** رحلتي الثانيه لاسطنبول شتاء 2009 **

[Alesar]

ياحلات تركيا رحت شهر عسلي هناك شنو ماكو تشجيع متابعين بشوق والله

 

[bambena]

قعدنا في مطعم درويش معروف بهالساحه

طلبنا اشياء لازم تاكلونها هناك


صمون جبن مو طبيعي اي مطعم عندهم صمونه الجبن عجيبه

لبن آيراان مثل ما ينطقونه الاتراك يهبل

وطبعا واكيد شورما يسمونه دونر

 

[bambena]

اليسار شكرا لج نبي تصفيق حاد

 

[bambena]

تمشينا شوي بالمكان

 

[bambena]

بعدين خذينا سياره ورحنا لمنطقه ارتكوي Artokoy

منطقه حلوه كلها مطاعم ومحلات صغار وبسطات ووايد يمثلون فيها مسلسلات وتكثر فيها محلات البطاطا المشويه

اخترنا هالمطعم المجكنم ولازم نجرب اللي ياكلونه

تروحين تختارين الاشياء اللي يحطها لج داخل البطاطا

 

[bambena]

اهم شي الشيره اللي داخل المطعم

 

[bambena]

اكمل لكم لاحقا ان شاءالله

تشكرات

 

[جنى q8]

يعطيج العافيه حبيبتي


مشكوووووووووره وقواج الله

ناطرينج بشووق

 

[نــوف]

حلوه مابيناا الصور .. وسفرتج رووعه ... شوقتيناا لهاا

وناطرين الباقي..

 

[black_arno0oBa]

مشالله عليج بالعافيه حبوبه

 

[جنى q8]

السلام عليكم
اختي بامبينا عليكم بالعافيه احنا ناطرينج تكملين والله عيشتينا بجو مو طبيعي لا احنا اكيد رايحين ما بإذنا ماي

انا رحتلها من قبل ونااااااااااااسه وحلوه ذكرتيني باماكن رحنا لها عجيبه احلى شي عندي طبعا منطقه ارتيكوي
وحتى سميناه مسيد حبنا لووووول

كانفي قايد حبيب وطيب وملتزم ما شاء الله عليه خوووش ريال يتكلم عربي عدل وحبيب وايد الصراحه وصانا عليه واحد
وما ياخذ وايد اسمه ابو احمد والله بنات انصحكم فيه اذا بتروحون تركيا دقوا عليه خوش ريال
وهذا رقمه 00905445068688

للامانه حبيت افيدكم بس لان فعلا انسان امانه ليدرجه اني كنت اناديه عمي هو في بورصه ويوديكم اماكن رخيصه حق التشري
وينصح يقول لا تاخذون هذا غالي اوديكم مكان ارخص
واذا تبونه في اسطنبول ايييكم هناك بس شوي ياخذ اغلى لان يدورله سكن

 

[عروس الدنيا]

بامبينااااااااااااااااااا علييج بالعافيه ...
و ابي اشكرج لانج وايد ساعدتيني و رديتي على استفساراتي بكل صدر رحب ... و تقريبا انتي رايحه بنفس الشهر
امبي ما تصدقيين اشكثر عشقت اسطمبول بالشتااااااااااااااااااا ...شي خيال خيااااااااااااال

و كل شي فيها رومانسي ... و الناس يهبلوون و خدوميين ..

و الاكل يمي يمي ... و الناس حلويين ماشالله لووول طول ما انتي ماشيه تشوفين الجمال بكل شي
و كلمة سبحان الله ما تفارقج


الصراحه احس الي بيشوف تركيا يشوفها بهل شهر .. صخه ... مافيها غير الاتراك ...
الجو ايننننننننننننننننننننننننن ... و الكلام الي نسمعه انها غاليه و غاليه ما شفنا منه شي
لا غاليه و لا شي ... مثل الكويت و يمكن ارخص شوي

 

[bambena]

اشكركم نوف وارنوبه على المتابعه والكلام الحلو

جنى شكرا على الرقم رفيجتي بتروح بورصه اعطيها رقمه ان شاءالله

عروس ولو ماسوينا شي الحمدلله انج استانستي صاجه تركيا مو غاليه وايد بس تعتبر غاليه مقارنه بقبل لانها كانت وايد رخيصه بس هذا شي طبيعي لانهم دخلوا اليورو كعمله


تابعوني بعد شوي على ما اجهز صور يديده

 

[bambena]

منطقه تقسيم

نروحلها من منطقه سلطان احمد بالمترو

وفيها شارع الاستقلال كله محلات ومطاعم


محل مانغو لفت نظري فيه الاكسسورات مفصولين مكان خاص بس للجناط والجواتي تكرمون ووايد كبير المحل

واحد من المطاعم بالشارع يخبزون بالواجهه مالت المطعم يشوقون

فندق مرمره اشهر فندق بتقسيم

عروس اظن انتوا قعدتوا فيه

واحلا شي تردين تعبانه تتحممين وتبدلين ولا هاللي يايبينلج القهوه التركيه ام وش اللي على اصولها

 

[سموالاميره]

وااااااااااااااو تبارك الرحمن خوش موضوع ياحلو السفر والوناسه

وبكتب اسامي المناطق الحلوه اللي قلتي عنها واذا الله كتب بالسنين الجايه نروحلها.

تحياتي

 

[تمنيتك]

حلو التقرير الثاني
الله يهنيكم

 

[bambena]

سمو الاميره حياج الله وان شاءالله تروحين قريب

 

[احلى دلع]

ماشاء الله تبارك الله تهبببببببببببببببببببببببببببببببببببببببببببببببببببببل اسطنبول والله اني عشت الجو مع الصور اتخيل نفسي هناك لووول ..تتهنين يارب وان شاء الله تنكتب لي سفرة لاسطنبول مشكووورة عالصور الحلوة

 

[.]

خوش صور ماشاءالله..

تشكرات

ومتابعتج@@

 

[جنى q8]

حاضرين للطيبين

خلي رفيجتج تروح يالاوا وايد حلوه
وشجره التاريخ فيها قعده عجييييبه ترد الروح