحينها آثار الدمار من الغزو مازالت موجوده اللهم بس المنتجع الشي الوحيد إلي معدل

 

[أغلى حبيبه]

ونااااااااااااسه

عطيني التفاصيل
شلون نحجز
والاكل ناخذه معانا ولا نشتري من هناك
ونودي سياره ولا في هناك تأجير
والفرش نظيفه ولا نودي معانا
وتستاهل الحين نروح لها ولا بالصيف
والحوامه جم ساعه ياالله نوصل

ومشكووووره

 

[supermarket]

وبالمرة سرابيل تعطينا شلون طريقة الرحلة بويوم

سمعت انج تروحين وتردين نفس الوقت شامل الوجبة شي جذي ... مادري فيه والا لا؟

 

[أحلى عيون]

وااااااااو روعه وحلووو تحسين كانك تمثلين مع حياه الفهد بالبيوت القديمه

 

[srabeel]

ونااااااااااااسه

عطيني التفاصيل
شلون نحجز
والاكل ناخذه معانا ولا نشتري من هناك
ونودي سياره ولا في هناك تأجير
والفرش نظيفه ولا نودي معانا
وتستاهل الحين نروح لها ولا بالصيف
والحوامه جم ساعه ياالله نوصل

ومشكووووره

اغلى حبيبه شوفي سلمج الله الحجز يكون من فندق سفير قوليلهم أبي أحجز حق القرية التراثيه بفيلجا حلووووو
وبالنسبة للأكل مثل ما قلت لكم في مطاعم وبيتزا ونخي باجله وآش وخبز إيراني ومشاوي عند القهوه وفي بقاله بفريج من الفرجان ( مره بيتي إلي أجرته فيه حمام سباحه ويم الدكان عقب السباحه على طول نشتري برد ) المهم أنا عن نفسي اودي توست وجبن قلاص والبفك والعصير والبسكوت والحب يعني جنج رايحه شاليه عادي ودي ماجلتج لأنه مو كل دقيقه بالمطعم اليهال الود ودهم يتنقعون هناك رايحين وراديين ترى ما في جوله جان تبين تودين لج جوله صغيره إلي على جنطه أحسن بس أنا عن نفسي ما أودي بس غيري لا مشاء الله حتى إسلندر غاز يودون ومشاء الله يمعه كلهم بيت واحد

وبالنسبة للفرش انا عن نفسي لو بامريكا ولندن أودي فرشي حتى لو باكبر فندق بس الحين عندي جيس كفر وشالشرشف ماله ولبس المخاد أحسن طبعاً حقي وحق اليهال وأخف وبعد ترى فرشهم نظيف ما في شي بس أنا ما أحب
طبعاً غرفة اليهال فيها 3 أسره

وبالنسبة للسياره أنا لازم أودي سيارتي احسن علشان تتمشيين بالجزيره بالنهار طبعاً مو بالليل ( حق لينانوه )
وإذا ما تبين تودين سيارتج عادي في تأجير سيايير هناك

ولازم تتصلين على النادي البحري علشان تشوفين متى تمشي العباره لأنه كل يوم غير عن الثاني وهم شوفي متى الرده ترى من صبق لبق روحي مبجر
وعندج الوقت لين توصل فيلجا يبيلها من ساعه ونص إلى ساعتيين

إي بعد نسيت تبين التعرفين الحين تسوى تروحون وإلا لا والله الجو الحين يهبل فروحي الحين وروحي بالصيف وناسه والحين طبعاً فيلجا كلها خضره وبالصيف وناسه بعد تغيير .

هذا إلي بغيتي تعرفينه وأي سؤال ثاني يا فندمممممممممم

 

[srabeel]

وبالمرة سرابيل تعطينا شلون طريقة الرحلة بويوم

سمعت انج تروحين وتردين نفس الوقت شامل الوجبة شي جذي ... مادري فيه والا لا؟

عدل في جذيه أشوف ناس إيون بعباره فتح الخير ويقعدون من الصبح لين آخر العص أو العصر ويمشون يستانسون ويردون بس أنا والله ما جربتها

 

[srabeel]

وااااااااو روعه وحلووو تحسين كانك تمثلين مع حياه الفهد بالبيوت القديمه

إي والله يا زهره أقولج إينن خصوصاً إنه كل شي كل شي حتى البيبان والله أثكر قبل لا يفتحون كانو يشلعون بيوت أهل فيلجا القديمه المسكربه وتشوفين النجارين قاعدين وعدلونه وتالي يركبونه بالبيوت وهم بعد مو خلين شي مو ماخذينه من البيوت حتى عداد الكهربا والبلاكات أقولج كل شي كل شي

بس ناقصنا بخانق ووزار وجريمبه

 

[معلمة رياض اطفال]

ولا صورة طالعه سرابيل مكن تعيدينهم ؟

 

[شيخه***البنات]

حسافه الصور مو مبينه ..

بس مشكوره على الموضوع الرائــع ..